Ebrəə 8:8 - LAWA A BOO SONBORE

⁸ Sɛnɛ, Lawa ná a din a tɔrɔ lɛ a sãn pɛ kɛnɛn: «Lɛawaan tá die, ma din Dɛnaa n pii, ma á re lɛ kɔ kɔn la dii we, ka Izirayeli tɔrɔ minin kɛn nɛ, ka Zudaa tɔrɔ minin kɛn dɔn nɛ.

LAWA A BOO SONBORE 2011

⁸ Sɛnɛ, Lawa ná a din a tɔrɔ lɛ a sãn pɛ kɛnɛn: «Lɛawaan tá die, ma din Dɛnaa n pii, ma á re lɛ kɔ kɔn la dii we, ka Izirayeli tɔrɔ minin kɛn nɛ, ka Zudaa tɔrɔ minin kɛn dɔn nɛ.

Ebrəə 8:8 Iomraidhean Croise

Izayii 55:3

Ka n too da, ka da ma li. Ka n too kɔ, ka yii á re goɛ̃ koo.» Dɛnaa Lawa pɛ: «Ma á re lɛ kɔ kɔn la we ka ka nɛ yǎa duduu, man lɛ kɔ ka ǹ mɛn lɛ nɛ Davida la, maa bɔlɔgoondɛnaabaa gɔ́ɔ̃ nɛ.

Zeremii 23:5

Á ke, lɛawaan tá re doe, Dɛnaa Lawa a da ǹ boo ne, Davida tɔrɔ taãn tá re yii, a kiibaa zɛnaa, ka yiridɛnaabaa nɛ. Á re peperebaa laanka sonborebaa zɛnɛɛ gána lɛ nɛ.

Zeremii 23:7

Hiĩ, ǹ kɔn pinaa, Dɛnaa Lawa a da ǹ boo ne, min kɔn ba re pii doo: «Ma nə n liɛ ka Dɛnaa Lawa Yiikoonaa tɔ nɛ, asɛ mɛn nə Izirayeli nɛn waa á ǹ bɔ Ezipti gána nɛ!»

Zeremii 30:3

Taãn nɛ, man kɛ pii n ni: Ǹ kɔn pinaa, man die wusii ma da maa zaman Izirayeli laanka Zudaa a wo bɛ̀rɛbaa ǹ bǎã-n wolen kɛn nɛ. Man die wusii ma da ǹ nɛ gána kɛ nɛ má kɔ ǹ digolon la, ǹ wusoo ǹ si, ǹ baa ǹ wɔ lɛa. Ma din Dɛnaa Lawa a da ǹ boo ne.»

Zeremii 31:27

Kànaa ka boɛɛn, man die minbuiin nɛn laanka tɔɔn pɛsɛ̃ Izirayeli laanka Zudaa gána nɛ ká ǹ bɛ́ màn tɔrɔ pɛsɛ̃ wuru-n lɔn. Dɛnaa Lawa a da ǹ boo ne.

Zeremii 31:38

Lɛawaa á re doe, Dɛnaa Lawa a da ǹ boo ne, Zeruzalɛmu kiwi lɛ á re wusii a n dɔ ma din wɔ lɛa, a kũ Hanaaneyeli a sanabolo kɛ ganaa, a wo gùrùn kiɛnlɛ kɛ yaa.

Zeremii 32:40

Man die lɛ kɔ kɔn la we ǹ ne duduu wɔ lɛa. Biikoo tumaa li, ma á re ǹ nyɛɛnaan boe, ma bǐɛ̃ zɛnaa ǹ nɛ. Ka bɛ-n kəni, ǹ tá re nyɛ́ɛ biɛ ma yii-n taãn-taãnɛ, ǹ nə́ ǹ ba n wɔlɔ lui ma ganaa wa.

Ezekieli 37:26

Ma á re lɛ kɔ kɔn la we ka ka nɛ là nyantoro a paǹ li. Bɛ n die goɛ̃ lɛ kɔ kɔn la lɛa ka laanka masɛ bii yǎa duduu. Ma á re giã ǹ bǎã koe ka la, ma kaa zaman mɔnaa. Ma á re maa giã ǹ bǎã doe ka bii, yǎa duduu.

Matiə 26:28

kɛ n masɛ mà lɛa, á kaa minbuiin tumaa a lɛa, màn mɛn bɛ́ toɛ, Lawa nə ǹ sii baraan toa ǹ nɛ. A n nyɛɛ mà Lawa lɛ kɔ kɔn la wɔ ka minbuiinin ni.

Marki 14:24

Yezu tɔ́n pɛ ǹ nɛ: «Masɛ mà n ka kɛ nɛ, á kaa minbuiin tumaa a kirisibaa a lɛa, á n nyɛɛ mà Lawa lɛ kɔ kɔn la wɔ ka minbuiinin ni.

Luku 17:22

Yezu tɔ́n pɛ kialandɛnan lɛn nɛ: «Biikoo á re die, minin tá re giɛ li mà ǹ goã Min a Nɛgiĩ a kiibaa giulun, haalɛ tá lɛawaa goon toto ne, sɛnɛ, ǹ ba re yii wa.

Luku 22:20

Màn-bii lɛ á nya kio, á duvɛ̃ dɔ saa paan nɛ á kɔ ǹ la, á pɛ: «Paan ke, masɛ din mà na a nɛ, á kaa kaa lɛa, a n lɛ kɔ kɔn la dii lɛa.»

Luku 5:38

Sonbore, duvɛ̃ dii n siĩni a n kaa màn dii ni.

Korɛnti1 11:25

A din yii goon ne, ǹ bɛ́ ǹ nə́ màn bii ǹ nə́ nya, á paan saa á pɛ: «Paan ke, masɛ din mà na a nɛ, a n lɛ kɔ kɔn la dii lɛa. Bɛ̀ ka á mii lɔn, ka n yiri koa ka masɛ din ni.»

Korɛnti2 3:6

A din na á pàã kɔ ma la, mà ma lɛ kɔ kɔn la dii kɛ lɛ nyaa minin ni ǹ dɔ̃. Bɛa lɛ kɔ kɔn la dii kɛ lɛ bie landa sɛ́wɔ wɔ lɛa wa, sɛnɛ, Yiri Fu wɔ nɛ. A giala, Landa á min dii, sɛnɛ, Yiri Fu sɛn yiikoonaabaa koe min la.

Timəə dí-pɛn 29:14

Sɛnɛ, min woo min tá kànaa, á n golee-n kun ka wɔ nɛ pelo wɔa Lawa, Dɛnaa Lawa yɔrɔ-a, a n bɛ wɔ lɛa, ka min mɛn dɔ din nə́ ke a tɔn yɛ bɔrɔ wa.

Ebrəə 12:24

Ká n mɔrɔ Yezu ganaa, asɛ mɛn bɛ́ á lɛ kɔ kɔn la dii lɛ a zɛlɛ baa. Ka ǹ ká n mɔrɔ a mà kɛ ganaa min pii, mà mɛn bɛ́ dí gole nyɛɛ á la Abeli wɔ nɛ.

Ebrəə 7:22

Bɛa yɔrɔ kɛ la, lɛ kɔ kɔn la mɛn bɛ́ soɛ lɛlɛ wɔ nɛ, á n Lawa laanka minbuiin nɛ bii ni, Yezu n bɛa yɔrɔ bɔ lɛ a tamaali lɛa wɔsɛn nɛ.

Ebrəə 8:13

Lawa bɛ́ lɛ kɔ kɔn la dii boo diɛ, wɔ dɔ̃ mà a n nyɛɛ, mà a bibinaa kɛ zizi kɔ. A da yaa, màn mɛn bɛ́ á zizi kɔ a biikoo kiɛ̃, bɛ n woe papaã ganaa.

Ebrəə 8:6

Sonbore, dí mɛn nə n kɔ Yezu lɛ sɛ la, bɛ á gole á la kɛ-n lenlen. A giala, a din na á lɛ kɔ kɔn la sonbore sonbore kɛ a zɛlɛ baa, wɔ laanka Lawa bii ni, lɛ kɔ kɔn la mɛn giala bɛ́ we-n Lawa a lɛ-kɔ ǹ boo sonbore sonboren la.

Ebrəə 9:15

Bɛ lɛ taman yii ni, Krita lɛ á lɛ kɔ kɔn la dii a zɛlɛ lɛa. Sii baraan mɛnɛn nə n zɛnaa lɛ kɔ kɔn la zizi a biikoo li, asɛ na á gã á minin si bɛn la, màn mɛn bɛ́ toɛ, Lawa din min mɛnɛn bíi, á n lɛ kɔ ǹ la ka bǐɛ̃ nyabaã wole ne, bɛn nə bɛ yɛ.