Ebrəə 6:17 - LAWA A BOO SONBORE

¹⁷ Bɛa yɔrɔ kɛ lɛ la, Lawa na á goã giɛ li a nyaa foaãnɛ, a lɛ-kɔ ǹ bǐɛ̃ kɛ lɛ a yɛlen ne, mà asɛ ba n lɛ boe doo wa. Bɛ lɛ nɛ, á liɛ da lɛ-kɔ lɛ li.

LAWA A BOO SONBORE 2011

¹⁷ Bɛa yɔrɔ kɛ lɛ la, Lawa na á goã giɛ li a nyaa foaãnɛ, a lɛ-kɔ ǹ bǐɛ̃ kɛ lɛ a yɛlen ne, mà asɛ ba n lɛ boe doo wa. Bɛ lɛ nɛ, á liɛ da lɛ-kɔ lɛ li.

Ebrəə 6:17 Iomraidhean Croise

Siin Giala 26:28

Ǹ nə́ Izaaki lɛ si kɛnɛn: «Wɔ́ gɔsɛ wɔ yɛ, Dɛnaa tá kunun n ni. Bɛ lɛ nɛ, wɔ pɛ, wɔa yǎa wɔsɛn nə n liɛ kɔn nɛ, wɔ lɛ kɔ kɔn la we.

Loen 110:4

Dɛnaa Lawa na á n liɛ kɛnɛn, a ba re wusii a boo dɔ kio wa: Ma n wúlu-bɔle lɛa yǎa duduu, ka Mɛlkizedɛki wɔ bɛ́ lɔn.

Loen 33:11

Dɛnaa Lawa sɛ a sii yɔrɔ bɔ n goɛ̃ yǎa duduu, bɛ̀ á sii mɛn koa a yiri ni, bɛ lɛ n giala yii biikoo tumaa li.

Loen 36:8

Lawa, n bǐɛbaa gole lɛ á siĩni. Minbuiinin man kiɛ n din nyaa giulun.

Bɔ bɛ̀rɛbaa nɛ 22:11

Sɛnɛ, bɛ̀ maǹ nə́ tɔɔ lɛ koã a li, a na a dòo sarɛɛ ǹ dɛnaa la.

Suusun 19:21

Minbuiinin man sii gigiã taasɛ ǹ yiri ni, sɛnɛ, Dɛnaa Lawa foo sii nə n zɛnɛɛ.

Loe kɔɔ̃n kɔɔ̃n 5:1

Haya le! Mianɛn, maa nɛniɛ, má daa wɔ maa dù gɔrɔ lɛ nɛ, man die maa *miíri nyɔɔ gìĩ kɔɔ̃nɔn sɔlɛɛ, man die maa zoo nyɔɔ kɔɔ̃n bii, man die maa duvɛ̃ laanka maa bɔ̀nyaa mii. Maa giaáran lɛn, ka màn bii, maa giaáran lɛn, ka màn mi, ka mi, a wɔ ka yii ni.

Izayii 14:24

Dɛnaa Lawa Pàãyiidɛnaa liɛ wɔ á pɛ: «Ma boo mɛn da, bɛ lɛ n die n zɛnɛɛ, ma màn mɛn yɔrɔ bɔ, bɛ lɛ n die giala yii!

Izayii 46:10

A kũ kanaa giala kɔ waáraa ganaa, sii mɛn bɛ́ re n zɛnɛɛ, man bɛ pii. Sii mɛn bɛ́ a tɔ nə n zɛnaa wa, man siɛ lɛlɛ ma bɛ pɛ. Man pii: Ma siin mɛnɛn koa ma yɔrɔ-a, bɛn man yɔrɔ yii. Sii mɛn tumaa bɛ́ kɔɔ̃n ma ganaa, man bɛ zɛnɛɛ.

Izayii 55:11

A ke, a din goon ne, boo mɛn bɛ́ soe ma lɛ-n, a ba n bɔyɛɛ a da ma li bɛ̀ a ná a sii zɛnaa wa. A n ma dùũ sii zɛnɛɛ. Ma dín mɛnɛn kɔ la, a n bɛn zɛnɛɛ.»

Izayii 55:7

Min baraan nə ǹ sii baraan kaa. Min mɛn bɛ́ baraa zɛnɛɛ, bɛa dɛnaa na a taasiɛ baraan kaa. Ǹ tumaa doamaa nɛ ǹ wusoo ǹ da Dɛnaa Lawa li. A giala, á re makara boe ǹ ganaa. Ǹ tumaa doamaa nɛ ǹ da wɔa Lawa li, a giala, a n sii baraan toɛ kooro.

Malakii 3:6

Masɛ Dɛnaa Lawa, ma ba n bɔyɛɛ wa. Kasɛn dɔn, ka a n boe minin-sãli Zakɔba tɔrɔ taãnbaa kɛ-n doɛ̃ wa.

Zaã a sɛ́wɔ 10:10

Wurumu n die wurumubaa tɔ-a, ka gɛ̀-dɛ nɛ, ka basaã kɔ nɛ. Sɛnɛ, masɛ n má daa, màn mɛn bɛ́ toɛ, minbuiinin nə nyin nyabaã yɛ, ǹ yɛ ka a bɛ́ lɔn.

Rɔmu minin 11:29

A giala, bɛ̀ Lawa màn kɔ, a na á kɔ, bɛ̀ á min dɔ bíi, a na á bíi, a ba wusii a sii zɛnaa kio wa.

Rɔmu minin 8:17

Wɔ bɛ́ Lawa lɛ a nɛnyaanan lɛa, a din bɛ́ á n lɛ kɔ, mà asɛ á re bǐɛ̃n mɛnɛn zɛnɛɛ a minin manɛ, wɔ á re wɔa wɔ gii yii bɛn nɛ. Wɔ á re wɔa wɔ gii yii kun ka Krita nɛ. A giala, bɛ̀ wɔ fuu yɛ kun ka Krita lɛ nɛ, wɔ á re goɛ̃ kun ni a gugurubaa dɔ nɛ.

Galaasi minin 3:29

Bɛ̀ ka á Krita wɔn lɛa, bɛ n nyɛɛ kəni, mà ka n Abrahamu tɔrɔn dɔn lɛa. Lawa nə n lɛ kɔ la ka bǐɛ̃n mɛnɛn nɛ, ka dɔn tá re bɛn yii, a kɔnpɛ ka Lawa din a lɛ-kɔ kɛ nɛ.

Efɛɛzi minin 1:11

Wɔa tá kun Krita-n lɛ gɔ́ɔ̃ nɛ, Lawa nə n lɛ kɔ a minin la ka màn mɛn nɛ, wɔ dɔn nə́ wɔa wɔ gii yɛ. Bɛ na á kɔnpɛ ka a din a sii yɔrɔ bɔ a koa nɛ. A giala, a din nə sii tumaa zɛnɛɛ á kɔnpii ka a din foo sii ni. Lawa din na á saa lɛlɛ á wɔ bɔ,

Ebrəə 11:7

Golee Lawa li na á toa, Nowee Lawa a gɔn waaman kɛ si parsii lɛa. Yii bɛ́ a tɔn sii mɛn yɛ wa, Lawa na á n gɔn waa-n ka bɛ nɛ. Á goo zɛnaa a ná a kion minin kirisibaa nɛ. Dɔlɔ nə́ n bɔ kanaa ganaa, sɛnɛ, Lawa ga Nowee ganaa min pepere lɛa, a goleemali a lɛa.

Ebrəə 11:9

Golee Lawa li na á toa, Lawa nə n lɛ kɔ la ka gána mɛn nɛ, á giã bɛ nɛ ka tii bɛ́ lɔn. Abrahamu giã mɔnaa kionən ne, kun Izaaki ni ka Zakɔba nɛ, Lawa a lɛ-kɔ ǹ sii goon kɛ lɛ bɛ́ bɛn mɛnɛn dɔn wɔ lɛa.

Ebrəə 6:12

Wɔ ba li yoobaa ka kũ wa. Sɛnɛ, min mɛnɛn bɛ́ golee Lawa li, ǹ nə́ sii sii ǹ ganaa, yǎa ǹ Lawa a lɛ-kɔ ǹ mànan kɛn yii, ka tɔ lɛ wɔ ka bɛn bɛ́ lɔn.

Ebrəə 6:16

Màn mɛn bɛ́ gole á la minbuiin nɛ nɛ, a nə n liɛ ka bɛ nɛ, bɛa liɛ lɛ nə ǹ boo lɛ doa ǹ bǎã lɛa, a n liere nyɛɛ ǹ biin ni.

Ebrəə 6:18

A na á ga li, mà a foo-doa ǹ sii màn paa zɛnaa wɔ nɛ, a lɛ-kɔ kɛ laanka a liɛ kɛ nɛ. Lawa a boe la, a soɛ bɔ bɛa sii paa kɛ lɛ gɔ́ɔ̃-n wa. Wɔsɛn mɛnɛn bɛ́ kiɛ Lawa yele, wɔ nə́ n gɔn parɛɛ Lawa din a foo doa ǹ màn kɛ ganaa á kɔ wɔ la, bɛa sii paa kɛ lɛ n wɔ foo taɛ̃ parsiini.

Zaaki 1:17

Lawa bɛ́ wɔ goe ka màn mɛn tumaa nɛ, màn sonbore ne, a lɛ piɛ̃maa nɛ. A din na á folo-kaalin zɛnaa á ǹ kaa lon. Lawa ba n bɔyɛɛ ka bɛa mànan lɛn bɛ́ lɔn, bɛ̀ a fúlu a wusoo a tii wa; bɔyaa ǹ gɔn ba a ganaa paǹ kɔ́n li wa.

Zaaki 2:5

Ka n too kɔ, ma dɔɔ̃n narɛɛ wolen lɛn. Min mɛnɛn bɛ́ doobaan lɛa kanaa minin yii li, Lawa na á bɛn lɛn bɔ, mà ǹ pàãman baa goleemali gɔ́ɔ̃ nɛ, ǹ Lawa a piɛ dɔ yɛ. Lawa na á n lɛ kɔ, mà á die bɛ lɛ koe a narɛɛ wolen la.

Piɛrɛ1 1:3

Ka daa wɔ barka da Lawa nɛ, wɔa Dɛnaa Yezu Krita n Di Lawa nɛ! Lawa din a bǐɛ̃baa gole kɛ taman yii, á yiikoonaabaa dii kɔ wɔ la, a n foo-doa sonbore dɔ koe wɔ la. Bɛa foo-doa kɛ lɛ giala n we-n Yezu Krita a yii kaa a bɔ geren bii kɛ ganaa.

Piɛrɛ1 3:7

Kasɛn dɔn, giĩn lɛn, a din yɔrɔ kɛ lɛ la, ka dɔn nə goã kun kaa lɔn nɛ, ka n doɛ̃ mà pàã ba ǹ lon ka kaa wɔ bɛ́ lɔn wa. Ka ǹ guguru kɔ, a giala, ǹ dɔn doamaa nɛ, ǹ Lawa a bǐɛ̃baa ǹ nyin nyabaã kɛ lɛ yɛ kun ka nɛ. Ka zɛnaa miɛ̃, màn mɛn bɛ́ toɛ, màn kɔ́n baran ka sàabaa Lawa-nyankɔ ganaa wa.