Ebrəə 9:10 - LAWA A BOO SONBORE

¹⁰ Bɛa Lawa guguru kɔ ǹ siin kɛn lɛn man doa-n màn-biin ganaa, ka màn-miin ni, ka zoo a *gɔ̀ bɔmaganaa tɔrɔ gigiã nɛ, Landa wɔ paǹ li. Bɛn man nə́ goã minin yɔrɔ-a siin lɛa, ǹ nə́ goã n zɛnɛɛ, yǎa Lawa din a wusoo a sii tumaa giala kɔ dii lɛa kɛ a biikoo dɔ.

LAWA A BOO SONBORE 2011

¹⁰ Bɛa Lawa guguru kɔ ǹ siin kɛn lɛn man doa-n màn-biin ganaa, ka màn-miin ni, ka zoo a *gɔ̀ bɔmaganaa tɔrɔ gigiã nɛ, Landa wɔ paǹ li. Bɛn man nə́ goã minin yɔrɔ-a siin lɛa, ǹ nə́ goã n zɛnɛɛ, yǎa Lawa din a wusoo a sii tumaa giala kɔ dii lɛa kɛ a biikoo dɔ.

Ebrəə 9:10 Iomraidhean Croise

Bɔ bɛ̀rɛbaa nɛ 29:4

N da Aarɔn laanka a nɛgiĩn lɛn nɛ, kɔn yɛ ka Lawa nɛ ǹ Kion lɛ a kiɛnlɛ-a, n nə ǹ zoo mu li.

Bɔ bɛ̀rɛbaa nɛ 40:12

«Ń die n da ka Aarɔn nɛ, ka a nɛgiĩn ni kɔn yɛ ǹ kion lɛ a kiɛnlɛ-a, n nə ǹ zoo mu lɛ li.

Ezekieli 4:14

Má tɔ́n a lɛ si má pɛ: «E! Dɛnaa Lawa, ma tɔn *gɔ̀ da ma din-a duduu wa. A saa maa nɛnyaanbaa waáraa ganaa a da kaa pelo lɛ, bɛ̀ màn mɛn gã a din li hinlaa don mànan man nə́ dɛ, máa ma bin bɛa siĩ sɔ̃ duduu wa, ma bin siĩ gɔgɔrɛ kɔn wɔ ma lɛ-n wa.»

Lawa a wúlu-bɔlen 13:58

Bɛ̀ mɔnaa lɛ nɛ, ta mɔnaa wùsu hinlaa dɔnkɛ nɛ, hinlaa ta ki màn mɛn nɛ, bɛ̀ á pii, sulii lɛ nə́ n bɔ a ganaa, a wusoo a pii doo, a tɔn yoreen kɔ.

Lawa a wúlu-bɔlen 16:24

Ǹ bǎã mɛn bɔ ǹ nə́ koa Lawa wɔ lɛa, a n zoo walan, a tɔn na a mɔnaan lɛn goa a ǹ wɔ. Bɛ kio, a soo kəni, a na a din laanka zaman lɛ a wúlu màn tiɛ̃ dɛ, a sii baraa sawaa ǹ wúlu bɔ a din laanka zaman lɛ a lɛa.

Lawa a wúlu-bɔlen 16:4

Dɔnkɛ mɛn bɛ́ ǹ nə́ zɛnaa ka mɔnaa guguru sonbore ne, Lawa a dí nya ǹ wɔ lɛa, a bɛ wɔ, a mɔnaa guguru sonbore bɛ̀rɛ̀ wɔ, a n binbin yii ka a maabɛlɛ nɛ, a na a mɔnaa gɔn yii a mìi ganaa. Lawa a dí nya ǹ mɔnaan manɛ. Bɛ lɛ taman yii, a n zoo, a tɔn nə ǹ wɔ.

Lawa a wúlu-bɔlen 22:6

Bɛ̀ min mɛn nə́ n gɔn da bɛa mànan lɛn ganaa, ǹ dɛnaa n goɛ̃ gɔ̀dɛnaa lɛa yǎa wasa woe miɛ̃. Ǹ dɛnaa a boe la a wúlu màn sonboren kɛn wɔ a lɛ-n, bɛ̀ a ná a n zoo bɔrɔ wa.

Minin nimi 6:3

bɛa dɛnaa lɛ doamaa bie a duvɛ̃ laanka yɔ kakaarɛn mi wa, a doamaa bie a duvɛ̃ a pipiã hinlaa yɔ kakaarɛ a pipiã mi wa. A doamaa bie a rezɛ̃ mu tɔrɔ kɔn din mi wa, a doamaa bie a rezɛ̃ nɛ buruu hinlaa rezɛ̃ nɛ laa bii wa.

Marki 7:4

Ta ǹ nə́ bɔ pii ni ǹ nə́ daa, bɛ̀ ǹ nə n zoo bɔrɔ wa, ǹ ba màn bii wa. Landa sii gigiã tan ǹ digolon nə́ ǹ nyaa ǹ nɛ, ǹ tá ǹ tamaɛ, ka paanan pii ǹ gɔn sonbore á ke lɔn, ka dɔ́nɔn nɛ, ka fɔlɔ donkolonən laanka giã ǹ goon pii ni.

Galaasi minin 4:9

Sɛnɛ kanna, ká Lawa dɔ̃. A taãnbaa din li Lawa na á kasɛn dɔ̃. Kanaa màn pàãwɛɛnan kɛn, là goon ná a ba ǹ ganaa wa, ka ǹ li ka goã bɛn bɛ̀rɛn lɛa doo?

Efɛɛzi minin 1:10

Bɛ̀ a biikoo dɔ ǹ mɛn waáraa, màn mɛnɛn tumaa bɛ́ lon, ǹ mɛnɛn tumaa bɛ́ tán, a n die ǹ soekɔn, a goledɛnaa goon toto koa ǹ mìi la, bɛ n ka Krita nɛ.

Efɛɛzi minin 2:15

Á Zuifun Landa ziziɛ̃ kɔnlɛ ka a dí-pɛn kɛn laanka ǹ zɛnaa ǹ gɔnɔn nɛ. Bɛ a zɛnaa miɛ̃ kɛ lɛ gɔ́ɔ̃ nɛ, a na á zɔɔ̃ li, mà a tɔrɔ paa kɛ lɛ baa zaman dii goon toto lɛa, kun ka a din ni. A na á baa miɛ̃ á là nyantoro koa.

Timəə dí-pɛn 21:6

Ǹ min mɛn lɛ dɛ, kiwi lɛ a min golen mɛnɛn tumaa nə n mɔrɔ a gere ganaa, ǹ dii luu lɛ mìi yu tà mɛn lɛ-a, ǹ nə n gɔnɔn pii a lalan walan,

Timəə dí-pɛn 23:11

Bɛ̀ zia-baali lɛ a mɛn tá kun ka nɛ, a ná a *yoreen wa, a giala a giulun na á pisəə tèlò-n, bɛ doamaa nɛ a soo a n bɔ kaa giã ǹ bǎã lɛ nɛ, a giã kanaa yǎa wasa woe miɛ̃.

Kolɔɔsi minin 2:16

Bɛ lɛ tɔ ganaa, ka baran toa min kɔ́n ka zɛ̀rɛ baa màn-bii hinlaa màn-mii sii ganaa wa, hinlaa a ka zɛ̀rɛ baa zɔ́n pinaan koa ganaa, ka mui diin ni, ka susu ǹ piin ni wa.

Ebrəə 10:22

Bɛ lɛ tɔ ganaa, ka daa wɔ n mɔrɔ Lawa ganaa ka foo sonbore ne, ka golee Lawa li taãn-taãn nɛ, wɔ foo n yoreen ne, gɔ́ɔ̃gɔ́ɔ̃ ǹ zɛ̀rɛ kɔ́n ná a ba wɔ ganaa wa, wɔ́ gɔ̀nɔn dɔ n pii-n ka mu sonbore ne.

Ebrəə 13:9

Ka baran toa ǹ ka yiri sã ka daraa tɔrɔ diin ni wa. A giala, a n siĩni min foo tã kɔ Lawa a bǐɛ̃baa barka nɛ. A baran tã kɔ màn-biin bɔkɔnlɛ gɔn wa. A giala, min mɛnɛn nə n saa bɛn li, ǹ là kɔ́n yɛ a-n wa.

Ebrəə 2:5

Sonbore, kanaa mɛn bɛ́ die wɔ ná a boo diɛ, Lawa bie re bɛ diɛ lon a dia dí-a wolen pàã giulun wa.

Ebrəə 6:2

*Batɛmun kɛn nɛ, gɔn da min mìi-n a Lawa nyankɔ nɛ, ka geren yii kaa laanka dɔlɔ nyabaã kɛ a boo diɛ nɛ.

Ebrəə 6:5

Ǹ nə́ yɛ ǹ dinin foo ne, mà Lawa a boo á kɔɔ̃nɛ, mà pàã tá *Lawa a kiibaa lɛ nɛ.

Ebrəə 7:12

A giala, bɛ̀ wúlu-bɔlebaa nə́ n bɔyaa, Lawa a dí-pɛn mɛnɛn dɔn bɛ́ boo diɛ wúlu-bɔlebaa lɛ wɔ gɔn la, bɛn dɔn doamaa-n ka bɔyaa nɛ.

Ebrəə 7:16

Asɛ a wúlu-bɔlebaa lɛ bie á n zɛnaa, á kɔnpɛ ka tɔrɔbaa sii-n wa, sɛnɛ, nyin nyabaã pàãdɛnaa mɛn bɛ́ a lon, a wɔ lɛ na á bɔ bɛ nɛ.

Ebrəə 9:1

Lɛ kɔ kɔn la bibinaa lɛ nɛ, Lawa guguru kɔ ǹ siin laanka Lawa guguru kɔ ǹ bǎã mɛn goã, bɛn man nə́ goã kanaa wɔn lɛa.