Ebrəə 9:24 - LAWA A BOO SONBORE

²⁴ Sonbore, Krita bie á wɔ minbuiinin bǎã sonbore zɛnaa kɛ-n wa, bɛa minbuiinin wɔ a zɛnaa kɛ lɛ na á goã a taãn kɛ nyín kooro lɛa. Sɛnɛ, a na á wɔ lon dinmaa gɔ́ɔ̃ nɛ, màn mɛn bɛ́ toɛ, a n din nyaa kanna Lawa yɔrɔ-a wɔsɛn lɛa.

LAWA A BOO SONBORE 2011

²⁴ Sonbore, Krita bie á wɔ minbuiinin bǎã sonbore zɛnaa kɛ-n wa, bɛa minbuiinin wɔ a zɛnaa kɛ lɛ na á goã a taãn kɛ nyín kooro lɛa. Sɛnɛ, a na á wɔ lon dinmaa gɔ́ɔ̃ nɛ, màn mɛn bɛ́ toɛ, a n din nyaa kanna Lawa yɔrɔ-a wɔsɛn lɛa.

Ebrəə 9:24 Iomraidhean Croise

Loen 68:18

Lawa a ziabaa ǹ wotoron lɛn man duu gigiã. Dɛnaa Lawa na á yoo Sinayii kele la ka bɛn lɛn nɛ, á daa bǎã sonbore lɛ nɛ.

Bɔ bɛ̀rɛbaa nɛ 28:12

Bɛa kɔlɔ màn paa kɛ lɛ da dí nya ǹ mɔnaa lɛ a kũ ǹ biɛn kɛn lɛn ganaa. Kɔlɔ màn paa kɛ lɛ n die goɛ̃ yiri gisĩ sii ni ǹ mànan lɛa, Izirayeli nɛnyaanan taman yii. Aarɔn dɔ n die woe ka ǹ tɔn kɛn nɛ Dɛnaa yɔrɔ-a, a mɔnaa kũ ǹ biɛn kɛn ganaa, bɛ n nyɛɛ mà Dɛnaa yiri a re boe ǹ ne duduu wa.

Bɔ bɛ̀rɛbaa nɛ 28:29

«Bɛ̀ Aarɔn tá woe bǎã sonbore lɛ nɛ, Izirayeli nɛnyaanan tɔn lɛn man die goɛ̃ bɛa tìãbii zéwo lɛ lalan. Bɛ n yiri gisĩ sii ni ǹ màn lɛa, Dɛnaa yɔrɔ-a biikoo tumaa li.

Zakarii 3:1

Dɛnaa Lawa wúlu-bɔlen kiã Yesuwa nyaa ma nɛ. A n golee-n lon Dɛnaa Lawa a lon a dia dí-a wole lɛ yɔrɔ-a. *Sɛtaan, zɛ̀rɛ da ma la wole kɛ n golee-n Yesuwa gusin, a n die a zɛ̀rɛ biɛ.

Matiə 18:10

«Ka n dinin kũ, ka nyan toa ka golee masɛ li wole tiin kɛn kɔn yii puusə kɔ wa. A giala masɛ n pii ka nɛ, ǹ lon a dia dí-a wolen tá n toɛ̃ ka ǹ mìi gɔ́ɔ̃ ǹ sii ni baraabaraa masɛ Di lon a Lawa yɔrɔ-a. [

Marki 14:58

mà ǹsɛn nə́ ma a lɛ-n, mà minbuiinin nə Lawa a kion mɛn dɔ ka ǹ gɔn nɛ, mà asɛ á die bɛ lɛ wurii, a wusoo a kɔsɔ dɔ lɛawaa sɔɔ gɔ́ɔ̃ nɛ, min gòɛ̃ ná a ba a-n wa.

Marki 16:19

Wɔa Dɛnaa Yezu bɛ́ á boo da á nya ǹ mɛn waáraa, Lawa saa á woo-n lon ne, á woo giã a din gusin.

Luku 24:51

A bɛ́ bɛa barka lɛ diɛ ǹ ganaa, á n na á n bɔ ǹ-a, á dii lon gɔ́ɔ̃ nɛ.

Zaã a sɛ́wɔ 16:28

Man má bɔ maa Díi li má daa kanaa gɔ́ɔ̃ nɛ. Sisia, ma nə n boe kanaa gɔ́ɔ̃ nɛ ma á woe maa Díi li.»

Zaã a sɛ́wɔ 6:62

Bɛ̀ ka Min a Nɛgiĩ yɛ dii a lɛlɛ a giã ǹ bǎã-n dɔn, ka tɔn nə n baa lɔn?

Nya ǹ dín 3:21

Yezu lɛ doamaa nɛ a goã lon Lawa a piɛ, yǎa Lawa din nə wusii a màn tumaa biɛ dii lɛa, ká a bɛ́ á wɔ a boo gii-dali sonboren lɛ-n, ǹ nə́ saa lɛlɛ ǹ nə́ pɛ haalɛ bibi lɔn.

Rɔmu minin 8:33

Lawa din min mɛnɛn bɔ, die n die bɛn zɛ̀rɛ biɛ? Min kɔ́n, a giala, Lawa dinmaa nə ǹ biɛ min peperen lɛa.

Korɛnti2 5:1

Sonbore, wɔ á doɛ̃ wáa kion ke wɔ tá a nɛ, wɔ gɔ̀nɔn kɛ nɛ. A n ka mɔnaa kion kooro bɛ́ lɔn, a n die ziziɛ̃. Sɛnɛ, kion kɔsɔ tan wɔa wɔ lɛa Lawa dɔ. A n giã ǹ bǎã lɛa lon yǎa duduu. Min gɔn bie á bɛ zɛnaa wa.

Kolɔɔsi minin 3:2

Ka n taasɛ lon mànan ganaa, ka baran n taasɛ tán wɔn ganaa wa.

Ebrəə 1:3

Bɛa Nɛgiĩ kɛ lɛ n Lawa a gugurubaa tɛ-pɛle kɛ nyɛɛ, a din nə Lawa a Lawabaa nyɛɛ taãn-taãnɛ. A din nə kanaa kɛ kuĩ á golee ne, ka a boo pàãdɛnaa kɛ barka nɛ. A bɛ́ á kanaa minin sii baraa pii á nya ǹ mɛn waáraa, á woo giã Lawa pàãdɛnaa gusin lon.

Ebrəə 12:2

Ka daa wɔ ga Yezu ganaa, a din nə golee Lawa li lɛ a giala-kɔle laanka a lɛ pã wole lɛa wɔ foo ne. Nyɛnyɛɛ mɛn bɛ́ koa-n nɛ, á n yii doa bɛ la, á gɛ̀ wɔ gɔn ganaa kɛ si a ganaa, a ga-a sìi lɛa wa. Bɛ kio, á giã gugurubaa ǹ bǎã nɛ Lawa a kii dankan gusin.

Ebrəə 4:14

Wúlu-bɔlen kiã gole gole tá wɔ lon, á lon bii kuru á kiɛ̃ yǎa Lawa yɔrɔ-a: Lawa a Nɛgiĩ Yezu lɛ nɛ. Bɛ lɛ nɛ, wɔ bɛ́ pii wáa wɔ lɛ kɔ goleemali mɛn ganaa, ka daa wɔ n gɔn paraa bɛ ganaa parsiini.

Ebrəə 6:20

Yezu na á woo walan, wɔ nyɛɛnɛ, wɔ dinin lɛa. A din na á wúlu-bɔlen kiã baa yǎa duduu, a ná a lɛa ka Mɛlkizedɛki bɛ́ lɔn.

Ebrəə 8:2

A n wúlu bɔ ǹ dí nyɛɛ *wúlu bɔ ǹ bǎã nɛ, bɛ giala, mà Lawa a kion taãn kɛ nɛ. Lawa din na á bɛa kion lɛ dɔ, min bie á dɔ wa.

Ebrəə 8:5

Bɛn bɛ́ wúlu bɔ ǹ dí mɛn nyɛɛ ke, bɛ n lon gɔ́ɔ̃-n wɔ kɛ a kɔnboe lɛa, a nyín ni. Bɛ na á kɔnpɛ ka sii kɛ nɛ, á n zɛnaa Muizu ni. A bɛ́ re mɔnaa kion lɛ doe, Lawa na á pɛ nɛ: «Toa n sii lɛ tumaa zɛnaa, ká a yɔrɔ bɛ́ á n nyaa n nɛ lɔn kele lɛ la.»

Ebrəə 9:1

Lɛ kɔ kɔn la bibinaa lɛ nɛ, Lawa guguru kɔ ǹ siin laanka Lawa guguru kɔ ǹ bǎã mɛn goã, bɛn man nə́ goã kanaa wɔn lɛa.

Ebrəə 9:23

Bɛ̀ lon mànan kɛn nyínin tá yoreen koe, ka bɛa landa siin kɛn barka nɛ, a doamaa nɛ, lon mànan dininmaan lɛn dɔn nə yoreen kɔ, ka wúlu mànan kɔsɔn barka nɛ, wúlu mànan mɛnɛn bɛ́ soɛ gialakun kɛ tumaa nɛ.

Ebrəə 9:9

Bɛ n sii a kɔnboe lɛa, á n boo diɛ sisia a biikoo kɛ wɔ gɔn la. Bɛ giala, mà ǹ bɛ́ Lawa gɔ ǹ mànan kɛn laanka wúlu mànan mɛnɛn dii, ǹ tá ǹ koe Lawa la, mà bɛn ba boe la, ǹ tá a zɛnaali foo wɛɛ ǹ tá a lɛ piɛ̃ wa.

Piɛrɛ1 3:22

Yezu Krita lɛ woo lon dɔn, á giã-n Lawa gusin. Lon a dia dí-a wolen ne, ka lon màn goledɛnan laanka a pàãdɛnan tumaa na a din lɛ bɔlɔ sii.

Sii-nyaan 8:3

Lon a dia dí-a wole goon kɔsɔ daa golee wúlu bɔ ǹ bǎã yɔrɔ-a, ka da gón gìĩ kɔɔ̃n tã ǹ màn ná a gɔn, a n sana lɛa. Da gón gìĩ kɔɔ̃n gigiã nə́ n kɔ la, mà a kaa kun ka Lawa a min sonboren tumaa a Lawa nyankɔ nɛ, a ǹ kɔ Lawa la. *Wúlu bɔ ǹ bǎã mɛn bɛ́ sana lɛa doa-n kii dankan yɔrɔ-a, mà a ǹ kaa bɛ la.