Ebrəə 7:5 - LAWA A BOO SONBORE

⁵ Wɔ á doɛ̃ wáa Levii tɔrɔ minin kɛn man wúlu-bɔlen lɛa. Wɔ á doɛ̃ wáa Lawa a dí-pɛn man nə́ zii kɔ bɛn la, mà ǹ màn tumaa a talɛɛ fùbaa ǹ wɔ si Izirayeli tɔrɔ minin la. Bɛa tɔrɔ minin kɛn lɛn manə ǹ dinin dɔɔ̃nɔn lɛa, ǹ dɔn nə́ Abrahamu a nɛnyaanan lɛa.

LAWA A BOO SONBORE 2011

⁵ Wɔ á doɛ̃ wáa Levii tɔrɔ minin kɛn man wúlu-bɔlen lɛa. Wɔ á doɛ̃ wáa Lawa a dí-pɛn man nə́ zii kɔ bɛn la, mà ǹ màn tumaa a talɛɛ fùbaa ǹ wɔ si Izirayeli tɔrɔ minin la. Bɛa tɔrɔ minin kɛn lɛn manə ǹ dinin dɔɔ̃nɔn lɛa, ǹ dɔn nə́ Abrahamu a nɛnyaanan lɛa.

Ebrəə 7:5 Iomraidhean Croise

Siin Giala 35:11

Lawa pɛ-n doo: «Man Lawa Pàãyiidɛnaa lɛa. Ma á die toɛ n nɛ gigiã yɛ, n tɔrɔ mɔnaa ǹ gána baa. Ń tá re tɔrɔ gigiã a díi biɛ. KIIN tá re boe n tɔrɔn bii.

Siin Giala 46:26

Zakɔba din a kion minin mɛnɛn nə da Ezipti gána nɛ, ǹ manaan nə́ ǹ ba a-n wa, ǹ kaa kun nə min pɔsɔrɔwensɔrɔ.

Kiin1 8:19

Sɛnɛ nsɛ bie re bɛa kion lɛ doe wa. Ń gɔ́ɔ̃gɔ́ɔ̃ ǹ nɛ n die kion lɛ doe ma tɔ la.

Nehemii 13:10

Ǹ ná a boo dɔ da ma nɛ, mà ǹ Levii tɔrɔn màn gii kɔ wa, mà Levii tɔrɔn laanka loe-lɔlin mɛnɛn nə goã dí lɛ nyɛɛ, mà bɛn nə́ baa si, ǹ didie woo a wuru-n.

Bɔ bɛ̀rɛbaa nɛ 1:5

Ǹ bɛ́ woe, bɛ̀ Zozɛfu sɛ n Ezipti gɔrɔ. Zakɔba a kion minin lɛn tumaa na á goã min pɔsɔbaa.

Bɔ bɛ̀rɛbaa nɛ 28:1

«Lawa mà Muizu ganaa: N gologiĩ Aarɔn laanka a nɛgiĩn bɔ Izirayeli minin bii, n nə ǹ koa n din li, màn mɛn bɛ́ toɛ, ǹ masɛ a dí nya. Aarɔn din laanka a nɛgiĩn kɛn nɛ: Nadaabu ni ka Abiu ni, Eleyazaara nɛ ka Itamaara nɛ.

Minin nimi 18:7

Sɛnɛ, n din Aarɔn laanka n tanlɛ nɛ, kasɛn die ka Lawa a wúlu-bɔlebaa ǹ dí nya wúlu bɔ ǹ bǎã kɛ laanka bǎã sonbore sonbore kɛ nɛ, kion bii kuru kɔn-a ǹ mɔnaa kɛ kio. Ma din ni ka goe ka bɛa dí lɛ nɛ. Bɛ̀ min kooro nə́ n mɔrɔ, ǹ dɛnaa nyin nə n boe.»

Timəə dí-pɛn 26:12

Lɛ̀ sɔɔ woo lɛ̀ sɔɔ, ka màn mɛn yɛ kaa tán-kɔsiɛ gɔ́ɔ̃ nɛ, ka a fùbaa ǹ wɔ tumaa bɔ. Bɛ̀ ká bɔ, ka kɔ Levii tɔrɔn kɛn la, gùlin ni, nɛ toenən ne ka lɔ giɔɔrɔn nɛ, màn mɛn bɛ́ toɛ, ǹ dɔn nə màn bii ǹ dinin bǎã nɛ ǹ kã.

Ebrəə 5:4

Min kɔ́n ba boe la, a wúlu-bɔlen kiãbaa lɛ a gugurubaa kɛ kɔ a din la wa. Lawa a bíi-wɔ n biɛ a lɛa, ka a bɛ́ á n zɛnaa Aarɔn nɛ lɔn.

Ebrəə 7:10

A giala, Mɛlkizedɛki lɛ bɛ́ woe n diɛ Abrahamu lɛ, a laan Levii tɔn yɛ bɛa biikoo li wa, a n goon a na á goã ǹ digolo Abrahamu mà li gɔrɔ.