Bɔ bɛ̀rɛbaa nɛ 12:12 - LAWA A BOO SONBORE

¹² Dɛnaa pɛ: «Ma á re boe Ezipti gána lɛ gɔ́ɔ̃-n bɛa pinaa tèlò kɛ lɛ nɛ. Ma á re gána lɛ a nɛgiĩ bibinaan yii dii ǹ gã, minbuiinin laanka tɔɔn wɔn nɛ. Ma á re a dɔlɔ boe Ezipti gána a dì din tumaa ganaa. Ma din lɛ n Dɛnaa lɛa.

LAWA A BOO SONBORE 2011

¹² Dɛnaa pɛ: «Ma á re boe Ezipti gána lɛ gɔ́ɔ̃-n bɛa pinaa tèlò kɛ lɛ nɛ. Ma á re gána lɛ a nɛgiĩ bibinaan yii dii ǹ gã, minbuiinin laanka tɔɔn wɔn nɛ. Ma á re a dɔlɔ boe Ezipti gána a dì din tumaa ganaa. Ma din lɛ n Dɛnaa lɛa.

Bɔ bɛ̀rɛbaa nɛ 12:12 Iomraidhean Croise

KZS1 14:12

Bɛa bǎã kɛ lɛ nɛ, Filisiti minin lɛn nə́ ǹ dìn kaa. Davida pɛ mà ǹ nə ǹ goa ǹ nə ǹ tã.

Loen 135:8

A din na á gɔn binaan nɛn dɛ Ezipti, minbuiinin wɔn nɛ, ka tɔɔn wɔn nɛ.

Loen 82:1

Asaafu a loe goon ne. Lawa yoo á golee, a dí-nyalin kɛn bii, a na á golee lon mànan bii, a n die kiri kuri:

Loen 82:6

Man pii ka nɛ: Ka n lawan lɛa, ka tumaa n Lon a Lawa Gole lɛ a nɛnyaanan lɛa.

Loen 91:7

Haalɛ ta min duu goon nə boe kiɛ n li, ta min duu fù n boe kiɛ n paǹ li, nsɛ, màn kɔn ba re doe n ganaa wa.

Loen 95:3

Sonbore, Dɛnaa Lawa lɛ n Lawa gole lɛa, kii gole mɛn bɛ́ guguru kɔ ǹ mànan tumaa lalan.

Bɔ bɛ̀rɛbaa nɛ 12:23

Dɛnaa á re boe Ezipti gána gɔ́ɔ̃ nɛ, a dɔlɔ bɔ a ganaa, á re mà lɛ yii kaa kiɛnlɛ-a ǹ gɔnɔn ganaa, a lon laanka a wàã li ǹ wɔn nɛ. Bɛ lɛ a lɛa, Dɛnaa á re kiɛ̃ kiɛnlɛ lɛ lɛ-a, a re toɛ bɔ̀n-dali lɛ wɔ kaa kionən ne, a bɔ̀n da wa.

Bɔ bɛ̀rɛbaa nɛ 18:11

Masɛ á doɛ̃ kanna, má Dɛnaa lɛ n gole á la lawan tumaa nɛ. Á bɛ nyaa Ezipti minin kɛn manɛ, bɛ̀ ǹ bɛ́ Izirayeli nɛnyaanan nɔmɛɛ.»

Bɔ bɛ̀rɛbaa nɛ 21:6

a mìinaa lɛ Lawa baa siére lɛa, a bɛ̀rɛ lɛ mɔrɔ a kiɛnlɛ ganaa, hinlaa a kiɛnlɛ gɔn ganaa, a na a too fɔ̃ ka kiɛ nɛ. Bɛ̀rɛ lɛ n dí nyɛɛ nɛ kəni yǎa duduu.

Bɔ bɛ̀rɛbaa nɛ 22:28

«Ka doamaa bie ka goã kio ka masɛ Lawa wɔ gii ni, *belee wɔ paǹ li wa, duvɛ̃ nɛ ka *olivie nyɔɔ nɛ. «Ka kaa nɛgiĩ bibinaan koa masɛ din wɔn lɛa.

Bɔ bɛ̀rɛbaa nɛ 6:2

Lawa boo da Muizu ni, á pɛ-n kɛnɛn: «Ma din nə "Dɛnaa Lawa" lɛa.

Bɔ bɛ̀rɛbaa nɛ 9:6

A lɛawaa sonbore, Dɛnaa sii lɛ zɛnaa miɛ̃. Ezipti gána minin tɔɔn tumaa gã, sɛnɛ, tɔɔ goon toto din gã Izirayeli nɛnyaanan wɔn bii wa.

Izayii 19:1

Ezipti a boo gii. Dɛnaa Lawa á ke die, a n woe Ezipti gána nɛ, labara yiifuunaan la. Ezipti gána a dì kooron kɛn man bìn diɛ a nyɛɛnɛ. Ezipti minin foo ziziɛ̃maa nɛ.

Zeremii 43:12

Ma á re tɛ diɛ Ezipti a dì kionən ganaa. Nebukadenezɔɔrɔ á re ǹ tiɛ̃, a ǹ goa a wo ǹ ne Baabilonii. Á re Ezipti gɔn màn tumaa goɛ lenlen ka tɔɔn-lɛduə̃li bɛ́ kɔrɔnkiɛ̃n wɛɛ a mɔnaa-n lɔn. Bɛ kio, á re n bɔyɛɛ a wo piɛ là nyantoro gɔ́ɔ̃ nɛ.

Zeremii 43:13

Á re dì nyínin yɔyɔrɛ Bɛti-Semɛsi kiwi, a tɛ da Ezipti a dì kionən ganaa.»

Zeremii 46:25

Dɛnaa Lawa Pàãyiidɛnaa, Izirayeli a Lawa n kɛ pii: «Man die yui Amɔn gialaa, Tabɛsi kiwi minin dì ke, ma yoo Ezipti gána gialaa, a dìn ni, a kiin ni, ma yoo Faarahɔn gialaa, ka min mɛn tumaa bɛ́ ǹ foo n doa-n la.

Ezekieli 12:16

Min mɛnɛn bɛ́ re liɛ zia kɛ kio, bòo kɛ nɛ ka piɛ̃ busu kɛ nɛ, ma á re bɛn gialakunun toɛ walan. Bɛn bɛ́ re woe tɔrɔ kɔsɔn mɛnɛn bii, ǹ tá re ǹ dinin zɛnaa ǹ sii bɔbɔnɛɛn kɛn laakalɛɛ bɛn yii ni. Bɛn dɔn tá re doɛ̃, mà masɛ din nə Dɛnaa Lawa lɛa.

Amɔɔsi 5:17

Bɛ̀ má daa n dɔ ka bii ǹ mɛn pinaa, minin tá re gɛ̀ wuu pii, rezɛ̃ wurun tumaa nɛ, Dɛnaa Lawa na á pɛ miɛ̃.

Sofonii 2:11

Dɛnaa Lawa n die kakaarɛ koe ǹ ganaa parsiini. A n die bɔ̀n diɛ ǹ dì kooron kɛn tumaa ganaa tán la. Gána mɛn tumaa wɔlɔ bɛ́ lui ni, bɛn tumaa n die n toɛ ǹ gána nɛ, ǹ nə n kuruməə tán-a a yɔrɔ-a.

Minin nimi 33:4

Bɛ á zɛnɛɛ, bɛ̀ Ezipti minin lɛn sɛn tá a gialaa ǹ nɛgiĩ bibinaan gere bĩ. Dɛnaa Lawa na á bɛa nɛgiĩ bibinaan lɛn tumaa dɛ, á dɔlɔ bɔ Ezipti minin lɛn dìn ganaa nɛ.

Samayeli1 5:3

Bɛa lɛawaa, Asidɔdi minin lɛn nə́ yoo baayɛlɛ yiisoone, bɛ̀ Daagɔn bɛ́ á bɔ á mɛnaa tán a lɛ la, Dɛnaa Lawa a goo lɛ yɔrɔ-a. Ǹ nə́ wusoo ǹ nə́ Daagɔn saa ǹ nə́ da a bǎã nɛ.

Samayeli1 6:5

Ka nyínin zɛnaa kaa gɔ̀nɔn kokoree busu lɛ a kɔnboe lɛa. Kɛ́nɛn mɛnɛn dɔn nə́ goã bɔ̀n diɛ kaa gána lɛ-a, ka bɛn dɔn nyín zɛnaa ka gugurubaa kɔ Izirayeli a Lawa la: Kɔntan, á die kaa dɔlɔ bɔma-a lɛ diɛ, ka dinin ni, kaa dìn ni ka kaa gána nɛ.