Ebrəə 9:11 - LAWA A BOO SONBORE

¹¹ Sɛnɛ, sisia kəni, *Krita na á daa. Ǹ goã n yii diɛ bǐɛ̃n mɛnɛn la, asɛ n bɛn wúlu-bɔlen kiã lɛa. Asɛ a wúlu-bɔlebaa ǹ mɔnaa kion lɛ barka á gole, a lɛ-piɛ̃maa dɔ nɛ, á la lɛlɛ wɔ kɛ nɛ. Minbuiin nɛ gɔn bie á dɔ wa, a ba kanaa kɛ dɔ wɔ lɛa wa.

LAWA A BOO SONBORE 2011

¹¹ Sɛnɛ, sisia kəni, *Krita na á daa. Ǹ goã n yii diɛ bǐɛ̃n mɛnɛn la, asɛ n bɛn wúlu-bɔlen kiã lɛa. Asɛ a wúlu-bɔlebaa ǹ mɔnaa kion lɛ barka á gole, a lɛ-piɛ̃maa dɔ nɛ, á la lɛlɛ wɔ kɛ nɛ. Minbuiin nɛ gɔn bie á dɔ wa, a ba kanaa kɛ dɔ wɔ lɛa wa.

Ebrəə 9:11 Iomraidhean Croise

Siin Giala 49:10

Kiibaa n die goɛ̃ Zudaa a kion biikoo tumaa li. Kiibaa ǹ bàbàla n die goɛ̃ a tɔrɔn gɔn biikoo tumaa li, yǎa kiibaa ǹ bàbàla lɛ a dɛnaa die, tɔrɔ tumaa doamaa bɛ́ ǹ min mɛn bɔlɔ si.

Loen 40:7

N lɛ kɔ *wúlu màn laanka gɔ ǹ màn ganaa wa. Ń bɛ pɛ, á kaa ma too yala-n. N lɛ kɔ wúlu màn tiɛ̃ laanka sii baraa sawaa ǹ wúlu màn ganaa wa.

Izayii 59:20

Si sii la wole á re die *Siɔn, Zakɔba a minin kɛn lɛa, ǹ nə́ ǹ sii baraan kaa. Dɛnaa Lawa a da ǹ boo ne.

Zeremii 33:8

Ǹ sii baraa mɛn tumaa zɛnaa masɛ nɛ, ma á re ǹ *yoreen koe, ma ǹ sii baraan toa ǹ nɛ ka ǹ gòãn dii ǹ siin kɛn nɛ masɛ ganaa.

Malakii 3:1

Dɛnaa Lawa Pàãyiidɛnaa a lɛ si ǹ boo n ka kɛ nɛ: Á ke, má maa dia dí-a wole dia máa a da zii zɛnaa ma nyɛɛnɛ. Ka bɛ́ giɛ dɛnaa mɛn li, á re we Lawa a kion a din bǎã-n gɔrɔ, maa boo gii-dali mɛn bɛ́ ka n duĩ, á re maa lɛ kɔ kɔn la ǹ boo lɛ pii ka nɛ. Á ke yii die, Dɛnaa Lawa Pàãyiidɛnaa na á pɛ.

Matiə 11:3

mà ǹ wo nɔ̀n da la: «Wɔsɛn bɛ́ n yii diɛ Minin Nyin-sili mɛn la, a din lɛ-n hinlaa, wɔ doamaa nɛ wɔ n yii da kɔsɔ la?»

Matiə 2:6

«Kasɛn Bɛtlehɛmu minin lɛn, ka baran taasɛ mà ka dɔn dinin kiwi kɛ lɛ n kiɛɛrɛ Zudee gána a kiwin bii wa, a giala, goledɛnaa á re boe a nɛ, a giã Izirayeli mìi la, ma din a minin lɛn, a ǹ tamaa.»

Marki 14:58

mà ǹsɛn nə́ ma a lɛ-n, mà minbuiinin nə Lawa a kion mɛn dɔ ka ǹ gɔn nɛ, mà asɛ á die bɛ lɛ wurii, a wusoo a kɔsɔ dɔ lɛawaa sɔɔ gɔ́ɔ̃ nɛ, min gòɛ̃ ná a ba a-n wa.

Zaã a sɛ́wɔ 1:14

Bɛa Boo kɛ lɛ na á n baa minbuiin nɛ lɛa, á giã wɔ bii. Wɔ́ a gugurubaa yɛ, Díi Lawa din bɛ́ á gugurubaa mɛn kɔ a Nɛgiĩ goon toto la. Bǐɛ̃baa laanka sonborebaa tá a lon parsiini.

Zaã a sɛ́wɔ 4:25

Lɔ lɛ tɔ́n pɛ Yezu ni: «Ma á doɛ̃ máa Lawa a die Minin Nyin-sili diɛ, ǹ nə́ bíi *Krita. Bɛ̀ bɛ daa ǹ mɛn waáraa, á die sii din tumaa yɔrɔ nyɛɛ wɔsɛn manɛ.»

Nya ǹ dín 7:48

Sɛnɛ, Lon a Lawa Gole lɛ bie giɛ̃ minbuiin nɛn gɔn kion doe-n wa. Ka Lawa a boo gii-dali bɛ́ á pɛ lɔn:

Korɛnti2 4:18

A giala, yii bɛ́ màn mɛn yii, ma bie n yiri koɛ bɛ ganaa wa. Yii bɛ́ a ba ǹ mɛn yii wa, ma yiri n bɛ ganaa. Yii bɛ́ màn mɛn yii, bɛa beleboe taãn ma. Sɛnɛ, yii bɛ́ a ba màn mɛn yii wa, bɛ n beleboe yǎa duduu.

Korɛnti2 5:1

Sonbore, wɔ á doɛ̃ wáa kion ke wɔ tá a nɛ, wɔ gɔ̀nɔn kɛ nɛ. A n ka mɔnaa kion kooro bɛ́ lɔn, a n die ziziɛ̃. Sɛnɛ, kion kɔsɔ tan wɔa wɔ lɛa Lawa dɔ. A n giã ǹ bǎã lɛa lon yǎa duduu. Min gɔn bie á bɛ zɛnaa wa.

Kolɔɔsi minin 2:11

Bɛa kaa-kun lɛ taman yii, kurii na á n zɛnaa ka ganaa, bɛa kurii lɛ, minbuiin nɛ bie á zɛnaa wa, bɛa kurii lɛ n boe Krita li, bɛ na á ka si gɔ̀nɔn siĩ siin kɛn la.

Ebrəə 10:1

Ǹ goã n yii diɛ bǐɛ̃n mɛnɛn la, di-pɛ lɛ n bɛa kɔnboe nuùnaà nyɛɛ, a bie bɛa sii lɛ din taãn kɛ lɛa wa. Lɛ̀ woo lɛ̀, wúlu mànan manə n boe. Min mɛnɛn bɛ́ n mɔrɛ Lawa ganaa, di-pɛ lɛ n boe la, a bɛn baa min lɛ-piɛ̃n lɛa lɔn ka wúlu mànan kɛn barka nɛ?

Ebrəə 12:27

Bɛa «gunyin goon doo» kɛ lɛ n nyɛɛ, mà kanaa diɛ kɛ lɛ a màn bìn-dali tumaa á re papaɛ̃, mà a bìn-dali baãnaa n die goɛ̃.

Ebrəə 13:14

A giala, kiwi ba wɔ lon kanaa kɛ nɛ, wɔ n die giɛ̃ a nɛ duduu wa, wɔ n giɛ biɛ̃ ǹ wɔ kɛ li.

Ebrəə 2:17

Bɛ lɛ na á toa, á n din baa ka n dɔɔ̃n minbuiin nɛn bɛ́ lɔn yɔrɔ tumaa la, màn mɛn bɛ́ toɛ, a n baa wúlu-bɔlen kiã lɛa, á n makara doɛ̃ a dí kɛ nɛ Lawa yɔrɔ-a, a minin sii baraa tuturu.

Ebrəə 3:1

Bɛ lɛ taman yii, ma dɔɔ̃nɔn lɛn, ka ǹ Lawa wɔn lɛa, a din na á ka dɔn bíi. Ka ga Yezu lɛ ganaa, Lawa min mɛn dia, á daa n baa wɔa goleemali lɛ a wúlu-bɔlen kiã lɛa, wɔ bɛ́ pii wáa wɔ́ lɛ kɔ goleemali mɛn ganaa ke lɛn.

Ebrəə 4:15

Wúlu-bɔlen kiã mɛn bɛ́ a ba wɔa pàã wɛɛnaabaa doɛ̃ wa, bɛ bie wɔ lon wa. Wɔa wúlu-bɔlen kiã lɛ damagɔ́ɔ̃li ǹ siin fuu yɛ, yɔrɔ din tumaa la ka wɔ dɔn bɛ́ lɔn, sɛnɛ, asɛ sii baraa zɛnaa wa.

Ebrəə 7:1

Mɛlkizedɛki lɛ na á goã Salɛmu kiwi a kii lɛa, a na á goã Lon a Lawa Gole a wúlu-bɔle lɛa. Abrahamu bɛ́ á woo zia da kiin ganaa á boo ǹ la, a bɛ́ n bɔyɛɛ, Mɛlkizedɛki lɛ na á woo n da lɛ, á Lawa bǐɛ̃ bíi li.

Zaã1 5:20

Wɔ á doɛ̃, wáa Lawa a Nɛgiĩ na á daa, á yiri kɔ wɔ la, mà wɔ Lawa Taãn kɛ dɔ̃. Wɔ ǹ goɛ̃ kun ka Lawa Taãn kɛ nɛ, a din a Nɛgiĩ Yezu Krita pàã ganaa. A din Yezu lɛ n Lawa Taãn lɛ lɛa, a din dɔ n nyin nyabaã dɔ lɛa.

Zaã2 1:7

Soɛ-bɔle gigiã nə́ n da kanaa la. Maǹ nə́ n piɛ̃ ǹ ba golee li, mà Yezu Krita daa minbuiin nɛ taãn lɛa wa. Min mɛn bɛ́ zɛnɛɛ miɛ̃, bɛ lɛ n soɛ-bɔle lɛ lɛa, Krita a Zɔ́ɔ dɔ nɛ.