Ebrəə 4:11 - LAWA A BOO SONBORE

¹¹ Ka daa wɔ n doa wɔ wɔ bɛa susui kɛ nɛ, màn mɛn bɛ́ toɛ, lɛlɛdɛnan Lawa bɔlɔ tii kɛ miã baran wɔa min kɔ́n daa, a na a bɔ̀n baa wa.

LAWA A BOO SONBORE 2011

¹¹ Ka daa wɔ n doa wɔ wɔ bɛa susui kɛ nɛ, màn mɛn bɛ́ toɛ, lɛlɛdɛnan Lawa bɔlɔ tii kɛ miã baran wɔa min kɔ́n daa, a na a bɔ̀n baa wa.

Ebrəə 4:11 Iomraidhean Croise

Matiə 11:12

A kũ ZAÃ a Boo Tii Kɔɔ̃n pɛ biikoo kɛ ganaa a da pelo yaa, lon a kiibaa ǹ bǎã lɛ a wɔ n minbuiinin la kakaɛ̃, min mɛnɛn bɛ́ doa boe, bɛn man yii.

Matiə 7:13

Ka wɔ ka kiɛnlɛ boɛɛn nɛ, a giala, kiɛnlɛ mɛn bɛ́ woe ka min ni bɔ̀nbaa ǹ bǎã nɛ, bɛ n gole, zii mɛn dɔ bɛ woe walan, a kɔmalɛ n kɔɔ̃nɛ. Min gigiã dɔ n bɛ lɛ siɛ.

Luku 13:24

– Ka n doa, màn mɛn bɛ́ toɛ, ka wɔ ka kiɛnlɛ boɛɛn kɛ nɛ. A giala, man pii ka nɛ, min gigiã á re giɛ li, mà ǹ wɔ, ǹ ba re boe la wa.

Luku 16:16

«A kũ lɛlɛ-lɛlɛ ganaa a da ZAÃ a biikoo yaa, Lawa a dí-pɛn laanka a boo gii-dalin sɛ́wɔn dininsɔɔ̃nɔn man nə́ goã. Sɛnɛ sisia, Boo Tii Kɔɔ̃n kɛ tá n pii, mà Lawa n kii lɛa. Didie nə n doɛ a tá n wen woɛ, màn mɛn bɛ́ toɛ, a wɔ *Lawa a kiibaa ǹ bǎã nɛ.

Zaã a sɛ́wɔ 6:27

Màn-bii mɛn bɛ́ ziziɛ̃, ka baran dí nya bɛa lɛa wa, sɛnɛ, màn-bii mɛn bɛ́ beleboe, a n nyin nyabaã koe, ka dí nya bɛa lɛa. Bɛa màn-bii kɛ lɛ, Min a Nɛgiĩ n koe, a giala, Díi Lawa din na á boo sii la ǹ pàã kɔ la.»

Nya ǹ dín 26:19

Pooli pɛ: «Kii Agripaa ganaa, bɛa yɔrɔ kɛ lɛ la, bɔ lon a din nyaa masɛ nɛ wole kɛ lɛ màn mɛn pɛ, man piã a bɔlɔ-n wa.

Efɛɛzi minin 2:2

Ka ǹ ká goã bɛ lɛ gɔ́ɔ̃-n lɛlɛ, bɛ̀ ka bɛ́ tɔn koe kanaa kɛ a zɛnaa ǹ siin lɛ. Kanaa lɛ a goledɛnaa mɛn bɛ́ kii lɛa lon laanka tán biin ni, yiri lɛa dí nyɛɛ Lawa bɔlɔ-tiilin bii, ka ǹ ká goã bɛ bɔlɔ sii.

Efɛɛzi minin 5:6

Ka nyan toa, min kɔ́n ka bebere ka yiri baãnaabaa ǹ boon ne wa. A giala, bɛa sã ǹ siin kɛn lɛn man die toɛ, Lawa foo yoo a lɛ-tiilin li.

Filipi minin 2:12

A bɛ́ miɛ̃, maa giaáran lɛn, ka bɛ́ ká ma lɛ si biikoo tumaa li, bɛ̀ ma bɛ́ kun ka nɛ, a n siĩni kanna dɔn, ka ma lɛ si a la bɛ nɛ, maa tanbaã kɛ gɔ́ɔ̃ nɛ. Ka dí nya, ka n bìn diɛ nyɛ́ɛbaa Lawa-n gɔ́ɔ̃ nɛ, kaa bǐɛ̃-kɔ a lɛa.

Kolɔɔsi minin 3:6

Bɛa sii kɔkɔrɔn kɛn lɛn lɛa nɛ, Lawa a foo-busii á re gisĩ a bɔlɔ tii wolen la.

Tiitii 1:16

Maǹ pii mà ǹsɛn tá Lawa doɛ̃, sɛnɛ, ǹ sii-zɛnaan man piã ka Lawa nɛ ǹ siin lɛa. Ǹ tìĩ n boe ne, maǹ piã-wɔlen lɛa, ǹ ba boe la ǹ tá sii sonbore kɔ́n zɛnɛɛ wa.

Tiitii 3:3

A giala, lɛlɛ, wɔsɛn dɔn man wɔ goã yiri wɛɛnaan lɛa, lɛ-tiilin lɛa, sã wolen lɛa. Wɔ dɔn man wɔ́ goã taasiɛn laanka foo sii baraa tɔrɔ gigiã a bɛ̀rɛn lɛa. Wɔ ǹ wɔ́ goã wɔa yiikoonaabaa zɛnɛɛ baraabaa gɔ́ɔ̃ nɛ, ka yiri koa sii ganaa nɛ. Wɔ goã bɔnɛɛ taãn-taãnɛ, wɔ n kɔn biɛ zɔ́ɔ.

Ebrəə 3:12

Dɔɔ̃nɔn lɛn, ka yiri bɔ ka dinin li, min kɔ́n baran yɛ ka bii a foo n baraa, yǎa golee Lawa li baã niɛ̃, a boe Lawa yiikoonaa kɛ ganaa wa.

Ebrəə 3:18

Lawa na á n liɛ dien li, mà asɛ susui yɔrɔ bɔ á koa ǹ nɛ gána mɛn nɛ, mà ǹ ba re we bɛ-n duduu wa? A na á n liɛ bɔlɔ tii wolen kɛn lɛn li.

Ebrəə 4:6

Bɛ n nyɛɛ mà ǹ tɛnɛn gii ba bɛa susui kɛ lɛ-n wa, ǹ dinin Lawa bɔlɔ tii a lɛa, haalɛ ta ǹ nə́ Lawa a lɛ-kɔ ǹ boo lɛ ma dinin. Sɛnɛ, a n nyɛɛ dɔn mà gialakunun tá re we a nɛ.

Ebrəə 6:11

Sɛnɛ, wɔ bɛ́ giɛ màn mɛn li, bɛ ǹ ka kɛ nɛ, wáa ka gogoonmaa nə n doa, ka wo nyɛɛnɛ ka bɛa gù we yii kɛ lɛ nɛ, yǎa giala-nyɔmiɛ ganaa, màn mɛn bɛ́ toɛ, kaa foo-doa ǹ sii lɛ nə n zɛnaa.

Zozoe 7:3

Bɛ kio, ǹ nə́ n bɔyaa, ǹ nə́ daa Zozoe li ǹ nə́ pɛ nɛ: «Mìi ba la zaman lɛ tumaa din woo wa. Min duu paa hinlaa duu sɔɔ kɛ miã á boe Ayii minin lɛn la. Ka baran bɛa nɔmaa kɛ da zaman lɛ tumaa mìi-n walan wa. A giala, Ayii minin lɛn ba tɛ wa.»

Piɛrɛ2 2:6

Lawa tɛ da Sodɔmu laanka Gomɔɔrɔ kiwi babaraan kɛn ganaa, ǹ nə́ kũ, ǹ nə́ ton baa. Bɛ na á n zɛnaa yiri kɔmala ǹ sii lɛa, á n nyaa piã-wɔlen kɛn manɛ, mà bɛ lɛ miã á die ǹ dɔn yii.