Ebrəə 7:14 - LAWA A BOO SONBORE

¹⁴ Min tumaa á doɛ̃, mà wɔa Dɛnaa lɛ na á yɛ Zudaa tɔrɔn bii. Muizu boon mɛnɛn da a sɛ́wɔn nɛ, wúlu-bɔlen wɔ paǹ li, bɛn ba màn kɔ́n diɛ bɛa tɔrɔ kɛ lɛ wɔ gɔn la wa.

LAWA A BOO SONBORE 2011

¹⁴ Min tumaa á doɛ̃, mà wɔa Dɛnaa lɛ na á yɛ Zudaa tɔrɔn bii. Muizu boon mɛnɛn da a sɛ́wɔn nɛ, wúlu-bɔlen wɔ paǹ li, bɛn ba màn kɔ́n diɛ bɛa tɔrɔ kɛ lɛ wɔ gɔn la wa.

Ebrəə 7:14 Iomraidhean Croise

Siin Giala 46:12

Zudaa laanka a nɛnyaanan: Ɛrɛ, Onan, Selaa, Perɛzi, Zeraa. Ɛrɛ laanka Onan lɛ sɛ gã Kanaan gána nɛ. Perɛzi a nɛnyaanan man ka Ɛsirɔn laanka Amulu ni.

Siin Giala 49:10

Kiibaa n die goɛ̃ Zudaa a kion biikoo tumaa li. Kiibaa ǹ bàbàla n die goɛ̃ a tɔrɔn gɔn biikoo tumaa li, yǎa kiibaa ǹ bàbàla lɛ a dɛnaa die, tɔrɔ tumaa doamaa bɛ́ ǹ min mɛn bɔlɔ si.

Izayii 11:1

Nɛgiĩ á re yii Zesee tɔrɔ basa nɛ, ka da giala piri zizi bɛ́ lɔn gɔn ten boe. A gòonən tá re gɔn dii boe.

Misee 5:2

Bɛ lɛ na á toa, Lawa á re n gɔn boe a zaman ganaa, yǎa nɔnaa kɛ nɛ yii. Bɛa biikoo li, ǹ dɔɔ̃nɔn lɛn mɛnɛn bɛ́ re n sɔlɛɛ a nɛ, bɛn tá re die kiɛ kun ka Izirayeli minin gialakunun kɛn nɛ.

Minin nimi 24:17

Sii mɛn bɛ́ die, ma yii tá-a, sɛnɛ, pelo sii bie wa. Sii mɛn bɛ́ re n zɛnɛɛ, má n yiin doa la, sɛnɛ, a ba foɛɛ̃n wa. Leere á re boe Zakɔba tɔrɔn bii, kii á re yui tán Izirayeli minin bii, a n die Moabu gána minin para giala wurii, a Sɛɛti tɔrɔn tumaa dɛ.

Matiə 2:6

«Kasɛn Bɛtlehɛmu minin lɛn, ka baran taasɛ mà ka dɔn dinin kiwi kɛ lɛ n kiɛɛrɛ Zudee gána a kiwin bii wa, a giala, goledɛnaa á re boe a nɛ, a giã Izirayeli mìi la, ma din a minin lɛn, a ǹ tamaa.»

Luku 1:43

A na á saa lɔn, min mɛn bɛ́ die maa Dɛnaa biɛ, bɛ dan daa n yii kɔ masɛ din doobaa kɛ li?

Zaã a sɛ́wɔ 20:13

Ǹ nə́ tɔ́n nɔ̀n da la: «Lɔ lɛɛ, wàa na á baa n tá wuu pii?» Á ǹ lɛ si: «Maǹ nə́ maa Dɛnaa bɔ, ǹ da bǎã mɛn nɛ, ma a doɛ̃ wa.»

Zaã a sɛ́wɔ 20:28

Toomaa tɔ́n pɛ nɛ: «Maa Dɛnaa! Maa Lawa!»

Rɔmu minin 1:3

Bɛa Boo Tii Kɔɔ̃n lɛ n boo diɛ a din a Nɛgiĩ Yezu Krita wɔ gɔn la. Wɔa Dɛnaa Yezu kɛ lɛ kii Davida tɔrɔ lɛa, gɔ̀nɔn siĩ wɔ gɔn la,

Rɔmu minin 2:3

Nsɛ mɛn bɛ́ bɛa siin kɛn zɛnaali zɛ̀rɛ biɛ, n din dɔ nə ǹ zɛnɛɛ, ma n taasɛ mà n tá re n sii Lawa a kiri la?

Efɛɛzi minin 1:3

Barka tá Lawa ganaa, asɛ mɛn bɛ́ wɔa Dɛnaa Yezu Krita n Di Lawa lɛa. Wɔa tá kun ka Krita-n a lɛa nɛ, á barka da wɔ ganaa, ka lon a bǐɛ̃ màn tɔrɔ tumaa nɛ.

Filipi minin 3:8

Maa Dɛnaa Yezu Krita doɛ̃ kɛ bɛ́ bǐɛ̃ gole gole mɛn lɛa ma yɔrɔ-a, bɛ lɛ n toɛ ma á pii, máa bɛa ga tɔ li ǹ sii kɛ lɛ tumaa n papaã ǹ sii lɛa. Dɛnaa a lɛa nɛ, má n la bɔ ma din a là sii tumaa ganaa; man giɛ bɛ tumaa ganaa yisi lɛa, ń giɛ ma á Krita yii.

Ebrəə 7:13

Wɔ á doɛ̃, wɔa Dɛnaa mɛn bɛ́ Lawa a sɛ́wɔ n boo diɛ a wɔ gɔn la kɛnɛn, bɛ n boe tɔrɔ kɔsɔ nɛ, tɔrɔ mɛn bɛ́ wúlu bɔ ǹ dí ná a n kɔ la wa.

Ebrəə 7:15

A n foaãnɛ, mà Levii tɔrɔn wúlu-bɔ lɛ na a sii lɛ lɛ pã wa. Bɛ lɛ nɛ, wúlu-bɔle tɔrɔ kɔsɔ daa, bɛ n kɔnboe ka Mɛlkizedɛki ni.

Sii-nyaan 22:16

Ma din Yezu má lon a dia dí-a wole dia máa a da bɛ lɛ tumaa pɛ Lawa a sɔmɔn minin manɛ. Masɛ n Davida tɔrɔ lɛa, ma ń baayɛlɛ a leere tɛ-pɛle lɛa.

Sii-nyaan 5:5

Min golen kɛn goon tɔ́n pɛ ma nɛ: «N nyan wuu pɛ wa! Á ke, Zudaa tɔrɔn Yàra ke kii Davida a nɔ̀ɔn lɛa! Á gɔ̀lɔ̀baa yɛ lɛlɛ. Á re sɛ́wɔ kɛ a lɛ tã ǹ bǎã sɔbaa kɛ bɔyɛɛ a bɔ a ganaa, a na a lɛ bũ.»