Ebrəə 5:4 - LAWA A BOO SONBORE

⁴ Min kɔ́n ba boe la, a wúlu-bɔlen kiãbaa lɛ a gugurubaa kɛ kɔ a din la wa. Lawa a bíi-wɔ n biɛ a lɛa, ka a bɛ́ á n zɛnaa Aarɔn nɛ lɔn.

LAWA A BOO SONBORE 2011

⁴ Min kɔ́n ba boe la, a wúlu-bɔlen kiãbaa lɛ a gugurubaa kɛ kɔ a din la wa. Lawa a bíi-wɔ n biɛ a lɛa, ka a bɛ́ á n zɛnaa Aarɔn nɛ lɔn.

Ebrəə 5:4 Iomraidhean Croise

KZS1 23:13

Amuramu a nɛn: Aarɔn nɛ ka Muizu ni. Ǹ nə́ Aarɔn bɔ a kion minin bii ǹ nə́ da a gɔrɔn, màn mɛn bɛ́ toɛ a goã bǎã sonbore sonbore kɛ a dí-nyali lɛa, a din laanka a nɛnyaanan nɛ yǎa duduu, ǹ da yon gìĩ kɔɔ̃n kɔ Dɛnaa Lawa la, ǹ dí nya nɛ, ǹ barka da a zaman ganaa yǎa duduu.

KZS2 26:18

Ǹ nə́ n doa a nyɛɛnɛ, ǹ nə́ pɛ nɛ: «Wɔa kii, n dinmaa doamaa bie n màn gìĩ kɔɔ̃n kɔ Dɛnaa Lawa la wa. Lawa a wúlu-bɔlen kɛn Aarɔn tɔrɔn lɛa, ǹ nə ǹ mɛnɛn bɔ ǹ nə́ ǹ koa, bɛn dininsɔɔ̃nɔn nyan-di ni. Soo n nə n bɔ Lawa a kion kɛ nɛ! Sii baraa n ka kɛ nɛ n zɛnaa. Dɛnaa Lawa yɔrɔ-a, kɛ a nya ǹ dí sonbore lɛa wa.»

Ɛsidrasi 7:5

Abisuwa wɔ n ka Bukii ni, Fineasi wɔ n ka Abisuwa nɛ, Eleyazaara wɔ n ka Fineasi ni, Lawa a wúlu-bɔlen kiã Aarɔn wɔ n ka Eleyazaara nɛ.

Bɔ bɛ̀rɛbaa nɛ 28:1

«Lawa mà Muizu ganaa: N gologiĩ Aarɔn laanka a nɛgiĩn bɔ Izirayeli minin bii, n nə ǹ koa n din li, màn mɛn bɛ́ toɛ, ǹ masɛ a dí nya. Aarɔn din laanka a nɛgiĩn kɛn nɛ: Nadaabu ni ka Abiu ni, Eleyazaara nɛ ka Itamaara nɛ.

Lawa a wúlu-bɔlen 8:2

Aarɔn laanka a nɛgiĩn bíi. Lawa a wúlu-bɔlen mɔnaan kɛn, ka ǹ bɔ a koa ǹ nyɔɔ kɛ nɛ, a pɛ minin manɛ, ǹ bɛn goa, ǹ da ǹ nɛ. Dii gɔ̀lɔ̀ ke sii baraa sawaa ǹ *wúlu màn lɛa, ka sère gɔ̀lɔ̀ màn paa kɛ nɛ, ǹ da ka bɛn dɔn nɛ. Kankaan ke buuru ná a nɛ, yɔ bù ná a ba li wa, ǹ da ka bɛ dɔ nɛ.

Minin nimi 16:10

Lawa toa ka tá n mɔrɛ a ganaa, nsɛ Koree kɛ lɛ laanka n dɔɔ̃n Levii a tanlɛ minin lɛn nɛ. Ka n wusii doo wúlu bɔ ǹ dí liɛ?

Minin nimi 16:35

Min biɛpaa ka posooro mɛn dɔ goã wúlu boe ka da yon gìĩ kɔɔ̃n lɛ nɛ, Dɛnaa Lawa tɛ dɛ á da bɛn dɔn-a ǹ nə́ kũ ǹ yii n koo.

Minin nimi 16:5

Bɛ kio, á pɛ Koree ne, ka Koree a kiodɛnan lɛn tumaa nɛ kɛnɛn: «Biɛ̃ baayɛlɛ, Dɛnaa Lawa tá re nyɛɛ, min mɛn bɛ́ a din wɔ lɛa, min mɛn bɛ́ *yoreene, ka min mɛn bɛ́ boe la a n mɔrɔ a ganaa. Bɛ̀ á min mɛn bɔ, á die toɛ bɛ nə n mɔrɔ a ganaa.

Minin nimi 16:7

biɛ̃, ka tɛ nàn kaa ǹ nɛ, ka da yon gìĩ kɔɔ̃n kaa a lalan, Dɛnaa Lawa yɔrɔ-a. Dɛnaa Lawa bɛ́ re min mɛn boe, bɛ lɛ n yoreene. Levii a tanlɛ minin lɛn mà bɛ á boe.»

Minin nimi 18:7

Sɛnɛ, n din Aarɔn laanka n tanlɛ nɛ, kasɛn die ka Lawa a wúlu-bɔlebaa ǹ dí nya wúlu bɔ ǹ bǎã kɛ laanka bǎã sonbore sonbore kɛ nɛ, kion bii kuru kɔn-a ǹ mɔnaa kɛ kio. Ma din ni ka goe ka bɛa dí lɛ nɛ. Bɛ̀ min kooro nə́ n mɔrɔ, ǹ dɛnaa nyin nə n boe.»

Minin nimi 3:3

Aarɔn a nɛgiĩn lɛn tɔn man ka bɛn nɛ. Maǹ nə́ nyɔɔ lɔ ǹ ganaa ǹ nə́ ǹ bɔ ǹ nə́ ǹ koa Lawa a wúlu-bɔlen lɛa, ǹ nə́ Lawa a wúlu bɔ ǹ dí wɔ ǹ gɔn.

Zaã a sɛ́wɔ 3:27

ZAÃ tɔ́n pɛ ǹ nɛ: «Min ba boe la a màn kɔ́n yɛ, bɛ̀ Lon a Lawa ná a kɔ la wa.