Ebrəə 8:9 - LAWA A BOO SONBORE

⁹ Bɛa lɛ kɔ kɔn la dii kɛ lɛ a re goɛ̃ ka a zizi kɛ bɛ́ lɔn wa, ma a zizi mɛn wɔ ka ǹ digolon ne, bɛ̀ ma bɛ́ má soo ǹ ne, má ǹ bɔ bɛ̀rɛbaa nɛ Ezipti gána nɛ. Ǹ dinin man nə́ maa lɛ kɔ kɔn la kɛ lɛ ziziɛ̃, bɛ lɛ nɛ, ma dɔ́ tɔ́n nə ǹ toa walan.

LAWA A BOO SONBORE 2011

⁹ Bɛa lɛ kɔ kɔn la dii kɛ lɛ a re goɛ̃ ka a zizi kɛ bɛ́ lɔn wa, ma a zizi mɛn wɔ ka ǹ digolon ne, bɛ̀ ma bɛ́ má soo ǹ ne, má ǹ bɔ bɛ̀rɛbaa nɛ Ezipti gána nɛ. Ǹ dinin man nə́ maa lɛ kɔ kɔn la kɛ lɛ ziziɛ̃, bɛ lɛ nɛ, ma dɔ́ tɔ́n nə ǹ toa walan.

Ebrəə 8:9 Iomraidhean Croise

Siin Giala 19:16

A bɛ́ n lɔloɛ, lon a dia dí-a wolen lɛn nə́ kũ a gɔn-a, ǹ ná a lɔ dɔ laanka a nɛlɔ min paa lɛ kũ. Ǹ nə́ ǹ baã ǹ nə́ soo ǹ ne, ǹ nə́ ǹ kaa kiwi kio, a giala, Lɔti makara na á goã boe Dɛnaa ganaa.

Zɔbu 8:20

A din nə ke. Lawa a min pepere tii wa, a ba n doe min baraan lɛ wa.

Loen 105:43

A din na á toa, a zaman nə́ soo ka foo kɔɔ̃n nɛ, á toa a din a yii gɔgoɛ̃ wolen kɛn nə́ soo ka nyɛnyɛɛ gole ne.

Loen 77:20

Ń nə́ n kiɛ̃ ǹ zii bɔ kɔ̀ mu bii, ń bɔ mu zuzulun bii, min kɔn dɔ boo la, á n gòɛ̃ yɛ wa.

Loen 78:57

Ka ǹ digolon bɛ́ lɔn, ǹ nə́ n boɛ̃ ǹ nə n bɔ Lawa li, ǹ nə́ wusoo ka ǹ kio ne, min ba n foo doɛ ǹ ganaa wa. Maǹ ka sa biɛ bubunii bɛ́ lɔn.

Bɔ bɛ̀rɛbaa nɛ 32:8

Á ke, ma zii mɛn nyaa ǹ nɛ, ǹ nə n foo kũ, ǹ nə́ goã bɛ la wa, ǹ nə́ ke ǹ nə́ kanaa ǹ nə́ n bɔ la. Á ke, ǹ nə́ diin nɛ nyín zɛnaa, ǹ ná a guguru kɔ, ǹ nə́ wúlu mànan dɛ a ganaa. Ǹ nə́ pɛ kɛnɛn dɔn dinin: «Haya, Izirayeli minin lɛn, kaa lawa lɛ á ke, ǹ mɛn lɛ ka bɔ Ezipti gána nɛ, á soo ka nɛ.»

Bɔ bɛ̀rɛbaa nɛ 34:10

Dɛnaa pɛ Muizu-n kəni: «Man die lɛ kɔ kɔn la we ka ka nɛ. N zaman kɛ lɛ yɔrɔ-a, man die sii dadaran zɛnɛɛ, siin mɛnɛn miã bɛ́ a tɔn nə n zɛnaa kanaa paǹ kɔ́n nɛ wa, ka gána kɔ́n dɔ-n wa. Zaman lɛ tumaa á re yii, mà pàã tá masɛ Dɛnaa a dí lɛ nɛ, ma bɛ́ re ǹ mɛn lɛ nyɛɛ n gɔn lɛn.

Loe kɔɔ̃n kɔɔ̃n 8:5

Lɔ mɛn nə ke n toɛ diə gole li die, paraa-n denden a din foo dùũ wɔ gùrù ganaa? Man má n yii kaa pɔmu da kɛ giulun, n dan bɛ́ á n nɔ̀ si bǎã mɛn lɛ nɛ, a bɛ́ á n yɛ á n da kanaa bǎã mɛn lɛ nɛ.

Izayii 40:11

Ká tɔɔn-lɛduə̃li bɛ́ lɔn, a na a tɔɔn lɛduĩ. Bɛ̀ á n gɔn saa ǹ li, maǹ nə n lɛ soekɔn. A n sère nɛn guĩ a kolɔn. Sere daanan mɛnɛn bɛ́ nɛn nə́ ǹ kio, a n woe bɛn nɛ sɛlɛlɛ.»

Izayii 41:13

A giala, masɛ Dɛnaa Lawa nə n Lawa lɛa. Má n gusin-a gɔn kũ kaka. Man wusii pii n ni: «Nyɛ́ɛ nyan nə n kũ wa, man die n gú ganaa.»

Izayii 51:18

N nɛnyaan mɛn tumaa yɛ, ǹ kɔn bin nə n nyɛɛnaan bɔ wa, n nə ǹ mɛnɛn tumaa too, ǹ kɔn bin nə n kũ n gɔn ganaa wa.

Izayii 63:9

Ǹ nɔmaan kɛn tumaa gɔ́ɔ̃ nɛ, a dɔ nɔmaa. Lawa a dia dí-a wole mɛn bɛ́ golee ne a yɔrɔ-a, bɛ lɛ dinmaa na á ǹ kirisibaa. A kɔn-narɛɛ laanka a makara-doɛ̃ kɛ taman yii, á ǹ si á ǹ kaa. Ǹ sii tumaa gɔ́ɔ̃ nɛ, á n dɔ ǹ lɛ, á goã kunun ǹ ni lɛawaan kɛn tumaa gɔ́ɔ̃ nɛ ǹ nə́ kiɛ̃.

Zeremii 31:32

Ma lɛ kɔ kɔn la mɛn wɔ ǹ digolon ne bɛ̀ ma bɛ́ má ǹ kũ ǹ gɔn ganaa Ezipti gána nɛ má soo ǹ ne, á re goɛ̃ totoro ka bɛ nɛ. Ǹ nə́ bɛa lɛ kɔ kɔn la lɛ ziziɛ̃. A da yǎa ma din nə ǹ Dɛnaa lɛa. Ma din Dɛnaa Lawa a da ǹ boo ne.»

Busii pɛ 4:16

Dɛnaa Lawa ba li a ǹ yɛ doo wa. A dinmaa na á ǹ loo paǹ tumaa li. Min kɔn Lawa a wúlu-bɔlen guguru kɔ doo wa. Ǹ ba min zizin diɛ sii li doo wa.

Ezekieli 16:59

Masɛ Dɛnaa Lawa n kɛ pii: N sii mɛn zɛnaa, man die bɛ lɛ miã zɛnɛɛ n nɛ. A giala, n liɛ mɛn wɔ, n bɛ baa sii lɛa wa, n lɛ kɔ kɔn la lɛ ziziɛ̃.

Ezekieli 16:8

Bɛ kio, ma bɛ́ má wusoo má bɔ walan doo, má n yɛ. Bɛa biikoo li, bɛ̀ ń dɔ lɔbaa ganaa. Ma tɔ́n maa mɔnaa lɛkoro lɛ bɔ má kɔ n lɛ, má n sìi duru ni. Bɛ kio má n lɛ kɔ n la, má n liɛ n nɛ. Máa n masɛ wɔ baa ka bɛa yɔrɔ lɛ nɛ. Ma din Dɛnaa Lawa a da ǹ boo ne.

Amɔɔsi 5:22

Ka bɛ́ wúlu mànan mɛnɛn tiɛ̃ lenlen maa wɔ lɛa, ka bɛ́ ma goe ka mànan mɛnɛn nɛ, ǹ kɔn ba kɔɔ̃n ma ganaa wa. Ka bɛ́ tɔɔ kasiɛ̃n mɛnɛn koe ma la barka da ǹ *wúlu màn lɛa, ma din ba giɛ ǹ ganaa wa.

Malakii 2:13

Ka bɛ́ sii mɛn kɔsɔ zɛnɛɛ doo bɛ á ke: Ka yii mu Dɛnaa Lawa a *wúlu bɔ ǹ bǎã si á n kɔ lɛ, wuu pɛ nɛ, ka ginii ni, a giala mà a ba n too koe ka lon doo wa. Ka bɛ́ die wúlu bɔ ǹ mànan mɛnɛn koe la, a ba ǹ sii ka gɔn wa.

Marki 8:23

Yezu yii tere-a lɛ kũ a gɔn ganaa, á soo á n bɔ nɛ kiwi gɔ́ɔ̃ nɛ. Bɛ kio, á sɛ̀ da giĩ lɛ yiin ganaa, á n gɔn da la, á nɔ̀n da la: «N yii tá màn ganaa?»

Nya ǹ dín 13:11

Á ke, Dɛnaa tá n gialaa sisia kəni. N tá re yii tere-a biɛ, n yii ba re wasa dɔ din yii doo wa, yǎa biikoo kɔ́n doe.» A din bǎã-n gɔrɔ Elimasi yii tã. Á goã n bibiĩ a n giɛ min li, mà a na asɛ nyɛɛnaan bɔ.

Nya ǹ dín 7:36

A din lɛ na á soo ka Izirayeli nɛnyaanan lɛn nɛ, á ǹ kaa là nyantoro ne. Lɛ̀ pusi gɔ́ɔ̃ nɛ, á kaãbaa ǹ sii dadaran zɛnaa, Ezipti gána nɛ, sawɛɛ tà mu li, ka don bii ni.

Nya ǹ dín 9:8

Sooli yoo á n bɔ tán, a laan a yii nànan nə́ goã kanaa, ǹ goã màn kɔ́n yii wa. Ǹ miãn lɛn nə́ kũ a gɔn-a ǹ nə́ wɔ nɛ Damaasi kiwi.

Galaasi minin 4:24

Boon kɛn man sii a kɔnboen giala pii wɔ nɛ. A giala, lɔ màn paa kɛ n lɛ kɔ kɔn la màn paa giala pii wɔ nɛ. Lɛ-kɔ mɛn nə n wɔ Sinayii kele la, Agaara a sii n bɛa kɔnboe lɛa. A nɛnyaanan mɛnɛn yɛ, bɛn nə́ bɛ̀rɛn baa.

Timəə dí-pɛn 29:1

Muizu Izirayeli minin lɛn tumaa bíi, á pɛ ǹ nɛ: – Ka bɛ́ Ezipti gána nɛ, Dɛnaa Lawa siin mɛnɛn zɛnaa *Faarahɔn nɛ, a dí-nyalin ni ka a gána tumaa nɛ, ka dininmaan yii bɛ́ tumaa yɛ.

Timəə dí-pɛn 29:12

A n giɛ li, a ka baa a din a minin lɛa pelo, a dinmaa nə n baa kaa Lawa lɛa, ka a bɛ́ á n lɛ kɔ ka la lɔn, ka a bɛ́ á n liɛ ka digolon man lɔn: Abrahamu ni, Izaaki ni ka Zakɔba nɛ.

Timəə dí-pɛn 29:25

A giala, maǹ nə́ woo dí nya lawa kɔsɔn manɛ, ǹ nə́ bɛn guguru kɔ, a da yǎa ǹ ba ǹ doɛ̃ lɛlɛ wa, Dɛnaa Lawa dɔ din lɛ kɔ ǹ la, mà ǹ nə ǹ guguru kɔ wa.