Ebrəə 7:16 - LAWA A BOO SONBORE

¹⁶ Asɛ a wúlu-bɔlebaa lɛ bie á n zɛnaa, á kɔnpɛ ka tɔrɔbaa sii-n wa, sɛnɛ, nyin nyabaã pàãdɛnaa mɛn bɛ́ a lon, a wɔ lɛ na á bɔ bɛ nɛ.

LAWA A BOO SONBORE 2011

¹⁶ Asɛ a wúlu-bɔlebaa lɛ bie á n zɛnaa, á kɔnpɛ ka tɔrɔbaa sii-n wa, sɛnɛ, nyin nyabaã pàãdɛnaa mɛn bɛ́ a lon, a wɔ lɛ na á bɔ bɛ nɛ.

Ebrəə 7:16 Iomraidhean Croise

Rɔmu minin 7:14

Wɔ á doɛ̃, wáa dí-pɛn man nə́ bɔ Lawa li. Sɛnɛ, wɔsɛn man minbuiin nɛn lɛa, wɔ n sii baraa gɔn bɛ̀rɛn lɛa.

Galaasi minin 4:3

Wɔsɛn dɔn man wɔ́ goã miɛ̃ ka nɛnyaanan bɛ́ lɔn. Wɔ n wɔ́ goã kanaa a màn pàãdɛnan kɛn gɔn, wɔ nə́ ǹ bɛ̀rɛn lɛa.

Galaasi minin 4:9

Sɛnɛ kanna, ká Lawa dɔ̃. A taãnbaa din li Lawa na á kasɛn dɔ̃. Kanaa màn pàãwɛɛnan kɛn, là goon ná a ba ǹ ganaa wa, ka ǹ li ka goã bɛn bɛ̀rɛn lɛa doo?

Kolɔɔsi minin 2:14

Sãn mɛnɛn tumaa goã giɔ̀mɔ lɛa wɔ bɔlɔ-a, Lawa bɛn tumaa saa kun ka dí-pɛ kɛ nɛ ǹ yɔrɔ diɛ wɔ la, á ǹ bɔ wɔ mìi ni, á ǹ tuturu ka Krita a dere gɔn ganaa nɛ.

Kolɔɔsi minin 2:20

Ka ǹ ká gã kun ka Krita nɛ, Krita ka bɔ kanaa a màn pàãdɛnan pàã giulun. Wàa na á baa ka á ka dinin diɛ kanaa a sii-zɛnaa ǹ gɔnɔn pàã giulun, ka ǹ pɛ mà ka ǹ tɔn kanaa wɔn lɛa doo? Wàa na á baa ka á toɛ, ǹ tá kɛn miãn diɛ ka mìi-n doo?

Ebrəə 10:1

Ǹ goã n yii diɛ bǐɛ̃n mɛnɛn la, di-pɛ lɛ n bɛa kɔnboe nuùnaà nyɛɛ, a bie bɛa sii lɛ din taãn kɛ lɛa wa. Lɛ̀ woo lɛ̀, wúlu mànan manə n boe. Min mɛnɛn bɛ́ n mɔrɛ Lawa ganaa, di-pɛ lɛ n boe la, a bɛn baa min lɛ-piɛ̃n lɛa lɔn ka wúlu mànan kɛn barka nɛ?

Ebrəə 7:15

A n foaãnɛ, mà Levii tɔrɔn wúlu-bɔ lɛ na a sii lɛ lɛ pã wa. Bɛ lɛ nɛ, wúlu-bɔle tɔrɔ kɔsɔ daa, bɛ n kɔnboe ka Mɛlkizedɛki ni.

Ebrəə 7:17

Sonbore, Lawa a boo n pii a wɔ gɔn la: «Ma n wúlu-bɔle lɛa yǎa duduu ka Mɛlkizedɛki wɔ bɛ́ lɔn.»

Ebrəə 7:21

Sɛnɛ, Yezu sɛ bɛ́ biɛ, Lawa din na á n liɛ, Lawa mɛn pɛ a wɔ gɔn la: Dɛnaa Lawa din na á n liɛ, a re n lɛ boe dɔn wa: «Ma n wúlu-bɔle lɛa yǎa duduu.»

Ebrəə 7:28

Muizu a Dí-pɛn lɛn man minbuiin nɛn koɛ wúlu-bɔlen kiãn lɛa. Wɔ á doɛ̃ minbuiin nɛ n sã wole lɛa. Sɛnɛ, Lawa din na a liɛ ǹ boo mɛn da Dí-pɛn lɛn kɔ kio, bɛ na á ná a din a Nɛgiĩ koa wúlu-bɔlen kiã lɛa. Bɛa Nɛgiĩ lɛ na á sii din tumaa zɛnaa a lɛ-pã wole baa yǎa duduu.

Ebrəə 7:3

Bɛa Mɛlkizedɛki lɛ, Lawa a boo ba màn kɔ́n diɛ a díi wɔ gɔn la wa, ká a náa nɛ, ká ǹ digolon ne, a màn kɔ́n diɛ a giala-koe laanka a giala-nyɔmiɛ pinaa wɔ gɔn la wa. A n kɔnboe ka Lawa a Nɛgiĩ lɛ nɛ, a n wúlu-bɔle lɛa yǎa duduu.

Ebrəə 9:14

Sanparɛ Krita mà ke kəni! Krita mɛn bɛ́ á n din kɔ Lawa la, wúlu màn yoreen lɛa, ka Yiri Fu nyabaã wole barka nɛ, bɛ á boe la, a wɔ foon pii, a wɔ si bɔ̀nbaa ǹ sii zɛnaan la, màn mɛn bɛ́ toɛ, wɔ dí nya Lawa Yiikoonaa kɛ nɛ.

Sii-nyaan 1:18

Ma din nə yiikoonaa lɛa. Má goã má gã, sɛnɛ, kanna man goɛ̃ ma yii n koo yǎa duduu. Gɛ̀ a lɛduə̃ ǹ pàã n masɛ din gɔn, ka geren piɛ tumaa wɔ nɛ.