Bɔ bɛ̀rɛbaa nɛ 13:12 - LAWA A BOO SONBORE

¹² ka daa ka kaa nɛgiĩ binaan tumaa kɔ Dɛnaa la, ka kaa tɔɔn dɔn wɔn nɛ.

LAWA A BOO SONBORE 2011

¹² ka daa ka kaa nɛgiĩ binaan tumaa kɔ Dɛnaa la, ka kaa tɔɔn dɔn wɔn nɛ.

Bɔ bɛ̀rɛbaa nɛ 13:12 Iomraidhean Croise

Nehemii 10:36

Wɔ́ lɛ kɔ, wáa lɛ̀ tunaa nɛ, wáa wɔ á re die ka wɔa tán màn lɛ bibinaa laanka da din tumaa a lɛ da ǹ nɛ nɛ, Dɛnaa Lawa a kion.

Nehemii 10:37

Lawa a wúlu-bɔlen mɛnɛn bɛ́ dí nyɛɛ wɔa Lawa a kion kɛ nɛ, wɔ́ lɛ kɔ wáa wɔ á die woe ka wɔa nɛgiĩ bibinaan laanka wɔa tɔɔn nɛ bibinaan nɛ bɛn li, wɔa Lawa a kion kɛ nɛ, ka a bɛ́ kiɛ̃-n dí-pɛn sɛ́wɔ kɛ-n lɔn. Wɔa tɔɔ dadaran nɛ bibinaan laanka wɔa tɔɔ bisinin wɔn nɛ.

Bɔ bɛ̀rɛbaa nɛ 13:1

Dɛnaa pɛ Muizu ni:

Bɔ bɛ̀rɛbaa nɛ 13:2

– Izirayeli nɛnyaanan nɛgiĩ bibinaan bɔ, n nə ǹ koa masɛ wɔn lɛa. A giala, Izirayeli nɛnyaanan bii, lɔ gɔn binaa nɛ mɛn bɛ́ giĩ lɛa, bɛ n masɛ wɔ lɛa. Tɔɔn dɔn wɔ baa miɛ̃.

Bɔ bɛ̀rɛbaa nɛ 22:28

«Ka doamaa bie ka goã kio ka masɛ Lawa wɔ gii ni, *belee wɔ paǹ li wa, duvɛ̃ nɛ ka *olivie nyɔɔ nɛ. «Ka kaa nɛgiĩ bibinaan koa masɛ din wɔn lɛa.

Bɔ bɛ̀rɛbaa nɛ 22:29

Ka zɛnaa bɛa yɔrɔ kɛ lɛ la ka kaa diin ni, kaa sèren ne. Ǹ nɛ bibinaa lɛ gɔ̀lɔ̀n lɛa, ka ǹ toɛ kunun ǹ dan nɛ lɛawaa sɔbaa ǹ yɛ kio. A lɛawaa kiwisibaa ǹ wɔ pinaa, ka dɛ *wúlu màn lɛa, ka kɔ masɛ la.

Bɔ bɛ̀rɛbaa nɛ 34:19

«Màn tumaa a nɛ bibinaa n masɛ wɔ lɛa. Bɛ lɛ tɔ ganaa, kaa tɔɔn tumaa wɔn man masɛ din wɔn lɛa, sèren laanka bòen ne ka diin ni.

Bɔ bɛ̀rɛbaa nɛ 34:20

Sɛnɛ, dundun nɛ bibinaa mɛn bɛ́ sà lɛa, ka bɛ lonkɔ ka sère nɛ nɛ. Bɛ̀ ka a lonkɔ wa, ka a mìi yu a dungiala ganaa, a gã. Ka dinin nɛgiĩ bibinaan kɛn sɛn, ka wusoo ka bɛn mìi bɔ. «Kaa min kɔ́n dɔ baran da Kion sonbore kɛ nɛ masɛ yɔrɔ-a ka a gɔn kooro-n wa.

Ezekieli 16:20

Zeruzalɛmu, n nɛgiĩn laanka n nɛlɔn nɛ, n nə ǹ mɛnɛn lɛn yɛ masɛ wɔn lɛa, ń wusoo ń wúlu bɔ ka bɛn nɛ, bɛa dìn lɛn ganaa. N bɛ kɔrɔbaa mɛn zɛnɛɛ, bɛ na a goã n boe wa?

Ezekieli 44:30

Màn tumaa a lɛ bibinaa sonbore ne, màn mɛn tumaa a sonbore bɛ́ n boe ka gɔn mànan tumaa nɛ Lawa wɔ lɛa, bɛn man doe wúlu-bɔlen lɛn ganaa. Ka die ka kaa *wùsu sonbore kɔ wúlu-bɔlen lɛn la, màn mɛn bɛ́ toɛ ma barka da kaa kion ganaa.

Lawa a wúlu-bɔlen 27:26

Sɛnɛ, min doamaa bie a pɛ mà asɛ n tɔɔ a nɛ bibinaa koe Dɛnaa Lawa la wa. Ta diin nɛ nɛ, ta sère nɛ nɛ, hinlaa ta bòe nɛ nɛ. A giala, bɛ n masɛ Dɛnaa Lawa wɔ lɛa lɛlɛndun.

Minin nimi 18:15

Ǹ bɛ́ re gɔ́ɔ̃ binaa nɛ mɛn tumaa koe masɛ la, ta tɔɔ wɔ-n hinlaa minbuiin nɛ wɔ nɛ, n din wɔ nɛ. Sɛnɛ, n die n nɛgiĩ binaan sɛn nyin si, tɔɔn mɛnɛn bɛ́ gɔgɔrɛ landa wɔ paǹ li, n bɛn dɔn sa binaa, hinlaa gɔ̀lɔ̀n binaa mìi bɔ.

Minin nimi 3:12

«Á ke: Ma din ni má Levii tɔrɔn lɛn yii gɔgɔɔ̃ Izirayeli min gialakun lɛ tumaa bii. Maǹ dí nyɛɛ masɛ nɛ, ǹ nə́ Izirayeli zaman lɛ a nɛgiĩ bibinaan tumaa bǎã nɛ. Levii tɔrɔn lɛn man masɛ wɔn lɛa.

Minin nimi 3:13

A giala gɔn binaa nɛ tumaa n masɛ wɔ lɛa. Ma nɛ bibinaan tumaa dɛ Ezipti gána nɛ ǹ mɛn pinaa, man má Izirayeli minin nɛgiĩ bibinaan tumaa baa ma din wɔn lɛa, ka ǹ tɔɔn nɛ bibinaan nɛ. Maǹ masɛ wɔn lɛa. Ma din ni Dɛnaa Lawa lɛa.»

Minin nimi 8:17

A giala, gɔn bibinaa nɛ mɛn tumaa bɛ́ nɛginin lɛa Izirayeli minin lɛn bii, masɛ din wɔ n ka bɛ nɛ, ka tɔɔ nɛ bibinaa tumaa nɛ. Ma gɔn binaa nɛn tumaa dɛ Ezipti gána nɛ ǹ mɛn pinaa, bɛa pinaa lɛ nɛ, má ǹ baa ma din wɔn lɛa.

Luku 2:23

Maǹ nə́ zɛnaa miɛ̃, a giala a n kiɛ̃ nɛ Dɛnaa Lawa a dí-pɛn lɛn nɛ, mà bɛ̀ lɔ gɔn binaa nɛginin baa, mà bɛa nɛ lɛ n Lawa wɔ lɛa.

Timəə dí-pɛn 15:19

Kaa diin ni, kaa sèren ne ka kaa bòen ne, bɛn bɛ́ re nɛ bibinaan mɛnɛn yii gɔ̀lɔ̀ lɛa, ka die ka bɛn kɔ kaa Lawa, Dɛnaa Lawa la. Dii gɔ̀lɔ̀ mɛn bɛ́ ǹ dan gɔ́ɔ̃ binaa lɛa, ka nyan dí nya ka bɛ-n wa. Sère gɔ̀lɔ̀ mɛn bɛ́ ǹ dan gɔ́ɔ̃ binaa lɛa, ka nyan bɛ ka kuru wa.