Ebrəə 6:6 - LAWA A BOO SONBORE

⁶ Bɛ̀ ǹ nə́ ǹ goleemali daa kanna, ǹ ba boe la ǹ yɛ doo wa. A n ka maǹ Lawa a Nɛgiĩ lɛ dere gɔn ganaa doo, ǹ nə́ sìi diɛ a ganaa zaman tumaa yɔrɔ-a.

LAWA A BOO SONBORE 2011

⁶ Bɛ̀ ǹ nə́ ǹ goleemali daa kanna, ǹ ba boe la ǹ yɛ doo wa. A n ka maǹ Lawa a Nɛgiĩ lɛ dere gɔn ganaa doo, ǹ nə́ sìi diɛ a ganaa zaman tumaa yɔrɔ-a.

Ebrəə 6:6 Iomraidhean Croise

Loen 51:10

Ma makara dɔ̃ ǹ boo da ma nɛ, ma foo á re kɔɔ̃n koe a la yii ni. N masɛ mɛn yɔyɔrɛ, toa ma foo kɔɔ̃n kɔ!

Izayii 1:28

Sɛnɛ, gòãn dii wolen kɛn, ka sii baraa-zɛnaalin kɛn nɛ, bɛn tumaa wɔ n ka bɔ̀n nɛ. Min mɛnɛn bɛ́ n dɔ̀ɔ̃ we Dɛnaa Lawa nɛ, bɛn man die bɔ̀n biɛ.

Matiə 19:26

Yezu ga ǹ ganaa ka gongon, á tɔ́n pɛ ǹ nɛ: «Minbuiin nɛ ba boe la a n din kirisibaa wa. Sɛnɛ, Lawa á boe sii din tumaa la.»

Luku 11:48

Ka n nyɛɛ kɛnɛn, mà ka digolon nya ǹ dí lɛ á kɔɔ̃n ka ganaa. Bɛn nə́ Lawa a boo gii-dalin dɛ, kasɛn manə ǹ yalan zɛnɛɛ.

Timote2 2:25

Min mɛnɛn bɛ́ a boo liere koe, a doamaa nɛ, a bɛn doroo ka sabarabaa nɛ. Kɔntan, Lawa á die n doe ǹ lɛ, ǹ wusoo ǹ zɛnaa ǹ siin kio, ǹ sonbore dɔ̃.

Ebrəə 10:26

Wɔa sonbore doɛ̃ taãn-taãn kio, bɛ̀ wɔ á tɔn nə n tiɛ̃ sii baraa zɛnɛɛ, sii baraa toa ǹ wúlu kɔ́n banban doo wa.

Ebrəə 10:29

Sɛnɛ, min mɛn bɛ́ Lawa a Nɛgiĩ kɛ puusə koe, á n giɛ Lawa a lɛ kɔ kɔn la ǹ mà kɛ lɛ ganaa sàn kɔ ǹ màn lɛa, mà mɛn bɛ́ a ná a yoreen kɔ, á n boo baraa diɛ Lawa a bǐɛ̃baa ǹ Yiri Fu kɛ ganaa, ka a taasɛ mà bɛ doamaa-n ka dɔlɔ baraa-n wa?

Ebrəə 12:2

Ka daa wɔ ga Yezu ganaa, a din nə golee Lawa li lɛ a giala-kɔle laanka a lɛ pã wole lɛa wɔ foo ne. Nyɛnyɛɛ mɛn bɛ́ koa-n nɛ, á n yii doa bɛ la, á gɛ̀ wɔ gɔn ganaa kɛ si a ganaa, a ga-a sìi lɛa wa. Bɛ kio, á giã gugurubaa ǹ bǎã nɛ Lawa a kii dankan gusin.

Ebrəə 4:14

Wúlu-bɔlen kiã gole gole tá wɔ lon, á lon bii kuru á kiɛ̃ yǎa Lawa yɔrɔ-a: Lawa a Nɛgiĩ Yezu lɛ nɛ. Bɛ lɛ nɛ, wɔ bɛ́ pii wáa wɔ lɛ kɔ goleemali mɛn ganaa, ka daa wɔ n gɔn paraa bɛ ganaa parsiini.

Ebrəə 6:4

Min mɛnɛn nə goleemali wɔ, ǹ nə́ wusoo ǹ nə́ n piã ka goleemali ni, bɛn ba boe la, ǹ wusoo ǹ sii baraan kio doo wa. Ǹ nə́ goã ǹ nə́ wɔ wɔlɔ fúlu li, ǹ nə́ Lawa a lon a bǐɛ̃baa ǹ màn kɛ nɛ̀n da, ǹ nə́ Yiri Fu yɛ.

Piɛrɛ2 2:21

A giala, bɛ̀ minin kɛn lɛn manə ǹ zii pepere kɛ dɔ̃ wa, bɛ̀ bɛ á soɛ ǹ ganaa á la a doɛ̃ a wusoo a kio kɛ nɛ, Lawa a dí-pɛ sonbore mɛn nə n kɔ ǹ la, ǹ nə́ n dɔ̀ɔ̃ wɔ bɛ nɛ.

Zaã1 5:16

Sii baraa mɛn bɛ́ a woe ka min ni gɛ̀-n wa, bɛ̀ min nə́ ǹ dɔɔ̃n yɛ bɛ zɛnɛɛ, a Lawa nyankɔ, Lawa á re yiikoonaabaa koe ǹ dɔɔ̃n kɛ lɛ la, bɛ̀ á daa yaa sonbore, sii baraa kɛ lɛ á zɛnaa, bɛ̀ a ba woe-n gɛ̀-n wa. Sɛnɛ, sii baraa goon tan, a n woe ka min ni gɛ̀ nɛ, ma bie máa ka Lawa nyankɔ bɛa sii baraa kɛ miã a lɛa wa.