Ebrəə 6:18 - LAWA A BOO SONBORE

¹⁸ A na á ga li, mà a foo-doa ǹ sii màn paa zɛnaa wɔ nɛ, a lɛ-kɔ kɛ laanka a liɛ kɛ nɛ. Lawa a boe la, a soɛ bɔ bɛa sii paa kɛ lɛ gɔ́ɔ̃-n wa. Wɔsɛn mɛnɛn bɛ́ kiɛ Lawa yele, wɔ nə́ n gɔn parɛɛ Lawa din a foo doa ǹ màn kɛ ganaa á kɔ wɔ la, bɛa sii paa kɛ lɛ n wɔ foo taɛ̃ parsiini.

LAWA A BOO SONBORE 2011

¹⁸ A na á ga li, mà a foo-doa ǹ sii màn paa zɛnaa wɔ nɛ, a lɛ-kɔ kɛ laanka a liɛ kɛ nɛ. Lawa a boe la, a soɛ bɔ bɛa sii paa kɛ lɛ gɔ́ɔ̃-n wa. Wɔsɛn mɛnɛn bɛ́ kiɛ Lawa yele, wɔ nə́ n gɔn parɛɛ Lawa din a foo doa ǹ màn kɛ ganaa á kɔ wɔ la, bɛa sii paa kɛ lɛ n wɔ foo taɛ̃ parsiini.

Ebrəə 6:18 Iomraidhean Croise

Siin Giala 19:22

Baa si n wo n mìi susu walan fufuu, a giala, ma a boe la ma sii kɔ́n zɛnaa bɔrɔ wa, yǎa n doe walan.» Bɛ lɛ nɛ, ǹ nə́ tɔ́n bɛa kiwi lɛ tɔ kɔ Sowara (bɛ giala mà "Boɛɛnɛ").

Kiin1 2:28

Sii mɛn nə n zɛnaa, Zoabu bɛ́ á bɛ ma, á baa si á woo Dɛnaa Lawa a mɔnaa kion lɛa sumun, á *wúlu bɔ ǹ bǎã lɛ a karan kũ. A na á zɛnaa miɛ̃, a giala, Zoabu lɛ goã Adoniya kio, a na a goã kun ka Abusalɔn sɛ-n wa.

Loen 110:4

Dɛnaa Lawa na á n liɛ kɛnɛn, a ba re wusii a boo dɔ kio wa: Ma n wúlu-bɔle lɛa yǎa duduu, ka Mɛlkizedɛki wɔ bɛ́ lɔn.

Loen 46:1

LOE-saalin goledɛnaa loe mɛn lɔ. Koore a nɛnyaanan loe, manə n lɛn siɛ lon a lɔ li.

Loen 62:8

Maa kirisibaa laanka maa guguru-kɔ n doa-n Lawa ganaa. A din nə maa kɔmalɛ wole kaka lɛa, maa duru ǹ bǎã nɛ.

Suusun 3:18

Sii-doɛ̃ lɛ n ka yiikoonaabaa ǹ da bɛ́ lɔn. A bɛ́ min mɛnɛn gɔn, ǹ yii n nyɛɛ nɛ.

Suusun 4:13

N doroo mɛn yɛ, kũ sɔnbɔraanɛ, n nyan nə n la a ganaa wa. A kũ doɛ̃, a nə yii toɛ koo.

Izayii 27:5

Bɛ̀ min woo min nə́ n din sii wɔ masɛ gɔn, á re là nyantoro yii ma li. Sonbore, á re là nyantoro yii ma li.»

Izayii 51:12

Ma din nə foo doa koe ka la. Sonbore, ma din ni! Maa zaman, a n siɛ lɔn ka á nyɛ́ɛbiɛ minbuiin nɛn manɛ? Ǹ tumaa n giɛ̃, maǹ nə n gɔn nyɔmiɛ ka buu bɛ́ lɔn!

Izayii 56:4

Sonbore, Dɛnaa Lawa n kɛ pii: «Giĩbaa bɛ́ a ba min mɛnɛn lon wa, ǹ nə́ maa susu ǹ piin koɛ, ǹ nə́ ma foo siin zɛnɛɛ, ǹ nə́ n gɔn parɛɛ maa lɛ kɔ kɔn la ǹ boon kɛn ganaa,

Izayii 64:7

A da yaa Dɛnaa Lawa, n din ni wɔa díi lɛa. Wɔsɛn man gì lɛa, nsɛ n dɔn-bɔle lɛa. N din nə n wɔ tumaa zɛnaa.

Zakarii 9:12

Kòso nɛ foo doa wolen lɛn, ka n bɔyaa ka da kaa kiwi tamaa wole ne! Pelo dinin, man pii ka nɛ, màn mɛn bɛ́ ka lon, man die bɛa la ma-n paa koe ka la.

Minin nimi 23:19

Lawa bie min lɛa, a tɔn soɛ bɔ wa! A bie minbuiin nɛ lɛa, a tɔn wusoo a kio-n wa! A ba boo diɛ, bɛ̀ a ná a ba a lɛ piɛ̃ wa! A boo diɛ a n lɛ bɔ wa!

Matiə 24:35

Lon laanka tán tá re kiɛ̃, sɛnɛ, masɛ a boon kɛn ba re kiɛ̃ wa, maǹ goɛ̃ yǎa duduu.

Matiə 3:7

ZAÃ bɛ́ á yɛ ǹ mɛn waáraa, mà *Fariziɛ̃ gigiã laanka *Sadusɛɛ̃ gigiã á die asɛ li, mà asɛ batɛmu da ǹ ganaa, a na á pɛ ǹ nɛ: «Ka kɔrɔka tɔrɔn kɛn! Die na á pɛ ka nɛ, mà Lawa a foo busu ǹ kiri gole mɛn bɛ́ die, mà ka á boe la ka baa si ka la bɛ la?

Luku 2:25

Á daa yaa giĩ goon tá Zeruzalɛmu kiwi, a tɔ n Simiɔn. Bɛa giĩ lɛ na á goã min pepere lɛa, a n nyɛ́ɛ biɛ Lawa yii ni, bɛ̀ á n yii diɛ Izirayeli minin nyin-sili lɛ la. Lawa a Yiri Fu na á goã la,

Rɔmu minin 15:5

Lawa n foo tãbaa laanka sii simaa koe. Bɛa Lawa lɛ nə n dɔ ka lɛ, ka lɛ boo la a goã kun, ka Yezu Krita bɛ́ giɛ li lɔn.

Rɔmu minin 3:25

Minin bɛ́ kɔn gòã kuĩ lɔn ka tɔɔ nɛ, Lawa dɔ na á Yezu kɔ miɛ̃ *wúlu màn lɛa, á gɛ̀ wɔ. Lawa na á bɛ zɛnaa á nyaa mà asɛ á pepere. A laanɛ á goã minbuiin nɛn sii sii a ganaa lɛlɛ, a ná a ba ǹ sii baraa diɛ sii li wa.

Rɔmu minin 3:4

Haayii dɛ! Bɛ n nyɛɛ dinin kəni, mà ta min din tumaa nə́ n piã ka ǹ lɛ kɔ ǹ sii zɛnaa nɛ, bɛ̀ Lawa sɛ nə́ n lɛ kɔ ka ǹ mɛn nɛ, a n bɛ zɛnɛɛ. Lawa a boo n bɛ lɛ pii: «Bɛ lɛ n ke, ta n boo mɛn da, sonbore tá n lon, ta n dɔlɔ mɛn da ma mìi ni zɛ̀rɛ ba n ganaa wa.»

Rɔmu minin 5:5

Sàabaa ba bɛ la wa. Lawa ba wɔ daɛ wa. A tá wɔ narɛ. A na á kɔn-narɛɛ gole dɔ da wɔ foo ne, ka Yiri Fu kɛ barka nɛ, a din kɔ wɔ la.

Filipi minin 2:1

Bɛ̀ foo-doa á yii Krita nɛ, bɛ̀ foo tãbaa á yii a kɔn-narɛɛ nɛ, bɛ̀ koa-kun tá ka laanka Yiri Fu bii, bɛ̀ bǐɛ̃baa laanka sii toa kɔn nɛ á yii a nɛ,

Kolɔɔsi minin 1:23

Sii goon dinsɔɔ̃ n ke, ka doamaa-n ka goã doa-n golee Lawa li gɔ́ɔ̃ nɛ, ka baran toa min ka na, a ka bɔ kaa foo-doa kɛ ganaa wa, ka foo-doa mɛn lɛ yɛ Boo Tii Kɔɔ̃n kɛ a miɛ gɔ́ɔ̃ nɛ. Bɛa Boo Tii Kɔɔ̃n kɛ lɛ, á n pɛ kanaa min din tumaa nɛ, Lawa na á masɛ Pooli dia bɛ lɛ nyɛɛ.

Kolɔɔsi minin 1:27

Bɛa sii-durii kɛ lɛ a bǐɛ̃ a golebaa laanka a gugurubaa n doe tɔrɔ tumaa ganaa, Lawa na á ga li mà a bɛ lɛ nyaa a din a minin kɛn manɛ. Bɛa sii-durii lɛ n ka kɛ nɛ: Krita n ka gɔ́ɔ̃ nɛ, bɛ n foo-doa lɛa, mà ka á re kaa wɔ gii yii Lawa a gugurubaa kɛ nɛ.

Kolɔɔsi minin 1:5

Ka foo bɛ́ doa-n màn mɛn ganaa lon, ka n ka bɛa foo-doa lɛ yɛ ka Boo Tii Kɔɔ̃n barka nɛ, ǹ mɛn bɛ́ sonbore boo lɛa. Ka n ka saa lɛlɛ ka bɛ lɛ ma.

Tesaloniki1 1:10

Ka ǹ bɛ lɛ gɔ́ɔ̃ nɛ, n yii diɛ a Nɛgiĩ a bɔ lon a daa la, a ǹ mɛn lɛ yii kaa á bɔ geren bii, Yezu lɛ, die wɔ sii Lawa a biɛ̃ ǹ foo-busii la.

Timote1 1:1

Masɛ Pooli n Yezu *Krita a dia dí-a wole lɛa. Bɛ na á kɔnpɛ ka wɔ Kirisibaali Lawa laanka wɔ foo doamaa wole Yezu Krita a dí-pɛ nɛ.

Timote1 6:12

N doa n yɔ bɔ sɔnbɔraanɛ goleemali lɛ a lɛa, n nyin nyabaã yɛ. A giala, Lawa na á n bíi bɛ lɛ taman yii, ka n din bɛ́ n nyaa, n goleemali boo pɛ sonbore lɛ-n lɔn, siére gigiã yɔrɔ-a.

Timote2 2:13

Ta wɔ a bɔlɔgoondɛnan lɛa wa, asɛ á die goɛ̃ bɔlɔgoondɛnaa lɛa, a giala, a boe la a n piã ka a din bɔlɔ-n wa.»

Tiitii 1:2

ń giɛ yiri doa nyin nyabaã ganaa kɛ á goɛ̃ ǹ li. Lawa mɛn bɛ́ a soɛ boe wa, a din na á lɛ kɔ wɔ la ka bɛa nyin nyabaã kɛ lɛ nɛ, bɛ̀ kanaa tɔn nə n giala kɔ wa.

Ebrəə 11:7

Golee Lawa li na á toa, Nowee Lawa a gɔn waaman kɛ si parsii lɛa. Yii bɛ́ a tɔn sii mɛn yɛ wa, Lawa na á n gɔn waa-n ka bɛ nɛ. Á goo zɛnaa a ná a kion minin kirisibaa nɛ. Dɔlɔ nə́ n bɔ kanaa ganaa, sɛnɛ, Lawa ga Nowee ganaa min pepere lɛa, a goleemali a lɛa.

Ebrəə 3:11

Bɛ lɛ na á toa, maa foo-yoo gɔ́ɔ̃ nɛ, má n liɛ máa ǹ ba re we maa susu ǹ gána kɛ-n wa.»

Ebrəə 3:6

Sɛnɛ, *Krita sɛ na á Nɛgiĩ bɔlɔgoondɛnaa baa, Lawa a tɔrɔ minin mìi la. Wɔ dinin man a tɔrɔ minin lɛn lɛa, bɛ̀ wɔ gòãn tá we-n tán wɔa foo doa ǹ màn kɛ lɛ la, wɔ nə n nyɛnyɛɛ a wɔ gɔn la ka foo tãbaa nɛ.

Ebrəə 6:17

Bɛa yɔrɔ kɛ lɛ la, Lawa na á goã giɛ li a nyaa foaãnɛ, a lɛ-kɔ ǹ bǐɛ̃ kɛ lɛ a yɛlen ne, mà asɛ ba n lɛ boe doo wa. Bɛ lɛ nɛ, á liɛ da lɛ-kɔ lɛ li.

Ebrəə 7:19

Sonbore, Muizu a Dí-pɛn lɛn nə pàã kɔ minin la, ǹ nə́ sii kɔ́n zɛnaa, ǹ ná a lɛ pã wa. Sɛnɛ, wɔa foo-doa yɔrɔ bɛ́ dia-n màn mɛn la kanna, bɛ á soɛ wɔa lɛlɛ a foo-doa ǹ wɔ kɛ nɛ. Wɔ ǹ boe la, wɔ n mɔrɔ Lawa ganaa ka bɛ barka nɛ.

Ebrəə 7:21

Sɛnɛ, Yezu sɛ bɛ́ biɛ, Lawa din na á n liɛ, Lawa mɛn pɛ a wɔ gɔn la: Dɛnaa Lawa din na á n liɛ, a re n lɛ boe dɔn wa: «Ma n wúlu-bɔle lɛa yǎa duduu.»

Zozoe 20:3

Bɛ̀ min gɔn sã á ǹ miã dɛ, a na a bie zɛnaa woon lɛa wa, á boe la a baa si a wo n mìi duru bɛa kiwin lɛn goon ne. Ka tá re baa sii ka wo n mìi duru bɛa kiwin lɛn kɔn nɛ, màn mɛn bɛ́ toɛ, ka kanbaa gere lɛ a gɛ̀ dòo-bɔle ganaa.

Zaã1 1:10

Bɛ̀ wɔ́ pɛ wáa wɔ ba sii baraa-zɛnaalin lɛa wa, wɔ ǹ Lawa biɛ soɛ-bɔle lɛa, a boo kɛ ba wɔ gɔ́ɔ̃-n wa.

Zaã1 5:10

Bɛ̀ min mɛn tá golee Lawa a Nɛgiĩ li, bɛa siérebaa ǹ boo kɛ lɛ tá ǹ dɛnaa nɛ. Sɛnɛ, bɛ̀ min mɛn ba golee Lawa li wa, bɛa dɛnaa n Lawa biɛ soɛ-bɔle lɛa. A giala, Lawa siérebaa ǹ boo mɛn kɔ a Nɛgiĩ wɔ paǹ li, a golee bɛ li wa.

Samayeli1 15:29

A din mɛn lɛ á ke Izirayeli pàã lɛa, a soɛ boe wa. Dɔ̃ miɛ̃ ba asɛ a sii-n wa, a giala, a ba minbuiin nɛ lɛa sɛnɛ mà a tá n gɔ́ɔ̃ dɔn bii wa.»