Ebrəə 5:1 - LAWA A BOO SONBORE

¹ Sonbore, maǹ wúlu-bɔlen kiã tumaa boe minbuiin nɛn bii, ǹ koa mà a dí nya Lawa nɛ minbuiin nɛn bǐɛ̃ a lɛa. A dí n ka kɛ nɛ, a gɔ ǹ mànan laanka wúlu mànan kɔ Lawa la, sii baraan taman yii.

LAWA A BOO SONBORE 2011

¹ Sonbore, maǹ wúlu-bɔlen kiã tumaa boe minbuiin nɛn bii, ǹ koa mà a dí nya Lawa nɛ minbuiin nɛn bǐɛ̃ a lɛa. A dí n ka kɛ nɛ, a gɔ ǹ mànan laanka wúlu mànan kɔ Lawa la, sii baraan taman yii.

Ebrəə 5:1 Iomraidhean Croise

Lawa a wúlu-bɔlen 8:2

Aarɔn laanka a nɛgiĩn bíi. Lawa a wúlu-bɔlen mɔnaan kɛn, ka ǹ bɔ a koa ǹ nyɔɔ kɛ nɛ, a pɛ minin manɛ, ǹ bɛn goa, ǹ da ǹ nɛ. Dii gɔ̀lɔ̀ ke sii baraa sawaa ǹ *wúlu màn lɛa, ka sère gɔ̀lɔ̀ màn paa kɛ nɛ, ǹ da ka bɛn dɔn nɛ. Kankaan ke buuru ná a nɛ, yɔ bù ná a ba li wa, ǹ da ka bɛ dɔ nɛ.

Lawa a wúlu-bɔlen 9:7

Bɛ kio, Muizu tɔ́n pɛ Aarɔn nɛ: N zɔ̃ n dɔ *wúlu bɔ ǹ bǎã lɛ nɛ, n sii baraa sawaa ǹ wúlu màn laanka wúlu màn tiɛ̃ kɛ a tɔɔ dɛ, n nə n din laanka n zaman lɛ a sii baraan sawaa nɛ. Bɛ kio, n zaman lɛ a sii baraa sawaa ǹ wúlu bɔ ka zaman lɛ a Lawa gɔ ǹ màn kɛ nɛ, ka Dɛnaa Lawa bɛ́ á pɛ lɔn.

Rɔmu minin 15:17

Bɛ lɛ na á toa, masɛ á boe la ma n din gole kɔ, maa kaa-kun ka Yezu Krita-n lɛ gɔ́ɔ̃ nɛ, Lawa a dí kɛ lɛ wɔ gɔn la.

Korɛnti1 15:3

Ma din daraa mɛn yɛ, man má bɛ lɛ kɔ ka la. Màn mɛn bɛ́ gole sii tumaa nɛ bɛ á ke. *Krita na á gã wɔa sii baraan lɛa, ka Lawa a sɛ́wɔ bɛ́ á pɛ lɔn.

Ebrəə 10:11

Wúlu-bɔle gogoonmaa na á goã a dí nyɛɛ baraabaraa, a ná a din wúlu tɔrɔ goon lɛ boe gunyin damata. Bɛn nə goã boe la ǹ tá sii baraan nyɛɛ yǎa duduu wa.

Ebrəə 10:12

Sɛnɛ, Krita sɛ na á n din kɔ, wúlu màn goon toto lɛa sii baraan lɛa, bɛ kio á giã Lawa gusin lon yǎa duduu,

Ebrəə 11:4

Golee Lawa li na á toa, Abeli *wúlu màn mɛn bɔ á kɔ Lawa la, bɛ́ siĩn kɔ á la Kanyɛ wɔ nɛ. Bɛa golee Lawa li lɛ a lɛa nɛ, Lawa siére pɛ a wɔ gɔn la, mà min pepere ne, a giala, a din na á lɛ kɔ a bǐɛ̃ mànan lɛn ganaa. A golee Lawa li lɛ taman yii, a laanɛ á gã, a n tɔn boo diɛ.

Ebrəə 2:17

Bɛ lɛ na á toa, á n din baa ka n dɔɔ̃n minbuiin nɛn bɛ́ lɔn yɔrɔ tumaa la, màn mɛn bɛ́ toɛ, a n baa wúlu-bɔlen kiã lɛa, á n makara doɛ̃ a dí kɛ nɛ Lawa yɔrɔ-a, a minin sii baraa tuturu.

Ebrəə 7:27

Yezu lɛ laadoo ba a ganaa, a wúlu bɔ baraabaraa, ka wúlu-bɔlen kiã gialakunun kɛn bɛ́ ǹ nə́ goã zɛnɛɛ lɔn, bibinaa nɛ a din a sii baraan lɛa, bɛ kio zaman dɔ wɔn lɛa wa. Yezu na á wúlu bɔ gunyin goon dinsɔɔ̃, bɛ̀ a bɛ́ á n din kɔ gɛ̀ la wɔa lɛa, kɔsɔ ba n zɛnɛɛ doo wa.

Ebrəə 8:3

Wúlu-bɔlen kiã tumaa na á n koa, mà a gɔ ǹ mànan laanka wúlu mànan kɔ Lawa la. Bɛ lɛ nɛ, wɔ dɔn wúlu-bɔlen kiã lɛ doamaa nɛ, a màn kɔ́n yɛ a kɔ Lawa la.

Ebrəə 8:4

Bɛ̀ *Krita lɛ na á goã kanaa, bɛ̀ a ba wúlu-bɔle biɛ dinin wa. A giala, wúlu-bɔlen tan, ǹ nə́ gɔ ǹ mànan lɛn koe Lawa la, á kɔnpii ka Muizu a Dí-pɛn nɛ.

Ebrəə 9:9

Bɛ n sii a kɔnboe lɛa, á n boo diɛ sisia a biikoo kɛ wɔ gɔn la. Bɛ giala, mà ǹ bɛ́ Lawa gɔ ǹ mànan kɛn laanka wúlu mànan mɛnɛn dii, ǹ tá ǹ koe Lawa la, mà bɛn ba boe la, ǹ tá a zɛnaali foo wɛɛ ǹ tá a lɛ piɛ̃ wa.