Bɔ bɛ̀rɛbaa nɛ 13:5 - LAWA A BOO SONBORE

⁵ Dɛnaa n woe ka kiɛ Kanaan minin gána kɛ nɛ, Ɛti minin gána ke ka Amɔɔrɔ minin wɔ nɛ, Ivii minin laanka Zebuzu minin gána kɛ nɛ, a din bɛ́ á n lɛ kɔ, mà a n die gána mɛn lɛ koe ka digolon la. Tɔɔ-too laanka tán-kɔsiɛ n bǐɛ̃ koe bɛa gána kɛ lɛ nɛ. Bɛ̀ Dɛnaa ka kaa bɛ nɛ ǹ mɛn waáraa, ka die ka toa ka bɛa sii kɛ lɛ zɛnaa mui bibinaa kɛ lɛ nɛ.

LAWA A BOO SONBORE 2011

⁵ Dɛnaa n woe ka kiɛ Kanaan minin gána kɛ nɛ, Ɛti minin gána ke ka Amɔɔrɔ minin wɔ nɛ, Ivii minin laanka Zebuzu minin gána kɛ nɛ, a din bɛ́ á n lɛ kɔ, mà a n die gána mɛn lɛ koe ka digolon la. Tɔɔ-too laanka tán-kɔsiɛ n bǐɛ̃ koe bɛa gána kɛ lɛ nɛ. Bɛ̀ Dɛnaa ka kaa bɛ nɛ ǹ mɛn waáraa, ka die ka toa ka bɛa sii kɛ lɛ zɛnaa mui bibinaa kɛ lɛ nɛ.

Bɔ bɛ̀rɛbaa nɛ 13:5 Iomraidhean Croise

Siin Giala 26:3

Giã bɛa bǎã lɛ nɛ, ma á die goɛ̃ kunun n ni, ma barka wɔ n nɛ. Ma á die bɛa bǎã lɛ koe n din laanka n tɔrɔn la. Man liɛ n di Abrahamu-n ka sii mɛn nɛ, man die bɛ zɛnɛɛ nɛ.

Siin Giala 50:24

Zozɛfu tɔ́n pɛ ǹ dɔɔ̃nɔn lɛn nɛ ǹ kɔn pinaa kɛnɛn: «Masɛ a gɛ̀ dɔ á nya. Sɛnɛ, Lawa á die n doe ka lɛ. A n lɛ kɔ Abrahamu laanka Izaaki la ka Zakɔba nɛ, mà á die gána mɛn koe ka la, Lawa á die ka boe a ka bɔ Ezipti gána nɛ, a wo ka-n walan.

KZS1 1:15

Ivii kiwi wɔn nɛ, Arkii wɔn nɛ, Sini wɔn nɛ,

Bɔ bɛ̀rɛbaa nɛ 12:24

Ka bɛ din tumaa tamaa, ka zɛnaa. Boo ne, á n pɛ ka dinin manɛ ka kaa nɛnyaanan nɛ yǎa duduu.

Bɔ bɛ̀rɛbaa nɛ 13:10

Lɛ̀ woo lɛ̀, ka bɛa dí-pɛ kɛ lɛ a sii zɛnaa a kɔnpɛ a lɛawaa nɛ.

Bɔ bɛ̀rɛbaa nɛ 13:11

Bɛ̀ Dɛnaa daa Kanaan gána kɛ kɔ ka la, ka a bɛ́ á n lɛ kɔ ka la lɔn, á kɔ ka digolon dɔn la,

Bɔ bɛ̀rɛbaa nɛ 3:17

Á pɛ doo, mà asɛ n die soe ka nɛ a ka bɔ Ezipti gána a nɔmaa kɛ li, a wo ka nɛ gána kɔ́n nɛ, tɔɔ-toe laanka tán-kɔsiɛ bɛ́ bǐɛ̃ koe gána mɛn nɛ. Bɛa gána kɛ lɛ n Kanaan minin wɔ lɛa, ka Ɛti minin ni, Amɔɔrɔ minin ni, Perɛzi minin ni, Ivii minin ni, ka Zebuzu minin ni.»

Bɔ bɛ̀rɛbaa nɛ 3:8

Man má gisĩ, má n die ǹ sii Ezipti minin kɛn la, man die soe ǹ ne ma ǹ bɔ gána kɛ nɛ, ma wo ǹ ne gána gole sonbore kɔ́n nɛ, tɔɔ-too laanka tán-kɔsiɛ bɛ́ bǐɛ̃ koe gána mɛn nɛ. Bɛa gána kɛ lɛ n Kanaan minin wɔ lɛa, ka Ɛti tɔrɔn ne, Amɔɔrɔ tɔrɔn nɛ, Perɛzi tɔrɔn nɛ, Ivii tɔrɔn ne ka Zebuzu tɔrɔn nɛ.

Bɔ bɛ̀rɛbaa nɛ 32:13

Dɛnaa, n yiri gisĩ Abrahamu ni, Izaaki ni ka Zakɔba nɛ. N yiri gisĩ n din a liɛ kɛ nɛ, ń wɔ ǹ nɛ ka n din tɔ nɛ. Táa ma nə́ n pɛ ǹ nɛ kɛnɛn: «Ma á re ka tɔrɔn mɔnɛɛ ka lon a leeren bɛ́ lɔn, ma gána tumu mɛn boo da ke, ma á re bɛ koe kaa nɛnyaanan la, a ǹ wɔ baa yǎa duduu.»

Bɔ bɛ̀rɛbaa nɛ 33:1

Dɛnaa boo da Muizu ni, á pɛ: «N bɔ bǎã kɛ nɛ, n din laanka zaman kɛ lɛ, ń soo ǹ ne n nə ǹ bɔ Ezipti gána nɛ. Man liɛ má n lɛ kɔ Abrahamu la, Izaaki ni ka Zakɔba nɛ ka gána mɛn nɛ, má pɛ ǹ nɛ, máa ma á re koe ǹ nɛnyaanan la, ka bɛa zii kũ.

Bɔ bɛ̀rɛbaa nɛ 34:11

«Ma bɛ́ màn mɛn pii ni pelo, bɛ tamaa sɔnbɔraanɛ. Man die Kanaan minin kɛn lui, ma ǹ bɔ n nyɛɛnɛ, ka Amɔɔrɔ minin kɛn nɛ, ka Ɛti laanka Perɛzi minin ni, ka Ivii laanka Zebuzu minin ni.

Bɔ bɛ̀rɛbaa nɛ 6:4

Man má lɛ kɔ kɔn la wɔ ka ǹ dinin lɛn nɛ, máa ma á die Kanaan gána koe ǹ la, gána mɛn bɛ́ ǹ nə́ tiibaa zɛnaa a nɛ.

Bɔ bɛ̀rɛbaa nɛ 6:8

Ma din nə n liɛ, máa ma á re gána mɛn koe Abrahamu la, ka Izaaki laanka Zakɔba nɛ, man woe bɛa gána lɛ koe ǹ dinin kɛn lɛn la, ǹ nɛnyaanan lɛa. Man die koe ǹ la, a ǹ wɔ baa. Ma din lɛ n Dɛnaa Lawa lɛa.»

Zeremii 11:5

Bɛa yɔrɔ lɛ la, ma lɛ-kɔ mɛn wɔ ka ka digolon ne, máa ma á re gána koe ǹ la, bɔ̀nyaa laanka zoo nyɔɔ n baa sii a nɛ, ma á re bɛ lɛ piɛ̃. A din lɛ n ke ka tá a-n pelo.» Má a lɛ si: «Hiĩ Dɛnaa Lawa!»

Zeremii 32:22

N goã n nə́ n lɛ kɔ wɔ digolon la ka gána mɛn nɛ, bɔ̀nyaa laanka zoo nyɔɔ n baa sii a nɛ, n bɛ kɔ ǹ la.

Ezekieli 20:6

Bɛa pinaa kɛ lɛ nɛ, má n liɛ má pɛ, máa ma á re ka wɛɛ ma ka bɔ Ezipti gána nɛ, ma gána mɛn yɔrɔ bɔ ma koa ka nɛ, ma wo ka-n walan. Bɛa gána lɛ á siĩni, á la gánan tumaa nɛ. Bɔ̀nyaa laanka zoo nyɔɔ bɛ́ baa sii gána mɛn nɛ.

Lawa a wúlu-bɔlen 20:24

Bɛ lɛ na á toa má tɔ́n pɛ kɛnɛn: Ǹ tán lɛ n die ka dinin wɔ biɛ, ma din nə die ǹ tán lɛ koe ka la, gána kɛ lɛ tɔɔ too laanka tán-kɔsiɛ n bǐɛ̃ koe a nɛ. Ma din Dɛnaa Lawa n kaa Lawa lɛa, má ka na, má ka bɔ kɔn ka tɔrɔ kɔsɔn nɛ.

Minin nimi 11:12

Zaman kɛ tumaa na á bɔ masɛ nɛ? Masɛ n má ǹ yɛ má ǹ kaa kanaa? N nə n pii masɛ nɛ, mà ma ǹ kaa ma kolo-n ka nɛ-gũli wɔ bɛ́ lɔn, ma wo ǹ ne gána kɛ nɛ, n din Lawa nə́ n lɛ kɔ ǹ digolon la nɛ.

Minin nimi 13:27

Maǹ nə́ goã ǹ nə́ boo lɛ yɔrɔ pɛ Muizu-n kɛnɛn: «N wɔsɛn dia gána mɛn lɛ nɛ, wɔ woo. Taãn mà a n pɛ, bɔ̀nyaa laanka zoo nyɔɔ n baa sii a nɛ. A da nɛn nə́ ke.

Minin nimi 14:16

«Dɛnaa Lawa goã á n lɛ kɔ zaman lɛ la ka gána mɛn lɛ nɛ, a bɛ́ a ba boe la a tá we ǹ ne walan wa, bɛ lɛ n ke á ǹ dɛ diə gole ne.»

Minin nimi 14:30

Masɛ nə n lɛ kɔ, má ma á gána mɛn lɛ koe ka la, ka giã a nɛ, bɛ̀ á n bɔ Zefunee a nɛgiĩ Kalɛbu ni, ka Nunu a nɛgiĩ Zozoe ne, bɛ̀ ka wɔ bɛ nɛ, masɛ bie wa.

Minin nimi 32:11

«Min mɛnɛn nə soo Ezipti gána lɛ nɛ, ǹ lɛ̀ ń lɛ̀ fuə, ka lɛ̀ fuə ka kio ne, bɛn kɔn yii ba re gána kɛ yii wa, masɛ nə n lɛ kɔ ka ǹ mɛn lɛ nɛ, máa ma á koe Abrahamu la, ka Izaaki laanka Zakɔba nɛ. A giala, ǹ kɔ ma lɛ ka ǹ yɔrɔ-n wa.

Timəə dí-pɛn 12:29

Ka bɛ́ woe bǎã mɛn lɛ nɛ, tɔrɔn mɛnɛn bɛ́ giã-n walan ka n die ǹ lui, kaa Lawa, Dɛnaa Lawa á die ǹ dii a ǹ bɔ ka nyɛɛnɛ. Ka á re ǹ gána lɛ sii ǹ la, ka giã a nɛ.

Timəə dí-pɛn 19:1

Kaa Lawa, Dɛnaa Lawa á die tɔrɔn kɔsɔn papaɛ̃ a n bɔ ka nyɛɛnɛ, a ǹ gána kɔ ka la. Ka á re ǹ lui, ka giã ǹ kiwin laanka ǹ kionən ne.

Timəə dí-pɛn 26:1

Kaa Lawa, Dɛnaa Lawa bɛ́ gána mɛn lɛ koe ka la mà a kaa wɔ baa, ka á re we a nɛ. Ǹ mɛn waáraa, bɛ̀ ka giã gána

Timəə dí-pɛn 7:1

Ka bɛ́ re woe gána mɛn lɛ sii ka baa kaa wɔ lɛa, kaa Lawa, Dɛnaa Lawa á re toɛ ka wɔ bɛa gána lɛ nɛ. A din nə die tɔrɔ gigiã lui a ǹ bɔ ka nyɛɛnɛ, ǹ mɛnɛn bɛ́ mɔnaa nɛ ǹ nə́ la ka nɛ, ǹ pàã dɔ din nə́ la kaa wɔ nɛ: Ɛti tɔrɔn manɛ, Girgazi tɔrɔn nɛ, Amɔɔrɔ tɔrɔn nɛ, Kanaan minin ni, Ferɛzi minin ni, tɔrɔ kɛn ǹ nə́ ǹ bíi Ivitin, ka Zebuzu tɔrɔn nɛ. Ǹ kaa kun tɔrɔ sɔbaa.

Zozoe 24:11

«Ka Zurdɛ̃ tà kuru, ka daa ka dɔ Zerikoo. Zerikoo kiwi minin nə́ zia baa ka ganaa, Amɔɔrɔ tɔrɔn nɛ, Perɛzi tɔrɔn nɛ, Kanaan minin ni, Ɛti tɔrɔn nɛ, Girgazi tɔrɔn nɛ, Evii tɔrɔn nɛ ka Zebuzu tɔrɔn nɛ. Sɛnɛ, má ǹ wɔ Izirayeli minin lɛn gɔn.