Ebrəə 9:21 - LAWA A BOO SONBORE

²¹ Muizu mà lɛ pɛpɛsɛ̃ miɛ̃ Mɔnaa Kion lɛ dɔ ganaa, ka Lawa guguru kɔ ǹ mànan mɛnɛn tumaa bɛ́ a nɛ.

LAWA A BOO SONBORE 2011

²¹ Muizu mà lɛ pɛpɛsɛ̃ miɛ̃ Mɔnaa Kion lɛ dɔ ganaa, ka Lawa guguru kɔ ǹ mànan mɛnɛn tumaa bɛ́ a nɛ.

Ebrəə 9:21 Iomraidhean Croise

Bɔ bɛ̀rɛbaa nɛ 24:6

Muizu tɔɔn mà lɛ a talɛɛ kaa mànan nɛ, a ná a talɛɛ goon kɛ pɛpɛsɛ̃ wúlu bɔ ǹ bǎã lɛ ganaa.

Bɔ bɛ̀rɛbaa nɛ 29:12

Dii lɛ mà bɔ ka n gòon ne, n da *wúlu bɔ ǹ bǎã lɛ a bìbìn ganaa. Bɛ kio, a mà gialakun kɛ lɛ tumaa kaa wúlu bɔ ǹ bǎã lɛ giala ganaa.

Bɔ bɛ̀rɛbaa nɛ 29:20

N sère gɔ̀lɔ̀ lɛ bɔlɔ kuru, n na a mà bɔ, n da Aarɔn gusin a too lɛwɔn ganaa, n da a nɛgiĩn lɛn dɔn too lɛwɔnɔn ganaa. N da ǹ gusin a gɔn a gòon mìi gole ganaa, ka ǹ gusin a gòã wɔ nɛ. N mà lɛ gialakun pɛsɛ̃ wúlu bɔ ǹ bǎã lɛ gɔ̀nɔn tumaa ganaa.

Bɔ bɛ̀rɛbaa nɛ 29:36

Baraabaraa, dii gɔ̀lɔ̀ dɛ ga sii baraan toa li ǹ wúlu màn lɛa. N *gɔ̀ bɔ wúlu bɔ ǹ bǎã lɛ ganaa miɛ̃. Bɛ kio, n nyɔɔ kaa a ganaa, n kɔ Lawa la.

Bɔ bɛ̀rɛbaa nɛ 40:9

«Ń die n minin bɔ ǹ koa ǹ nyɔɔ kɛ saa, n kaa kion lɛ laanka a gɔ́ɔ̃gɔ́ɔ̃ ǹ màn tumaa ganaa, n kion lɛ baa masɛ Dɛnaa wɔ lɛa ka a màn bisinin tumaa nɛ, a màn sonbore baa.

Lawa a wúlu-bɔlen 8:15

Muizu tɔ́n na a bɔlɔ kuru, a ná a mà si. Á n gòon sã bɛa mà lɛ li, karan mɛnɛn tumaa bɛ́ wúlu bɔ ǹ bǎã lɛ gùrùn ganaa, á lɔ bɛn ganaa, a wúlu bɔ ǹ bǎã lɛ baa Lawa wɔ lɛa. Á mà lɛ a gialakun kaa tán wúlu bɔ ǹ bǎã lɛ genli màn mɛn bɛ́ toɛ a Lawa wɔ baa, ǹ boo la, ǹ sii baraa sawaa ǹ wúlu bɔ la.

Lawa a wúlu-bɔlen 8:19

Muizu tɔ́n na a bɔlɔ kuru, a ná a mà pɛpɛsɛ̃ wúlu bɔ ǹ bǎã lɛ ganaa, á ná a lɛnpɛnɛ nɛ.

Lawa a wúlu-bɔlen 9:18

Zaman lɛ da ka dii gɔ̀lɔ̀ laanka sère gɔ̀lɔ̀ mɛn dɔ nɛ, a barka da Lawa nɛ ǹ wúlu mànan lɛa, Aarɔn bɛn bɔlɔ kuru. A nɛgiĩn lɛn nə́ ǹ mà si ǹ nə́ kɔ la, á pɛpɛsɛ̃ wúlu bɔ ǹ bǎã lɛ wàãn tumaa ganaa.