Ebrəə 4:8 - LAWA A BOO SONBORE

⁸ Sonbore, bɛ̀ Zozoe na á zaman lɛ kaa susui li, bɛ̀ Lawa a re lɛawaa kɔsɔ boo diɛ doo wɔ susui ni ǹ lɛawaa lɛa wa.

LAWA A BOO SONBORE 2011

⁸ Sonbore, bɛ̀ Zozoe na á zaman lɛ kaa susui li, bɛ̀ Lawa a re lɛawaa kɔsɔ boo diɛ doo wɔ susui ni ǹ lɛawaa lɛa wa.

Ebrəə 4:8 Iomraidhean Croise

KZS1 7:27

Nunu laanka Zozoe ne.

Loen 105:44

Á tɔrɔ kɔsɔn tánan si, á ǹ kɔ ǹ la, á bɛn dí a là kɔ ǹ la, mà ǹ bii.

Loen 78:55

Á tɔrɔ kɔsɔn loo á ǹ bɔ ǹ nyɛɛnɛ. Á bɛn bǎãn gii ǹ ni ǹ kíɛ̃ lɛa, á Izirayeli tɔrɔn kaa bɛn mɔnaa kionən ne.

Nya ǹ dín 7:45

Mɔnaa kion lɛ bɛ́ á n kɔ bɛa digolon kɛn kiodɛnan la, bɛn nə́ wɔ nɛ Kanaan gána nɛ, Zozoe nə ǹ nyɛɛnaan bɔ, ǹ nə́ wɔ gána mɛn nɛ, bɛ̀ Lawa bɛ́ tɔrɔ kɔsɔn lui boe ǹ nyɛɛnɛ. Wɔ digolon kɔsɔn mɛnɛn nə́ da bɛn kio, maǹ nə́ toa bɛn dɔn gɔn. A na á n zɛnaa miɛ̃ yǎa á daa dɔ wɔ digolon kɛn ganaa kii Davida a biikoo li.

Timəə dí-pɛn 12:9

A giala, ka tɔn dɔ kaa susu ǹ bǎã-n bɔrɔ wa: bɛ n ka gána kɛ nɛ, kaa Lawa, Dɛnaa Lawa n koe ka la, mà a kaa wɔ baa.

Timəə dí-pɛn 25:19

Bɛ lɛ nɛ, kaa zɔ́ɔn mɛnɛn tumaa bɛ́ ka lɛnpɛnɛ, bɛ̀ kaa Lawa, Dɛnaa Lawa ka kanbaa bɛn tumaa ganaa ǹ mɛn waáraa, a bɛ́ re gána mɛn lɛ koe ka la mà a kaa wɔ baa, ka Amalɛki tɔrɔn kɛn dɛ lenlen, ka ǹ bɔ walan. Ka nyan toa ka yiri bɔ wa dɛ!

Ebrəə 1:1

Lɛlɛ, Lawa na á boo da wɔ digolon ne, gunyin damata ka yɔrɔ gigiã nɛ, ka a din a boo gii-dalin barka nɛ.

Ebrəə 4:9

Bɛ̀ á miɛ̃, Lawa a minin lɛn susui biikoo n tɔn nyɛɛn die.

Zozoe 1:15

yǎa Dɛnaa Lawa susui koe ǹ dɔɔ̃nɔn lɛn la, ka a bɛ́ á kɔ ka dɔn la lɔn. Dɛnaa Lawa lɛ, kaa Lawa lɛa, bɛ bɛ́ gána mɛn lɛ koe ka dɔɔ̃nɔn lɛn la, ka n dɔ ǹ lɛ, yǎa ǹ dɔn nə bɛ sii ǹ biɛ ǹ wɔ lɛa. Bɛ kio, bǎã mɛn bɛ́ kaa wɔ lɛa, Dɛnaa Lawa a dí-nyali Muizu bǎã mɛn lɛ kɔ ka la Zurdɛ̃ tà kio, lɛ̀giala gɔn la, ka tá re ǹ bɔyɛɛ ka da walan.»

Zozoe 11:23

Dɛnaa Lawa goã á màn mɛn tumaa pɛ Muizu ni, Zozoe na á gána lɛ tumaa kũ á kɔnpɛ ka bɛ lɛ nɛ. Á gána lɛ tatala Izirayeli tɔrɔn lɛn lɛ yii li, á kɔ ǹ la kíɛ̃ lɛa. Bɛ kio, gána lɛ tɔ́n goã là nyantoro la zia ná a banban.

Zozoe 22:4

Dɛnaa Lawa lɛ, kaa Lawa lɛa, á susu ǹ bǎã kɔ ka dɔɔ̃nɔn lɛn la kanna kəni, ka a bɛ́ á goã á pɛ ǹ nɛ lɔn. A bɛ́ miɛ̃, ka á boe la ka wusoo ka wo piɛ sisia. Dɛnaa Lawa a dí-nyali Muizu gána mɛn kɔ ka la Zurdɛ̃ tà kio lɛ̀giala-n, ka wo giã bɛ nɛ.

Zozoe 23:1

A kũ biikoo sɔsɔɔ ganaa, Izirayeli minin lɛn zɔ́ɔn mɛnɛn tumaa goã ǹ lɛnpɛnɛ, Dɛnaa Lawa nə́ ǹ si bɛn la, á là nyantoro kɔ ǹ la. Bɛ́ daa yaa bɛ̀ Zozoe zizi kɔ taãn-taãnɛ. Bɛ lɛ kio ne,