Ebrəə 3:9 - LAWA A BOO SONBORE

⁹ Lawa pɛ: Ma dí mɛn din tumaa nya lɛ̀ pusi gɔ́ɔ̃ nɛ, a laanɛ ǹ nə́ bɛ tumaa yɛ, ka digolon nə́ n da ma gɔ́ɔ̃ li, ǹ nə́ ga ma lɛ li.

LAWA A BOO SONBORE 2011

⁹ Lawa pɛ: Ma dí mɛn din tumaa nya lɛ̀ pusi gɔ́ɔ̃ nɛ, a laanɛ ǹ nə́ bɛ tumaa yɛ, ka digolon nə́ n da ma gɔ́ɔ̃ li, ǹ nə́ ga ma lɛ li.

Ebrəə 3:9 Iomraidhean Croise

Loen 95:9

ǹ nə́ n da ma gɔ́ɔ̃ li, a da yaa, ǹ nə́ ma yɛ dí nyɛɛ kunun ǹ ni.

Bɔ bɛ̀rɛbaa nɛ 19:4

«Ǹ dinin nə́ sii kɛ lɛ yɛ ma zɛnaa Ezipti gána nɛ. Ka sia bɛ́ a nɛnyaanan guĩ lɔn, man má ka goa miɛ̃, má ka gũ, má daa dɔ ka nɛ ma din li.

Bɔ bɛ̀rɛbaa nɛ 20:22

Dɛnaa pɛ Muizu ni: – A pɛ Izirayeli nɛnyaanan lɛn man kɛnɛn: «Ka dinin nə́ yɛ, má n toa lon, má boo da ka nɛ.

Amɔɔsi 2:10

Ma din lɛ dɔ-n má ka waa má ka bɔ Ezipti gána nɛ, má ka nyɛɛnaan bɔ diə gole kɛ nɛ lɛ̀ pusi gɔ́ɔ̃ nɛ, yǎa ká Amɔɔrɔ tɔrɔn gána kɛ si ǹ la.

Minin nimi 14:33

Kaa nɛnyaanan lɛn tá re n binbirin boe diə gole lɛ nɛ, lɛ̀ pusi gɔ́ɔ̃ nɛ. Kaa bɔlɔgoonbaãdɛnaa siin lɛn nɔmaa n die goɛ̃ kaa nɛnyaanan lɛn kio, yǎa ka dinin kɛn tumaa giɛ̃ ka nyɛɛ diə gole kɛ nɛ.

Luku 7:22

Á tɔ́n pɛ dia dí-a wolen lɛn manɛ: «Ka woo, ka yii bɛ́ á màn mɛn yɛ, ka too bɛ́ á ǹ mɛn ma, ka bɛ lɛ pɛ ZAÃ nɛ. Yii tere-an yii wusoo á wɔlɔ yii, siməə wolen tá tɔ we tele ne, gɔ̀nɔn busu babaraa dɛnan nə́ kaka kɔ ǹ sìi nya, too tere-an too á boo miɛ, geren yii á kiɛ. Ka pɛ-n dɔn mà Lawa a Boo Tii Kɔɔ̃n kɛ tá n pii doobaan manɛ.»

Nya ǹ dín 13:8

Sɛnɛ, Bara-Yezu lɛ, a tɔ kɔsɔ n Elimasi, bɛ giala mà "Koe siin-zɛnaali", bɛ́ Barnabaasi laanka Sooli liere kɔ, a na á goã giɛ li a kii lɛ kurəə golee Lawa li ganaa.

Nya ǹ dín 7:36

A din lɛ na á soo ka Izirayeli nɛnyaanan lɛn nɛ, á ǹ kaa là nyantoro ne. Lɛ̀ pusi gɔ́ɔ̃ nɛ, á kaãbaa ǹ sii dadaran zɛnaa, Ezipti gána nɛ, sawɛɛ tà mu li, ka don bii ni.

Timəə dí-pɛn 11:7

Taãn nɛ, bɛa sii dadaran kɛn lɛn Dɛnaa Lawa nə́ ǹ zɛnaa, ka dinin yii na á ǹ yɛ.

Timəə dí-pɛn 29:2

A nɔmaa dadaran mɛnɛn kaa ǹ mìi ni, a kaãbaa ǹ sii dadaran mɛnɛn zɛnaa, ka yii bɛ́ á yɛ.

Timəə dí-pɛn 4:3

Pewɔɔrɔ minin dì *Baali kɛa sii gɔ́ɔ̃ nɛ, Dɛnaa Lawa sii mɛn zɛnaa, ka yii bɛ́ á yɛ. A giala, min mɛn tumaa goã ǹ nə́ woo Pewɔɔrɔ minin dì Baali lɛ la, kaa Lawa, Dɛnaa Lawa bɛn tumaa dɛ, á ǹ bɔ ka bii.

Timəə dí-pɛn 4:9

Sɛnɛ, ka n dinin kũ. Ka siin mɛnɛn yɛ ka yii ni, ka n yiri koa bɛn li taãn-taãnɛ, a ka yii toa koo, ka nyan toa ka yiri bɔ ǹ nɛ wa. Ka die ka kaa nɛnyaanan laanka kaa nɔ̀ɔnɔn daraa ǹ ganaa.

Timəə dí-pɛn 8:2

Kaa Lawa, Dɛnaa Lawa zii sɔsɔɔ mɛn tɔ wɔ ka nɛ, lɛ̀ pusi don bii, ka n yiri koa bɛ li. A na á fuu nyaa ka nɛ, á n da ka gɔ́ɔ̃ li, màn mɛn bɛ́ toɛ, a ka gɔ́ɔ̃gɔ́ɔ̃ ǹ taasiɛ dɔ̃, bɛ̀ ka á re asɛ a gɔn waa ǹ boon kɛn tamaɛ, hinlaa bɛ̀ ka a re ǹ tamaɛ wa.

Timəə dí-pɛn 8:4

Bɛa lɛ̀ pusi kɛ lɛ gɔ́ɔ̃ nɛ, kaa dɔnkɛn nə pɔpɔsɛ ka ganaa wa, ka gòãn nə yuyu wa.

Zozoe 23:3

Dɛnaa Lawa lɛ, kaa Lawa lɛa, bɛ sii mɛn tumaa zɛnaa tɔrɔn kɔsɔn kɛn lɛn nɛ kaa lɛa, ka dininmaan bɛ́ ka a tumaa yɛ. A giala, Dɛnaa Lawa lɛ, kaa Lawa lɛa, a din na á yɔ bɔ kaa lɛa.

Zozoe 24:7

Ka digolon lɛn nə́ n lɛ dɛ masɛ Dɛnaa Lawa ganaa, ma tɔ́n labara tì da ǹ laanka Ezipti minin lɛn bii, má kɔ̀ mu nyɛnaa má kɔ Ezipti minin lɛ. Ma sii mɛn zɛnaa Ezipti minin manɛ, ka yii bɛ́ á yɛ. Bɛ kio, ka dɔn nə́ giã don, ka belebɔ walan.

Zozoe 5:6

Sonbore, Izirayeli minin lɛn man nə́ n binbirin bɔ don, lɛ̀ pusi gɔ́ɔ̃ nɛ. Zaman mɛn tumaa soo Ezipti, ǹ mɛnɛn bɛ́ boe zia-baa la, yǎa bɛn tumaa papaã ǹ nə́ nya. A giala, ǹ nə n too kɔ Dɛnaa Lawa lon wa. Bɛ lɛ nɛ, á n liɛ bɛ lɛ a biikoo li, mà asɛ a re toɛ ǹ yii mɛ gána kɛ lɛ ganaa doo wa. Bɛ bie wa, Dɛnaa Lawa na á goã á n lɛ kɔ ǹ digolon la, mà asɛ n die bɛa gána kɛ lɛ koe ǹsɛn la, bɔ̀nyaa laanka zoo nyɔɔ bɛ́ baa sii gána mɛn nɛ.