Ebrəə 7:11 - LAWA A BOO SONBORE

¹¹ Lawa na a dí-pɛn mɛnɛn kɔ Izirayeli tɔrɔ minin la, bɛn giala wɔ ǹ bǎã na á goã ka *Levii tɔrɔn wúlu-bɔlebaa nɛ. Sii mɛn doamaa bɛ́ nɛ a n zɛnaa, bɛ̀ Levii tɔrɔn wúlu bɔ lɛ na a boo la, á bɛ zɛnaa yǎa a lɛ pã wa. Bɛ̀ a na á baa miɛ̃, bɛ̀ mìi ba wúlu-bɔle tɔrɔ kɔsɔ a daa la wa. Wúlu-bɔle mɛn bɛ́ ka Mɛlkizedɛki bɛ́ lɔn, a ná a ba kɔnboe ka Aarɔn nɛ wa.

LAWA A BOO SONBORE 2011

¹¹ Lawa na a dí-pɛn mɛnɛn kɔ Izirayeli tɔrɔ minin la, bɛn giala wɔ ǹ bǎã na á goã ka *Levii tɔrɔn wúlu-bɔlebaa nɛ. Sii mɛn doamaa bɛ́ nɛ a n zɛnaa, bɛ̀ Levii tɔrɔn wúlu bɔ lɛ na a boo la, á bɛ zɛnaa yǎa a lɛ pã wa. Bɛ̀ a na á baa miɛ̃, bɛ̀ mìi ba wúlu-bɔle tɔrɔ kɔsɔ a daa la wa. Wúlu-bɔle mɛn bɛ́ ka Mɛlkizedɛki bɛ́ lɔn, a ná a ba kɔnboe ka Aarɔn nɛ wa.

Ebrəə 7:11 Iomraidhean Croise

Galaasi minin 2:21

Ma bie Lawa a bǐɛ̃ kɛ biɛ sii kooro lɛa wa. A giala, bɛ̀ Lawa n lɛ koe min ganaa min pepere lɛa dí-pɛn gɔ́ɔ̃ nɛ, bɛ̀ Krita a gɛ̀ n goɛ̃ sii kooro lɛa kəni.

Galaasi minin 4:3

Wɔsɛn dɔn man wɔ́ goã miɛ̃ ka nɛnyaanan bɛ́ lɔn. Wɔ n wɔ́ goã kanaa a màn pàãdɛnan kɛn gɔn, wɔ nə́ ǹ bɛ̀rɛn lɛa.

Galaasi minin 4:9

Sɛnɛ kanna, ká Lawa dɔ̃. A taãnbaa din li Lawa na á kasɛn dɔ̃. Kanaa màn pàãwɛɛnan kɛn, là goon ná a ba ǹ ganaa wa, ka ǹ li ka goã bɛn bɛ̀rɛn lɛa doo?

Ebrəə 5:10

Lawa na á pɛ, mà a n wúlu-bɔlen kiã lɛa, ka Mɛlkizedɛki wɔ bɛ́ lɔn.

Ebrəə 5:6

Á pɛ-n doo sɛ́wɔ bǎã kɔsɔ nɛ: «Ma n wúlu-bɔle lɛa yǎa duduu ka Mɛlkizedɛki wɔ bɛ́ lɔn.»

Ebrəə 6:20

Yezu na á woo walan, wɔ nyɛɛnɛ, wɔ dinin lɛa. A din na á wúlu-bɔlen kiã baa yǎa duduu, a ná a lɛa ka Mɛlkizedɛki bɛ́ lɔn.

Ebrəə 7:10

A giala, Mɛlkizedɛki lɛ bɛ́ woe n diɛ Abrahamu lɛ, a laan Levii tɔn yɛ bɛa biikoo li wa, a n goon a na á goã ǹ digolo Abrahamu mà li gɔrɔ.

Ebrəə 7:12

A giala, bɛ̀ wúlu-bɔlebaa nə́ n bɔyaa, Lawa a dí-pɛn mɛnɛn dɔn bɛ́ boo diɛ wúlu-bɔlebaa lɛ wɔ gɔn la, bɛn dɔn doamaa-n ka bɔyaa nɛ.

Ebrəə 7:13

Wɔ á doɛ̃, wɔa Dɛnaa mɛn bɛ́ Lawa a sɛ́wɔ n boo diɛ a wɔ gɔn la kɛnɛn, bɛ n boe tɔrɔ kɔsɔ nɛ, tɔrɔ mɛn bɛ́ wúlu bɔ ǹ dí ná a n kɔ la wa.

Ebrəə 7:15

A n foaãnɛ, mà Levii tɔrɔn wúlu-bɔ lɛ na a sii lɛ lɛ pã wa. Bɛ lɛ nɛ, wúlu-bɔle tɔrɔ kɔsɔ daa, bɛ n kɔnboe ka Mɛlkizedɛki ni.

Ebrəə 7:21

Sɛnɛ, Yezu sɛ bɛ́ biɛ, Lawa din na á n liɛ, Lawa mɛn pɛ a wɔ gɔn la: Dɛnaa Lawa din na á n liɛ, a re n lɛ boe dɔn wa: «Ma n wúlu-bɔle lɛa yǎa duduu.»

Ebrəə 8:7

Sonbore, bɛ̀ *gɔ̀ boɛɛn na a yɛ lɛ kɔ kɔn la bibinaa lɛ ganaa wa, bɛ̀ mìi ba goɛ̃ la, ǹ kɔsɔ da a bǎã-n wa.

Ebrəə 9:6

Mɔnaa Kion lɛ laanka a gɔ́ɔ̃gɔ́ɔ̃ ǹ mànan tumaa a zɛnaa kɛnɛn gɔ́ɔ̃ nɛ, wúlu-bɔlen lɛn man we baraabaraa a gɔ́ɔ̃ bibinaa kɛ nɛ, ǹ nə ǹ wúlu bɔ ǹ dí nya.