Ebrəə 6:12 - LAWA A BOO SONBORE

¹² Wɔ ba li yoobaa ka kũ wa. Sɛnɛ, min mɛnɛn bɛ́ golee Lawa li, ǹ nə́ sii sii ǹ ganaa, yǎa ǹ Lawa a lɛ-kɔ ǹ mànan kɛn yii, ka tɔ lɛ wɔ ka bɛn bɛ́ lɔn.

LAWA A BOO SONBORE 2011

¹² Wɔ ba li yoobaa ka kũ wa. Sɛnɛ, min mɛnɛn bɛ́ golee Lawa li, ǹ nə́ sii sii ǹ ganaa, yǎa ǹ Lawa a lɛ-kɔ ǹ mànan kɛn yii, ka tɔ lɛ wɔ ka bɛn bɛ́ lɔn.

Ebrəə 6:12 Iomraidhean Croise

Suusun 12:24

Min mɛn a dí boo bɛ́ kaka, bɛ n goɛ̃ ǹ miãn mìi la. Sɛnɛ, yoobaali á re bɛ̀rɛ biɛ.

Suusun 13:4

Yoonaa nə n yiri koɛ màn gigiã-a sɛnɛ, a ba ǹ kɔn yii wa. Gɔ̀nɔndɛnaa bɛ́ giɛ màn mɛn li, a n bɛ yii.

Suusun 15:19

Yoo-baali a zii n ka nyan da tewon bɛ́ lɔn. Min pepere a zii n pəmə.

Suusun 18:9

Min mɛn bɛ́ a ba n tele dí li wa, ka min mɛn bɛ́ ziziɛ̃, maǹ nə́ bɔ kɔn li ka dɔɔ̃nɔn bɛ́ lɔn.

Suusun 2:20

Min sonboren zii saa. Min mɛnɛn sii zɛnaa bɛ́ siĩni, n bɛn lɛn zɔɔ̃.

Suusun 26:14

Kiɛnlɛ-a ǹ goo bɛ́ n bɔyɛɛ goaran la lɔn, yoonaa nə n bɔyɛɛ a piì la miɛ̃.

Suusun 28:10

Min mɛn bɛ́ min peperen siɛ̃ ǹ kiɛ sii baraa nɛ, a nyankɔrɔ mɛn fɔ̃, a din nə die n doe a nɛ. Sɛnɛ, min sonboren tá re là nyantoro yii.

Loe kɔɔ̃n kɔɔ̃n 1:8

Nsɛ mɛn bɛ́, n siĩnbaa miã ná a banban lɔn bii wa, bɛ̀ n ba bǎã lɛ doɛ̃ wa, n die n soo, n kɔ tɔɔn lɛn basa lɛ, n nə n bòe nɛn kɛn lɛduə̃, tɔɔn-lɛduə̃lin giã ǹ bǎãn genli.

Zeremii 6:16

Dɛnaa Lawa bɛ màn mɛn pii á ke: Ka zii mɛn saa, ka golee bɛ la, ka n taasɛ. Ka nɔ̀n da lɛlɛ ǹ ziin kɛn nɛ, ka ga zii lɛ a sonbore li, ka kɔ lɛ. Ka bɛ nɛ, ka á re susui yii ka dinin wɔ lɛa. Sɛnɛ, ǹ nə́ pɛ kɛnɛn: «Wɔ a re koe lɛ wa.»

Matiə 22:32

Lawa pɛ: «Man Abrahamu a Lawa lɛa, Izaaki a Lawa lɛa, Zakɔba a Lawa lɛa.» Yezu tɔ́n pɛ: «Lawa lɛ bie geren Lawa lɛa wa, a n yiikoonaan Lawa lɛa. Bɛ n nyɛɛ, mà bɛa minin kɛn lɛn ǹ nə́ gã lɛlɛ, mà ǹ yii á koo sisia.»

Matiə 25:26

A mìinaa lɛ tɔ́n pɛ nɛ: «Dí naarɛ nyali, yoonaa! Táa n tá doɛ̃ mà ma bɛ́ ma màn tɔrɔ da bǎã mɛn nɛ wa, mà man màn kuri walan?

Luku 16:22

«Bɛa doobaa lɛ daa á gã, yǎa lon a dia dí-a wolen ná a telenboen saa ǹ nə́ woo da Abrahamu genli Lawa a piɛ. Pàãma lɛ dɔ́ daa á gã, ǹ nə́ bĩ.

Luku 8:15

Màn tɔrɔ mɛn bɛ́ á mɛnaa tán sonbore bǎã nɛ, bɛ n kɔnboe ka min mɛnɛn bɛ́ n too koe boo lɛ-a, ǹ si, ǹ kũ foo sonbore laanka a telee wole ne. Bɛa dɛnan lɛn man goɛ̃ bɔlɔgoondɛnaabaa la, yǎa ǹ nɛ koe.»

Rɔmu minin 12:11

Ka n doa, ka baran yoo baa wa. Ka n we yii ka dí nya Dɛnaa nɛ.

Rɔmu minin 2:7

A n die nyin nyabaã koe ǹ tɛnɛn la, min mɛnɛn bɛ́, ǹ nə́ n dinin kɔ sii bǐɛ̃ zɛnaa la biikoo tumaa waáraa, mà Lawa gugurubaa laanka tɔ sonbore kɔ ǹsɛn la, ǹ yii goã koo miɛ̃ yǎa duduu.

Rɔmu minin 4:12

Sonbore, Abrahamu n kurii wolen lɛn dɔn díi lɛa. Sɛnɛ, kurii wole kɛ tumaa bie Abrahamu a nɛ lɛa wa. Min mɛnɛn bɛ́ a lɛa, bɛn man ke, golee Lawa li wolen dininsɔɔ̃nɔn, ka wɔ di Abrahamu din bɛ́ á zɛnaa lɔn, bɛ̀ a ná a tɔn nə n kuru wa.

Tesaloniki1 1:3

Ka golee Lawa li mɛn nyaa ka kaa nya ǹ dín ni, ka sii mɛn da ka dinin mìi ni kaa Krita narɛɛ taman yii, ka bɛ́ n foo doɛ, ka á n yii diɛ wɔa Dɛnaa Yezu Krita a daa la lɔn, wɔ n bɛ yii pii wɔ Di Lawa yɔrɔ-a biikoo tumaa li.

Tesaloniki2 1:4

Bɛ lɛ na á toa, wɔ dɔn tá wɔ dinin laakalɛɛ kaa lɛa Lawa a sɔmɔ minin yɔrɔ-a, a giala, ká sii si ka ganaa ká goleemali wɔ, fuu laanka nɔmaa tumaa gɔ́ɔ̃ nɛ.

Ebrəə 1:14

Lon a dia dí-a wolen kɛn tumaa n yirin dininsɔɔ̃nɔn lɛa, dí nyɛɛ Lawa nɛ, ǹ nə́ n doe kirisibaa-yɛlen kɛn lɛ.

Ebrəə 10:36

Sonbore, ka laadoo tá sii simaa ganaa, ka boo la ka Lawa dùũ lɛ zɛnaa ka a lɛ pã, ka tɔn a lɛ-kɔ ǹ sii lɛ a zɛnaa yɛ.

Ebrəə 11:33

Ǹsɛn mɛnɛn bɛ́, ǹ nə́ yɔ bɔ kɔn ka gána tumun ni, golee Lawa li a lɛa, ǹ nə́ gɔ̀lɔ̀baa yɛ. Ǹ nə́ peperebaa ǹ dín nya, ǹ nə́ Lawa a lɛ-kɔ ǹ siin yɛ n zɛnɛɛ. Ǹ nə́ yàran lɛ tã,

Ebrəə 12:1

Bɛa siére zaman gole kɛ lɛ tá wɔ lɛnpɛnɛ, ǹ nə́ ǹ golee Lawa li sii nyɛɛ wɔ nɛ. Bɛ lɛ-n kəni, màn mɛn tumaa bɛ́ wɔa tɔ-wɔ sàabiɛ, ka daa wɔ n piã bɛ nɛ, ka sii baraa kɛ dɔ nɛ n pɛnɛ wɔ ganaa fufuu. Ka daa, baa si a kɔn daa mɛn nə n nyaa wɔ nɛ, wɔ bɛ si ka sii simaa nɛ.

Ebrəə 13:7

Ka n yiri kɔ kaa lɛlɛ a nyɛɛnaandɛnan kɛn nɛ, ǹ mɛnɛn nə Lawa a boo lɛ pɛ ka nɛ. Ka ga ǹ tá kanaa a tɔ-wɔ ǹ gɔn kɛ laanka ǹ gɛ̀-wɔ ǹ gɔn kɛ ganaa, ka toa ka ǹ golee Lawa li lɛn zɔɔ̃.

Ebrəə 5:11

Yezu a wúlu-bɔlen kiãbaa kɛ lɛ wɔ gɔn la, boo gigiã tá wɔ lon wɔ pɛ ka nɛ, sɛnɛ, ǹ giala pɛ n die kaka koe, a giala, ka á nyantoto sii giala ma li.

Ebrəə 6:15

Abrahamu bɛ́ á n foo kũ, á sii si a ganaa, á yɛ Lawa ná a lɛ-kɔ ǹ sii lɛ zɛnaa, a ná a lɛ pã.

Zaaki 1:3

A giala, ka á doɛ̃, bɛ̀ kaa golee Lawa li nə́ n si nɔmaa la, bɛ lɛ n die ka sii simaa nɛ.

Piɛrɛ2 1:10

Bɛ lɛ nɛ, dɔɔ̃nɔn lɛn, Yezu Krita bɛ́ á ka bíi á ka yii gɔgɔɔ̃ ke, ka n doa ka n gù wen yii, ka kaa bíi-wɔ kɛ lɛ laanka kaa yii-gɔgɔɔ̃ kɛ lɛ tamaa. Bɛ̀ ka á bɛ zɛnɛɛ, ka a re mɛnɛɛ duduu wa.

Zaã1 2:25

Krita lɛ kɔ ka màn mɛn nɛ, mà asɛ á re koe wɔ la, bɛ n ka nyin nyabaã nɛ.

Sii-nyaan 13:10

Min mɛnɛn doamaa bɛ́ nɛ ǹ bɛ̀rɛn baa, bɛn tá re woe bɛ̀rɛbaa ǹ bǎã nɛ. Gɔya gɛ̀ doamaa bɛ́ nɛ a min mɛnɛn dɛ, bɛn tá re gɔya gɛ̀ we. Bɛ lɛ a lɛa nɛ, kasɛn mɛnɛn bɛ́ tɔn Lawa a minin lɛa, ka doamaa-n ka n foo kũ, ka sii si ka ganaa.