Ebrəə 6:4 - LAWA A BOO SONBORE

⁴ Min mɛnɛn nə goleemali wɔ, ǹ nə́ wusoo ǹ nə́ n piã ka goleemali ni, bɛn ba boe la, ǹ wusoo ǹ sii baraan kio doo wa. Ǹ nə́ goã ǹ nə́ wɔ wɔlɔ fúlu li, ǹ nə́ Lawa a lon a bǐɛ̃baa ǹ màn kɛ nɛ̀n da, ǹ nə́ Yiri Fu yɛ.

LAWA A BOO SONBORE 2011

⁴ Min mɛnɛn nə goleemali wɔ, ǹ nə́ wusoo ǹ nə́ n piã ka goleemali ni, bɛn ba boe la, ǹ wusoo ǹ sii baraan kio doo wa. Ǹ nə́ goã ǹ nə́ wɔ wɔlɔ fúlu li, ǹ nə́ Lawa a lon a bǐɛ̃baa ǹ màn kɛ nɛ̀n da, ǹ nə́ Yiri Fu yɛ.

Ebrəə 6:4 Iomraidhean Croise

Lawa a wúlu-bɔlen 13:55

Sulii bǎã lɛ a pii kio, wúlu-bɔle lɛ wusoo a ga a ganaa. Bɛ̀ a sulii bǎã lɛ yii nàn nə n bɔyaa wa, haalɛ tà màn dɔ din mɛ li wa, a bɛ́ màn mɛn ganaa, mà màn gɔgɔrɛ nɛ. Ǹ doamaa nɛ ǹ tã. A giala mɔnaa nɛ, sulii lɛ sɔ̃ a làfu ganaa hinlaa a yɔrɔ ganaa.

Lawa a wúlu-bɔlen 14:43

Bɛ̀ sulii bǎã lɛ wusoo á ná a giala kɔ á n soe kion lɛ gɔ̀nɔn ganaa kɔlɔn lɛn waa kio, a gɔ̀nɔn lɛ a gasaã laanka a wusoo a tɔrɛɛ kio,

Minin nimi 24:3

á tɔ́n bɔ boon kɛn nɛ kɛnɛn á ǹ pɛ: Masɛ, Bewɔɔrɔ a nɛgiĩ Balaamu n boo diɛ. Min mɛn yii bɛ́ sii yii, bɛ n boo diɛ.

Matiə 12:45

A n nɔmiɛ a wo nɔ̀ɔn sɔbaa kɔsɔ kũ a da ǹ nɛ, ǹ mɛnɛn bɛ́ baraa ǹ nə́ la a din ni, ǹ da giã walan kun. Bɛ kio kəni, bɛa dɛnaa lɛ a sisiamaa n baraa koe a la a lɛlɛ ǹ nɛ. Pelo minbuiinin kɛn lɛn man die goɛ̃ miɛ̃.

Matiə 5:13

Ka dinin lɛn man goon ka yìsi bɛ́ lɔn kanaa kɛ lɛ gɔ́ɔ̃ nɛ. Sɛnɛ bɛ̀ yìsi a yìsibaa soo á n bɔ a nɛ, a n siɛ lɔn a tɔn yìsi baa doo? A ba màn kɔ́n bǐɛ̃ koe doo wa, yǎa n zuĩ kanaa, minin nə tɔtɔrɔ ǹ gòã giulun.

Zaã a sɛ́wɔ 15:6

Bɛ̀ min mɛn ba doa-n kɔn ka masɛ-n wa, bɛa dɛnaa nə n zuĩ kanaa ka da gùrù bɛ́ lɔn, a laa. Bɛ kio, maǹ bɛa da gùrù geren lɛn goɛ ǹ nə ǹ kaa tɛ-n ǹ kũ.

Zaã a sɛ́wɔ 3:27

ZAÃ tɔ́n pɛ ǹ nɛ: «Min ba boe la a màn kɔ́n yɛ, bɛ̀ Lon a Lawa ná a kɔ la wa.

Zaã a sɛ́wɔ 4:10

Yezu tɔ́n pɛ nɛ: «Bɛ̀ ma n Lawa a minin gɔ ǹ màn kɛ doɛ̃, ka masɛ mɛn dɔ bɛ́ má pɛ n nɛ máa n mu kɔ ma mi, bɛ̀ n din kɛ lɛ n die nɔ̀n diɛ masɛ la ka mu ni; bɛ̀ man die mu koe n la n mi, mu mɛn bɛ́ yiikoonaabaa koe min la.»

Zaã a sɛ́wɔ 6:32

Yezu tɔ́n pɛ ǹ nɛ: «Man taãn pii ka nɛ, Muizu bie á lon a buuru lɛ kɔ ka la wa, sɛnɛ, masɛ a Díi n lon a buuru taãn koe ka la.

Nya ǹ dín 10:45

Zuifu Lawa-nyankɔlen mɛnɛn nə́ Piɛrɛ da zii, ǹ nə́ bɔ Zoopee kiwi, á kaãbaa da bɛn ganaa parsiini, a giala, Lawa Yiri Fu dia á gisĩ tɔrɔ kɔsɔn dɔn la sisia.

Nya ǹ dín 11:17

Bɛa minin kɛn lɛn ǹ nə́ golee Dɛnaa Yezu *Krita li, bɛ̀ Lawa din ná a bǐɛ̃baa ǹ màn kɔ ǹ la, ká a bɛ́ á kɔ wɔsɛn dɔn la lɔn, masɛ Piɛrɛ n die lɛa, ma tɔn Lawa kurəə bɛa zɛnaa ganaa?

Nya ǹ dín 15:8

Lawa mɛn bɛ́ min tumaa foo doɛ̃, a din na á nyaa mà asɛ lɛ kɔ tɔrɔ kɔsɔn ganaa, a giala á Yiri Fu kɔ ǹ la, ka a bɛ́ á kɔ wɔsɛn dɔn la lɔn.

Nya ǹ dín 8:20

Sɛnɛ, Piɛrɛ ná a lɛ si: «N bɛ́ ń taasɛ mà n tá boe la, n Lawa a bǐɛ̃ sonbore kɛ pii ka wɔrɔ nɛ, n laanka n wɔrɔ tumaa bɔ̀n baa kun.

Rɔmu minin 1:11

Sonbore, masɛ n giɛ li taãn-taãn ma ka yɛ, màn mɛn bɛ́ toɛ, Lawa a Yiri Fu bǐɛ̃baa ǹ mànan mɛnɛn kɔ ma la, ma da bɛn kɔ ka la, ka boo la ka wo nyɛɛnɛ.

Korɛnti2 4:4

A n tì a goleemali baãnaan kɛn dɔn ganaa. A giala, *Sɛtaan mɛn bɛ́ kanaa kɛ mìi la, bɛ na á ǹ yiri tã, màn mɛn bɛ́ toɛ, ǹ nyan Boo Tii Kɔɔ̃n a wɔlɔ fúlu kɛ yɛ wa. Bɛa wɔlɔ fúlu lɛ n *Krita a tɔ golebaa nyɛɛ, asɛ mɛn bɛ́ Lawa din a kɔnboe lɛa.

Korɛnti2 4:6

Lawa mɛn bɛ́ á pɛ mà wɔlɔ fúlu yɛ wɔlɔ tì bii, a din na á toa wɔlɔ fúlu tɛ pɛ ma dɔ foo ne. Lawa a gugurubaa mɛn bɛ́ tɛ pii Yezu Krita yɔrɔ nɛ, a n mà minin nə boo la ǹ bɛ dɔ̃.

Galaasi minin 3:2

Man zoɛ̃, máa ka nɔ̀n-diɛ kɛ a binyəə kɔ ma la: Ka ǹ ká Lawa a Yiri Fu yɛ kaa dí-pɛn lɛa, hinlaa ka Boo Tii Kɔɔ̃n mɛn ma ka golee li, bɛa lɛa nɛ?

Galaasi minin 3:5

Lawa ná a Yiri Fu kɔ ka la, a n kaãbaa ǹ siin zɛnɛɛ ka bii. A na á bɛ zɛnaa kaa dí-pɛn siin zɛnaa a lɛa, hinlaa ka Boo Tii Kɔɔ̃n mɛn ma ka golee li, bɛa lɛa nɛ?

Efɛɛzi minin 1:18

A die a ka yiin bũ, a din bɛ́ ka bíi mìi mɛn ganaa, ka boo la ka bɛ yɛ. A bɛ́ bǐɛ̃ sonboren mɛnɛn dɔn koɛ ka nɛ, kun ka a zaman tumaa nɛ, a die a toa ka bɛn là dɔ̃.

Efɛɛzi minin 2:8

Lawa a bǐɛ̃ lɛ a lɛa nɛ, ká kirisibaa goleemali pàã ganaa. Bɛa kirisibaa kɛ bie boe ka dinin li wa, Lawa a bǐɛ̃baa ǹ màn nɛ.

Efɛɛzi minin 3:7

Lawa na á dí nya ka a din pàã nɛ. Á bǐɛ̃ zɛnaa ma nɛ, á ma bɔ á ma baa Boo Tii Kɔɔ̃n kɛ a laakalaali lɛa.

Efɛɛzi minin 4:7

Sɛnɛ, bǐɛ̃ na á n zɛnaa wɔ tumaa gogoonmaa nɛ, á kɔnpɛ ka *Krita din a bǐɛ̃baa gole kɛ nɛ.

Timote1 4:14

Lawa a bǐɛ̃baa ǹ màn mɛn bɛ́ n lon, n nyan bɛ da n gɔn para li wa. A din lɛ na á n kɔ n la, á kɔnpɛ ka Lawa a boo gii-dalin da ǹ boo ne, bɛ̀ ga Lawa a sɔmɔ walan wolen bɛ́ ǹ nə́ n gɔn da n la ǹ mɛn pinaa.

Timote2 2:25

Min mɛnɛn bɛ́ a boo liere koe, a doamaa nɛ, a bɛn doroo ka sabarabaa nɛ. Kɔntan, Lawa á die n doe ǹ lɛ, ǹ wusoo ǹ zɛnaa ǹ siin kio, ǹ sonbore dɔ̃.

Timote2 4:14

Fuũn giĩ Alɛksandrə kɛ sii baraa gigiã zɛnaa ma nɛ. Dɛnaa á re sarɛɛ, a kɔnpɛ ka a nya ǹ dín ni.

Ebrəə 10:32

Ka n yiri gisĩ kaa giala-kɔ nɛ. Bɛa biikoon li, kaa Lawa a wɔlɔ fúlu yɛ lɛ kio, ka fuu gigiã yɛ, ka sii si ka ganaa.

Ebrəə 2:4

Lawa din na á goã dí nyɛɛ, á n pàã we ǹ siére lɛ nɛ, ka sii-nyaa ǹ siin dadaran laanka kaãbaa ǹ sii tɔrɔ tumaa nɛ. A na á goã Yiri Fu a bǐɛ̃ mànan dɔn koe minin la, á n kɔnpii a din dùũ ni.

Zaã1 5:16

Sii baraa mɛn bɛ́ a woe ka min ni gɛ̀-n wa, bɛ̀ min nə́ ǹ dɔɔ̃n yɛ bɛ zɛnɛɛ, a Lawa nyankɔ, Lawa á re yiikoonaabaa koe ǹ dɔɔ̃n kɛ lɛ la, bɛ̀ á daa yaa sonbore, sii baraa kɛ lɛ á zɛnaa, bɛ̀ a ba woe-n gɛ̀-n wa. Sɛnɛ, sii baraa goon tan, a n woe ka min ni gɛ̀ nɛ, ma bie máa ka Lawa nyankɔ bɛa sii baraa kɛ miã a lɛa wa.