Ebrəə 7:2 - LAWA A BOO SONBORE

² Abrahamu màn mɛn tumaa yɛ zia la, a na á bɛa talɛɛ fùbaa ǹ wɔ bɔ, á kɔ a din lɛ la. Mɛlkizedɛki tɔ lɛ giala, mà "Kii Sii Pepere-Zɛnaali". Ka bɛ dɔ-n doo, a n Salɛmu kii lɛa, bɛ giala, mà "Kii Là Nyantoro-Kɔle".

LAWA A BOO SONBORE 2011

² Abrahamu màn mɛn tumaa yɛ zia la, a na á bɛa talɛɛ fùbaa ǹ wɔ bɔ, á kɔ a din lɛ la. Mɛlkizedɛki tɔ lɛ giala, mà "Kii Sii Pepere-Zɛnaali". Ka bɛ dɔ-n doo, a n Salɛmu kii lɛa, bɛ giala, mà "Kii Là Nyantoro-Kɔle".

Ebrəə 7:2 Iomraidhean Croise

Siin Giala 28:22

Ma kɔlɔ doa bǎã mɛn nɛ, bɛa bǎã lɛ á re Lawa a kion biɛ. Lawa bɛ́ re màn woo màn koe masɛ la, ma á re a fùbaa ǹ wɔ boe a wɔ lɛa.»

Samayeli2 23:3

Izirayeli a Lawa na á kɛ pɛ. Izirayeli tamaali lɛ na á kɛ pɛ ma nɛ: «Min mɛn bɛ́ a kiibaa zɛnɛɛ minbuiinin bii ka peperebaa nɛ, kii mɛn bɛ́ a kiibaa zɛnɛɛ ka nyɛ́ɛ baa Lawa yii-n ni,

Samayeli2 8:15

Davida giã Izirayeli minin lɛn tumaa mìi la. A na á goã zaman lɛ tumaa a sii yɔrɔ boe ka peperebaa nɛ, a bɔkɔnlɛ we wa.

KZS1 22:9

Á ke, nɛgiĩ á re yii n la, bɛ lɛ n die goɛ̃ là nyantoro min lɛa. Ma á re là nyantoro diɛ a bii ka zɔ́ɔn mɛnɛn tumaa bɛ́ a lɛnpɛnɛ. A tɔ n die goɛ̃ Salomɔn. Man die là nyantoro ka yii nyɛɛ koe Izirayeli la a yiikoonaabaa tumaa gɔ́ɔ̃ nɛ.

Loen 72:7

N din toa, a kiibaa wasa nɛ, peperebaa wɔlɔ gɔ̀nɔn bɔ. N toa màn-yɛ pàã gole kɔ biikoo tumaa li.

Lawa a wúlu-bɔlen 27:32

Màn tumaa a fùbaa ǹ wɔ, tɔɔ dadaran bii hinlaa a bisinin bii, bɛ̀ tɔɔn-lɛduə̃li gɔn bǎã da ǹ mɛn ganaa ka a bàlà nɛ ǹ nimii biikoo li, bɛ n Dɛnaa Lawa wɔ gii lɛa.

Misee 5:5

Ǹ tá re Asiirii gána kɛ lɛduĩ ka ziabaa ǹ gɔya nɛ, Nimɔrɔdi a gána kɛ lɛ, ǹ tá re a minin lui ka sɛmiɛ̃ nɛ, bɛ̀ ǹ wo ǹ koa ǹ kiɛnlɛ-a. Bɛ̀ Asiirii minin lɛn nə́ wɔ wɔa wɔ lɛ nɛ, bɛ̀ ǹ nə́ wɔ wɔa gána nɛ, a din lɛ á re wɔ sii ǹ la.

Minin nimi 18:21

Dɛnaa Lawa woo nyɛɛn ka boo ne: «Levii a tanlɛ bɛ́ dí mɛn nyɛɛ kɔn yɛ ka Lawa nɛ ǹ kion kɛ nɛ, bɛa saraa á ke: màn a fùbaa ǹ wɔ mɛn tumaa bɛ́ n sii Izirayeli gána nɛ, ma bɛ yii kɔ ǹ la.

Matiə 1:23

«Nɛnɛn mɛn bɛ́ a tɔn giĩ dɔ̃ wa, á re nɛgiĩ yii, ǹ tá re a tɔ koe Emanuwɛli, bɛ giala mà "Lawa tá kun wɔ nɛ".»

Luku 2:14

«Lon màn tumaa Lawa guguru kɔ! A na a là nyantoro koe kanaa minin la, a giala, a tá ǹ narɛ.»

Rɔmu minin 3:26

Lawa ná a peperebaa nyaa kanna, min mɛn dɔ bɛ́ golee Yezu li, a n bɛa dɛnaa dɔ biɛ min pepere lɛa.

Ebrəə 7:1

Mɛlkizedɛki lɛ na á goã Salɛmu kiwi a kii lɛa, a na á goã Lon a Lawa Gole a wúlu-bɔle lɛa. Abrahamu bɛ́ á woo zia da kiin ganaa á boo ǹ la, a bɛ́ n bɔyɛɛ, Mɛlkizedɛki lɛ na á woo n da lɛ, á Lawa bǐɛ̃ bíi li.

Ebrəə 7:3

Bɛa Mɛlkizedɛki lɛ, Lawa a boo ba màn kɔ́n diɛ a díi wɔ gɔn la wa, ká a náa nɛ, ká ǹ digolon ne, a màn kɔ́n diɛ a giala-koe laanka a giala-nyɔmiɛ pinaa wɔ gɔn la wa. A n kɔnboe ka Lawa a Nɛgiĩ lɛ nɛ, a n wúlu-bɔle lɛa yǎa duduu.

Samayeli1 8:15

Ka bɛ́ re màn mɛn yii kaa wurun ni, kaa rezɛ̃ sɔlɛɛn nɛ, a tá re bɛn fùfùbaa ǹ wɔ sii, a kɔ a sumu dí-nyalin laanka a dí-nyali kɔsɔn la.

Samayeli1 8:17

A tá re kaa tɔɔn fùfùbaa ǹ wɔ boe. Bɛ kio, ka dininmaan tá re a bɛ̀rɛn biɛ.