Ebrəə 6:10 - LAWA A BOO SONBORE

¹⁰ Sonbore, Lawa a kɔkɔrɔ wa. A yiri a boe la a bɔ ka kaa nya ǹ dín ni wa. Ká Lawa din tɔ kɛ narɛ, ká dí nya ka dɔɔ̃n Lawa-nyankɔlen man lɛlɛ. Ka n tɔn nyɛɛ miɛ̃ ka pelo yii ni, Lawa lɛ yiri a boe bɛ dɔ-n wa.

LAWA A BOO SONBORE 2011

¹⁰ Sonbore, Lawa a kɔkɔrɔ wa. A yiri a boe la a bɔ ka kaa nya ǹ dín ni wa. Ká Lawa din tɔ kɛ narɛ, ká dí nya ka dɔɔ̃n Lawa-nyankɔlen man lɛlɛ. Ka n tɔn nyɛɛ miɛ̃ ka pelo yii ni, Lawa lɛ yiri a boe bɛ dɔ-n wa.

Ebrəə 6:10 Iomraidhean Croise

Nehemii 13:22

Bɛ kio, má pɛ Levii tɔrɔn manɛ, máa ǹ gɔ̀ bɔ ǹ dinin-a ǹ da kiɛnlɛn lɛn lɛduə̃, màn mɛn bɛ́ toɛ ǹ susu ǹ pii lɛ tamaa. Bɛ lɛ dɔ taman yii, maa Lawa, n yiri kɔ ma nɛ, makara bɔ ma ganaa a kɔnpɛ ka n bǐɛ̃ gole kɛ nɛ!

Nehemii 13:31

Ǹ bɛ́ gɔn mɛn boe Lawa gɔ ǹ wɔ lɛa, má wusoo má bɛa bɔ da a giala la, á kɔnpɛ ka a bɔ biikoon ne, kɔnlɛ ka màn lɛ bibinaan kɛn nɛ. «Maa Lawa, n yiri koa ma nɛ, bǐɛ̃ kɛ taman yii, má zɛnaa.»

Nehemii 5:19

«Ee maa Lawa, ma sii mɛn tumaa zɛnaa zaman kɛ nɛ, n yiri kɔ ma li, n bǐɛ̃ zɛnaa ma nɛ bɛ taman yii.»

Loen 20:3

A die a n toa a din a kion sonbore kɛ nɛ, a dɔmalɛ dia n la. A die a n toa *Siɔn kele la, a n dɔ n lɛ.

Bɔ bɛ̀rɛbaa nɛ 1:20

Bɛa yɔrɔ kɛ lɛ la, màn nə́ mɛ Izirayeli nɛnyaanan lɛn li, ǹ nə́ mɔnaa, ǹ pàã gole kɔ.

Suusun 14:31

Min mɛn bɛ́ mɛnɛɛ doobaa la, a n sɔ koe a zɛnaali ganaa. Sɛnɛ, doobaa makara bɛ́ boe min mɛn ganaa, bɛ n gugurubaa koe la.

Suusun 19:17

Min mɛn bɛ́ doobaa goe, a n giɔ̀mɔ diɛ Dɛnaa Lawa ganaa. Dɛnaa Lawa á re sarɛɛ.

Boo-laakalaali 11:1

Bɛ̀ n tá re sii mɛn zɛnɛɛ, n yii tã n zɛnaa, n wɔ á re yii a-n biɛ̃.

Zeremii 18:20

Maǹ bǐɛ̃ sarɛɛ ka baraa nɛ? Maǹ nə́ nyankɔrɔ fɔ̃ mà ma mɛnaa a nɛ. A da yaa, n yiri kɔ, man má golee n din yɔrɔ-a, má boo da n nɛ ǹ dinin bǐɛ̃ kɔ á lɛa màn mɛn bɛ́ toɛ, n nə n foo yoo kɛ wɔlɔ lui ǹ ganaa.

Zeremii 31:16

Sɛnɛ, Dɛnaa Lawa n kɛ pii: N nyan wuu pɛ doo wa, n lɛ tã! N tá re n nɔmaa a saraa yii. N nɛnyaanan tá re boe n zɔ́ɔn gána nɛ ǹ daa. Dɛnaa Lawa a da ǹ boo ne.

Matiə 10:42

Masɛ n pii ka nɛ, sonbore, bɛ̀ min mɛn nə́ mu nyantoto kɔ masɛ a kialandɛnan kɛn kiɛɛrɛdɛnaa mɛn la á mi, masɛ a kialandɛnaabaa lɛ taman yii, haalɛ ta paan yii goon ne, bɛa dɛnaa á die a saraa yii.

Matiə 20:7

Ǹ nə́ tɔ́n pɛ nɛ: «A giala min na a wɔsɛn goa dí-n wa.» Á tɔ́n pɛ ǹ nɛ: «Ka dɔn nə wo maa wuru-n.»

Matiə 25:17

A sana kuturu paa kɔ min mɛn la, bɛ dɔ́ woo pii kɔ ka a wɔ-n miɛ̃, á sana kuturu paa kɔsɔ yɛ á tí a ganaa.

Marki 9:41

Min mɛn bɛ́ re mu sii paan din ni kooro a kɔ ka la a giala mà ka ǹ masɛ wɔn lɛa, man pii ka nɛ sonbore ne, ǹ dɛnaa ba re foɛ̃ a saraa li wa.

Zaã a sɛ́wɔ 13:20

Man taãn pii ka nɛ, bɛ̀ min mɛn maa dia dí-a wole kũ doɛ̃, bɛa dɛnaa na á ma dinmaa lɛ kũ doɛ̃. Bɛ̀ min mɛn ma kũ doɛ̃, bɛa dɛnaa na á maa dia wole kũ doɛ̃.»

Nya ǹ dín 10:31

Á pɛ ma-n kɛnɛn: «Nsɛ Kɔrnɛyi, Lawa nə́ n nyankɔ lɛ yɛ ka n bǐɛ̃ zɛnaan kɛn nɛ doobaan manɛ.

Nya ǹ dín 10:4

Kɔrnɛyi nə́ n yiin doa la ka gongon. Nyɛ́ɛ bɛ́ a ganaa, a ná a lɛ si: «Wàa mɛn nɛ, Dɛnaa?» Lon a dia dí-a wole lɛ pɛ: «Lawa nə́ n yiri kɔ n nyankɔ lɛ li, ka n bǐɛ̃n kɛn nɛ n nə́ ǹ zɛnaa doobaan manɛ.

Nya ǹ dín 11:29

Lawa-nyankɔlen lɛn Antiɔsi kiwi, ǹ nə́ da kɔn nɛ mà ǹsɛn dɔɔ̃nɔn mɛnɛn bɛ́ Zudee gána nɛ, mà ǹsɛn man die màn boboe a kɔnpɛ ka didie pàã nɛ, ǹsɛn nə dia bɛa dɔɔ̃nɔn lɛn la.

Rɔmu minin 12:13

Ka n doa ka Lawa-nyankɔlen laadoo bǐɛ̃ kɔ, ka tiin kũ doɛ̃ sɔnbɔraanɛ.

Korɛnti2 9:1

Lawa a zaman mɛn bɛ́ Zudee gána nɛ, là ba a ganaa, ma boo da kasɛn nɛ bɛn dɔmalɛ wɔ paǹ li wa.

Galaasi minin 5:13

Kasɛn wɔ paǹ li, ma dɔɔ̃nɔn lɛn, Lawa na á kasɛn bíi mà ka goã ka gɔn wìi a lɛa. Sɛnɛ, ka bɛ́ ka dinin gɔn wìi a lɛa ke, ka nyan taasɛ, mà ka á boe la ka sii tumaa zɛnaa kanna, a kɔnpɛ ka ka gɔ̀nɔn foo siin kɛn nɛ wa. Sɛnɛ, ka n dɔ kɔn lɛ ka kɔn-narɛɛ nɛ.

Galaasi minin 5:6

A giala, min mɛn bɛ́ Krita wɔ gɔ́ɔ̃ nɛ, kurii laanka kuriibaã a màn kɔ́n lɛa bɛa dɛnaa wɔ paǹ li wa. Màn mɛn bɛ́ màn lɛa, golee Yezu li ni, bɛ nə n nyaa ka miãn narɛɛ nɛ.

Galaasi minin 6:10

A bɛ́ miɛ̃, bɛ̀ wɔ á boe la biikoo woo biikoo li, wɔ toa wɔ sii bǐɛ̃ zɛnaa min tumaa nɛ, sanparɛ min mɛnɛn bɛ́ wɔ dɔɔ̃nɔn lɛa goleemali gɔ́ɔ̃ nɛ.

Timəə dí-pɛn 32:4

A din nə wɔ tamaɛ, a sii tumaa lɛ n piɛ̃ nɛ. A n sii tumaa siɛ a zii li, Lawa bɔlɔgoondɛnaa nɛ, kɔkɔrɔbaa ba a li wa, a n pepere, telee ne.

Kolɔɔsi minin 3:17

Ka bɛ́ boe la ka á boo woo boo diɛ, ka á sii woo sii zɛnɛɛ, ka bɛ tumaa zɛnaa ka wɔa Dɛnaa Yezu tɔ nɛ, bɛ̀ ka n barka diɛ Díi Lawa nɛ, a din lɛ pàã ganaa.

Tesaloniki1 1:3

Ka golee Lawa li mɛn nyaa ka kaa nya ǹ dín ni, ka sii mɛn da ka dinin mìi ni kaa Krita narɛɛ taman yii, ka bɛ́ n foo doɛ, ka á n yii diɛ wɔa Dɛnaa Yezu Krita a daa la lɔn, wɔ n bɛ yii pii wɔ Di Lawa yɔrɔ-a biikoo tumaa li.

Timote1 6:18

A pɛ ǹ nɛ, mà ǹ sii bǐɛ̃ zɛnaa, ǹ naforodɛnan baa sii sonbore zɛnaa gɔ́ɔ̃ nɛ. Ǹ toa bǐɛ̃baa ǹ foo yɛ ǹ lon, ǹ min kɔsɔn gɔ ka màn nɛ.

Timote2 4:8

Kanna kəni, gɔ̀lɔ̀baa ǹ saraa tá ma duĩ. Min mɛnɛn tɔ wɔ ǹ gɔn bɛ́ pepere, Lawa n die saraa lɛ koe bɛn la, Dɛnaa kiri pepere wɔle n die bɛa saraa lɛ koe ma la kiri-kurii pinaa. A bie re koe ma dinsɔɔ̃ la wa. Min mɛnɛn bɛ́ n yii diɛ a wusoo a daa la parsiini, a n die a din saraa goon lɛ koe bɛn dɔn la.

Ebrəə 10:32

Ka n yiri gisĩ kaa giala-kɔ nɛ. Bɛa biikoon li, kaa Lawa a wɔlɔ fúlu yɛ lɛ kio, ka fuu gigiã yɛ, ka sii si ka ganaa.

Ebrəə 13:16

Ka yiri baran bɔ bǐɛ̃ zɛnaa kɔn nɛ laanka dɔkɔnlɛ-n wa. A giala, bɛ miã siin lɛn zɛnaa á kɔɔ̃n Lawa ganaa, maǹ ka wúlu mànan bɛ́ lɔn.

Zaã1 1:9

Sɛnɛ, bɛ̀ wɔ á wɔa sii baraan pii Lawa nɛ, a din nə bɔlɔgoondɛnaa lɛa, a n pepere dɔn. Á re wɔa sii baraan toɛ wɔ nɛ, a wɔ yoreen kɔ sii baraa tumaa ganaa.