Ebrəə 6:7 - LAWA A BOO SONBORE

⁷ La mɛn bɛ́ nɛn bɛ̀ a kaa, bɛ̀ tán mɛn tá bɛa mu kɛ mii, á n da sonboren boe koe a kɔsiɛ wolen la, Lawa n barka we bɛa tán lɛ nɛ.

LAWA A BOO SONBORE 2011

⁷ La mɛn bɛ́ nɛn bɛ̀ a kaa, bɛ̀ tán mɛn tá bɛa mu kɛ mii, á n da sonboren boe koe a kɔsiɛ wolen la, Lawa n barka we bɛa tán lɛ nɛ.

Ebrəə 6:7 Iomraidhean Croise

Siin Giala 1:11

Lawa tɔ́n pɛ: «Tán luu buruu pãlin bɔ: màn tumaa bɔ, a we ná a tan, a kɔnpɛ ka a tɔrɔ nɛ, da tumaa bɔ, a nɛ kɔ a kɔnpɛ ka a tɔrɔ nɛ.» Bɛ nə́ n zɛnaa miɛ̃.

Siin Giala 27:27

Zakɔba nə́ n zɔ̃ á n mɔrɔ a ganaa, á n sɔɔ a nɛ. Izaaki ná a wɔ ǹ mɔnaan lɛn gìĩ ma, á lɛn biɛ̃ bíi li bɛ̀ á pii: «Dɛnaa bɛ́ á tán mɛn basã, maa nɛgiĩ lɛ gìĩ n ka bɛ bɛ́ lɔn.

Loen 126:6

A bɛ́ soe woe, a na á woo ka wuu ni, a màn tɔrɔ bɔnaa n lɔɔ nɛ a ganaa. A bɛ́ wusii die, a na á daa ka nyɛnyɛɛ nɛ, ka wii gigiã nɛ a gɔn.

Loen 24:5

Dɛnaa Lawa n barka we a nɛ. Kirisibaali Lawa n lɛ koe a ganaa min pepere lɛa.

Izayii 44:3

Taãn nɛ, mu boro bɛ́ tán mɛn ganaa, ma á re toɛ mu baa si bɛ la, tà baa si tán gere la. Ma á re ma yiri gisĩ n nɛnyaanan la, ma barka da n nɔ̀ɔ fulupaa ganaa.

Ezekieli 34:26

Ma á re barka diɛ gána kɛ ganaa, ka maa kele kɛ lɛkoro lɛ-a bǎãn nɛ. La mu mɛn bɛ́ barka da maa ǹ wɔ lɛa, ma á re toɛ bɛ kaa a biikoo li.

Ozee 10:12

Bɛ̀ n tá min pepere lɛa, n tá re bǐɛ̃ yii a dòo lɛa. Ka sɔ́ dɛ, a giala kaa bɔyaa a yɔrɔ dia Dɛnaa Lawa la biikoo dɔ, bɛa re peperebaa kiɛ ka la ka la bɛ́ lɔn.

Lawa a wúlu-bɔlen 25:21

Bɛ̀ bɛ nɛ, lɛ̀ sɔrɔbaa ǹ wɔ lɛ gɔ́ɔ̃ nɛ, ma á die maa bǐɛ̃ gisĩ ka la. Bɛ lɛ á re toɛ, ka màn-bii yɛ lɛ̀ sɔɔ wɔ lɛa.

Malakii 3:10

Ka da ká kaa tán dí nya ǹ mànan lɛn tumaa a talɛɛ a fùbaa ǹ wɔ nɛ taãnɛ, maa màn koa ǹ kion kɛ nɛ, màn-bii boo la a yɛ, koa nɛ maa kion biikoo tumaa li. Ka á boe la ka n da ma gɔ́ɔ̃ li ka ga-a bɛa sii lɛ paǹ li. Masɛ Dɛnaa Lawa Pàãyiidɛnaa, ka á re yii man die lon a dɔǹɔn lɛ buĩ, bǐɛ̃ tɔrɔ tumaa n die kiɛ ka la mɔnaa nɛ.

Matiə 7:8

A giala, min mɛn bɛ́ màn nyankoe Lawa la, Lawa á re màn koe bɛa dɛnaa la. Min mɛn bɛ́ giɛ màn li Lawa li, bɛa dɛnaa á die màn yii. Min mɛn dɔ bɛ́ kiɛnlɛ dii, Lawa á die kiɛnlɛ buĩ bɛa dɛnaa nɛ.

Timote2 2:6

Buu-kɔsɔli mɛn bɛ́ á dí nya á nɔmaa, bɛ lɛ n die a wɔ gii yii bibinaanɛ.

Zaaki 5:7

Bɛ lɛ taman yii, ma dɔɔ̃nɔn lɛn, ka si ka ganaa yǎa Dɛnaa a daa pinaa. Ka ga buu-kɔsɔli ganaa. A màn tɔrɔ mɛn da tán, a nə n yii diɛ bɛ la yǎa a miɛ sɔnbɔraanɛ. Bɛ gɔ́ɔ̃ nɛ, a n sii sii a ganaa, yǎa la bibinaa laanka a nyɔɔbaa nə kiɛ.