Ebrəə 9:12 - LAWA A BOO SONBORE

¹² Krita bɛ́ á kiɛ̃ mɔnaa kion lɛ nɛ, a na á wɔ Bǎã Sonbore Sonbore kɛ lɛ nɛ gunyin goon toto, a ba kɔsɔ zɛnɛɛ doo wa. A bie á wɔ ka butumun laanka diin nɛn mà nɛ, á kɔ wa, a na á n din mà kɔ. Bɛa yɔrɔ kɛ lɛ la, a na á wɔ si wɔa sii baraan la yǎa duduu.

LAWA A BOO SONBORE 2011

¹² Krita bɛ́ á kiɛ̃ mɔnaa kion lɛ nɛ, a na á wɔ Bǎã Sonbore Sonbore kɛ lɛ nɛ gunyin goon toto, a ba kɔsɔ zɛnɛɛ doo wa. A bie á wɔ ka butumun laanka diin nɛn mà nɛ, á kɔ wa, a na á n din mà kɔ. Bɛa yɔrɔ kɛ lɛ la, a na á wɔ si wɔa sii baraan la yǎa duduu.

Ebrəə 9:12 Iomraidhean Croise

Lawa a wúlu-bɔlen 16:15

Bɛa kiɛ̃ kio, butumu mɛn bɛ́ zaman lɛ a sii baraa sawaa ǹ wúlu màn lɛa, á bɛ bɔlɔ kuru, a wo ka a mà nɛ kion bii kuru kɔn-a ǹ mɔnaa lɛ nyɛɛnɛ. A sii mɛn zɛnaa ka dii gɔ̀lɔ̀ lɛ a mà nɛ, a bɛ lɛ miã zɛnaa ka butumu lɛ dɔ a mà nɛ. A pɛsɛ̃ goo lɛ lɛpii ganaa, a pɛsɛ̃ goo lɛ yɔrɔ-a.

Lawa a wúlu-bɔlen 4:3

Min mɛn bɛ́, ǹ nə́ bɔ ǹ nə́ koa wúlu-bɔlen kiã lɛa, bɛ̀ bɛ́ sii baraa zɛnaa, a na á zɛ̀rɛ saa á zaman lɛ tumaa gɔ nɛ. A sii baraa mɛn zɛnaa, a doamaa nɛ a dii gɔ̀lɔ̀ bɔ, wɔ̀lɔ̀ ná a ba a ganaa wa, a kɔ Dɛnaa Lawa la sii baraa lɛ a sawaa ǹ *wúlu màn lɛa.

Lawa a wúlu-bɔlen 8:2

Aarɔn laanka a nɛgiĩn bíi. Lawa a wúlu-bɔlen mɔnaan kɛn, ka ǹ bɔ a koa ǹ nyɔɔ kɛ nɛ, a pɛ minin manɛ, ǹ bɛn goa, ǹ da ǹ nɛ. Dii gɔ̀lɔ̀ ke sii baraa sawaa ǹ *wúlu màn lɛa, ka sère gɔ̀lɔ̀ màn paa kɛ nɛ, ǹ da ka bɛn dɔn nɛ. Kankaan ke buuru ná a nɛ, yɔ bù ná a ba li wa, ǹ da ka bɛ dɔ nɛ.

Lawa a wúlu-bɔlen 9:15

Bɛ kio, á zaman lɛ a Lawa gɔ ǹ mànan kɔ Lawa la. Zaman lɛ da ka butumu mɛn nɛ a sii baraa sawaa ǹ wúlu màn lɛa, á bɛ bɔlɔ kuru, á ǹ sii baraa a wúlu bɔ nɛ, ka a bɛ́ á diin nɛ banɛɛn lɛ baa lɔn bibinaa nɛ.

Zakarii 3:9

Man die kɔlɔ diɛ tán Yesuwa yɔrɔ-a. Bɛa kɔlɔ goon kɛ lɛ la, yii nàn sɔbaa n tɛ pii la. Ma dinmaa n die sɛ́wɔ kiɛ̃ la. Lɛawaa goon toto gɔ́ɔ̃ nɛ, man die gána kɛa sii baraan boe ma ǹ bɔ a ganaa. Masɛ Dɛnaa Lawa Pàãyiidɛnaa a da ǹ boo ne.

Marki 3:29

Sɛnɛ, min mɛn bɛ́ re Lawa a Yiri Fu tɔ ziziɛ̃, bɛa dɛnaa a sii baraa na a mìi-n duduu, Lawa a re bɛ toɛ ǹ dɛnaa-n wa.»

Luku 1:68

«Min tumaa Dɛnaa, Izirayeli a Lawa tɔ bɔ! Á n yɔrɔ da wɔsɛn la, á wɔ nyin si, a giala, wɔ na a din a tɔrɔ lɛa.

Nya ǹ dín 20:28

Ka ga ka dinin walan, ka Lawa a minin lɛn dɔn nɛ, Yiri Fu bɛ́ á ka bɔ á ka koa ǹ mɛnɛn nyɛɛnɛ. Lawa din na a sɔmɔ mɛn pii ka a din a Nɛgiĩ mà-n ke, ka goã bɛa lɛduə̃lin lɛa.

Efɛɛzi minin 1:7

Krita na á wɔ si bɛ̀rɛbaa la ka a din mà nɛ. A din na á toa wɔa sii baraan nə́ n toa wɔ nɛ. Lawa a bǐɛ̃baa lɛ á gole!

Kolɔɔsi minin 1:14

A Nɛgiĩ lɛ barka nɛ, á wɔ si sii baraa la, á wɔa sãn toa wɔ nɛ.

Tesaloniki1 1:10

Ka ǹ bɛ lɛ gɔ́ɔ̃ nɛ, n yii diɛ a Nɛgiĩ a bɔ lon a daa la, a ǹ mɛn lɛ yii kaa á bɔ geren bii, Yezu lɛ, die wɔ sii Lawa a biɛ̃ ǹ foo-busii la.

Tiitii 2:14

A na á n din kɔ wɔa lɛa, mà a wɔ si sii baraa tumaa la. A na á bɛ zɛnaa mà a wɔ baa zaman yoreen lɛa, wɔ na a dinsɔɔ̃ wɔn lɛa, wɔ goã din kɔ sii ganaa wolen lɛa, wɔ dí sonboren nya nɛ.

Ebrəə 1:3

Bɛa Nɛgiĩ kɛ lɛ n Lawa a gugurubaa tɛ-pɛle kɛ nyɛɛ, a din nə Lawa a Lawabaa nyɛɛ taãn-taãnɛ. A din nə kanaa kɛ kuĩ á golee ne, ka a boo pàãdɛnaa kɛ barka nɛ. A bɛ́ á kanaa minin sii baraa pii á nya ǹ mɛn waáraa, á woo giã Lawa pàãdɛnaa gusin lon.

Ebrəə 10:19

Bɛ lɛ taman yii, dɔɔ̃nɔn lɛn, foo-doa tá wɔ lon, wɔ wɔ Bǎã Sonbore Sonbore kɛ nɛ ka Yezu mà kɛ barka nɛ, mà ke á kaa wúlu màn lɛa.

Ebrəə 10:4

A giala, dii gɔ̀lɔ̀n laanka butumu mà a boe la, a sii baraan nya duduu wa.

Ebrəə 13:12

Bɛ lɛ a lɛa nɛ, Yezu dɔ́ gɛ̀ wɔ kiwi lɛ kio, á zaman lɛ *yoreen kɔ ka a din mà nɛ.

Ebrəə 5:9

A daraa fuu gɔ́ɔ̃-n lɛ bɛ́ á nya, Yezu a sii tumaa lɛ pã, á n baa kirisibaa nyabaã wole kɛ a kɔle lɛa, a bɔlɔ-silin tumaa nɛ.

Ebrəə 7:27

Yezu lɛ laadoo ba a ganaa, a wúlu bɔ baraabaraa, ka wúlu-bɔlen kiã gialakunun kɛn bɛ́ ǹ nə́ goã zɛnɛɛ lɔn, bibinaa nɛ a din a sii baraan lɛa, bɛ kio zaman dɔ wɔn lɛa wa. Yezu na á wúlu bɔ gunyin goon dinsɔɔ̃, bɛ̀ a bɛ́ á n din kɔ gɛ̀ la wɔa lɛa, kɔsɔ ba n zɛnɛɛ doo wa.

Ebrəə 9:13

Lɛlɛ, min mɛnɛn nə goã gɔ̀dɛnan lɛa, landa wɔ paǹ li, wúlu-bɔlen lɛn nə́ butumun laanka dii gɔ̀lɔ̀n mà pɛpɛsɛ̃ bɛn ganaa, ka dii tiɛ̃ ton ne, màn mɛn bɛ́ toɛ, ǹ *yoreen kɔ, ǹ gɔ̀nɔn a gɔ̀ bɔ.

Ebrəə 9:14

Sanparɛ Krita mà ke kəni! Krita mɛn bɛ́ á n din kɔ Lawa la, wúlu màn yoreen lɛa, ka Yiri Fu nyabaã wole barka nɛ, bɛ á boe la, a wɔ foon pii, a wɔ si bɔ̀nbaa ǹ sii zɛnaan la, màn mɛn bɛ́ toɛ, wɔ dí nya Lawa Yiikoonaa kɛ nɛ.

Ebrəə 9:15

Bɛ lɛ taman yii ni, Krita lɛ á lɛ kɔ kɔn la dii a zɛlɛ lɛa. Sii baraan mɛnɛn nə n zɛnaa lɛ kɔ kɔn la zizi a biikoo li, asɛ na á gã á minin si bɛn la, màn mɛn bɛ́ toɛ, Lawa din min mɛnɛn bíi, á n lɛ kɔ ǹ la ka bǐɛ̃ nyabaã wole ne, bɛn nə bɛ yɛ.

Ebrəə 9:19

Muizu bɛ́ á Dí-pɛn lɛn gogoonmaa pɛ minin lɛn manɛ ǹ mɛn waáraa, a na á diin nɛn laanka butumun mà saa, á mu kaa li, *izopi luu mɛn bɛ́ yii-n ka gɛ̀sɛ tã nɛ, á bɛ sã li, á pɛpɛsɛ̃ Lawa a Boo Sɛ́wɔ lɛ laanka zaman lɛ ganaa.

Ebrəə 9:28

Bɛa yɔrɔ kɛ lɛ dɔ la, Krita na á n din kɔ gunyin goon toto, màn mɛn bɛ́ toɛ, a min tumaa a sii baraan nya. A bɛ́ re wusii a daa doo ke, a bie re sii kɔ́n zɛnɛɛ sii baraa wɔ gɔn la doo wa. Min mɛnɛn bɛ́ n yii diɛ la kirisibaa a lɛa, a n die bɛn lɛa.

Ebrəə 9:7

Sɛnɛ, wúlu-bɔlen kiã kɛ dinsɔɔ̃ n we kion lɛ a gɔ́ɔ̃ paabaa ǹ wɔ kɛ nɛ, a n bɛ zɛnɛɛ gunyin goon dinsɔɔ̃ lɛ̀ goon gɔ́ɔ̃ nɛ. A doamaa nɛ a wɔ ka tɔɔ mà nɛ, a kɔ Lawa la *wúlu màn lɛa, a dinmaa a sã ǹ siin lɛa, ka zaman lɛ dɔ wɔn nɛ.

Sii-nyaan 1:5

Yezu lɛ n siére sonbore lɛa, a din yii na á kaa bibinaa nɛ á n bɔ geren bii, a n kanaa a kiin tumaa mìi la. Min mɛn bɛ́ a wɔ narɛ, a din na á wɔ si wɔa sii baraan la ka a gɛ̀ nɛ.

Sii-nyaan 5:9

Maǹ nə́ goã loe tii loe kɛnɛn: «Ń kɔnbɔ n sɛ́wɔ kɛ si, ń kɔnbɔ n na a lɛ tã ǹ bǎãn kɛn bũ, a giala, n din ni ǹ nə́ n baa *wúlu màn lɛa. Ń minin pii ka n din mà nɛ, ń kɔ Lawa la, ǹ nə́ zaman gigiã lɛa, tɔrɔ tumaa lɛa, gána tumaa minin lɛa, ǹ nə́ bɔlɔ tumaa pii.