Ebrəə 9:19 - LAWA A BOO SONBORE

¹⁹ Muizu bɛ́ á Dí-pɛn lɛn gogoonmaa pɛ minin lɛn manɛ ǹ mɛn waáraa, a na á diin nɛn laanka butumun mà saa, á mu kaa li, *izopi luu mɛn bɛ́ yii-n ka gɛ̀sɛ tã nɛ, á bɛ sã li, á pɛpɛsɛ̃ Lawa a Boo Sɛ́wɔ lɛ laanka zaman lɛ ganaa.

LAWA A BOO SONBORE 2011

¹⁹ Muizu bɛ́ á Dí-pɛn lɛn gogoonmaa pɛ minin lɛn manɛ ǹ mɛn waáraa, a na á diin nɛn laanka butumun mà saa, á mu kaa li, *izopi luu mɛn bɛ́ yii-n ka gɛ̀sɛ tã nɛ, á bɛ sã li, á pɛpɛsɛ̃ Lawa a Boo Sɛ́wɔ lɛ laanka zaman lɛ ganaa.

Ebrəə 9:19 Iomraidhean Croise

Loen 51:7

Dinin, ma dan bɛ́ maa nɔ̀ nɛ, bɛ̀ man sii baraa-zɛnaali lɛa gɔrɔ, man má yɛ ka sii baraa nɛ.

Bɔ bɛ̀rɛbaa nɛ 12:22

Ka *izopi luu yiikɔn saa, ka sã mà li tan nɛ, ka lɔ kiɛnlɛ-a ǹ gɔnɔn ganaa, a lon wɔ laanka a wàã li ǹ wɔn nɛ. Kaa min kɔ́n baran soo a n bɔ a kion wa, yǎa baayɛlɛ.

Izayii 52:15

Sisia kəni, tɔrɔ gigiã á re n kaã biɛ a ganaa. Boo ba kiin lɛ-n a yɔrɔ-a wa. A giala, ǹ bɛ́ ǹ màn mɛn pɛ ǹ nɛ wa, ǹ tá re bɛ yii, ǹ bin bɛ́ ǹ tɔn boo mɛn ma wa, ǹ tá re bɛ giala miɛ.

Ezekieli 36:25

Ma á re mu sonbore kiɛ ka ganaa, bɛ ka *yoreen kɔ. Ma á re kaa gɔ̀ siin tumaa pii ma ǹ bɔ ka ganaa, ka kaa dì siin kɛn tumaa nɛ.

Lawa a wúlu-bɔlen 1:10

Bɛ̀ tɔɔ boɛɛn nɛ a n die biɛ wúlu màn tiɛ̃ lɛa, ta sère ne hinlaa bòe ne, a doamaa nɛ a da ka a gɔ̀lɔ̀ nɛ, wɔ̀lɔ̀ ná a ba a ganaa wa.

Lawa a wúlu-bɔlen 3:6

Bɛ̀ min tá die tɔɔ boɛɛn koe Dɛnaa Lawa la, barka da ǹ wúlu màn lɛa, ta a gɔ̀lɔ̀ nɛ hinlaa ǹ dan nɛ, wɔ̀lɔ̀ doamaa bie a goã a ganaa wa.

Minin nimi 19:18

Min mɛn nə́ ke yoreene, bɛ izopi gùrù saa a sã màn gɔ́ɔ̃ mu lɛ li, min gã mɔnaa zìã mɛn lɛ gɔ́ɔ̃ nɛ a pɛsɛ̃ bɛ ganaa kɔnlɛ ka a gɔ́ɔ̃gɔ́ɔ̃ ǹ màn tumaa nɛ, ka min mɛnɛn dɔn nə goã a gɔ́ɔ̃ nɛ. Bɛ̀ min mɛn dɔ nə n gɔn da gere wen ganaa, hinlaa zia kana gere ganaa, hinlaa gɛ̀ kooro wole ganaa, hinlaa gere yala ganaa, ka pɛsɛ̃ bɛ dɔ ganaa.

Minin nimi 19:6

Lawa a wúlu-bɔle lɛ die a *sɛdrə da gɔn saa, ka *izopi gùrù laanka gɛ̀sɛ tã bonbon ne, dii dan lɛ bɛ́ kuĩ tɛ mɛn nɛ, a ǹ kaa bɛ nɛ.

Matiə 27:28

Ǹ ná a mɔnaan sɔlɔ ǹ nə́ ǹ bɔ a ganaa, ǹ nə́ dɔnkɛ tã wɔ a ganaa.

Marki 15:17

Ǹ nə́ dɔnkɛ tã wɔ a ganaa, ǹ nə́ nyan tã kii bafolo lɛa, ǹ nə́ wɔ a mìi ganaa, ka n pɛ mà maǹ koɛ kii lɛa.

Marki 15:20

Ǹ bɛ́ ǹ nə́ yaa wɔ a ganaa ǹ nə́ nya ǹ mɛn waáraa, ǹ nə́ mɔnaa tã lɛ sɔlɔ ǹ nə́ bɔ a ganaa, ǹ ná a din a mɔnaan goa ǹ nə́ ǹ wɔ a ganaa. Bɛ kio, ǹ nə́ soo-n kanaa, mà maǹ woe dere gɔn ganaa.

Zaã a sɛ́wɔ 19:2

Sɔraasin lɛn nə́ nyan tã kii bafolo lɛa ǹ nə́ wɔ a mìi-a, ǹ nə́ dɔnkɛ tã wɔ a ganaa ka n pɛ mà maǹ koɛ kii lɛa.

Zaã a sɛ́wɔ 19:5

Yezu soo kanaa, kii bafolo nyandɛnaa lɛ ná a mìi-a ka dɔnkɛ tã lɛ dɔ nɛ a ganaa. Pilati tɔ́n pɛ ǹ nɛ mà haya, mà giĩ lɛ á ke!

Ebrəə 1:1

Lɛlɛ, Lawa na á boo da wɔ digolon ne, gunyin damata ka yɔrɔ gigiã nɛ, ka a din a boo gii-dalin barka nɛ.

Ebrəə 10:22

Bɛ lɛ tɔ ganaa, ka daa wɔ n mɔrɔ Lawa ganaa ka foo sonbore ne, ka golee Lawa li taãn-taãn nɛ, wɔ foo n yoreen ne, gɔ́ɔ̃gɔ́ɔ̃ ǹ zɛ̀rɛ kɔ́n ná a ba wɔ ganaa wa, wɔ́ gɔ̀nɔn dɔ n pii-n ka mu sonbore ne.

Ebrəə 10:4

A giala, dii gɔ̀lɔ̀n laanka butumu mà a boe la, a sii baraan nya duduu wa.

Ebrəə 12:24

Ká n mɔrɔ Yezu ganaa, asɛ mɛn bɛ́ á lɛ kɔ kɔn la dii lɛ a zɛlɛ baa. Ka ǹ ká n mɔrɔ a mà kɛ ganaa min pii, mà mɛn bɛ́ dí gole nyɛɛ á la Abeli wɔ nɛ.

Ebrəə 9:12

Krita bɛ́ á kiɛ̃ mɔnaa kion lɛ nɛ, a na á wɔ Bǎã Sonbore Sonbore kɛ lɛ nɛ gunyin goon toto, a ba kɔsɔ zɛnɛɛ doo wa. A bie á wɔ ka butumun laanka diin nɛn mà nɛ, á kɔ wa, a na á n din mà kɔ. Bɛa yɔrɔ kɛ lɛ la, a na á wɔ si wɔa sii baraan la yǎa duduu.

Ebrəə 9:13

Lɛlɛ, min mɛnɛn nə goã gɔ̀dɛnan lɛa, landa wɔ paǹ li, wúlu-bɔlen lɛn nə́ butumun laanka dii gɔ̀lɔ̀n mà pɛpɛsɛ̃ bɛn ganaa, ka dii tiɛ̃ ton ne, màn mɛn bɛ́ toɛ, ǹ *yoreen kɔ, ǹ gɔ̀nɔn a gɔ̀ bɔ.

Ebrəə 9:18

Bɛ lɛ nɛ, lɛ kɔ kɔn la bibinaa lɛ dɔ na á n zɛnaa, ka mà gòɛ̃ ná a nɛ.

Piɛrɛ1 1:2

Díi Lawa din na á ka bɔ, á kɔnpɛ ka a din a saa lɛlɛ a sii yɔrɔ bɔ nɛ, á ka bɔ á ka koa ka gɔrɔn, a Yiri barka nɛ, màn mɛn bɛ́ toɛ, ka Yezu Krita bɔlɔ si, a mà lɛ *gɔ̀ bɔ ka ganaa. Lawa die a bǐɛ̃ gigiã zɛnaa ka nɛ, a là nyantoro gigiã dɔ kɔ ka la.