Ebrəə 9:1 - LAWA A BOO SONBORE

¹ Lɛ kɔ kɔn la bibinaa lɛ nɛ, Lawa guguru kɔ ǹ siin laanka Lawa guguru kɔ ǹ bǎã mɛn goã, bɛn man nə́ goã kanaa wɔn lɛa.

LAWA A BOO SONBORE 2011

¹ Lɛ kɔ kɔn la bibinaa lɛ nɛ, Lawa guguru kɔ ǹ siin laanka Lawa guguru kɔ ǹ bǎã mɛn goã, bɛn man nə́ goã kanaa wɔn lɛa.

Ebrəə 9:1 Iomraidhean Croise

Bɔ bɛ̀rɛbaa nɛ 25:8

Izirayeli nɛnyaanan lɛn tá re ma guguru kɔ ǹ bǎã zɛnɛɛ, ma á re goɛ̃ ǹ bii.

Ezekieli 43:11

Bɛ̀ ǹ zɛnaa ǹ siin lɛn tumaa sìi da ǹ ganaa, bɛa biikoo li, n maa kion lɛ nyín nyaa ǹ nɛ, a gɔ́ɔ̃ nə n kukuru kɔn lɔn, wɔ ǹ bǎãn laanka soo ǹ bǎãn nɛ, kion lɛ a dɔ ǹ gɔn tumaa. Kion lɛ a kɔnboe kiɛ̃ nyín lɛa n nyaa ǹ nɛ, màn mɛn bɛ́ toɛ, landan laanka sii zɛnaa ǹ gɔnɔn mɛnɛn tumaa nə n koa kion lɛ wɔ paǹ li, ǹ boo la ǹ bɛn tamaa, ǹ kɔ ǹ lɛ.

Lawa a wúlu-bɔlen 18:30

Ma pɛ ka nɛ máa ka boon mɛnɛn tamaa, ka n doa ka bɛn lɛn tamaa, màn mɛn bɛ́ toɛ, ǹ goã landa bɔbɔnɛɛn mɛnɛn zɛnɛɛ gána lɛ nɛ, bɛ̀ ka bɛ́ ka tɔn daa wa, ka nyan toa ka bɛn zɛnaa wa. Ka baran gɔ̀ da ka dinin ganaa ka bɛ miã siin kɛn nɛ wa. Masɛ din Dɛnaa Lawa n kaa Lawa lɛa.

Lawa a wúlu-bɔlen 22:9

Man gɔn waa ka nɛ ka boon mɛnɛn nɛ, ka kɔ bɛn lɛ, màn mɛn bɛ́ toɛ, ka baran sii baraa saa ka da ka dinin mìi ni, màn-bii sii wɔ paǹ li wa. Bɛ̀ ka masɛ a boo tii bɛa sii lɛ gɔ́ɔ̃ nɛ, ka á re giɛ̃. Masɛ Dɛnaa Lawa din ni má ka bɔ, má ka koa maa dí mìi la.

Minin nimi 9:12

Ǹ baran màn kɔn koa baayɛlɛ wa, ǹ baran siĩ lɛ a wen yiyiɛ wa. N die ǹ kiɛ̃mala ǹ zɔ́n lɛ zɛnaa, a kɔnpɛ ka a zɛnaa ǹ gɔn nɛ ka te.

Luku 1:6

Ǹ dinin min paa goã min peperen lɛa Lawa yɔrɔ-a, maǹ nə́ goã Dɛnaa a dí-pɛn lɛn tumaa bɔlɔ sii taãn-taãnɛ.

Rɔmu minin 9:4

Ǹ dinin lɛn man Izirayeli minin lɛa, maǹ Lawa din a tɔrɔ lɛa, á ǹ bɔ a nɛnyaanan lɛa, a ná a din a gugurubaa kɛ nyaa ǹ nɛ. A na á lɛ kɔ kɔn la wɔ ka ǹ dinin ni, a ná a dí-pɛn kɔ ǹ la, a ná a din guguru kɔ ǹ gɔn nyaa ǹ nɛ, á n lɛ kɔ ǹ la gunyin damata ka kirisibaa ǹ boo ne.

Kolɔɔsi minin 2:8

Ka ka dinin kũ, ka baran toa min kɔ́n ka sã ka yiri binbiri bɔ ǹ boon ne wa, minbuiinin landa boon kɛn, màn kɔ́n ná a ba ǹ nɛ wa, kanaa màn pàãdɛnan lɛa, ǹ nə́ ǹ ba doa-n Krita ganaa wa.

Ebrəə 8:13

Lawa bɛ́ lɛ kɔ kɔn la dii boo diɛ, wɔ dɔ̃ mà a n nyɛɛ, mà a bibinaa kɛ zizi kɔ. A da yaa, màn mɛn bɛ́ á zizi kɔ a biikoo kiɛ̃, bɛ n woe papaã ganaa.

Ebrəə 8:2

A n wúlu bɔ ǹ dí nyɛɛ *wúlu bɔ ǹ bǎã nɛ, bɛ giala, mà Lawa a kion taãn kɛ nɛ. Lawa din na á bɛa kion lɛ dɔ, min bie á dɔ wa.

Ebrəə 8:7

Sonbore, bɛ̀ *gɔ̀ boɛɛn na a yɛ lɛ kɔ kɔn la bibinaa lɛ ganaa wa, bɛ̀ mìi ba goɛ̃ la, ǹ kɔsɔ da a bǎã-n wa.

Ebrəə 9:24

Sonbore, Krita bie á wɔ minbuiinin bǎã sonbore zɛnaa kɛ-n wa, bɛa minbuiinin wɔ a zɛnaa kɛ lɛ na á goã a taãn kɛ nyín kooro lɛa. Sɛnɛ, a na á wɔ lon dinmaa gɔ́ɔ̃ nɛ, màn mɛn bɛ́ toɛ, a n din nyaa kanna Lawa yɔrɔ-a wɔsɛn lɛa.