Ebrəə 5:2 - LAWA A BOO SONBORE

² Minin mɛnɛn bɛ́ ǹ nə́ sii baraa zɛnaa, ǹ sii-doɛ̃baã gɔ́ɔ̃ nɛ, wúlu-bɔlen kiã lɛ á boe la, a bɛn sii lɛ giala ma, a giala, a dinmaa lɛ dɔ n pàã wɛɛnaa lɛa a paǹ din tumaa ganaa.

LAWA A BOO SONBORE 2011

² Minin mɛnɛn bɛ́ ǹ nə́ sii baraa zɛnaa, ǹ sii-doɛ̃baã gɔ́ɔ̃ nɛ, wúlu-bɔlen kiã lɛ á boe la, a bɛn sii lɛ giala ma, a giala, a dinmaa lɛ dɔ n pàã wɛɛnaa lɛa a paǹ din tumaa ganaa.

Ebrəə 5:2 Iomraidhean Croise

Bɔ bɛ̀rɛbaa nɛ 32:8

Á ke, ma zii mɛn nyaa ǹ nɛ, ǹ nə n foo kũ, ǹ nə́ goã bɛ la wa, ǹ nə́ ke ǹ nə́ kanaa ǹ nə́ n bɔ la. Á ke, ǹ nə́ diin nɛ nyín zɛnaa, ǹ ná a guguru kɔ, ǹ nə́ wúlu mànan dɛ a ganaa. Ǹ nə́ pɛ kɛnɛn dɔn dinin: «Haya, Izirayeli minin lɛn, kaa lawa lɛ á ke, ǹ mɛn lɛ ka bɔ Ezipti gána nɛ, á soo ka nɛ.»

Izayii 29:24

Yiriwɛɛnaan tá re yiri yii, boo bisin dalin tá re n too koe doroo li.

Izayii 30:11

Ka n wɔlɔ lui zii sonbore ganaa, ka n bɔ zii sonbore la. Ka nyan Izirayeli a Lawa sonbore kɛ boo da wɔ-n doo wa.

Luku 22:32

Sɛnɛ, masɛ Lawa nyankɔ n lɛa, màn mɛn bɛ́ toɛ, n golee Lawa li baran papaã wa. Bɛ̀ n wusoo ń daa masɛ ganaa ǹ mɛn waáraa, n dɔ n dɔɔ̃nɔn lɛ ǹ pàã yɛ.»

Korɛnti2 11:30

Bɛ̀ á kɔnboe man din laakalaa, màn mɛn tumaa bɛ́ maa pàã wɛɛnaabaa nyɛɛ, ma nə n din laakalɛɛ ka bɛn nɛ.

Korɛnti2 12:5

Bɛa min kɛ a lɛa, ma á boe la man din koa. Sɛnɛ, bɛ̀ masɛ a lɛa nɛ, man maa din-koa we maa pàãwɛɛnaabaa nɛ.

Galaasi minin 4:13

Ka á doɛ̃ taãnɛ, mà ma bɛ́ Boo Tii Kɔɔ̃n kɛ pii ka-n bibinaanɛ, mà busu a lɛa nɛ.

Efɛɛzi minin 4:18

ǹ yiri n tiɛ̃ nɛ. Lawa bɛ́ nyin mɛn koe, ǹ gii kɔ́n ba bɛ-n wa. A giala mà yiri baãnaan manɛ, ǹ foo laa ka kaka.

Timote1 1:13

Haalɛ ta má a tɔ ziziɛ̃ lɛlɛ, má fuu nyaa a minin manɛ, má kakaarɛ kɔ ǹ ganaa. Sɛnɛ, á makara bɔ ma ganaa, a giala, goleemali bɛ́ a goã ma lon wa, man má zɛnaa bɛ̀ ma yii á tɔn tì.

Ebrəə 12:13

Ka ga zii sonboren li ka kɔ ǹ lɛ, màn mɛn bɛ́ toɛ, kaa talaa wolen baran mɛnaa wa, sɛnɛ, ǹ wusoo ǹ zii saa.

Ebrəə 2:17

Bɛ lɛ na á toa, á n din baa ka n dɔɔ̃n minbuiin nɛn bɛ́ lɔn yɔrɔ tumaa la, màn mɛn bɛ́ toɛ, a n baa wúlu-bɔlen kiã lɛa, á n makara doɛ̃ a dí kɛ nɛ Lawa yɔrɔ-a, a minin sii baraa tuturu.

Ebrəə 2:18

Bɛ lɛ tɔ ganaa, a din bɛ́ á fuu yɛ lɔn damagɔ́ɔ̃li siin gɔn, min mɛnɛn dɔn bɛ́ damagɔ́ɔ̃li siin gɔn, á boe la a n dɔ bɛn lɛ.

Ebrəə 4:15

Wúlu-bɔlen kiã mɛn bɛ́ a ba wɔa pàã wɛɛnaabaa doɛ̃ wa, bɛ bie wɔ lon wa. Wɔa wúlu-bɔlen kiã lɛ damagɔ́ɔ̃li ǹ siin fuu yɛ, yɔrɔ din tumaa la ka wɔ dɔn bɛ́ lɔn, sɛnɛ, asɛ sii baraa zɛnaa wa.

Ebrəə 7:28

Muizu a Dí-pɛn lɛn man minbuiin nɛn koɛ wúlu-bɔlen kiãn lɛa. Wɔ á doɛ̃ minbuiin nɛ n sã wole lɛa. Sɛnɛ, Lawa din na a liɛ ǹ boo mɛn da Dí-pɛn lɛn kɔ kio, bɛ na á ná a din a Nɛgiĩ koa wúlu-bɔlen kiã lɛa. Bɛa Nɛgiĩ lɛ na á sii din tumaa zɛnaa a lɛ-pã wole baa yǎa duduu.

Ebrəə 9:7

Sɛnɛ, wúlu-bɔlen kiã kɛ dinsɔɔ̃ n we kion lɛ a gɔ́ɔ̃ paabaa ǹ wɔ kɛ nɛ, a n bɛ zɛnɛɛ gunyin goon dinsɔɔ̃ lɛ̀ goon gɔ́ɔ̃ nɛ. A doamaa nɛ a wɔ ka tɔɔ mà nɛ, a kɔ Lawa la *wúlu màn lɛa, a dinmaa a sã ǹ siin lɛa, ka zaman lɛ dɔ wɔn nɛ.

Zaaki 5:19

Ma dɔɔ̃nɔn lɛn, bɛ̀ min mɛn sonbore zii da, bɛ̀ min kɔsɔ nə́ ǹ dɛnaa da zii sonbore la,

Piɛrɛ1 2:25

A giala, ka n ká goã papaã-n lɛlɛ ka sèren bɛ́ lɔn, sɛnɛ kanna, kaa Gamawalan wole lɛ laanka ka Lɛduə̃li lɛ ka yɔrɔ bɔyaa, a daa ka-n a din li.

Sii yɔrɔ-bɔlen 2:17

Sɛnɛ, ǹ goã n too koe ǹ sii yɔrɔ-bɔlen lɛn dɔn dinin lon wa. Maǹ nə́ goã dí nyɛɛ dìn manɛ, bɛ̀ ǹ kaa tán bɛn yɔrɔ-a, bɛ̀ ǹ nə ǹ guguru kɔ. Ǹ digolon mɛnɛn nə n too kɔ Dɛnaa Lawa a dí-pɛn kɛn li, bɛn nə zii mɛn saa, ǹsɛn nə́ kanaa fufuu ǹ nə́ n bɔ bɛ la. Ǹ zɛnaa ka ǹ digolon lɛn wɔ bɛ́ lɔn wa.