Ebrəə 9:25 - LAWA A BOO SONBORE

²⁵ Wúlu-bɔlen kiã na á goã we lɛ̀ woo lɛ̀, Bǎã Sonbore Sonbore kɛ nɛ ka tɔɔ mà nɛ. Krita bie á zɛnaa miɛ̃ wa, a bie á wɔ gunyin damata, á n din kɔ wúlu màn lɛa wa.

LAWA A BOO SONBORE 2011

²⁵ Wúlu-bɔlen kiã na á goã we lɛ̀ woo lɛ̀, Bǎã Sonbore Sonbore kɛ nɛ ka tɔɔ mà nɛ. Krita bie á zɛnaa miɛ̃ wa, a bie á wɔ gunyin damata, á n din kɔ wúlu màn lɛa wa.

Ebrəə 9:25 Iomraidhean Croise

Bɔ bɛ̀rɛbaa nɛ 30:10

Gunyin goon lɛ̀ goon gɔ́ɔ̃ nɛ, Aarɔn die a *gɔ̀ bɔ a ganaa, a na a yoreen kɔ. Bɛ̀ á tɔɔ mɛn dii sii baraan toa ǹ wúlu màn lɛa, a die a bɛ mà lɔ bǎã lɛ a bìbìn kɛn ganaa. Bɛa sii lɛ nə n zɛnaa lɛ̀ woo lɛ̀, yǎa duduu. Màn gìĩ kɔɔ̃n tã ǹ bǎã kɛ lɛ n die goɛ̃ masɛ wɔ lɛa, a n die goɛ̃ bǎã sonbore lɛa.»

Ebrəə 10:10

Yezu Krita na á Lawa foo sii kɛ lɛ zɛnaa, a ná a din gɔ̀nɔn kɛ kɔ, mà a n baa wúlu màn kɛ lɛa, ǹ mɛn bɛ́ á n zɛnaa gunyin goon toto, bɛ lɛ nɛ, á wɔ yoreen koe.

Ebrəə 10:19

Bɛ lɛ taman yii, dɔɔ̃nɔn lɛn, foo-doa tá wɔ lon, wɔ wɔ Bǎã Sonbore Sonbore kɛ nɛ ka Yezu mà kɛ barka nɛ, mà ke á kaa wúlu màn lɛa.

Ebrəə 9:12

Krita bɛ́ á kiɛ̃ mɔnaa kion lɛ nɛ, a na á wɔ Bǎã Sonbore Sonbore kɛ lɛ nɛ gunyin goon toto, a ba kɔsɔ zɛnɛɛ doo wa. A bie á wɔ ka butumun laanka diin nɛn mà nɛ, á kɔ wa, a na á n din mà kɔ. Bɛa yɔrɔ kɛ lɛ la, a na á wɔ si wɔa sii baraan la yǎa duduu.

Ebrəə 9:14

Sanparɛ Krita mà ke kəni! Krita mɛn bɛ́ á n din kɔ Lawa la, wúlu màn yoreen lɛa, ka Yiri Fu nyabaã wole barka nɛ, bɛ á boe la, a wɔ foon pii, a wɔ si bɔ̀nbaa ǹ sii zɛnaan la, màn mɛn bɛ́ toɛ, wɔ dí nya Lawa Yiikoonaa kɛ nɛ.

Ebrəə 9:2

Sonbore, ǹ nə́ goã ǹ nə́ Mɔnaa Kion dɔ. A gɔ́ɔ̃ bibinaa kɛ tɔ na á goã Bǎã Sonbore. Bolon da ǹ bǎã kɛ na á goã walan, ka tabala mɛn bɛ́ ǹ nə́ buurun kiɛ la, ǹ buurun mɛnɛn kɔ Lawa la.

Ebrəə 9:26

Bɛ̀ Krita na á baa miɛ̃, bɛ̀ a kũ kanaa giala-koe ganaa, bɛ̀ a doamaa nɛ a fuu yɛ gunyin damata. Sonbore, Krita na á zɛnaa gunyin goon toto, giala-nyɔmiɛ biikoo kɛ li, á daa, á sii baraa nya ka a din kɔ wúlu màn lɛa barka nɛ.

Ebrəə 9:7

Sɛnɛ, wúlu-bɔlen kiã kɛ dinsɔɔ̃ n we kion lɛ a gɔ́ɔ̃ paabaa ǹ wɔ kɛ nɛ, a n bɛ zɛnɛɛ gunyin goon dinsɔɔ̃ lɛ̀ goon gɔ́ɔ̃ nɛ. A doamaa nɛ a wɔ ka tɔɔ mà nɛ, a kɔ Lawa la *wúlu màn lɛa, a dinmaa a sã ǹ siin lɛa, ka zaman lɛ dɔ wɔn nɛ.