Ebrəə 4:14 - LAWA A BOO SONBORE

¹⁴ Wúlu-bɔlen kiã gole gole tá wɔ lon, á lon bii kuru á kiɛ̃ yǎa Lawa yɔrɔ-a: Lawa a Nɛgiĩ Yezu lɛ nɛ. Bɛ lɛ nɛ, wɔ bɛ́ pii wáa wɔ lɛ kɔ goleemali mɛn ganaa, ka daa wɔ n gɔn paraa bɛ ganaa parsiini.

LAWA A BOO SONBORE 2011

¹⁴ Wúlu-bɔlen kiã gole gole tá wɔ lon, á lon bii kuru á kiɛ̃ yǎa Lawa yɔrɔ-a: Lawa a Nɛgiĩ Yezu lɛ nɛ. Bɛ lɛ nɛ, wɔ bɛ́ pii wáa wɔ lɛ kɔ goleemali mɛn ganaa, ka daa wɔ n gɔn paraa bɛ ganaa parsiini.

Ebrəə 4:14 Iomraidhean Croise

Ezekieli 46:10

Goledɛnaa lɛ dɔ n die we kun ka zaman lɛ nɛ, bɛ̀ ǹ tá soe ǹ mɛn waáraa, a dɔ soo kunun ǹ ni.

Matiə 4:3

Da minin gɔ́ɔ̃ li wole lɛ tɔ́n nə́ n zɔ̃ á dɔ a li, á pɛ nɛ: «Bɛ̀ ń tá Lawa a Nɛgiĩ lɛa sonbore, a pɛ kɔlɔn kɛn manɛ, mà ǹ nə n bɔyaa ǹ nə n baa màn-bii lɛa.»

Marki 1:1

Boo Tii Kɔɔ̃n mɛn bɛ́ boo diɛ Lawa a Nɛgiĩ Yezu *Krita wɔ gɔn la, bɛa giala koe n ka kɛ nɛ.

Marki 16:19

Wɔa Dɛnaa Yezu bɛ́ á boo da á nya ǹ mɛn waáraa, Lawa saa á woo-n lon ne, á woo giã a din gusin.

Luku 24:51

A bɛ́ bɛa barka lɛ diɛ ǹ ganaa, á n na á n bɔ ǹ-a, á dii lon gɔ́ɔ̃ nɛ.

Nya ǹ dín 1:11

ǹ nə́ pɛ ǹ nɛ: «Galilee gána minin lɛn, wàa na á baa ka n golee giɛ lon-a kɛnɛn? Lawa Yezu mɛn bɔ ka bii á dii lon, ka yɛ woe lon lɔn ke, a n die wusii a da bɛa yɔrɔ kɛ lɛ la.»

Nya ǹ dín 3:21

Yezu lɛ doamaa nɛ a goã lon Lawa a piɛ, yǎa Lawa din nə wusii a màn tumaa biɛ dii lɛa, ká a bɛ́ á wɔ a boo gii-dali sonboren lɛ-n, ǹ nə́ saa lɛlɛ ǹ nə́ pɛ haalɛ bibi lɔn.

Rɔmu minin 8:34

Die n boe la kəni, a dɔlɔ da ǹ mìi ni? Min kɔ́n, a giala, Yezu Krita na á gã, ka bɛ dɔ nɛ a yii kaa, á giã-n Lawa gusin, á n Lawa nyankoe wɔ a lɛa.

Korɛnti2 12:2

A lɛ̀ fulusii n ke, má min goon dɔ̃, a n *Krita a min lɛa, a n sii-nyaa lɛa hinlaa, a n taãn lɛa hinlaa, ma a bɛ doɛ̃ wa, sɛnɛ, Lawa dinsɔɔ̃ n doɛ̃. Ǹ nə́ bɛa giĩ lɛ saa ǹ nə́ woo ne, yǎa lon gɔ́ɔ̃ giala-nyɔmɔɔ nɛ.

Korɛnti2 9:13

Ka bɛ́ n doe min mɛnɛn lɛ, ǹ gigiã á re Lawa tɔ gole koe. Ka bɛ́ dí nyɛɛ ka bɔlɔgoondɛnaabaa-n ka yɔrɔ mɛn nɛ, *Krita a Boo Tii Kɔɔ̃n kɛ gɔ́ɔ̃ nɛ, bɛ á re toɛ, ǹ barka da Lawa nɛ. Ka bɛ́ ka gɔn mànan gii kɔn-a ǹ nɛ, a n doe min kɔsɔn dɔn ganaa, ǹ tá re barka diɛ Lawa-n bɛ dɔ a lɛa.

Efɛɛzi minin 4:10

Min mɛn bɛ́ á gisĩ, a din goon kɛ lɛ dɔ na á dii haalɛ lon sɔɔsɔɔ, ń giɛ á boe la a bǎã tumaa pã.

Ebrəə 1:8

Sɛnɛ, Lawa màn mɛn pɛ a Nɛgiĩ ni, bɛ á ke: «N kiibaa lɛ n Lawa wɔ kɛ miã lɛa yǎa duduu. N din nə n minin lɛn nyɛɛnaan boe ka peperebaa nɛ.

Ebrəə 10:12

Sɛnɛ, Krita sɛ na á n din kɔ, wúlu màn goon toto lɛa sii baraan lɛa, bɛ kio á giã Lawa gusin lon yǎa duduu,

Ebrəə 10:23

Wɔ baran talaa wa, wɔ bɛ́ pii wáa wɔ́ lɛ kɔ foo-doa mɛn ganaa, ka daa wɔ wo nyɛɛn bɛ gɔ́ɔ̃ nɛ, a giala, Lawa mɛn nə n lɛ kɔ, bɛ á bɔlɔgoondɛnaa lɛa.

Ebrəə 10:29

Sɛnɛ, min mɛn bɛ́ Lawa a Nɛgiĩ kɛ puusə koe, á n giɛ Lawa a lɛ kɔ kɔn la ǹ mà kɛ lɛ ganaa sàn kɔ ǹ màn lɛa, mà mɛn bɛ́ a ná a yoreen kɔ, á n boo baraa diɛ Lawa a bǐɛ̃baa ǹ Yiri Fu kɛ ganaa, ka a taasɛ mà bɛ doamaa-n ka dɔlɔ baraa-n wa?

Ebrəə 12:2

Ka daa wɔ ga Yezu ganaa, a din nə golee Lawa li lɛ a giala-kɔle laanka a lɛ pã wole lɛa wɔ foo ne. Nyɛnyɛɛ mɛn bɛ́ koa-n nɛ, á n yii doa bɛ la, á gɛ̀ wɔ gɔn ganaa kɛ si a ganaa, a ga-a sìi lɛa wa. Bɛ kio, á giã gugurubaa ǹ bǎã nɛ Lawa a kii dankan gusin.

Ebrəə 2:1

Bɛ lɛ na á toa, wɔ sonboren mɛnɛn ma, ka daa wɔ n gɔn paraa bɛn ganaa ka kaka, màn mɛn bɛ́ toɛ, wɔ baran wusoo wɔ papaã wa.

Ebrəə 2:17

Bɛ lɛ na á toa, á n din baa ka n dɔɔ̃n minbuiin nɛn bɛ́ lɔn yɔrɔ tumaa la, màn mɛn bɛ́ toɛ, a n baa wúlu-bɔlen kiã lɛa, á n makara doɛ̃ a dí kɛ nɛ Lawa yɔrɔ-a, a minin sii baraa tuturu.

Ebrəə 3:1

Bɛ lɛ taman yii, ma dɔɔ̃nɔn lɛn, ka ǹ Lawa wɔn lɛa, a din na á ka dɔn bíi. Ka ga Yezu lɛ ganaa, Lawa min mɛn dia, á daa n baa wɔa goleemali lɛ a wúlu-bɔlen kiã lɛa, wɔ bɛ́ pii wáa wɔ́ lɛ kɔ goleemali mɛn ganaa ke lɛn.

Ebrəə 3:14

Sonbore ne, wɔ ǹ wɔ́ n baa Krita a koakun wolen lɛa, wɔ goleemali mɛn wɔ a giala-koe li, bɛ̀ wɔ́ bɛ tamaa yǎa á woo kaa a giala-nyɔmiɛ lɛ.

Ebrəə 6:20

Yezu na á woo walan, wɔ nyɛɛnɛ, wɔ dinin lɛa. A din na á wúlu-bɔlen kiã baa yǎa duduu, a ná a lɛa ka Mɛlkizedɛki bɛ́ lɔn.

Ebrəə 6:6

Bɛ̀ ǹ nə́ ǹ goleemali daa kanna, ǹ ba boe la ǹ yɛ doo wa. A n ka maǹ Lawa a Nɛgiĩ lɛ dere gɔn ganaa doo, ǹ nə́ sìi diɛ a ganaa zaman tumaa yɔrɔ-a.

Ebrəə 7:3

Bɛa Mɛlkizedɛki lɛ, Lawa a boo ba màn kɔ́n diɛ a díi wɔ gɔn la wa, ká a náa nɛ, ká ǹ digolon ne, a màn kɔ́n diɛ a giala-koe laanka a giala-nyɔmiɛ pinaa wɔ gɔn la wa. A n kɔnboe ka Lawa a Nɛgiĩ lɛ nɛ, a n wúlu-bɔle lɛa yǎa duduu.

Ebrəə 8:1

Ma bɛ́ boo mɛn diɛ, a gugurubaa ǹ bǎã n ka kɛ nɛ: Bɛa wúlu-bɔlen kiã kɛ lɛ tɔrɔ n wɔ lon, á n giã-n Lawa gole siĩn kɛ a kii dankan gusin lon gɔ́ɔ̃ nɛ.

Ebrəə 9:12

Krita bɛ́ á kiɛ̃ mɔnaa kion lɛ nɛ, a na á wɔ Bǎã Sonbore Sonbore kɛ lɛ nɛ gunyin goon toto, a ba kɔsɔ zɛnɛɛ doo wa. A bie á wɔ ka butumun laanka diin nɛn mà nɛ, á kɔ wa, a na á n din mà kɔ. Bɛa yɔrɔ kɛ lɛ la, a na á wɔ si wɔa sii baraan la yǎa duduu.

Ebrəə 9:24

Sonbore, Krita bie á wɔ minbuiinin bǎã sonbore zɛnaa kɛ-n wa, bɛa minbuiinin wɔ a zɛnaa kɛ lɛ na á goã a taãn kɛ nyín kooro lɛa. Sɛnɛ, a na á wɔ lon dinmaa gɔ́ɔ̃ nɛ, màn mɛn bɛ́ toɛ, a n din nyaa kanna Lawa yɔrɔ-a wɔsɛn lɛa.

Piɛrɛ1 3:22

Yezu Krita lɛ woo lon dɔn, á giã-n Lawa gusin. Lon a dia dí-a wolen ne, ka lon màn goledɛnan laanka a pàãdɛnan tumaa na a din lɛ bɔlɔ sii.