Ebrəə 3:5 - LAWA A BOO SONBORE

⁵ Muizu sɛ na á dí-nyali bɔlɔgoondɛnaa baa, Lawa a tɔrɔ minin bii, Lawa bɛ́ re boo mɛn diɛ, á bɛ pɛ.

LAWA A BOO SONBORE 2011

⁵ Muizu sɛ na á dí-nyali bɔlɔgoondɛnaa baa, Lawa a tɔrɔ minin bii, Lawa bɛ́ re boo mɛn diɛ, á bɛ pɛ.

Ebrəə 3:5 Iomraidhean Croise

Nehemii 9:14

Ń toa ǹ nə́ n *susu ǹ pii sonbore kɛ dɔ̃. Gɔn waa ǹ boon ne, landa boon ne, ka dí-pɛn nɛ, ń bɛn kɔ n dí-nyali Muizu la á ǹ kɔ ǹ la.

Loen 105:26

Lawa ná a dí-nyali Muizu dia, ka Aarɔn kɛ nɛ, a din bɔ.

Bɔ bɛ̀rɛbaa nɛ 14:31

Izirayeli nɛnyaanan nə́ Dɛnaa Lawa Pàãyiidɛnaa kɛ a sii nyaa Ezipti minin ni ǹ gɔn yɛ. Zaman lɛ nyɛ́ɛ baa Dɛnaa nɛ. Ǹ nə golee Dɛnaa li, ka Muizu mɛn dɔ bɛ́, a dí-nyali lɛa.

Bɔ bɛ̀rɛbaa nɛ 40:16

Muizu yoo á dí lɛ nya, á zɛnaa sɔnbɔraanɛ ka Dɛnaa bɛ́ á pɛ-n lɔn.

Minin nimi 12:7

Sɛnɛ, masɛ a dí-nyali Muizu wɔ bie miɛ̃ wa, kɛ lɛ giɛ masɛ a zaman lɛ walan ka bɔlɔgoondɛnaabaa nɛ.

Matiə 24:45

Dí-nyali mɛn nə yiridɛnaa lɛa, á n bɔlɔgoondɛnaa dɔ lɛa? Ǹ mɛn bɛ́ a dɛnaagiĩ bɔ a koa ǹ miã dí-nyalin mìi la bɛ̀ a bɛ́ re woe zii ni, mà a ga ǹ walan, bɛ̀ a màn-bii kɔ ǹ la a biikoo li.

Matiə 25:21

A mìinaa tɔ́n pɛ nɛ: «Á siĩni, dí-nyali sonbore, bɔlɔgoondɛnaa. Ma n nə́ n bɔlɔgoondɛnaa baa sii boɛɛn nɛ, bɛ lɛ taman yii, masɛ á die n koɛ sii gole mìi la. Da n nyɛnyɛɛ kun ka masɛ nɛ.»

Luku 12:42

Dɛnaa ná a lɛ si: – Ga mànan walan wole mɛn bɛ́ bɔlɔgoondɛnaa lɛa, yiri dɔ ná a lon, a dɛnaagiĩ da ǹ miã dí-nyalin mìi la mà a màn-bii gii ǹ ni, a kɔnpɛ a biikoo ne.

Luku 24:27

Bɛ kio á boo saa doo, Lawa a boo á màn mɛn tumaa diɛ a wɔ gɔn la, á bɛ giala pɛ ǹ nɛ. A ná a giala kɔ Muizu a sɛ́wɔn ganaa, á daa Lawa a boo gii-dalin gialakunun kɛn wɔn yaa.

Luku 24:44

Bɛ kio á pɛ ǹ nɛ: «Á ke man má goã má boon kɛn pɛ ka nɛ, bɛ̀ ma bɛ́ kun ka nɛ. Màn mɛn tumaa nə n kiɛ̃ masɛ wɔ gɔn la Muizu a dí-pɛn sɛ́wɔ nɛ, Lawa a boo gii-dalin wɔn nɛ, ka Loen sɛ́wɔ nɛ, yǎa bɛ lɛ tumaa lɛ piɛ̃.»

Zaã a sɛ́wɔ 5:39

Ka ǹ Lawa a boo gɔsiɛ, a giala, ka ǹ taasɛ mà bɛ lɛ n toɛ kasɛn nə nyin nyabaã yɛ. A din Lawa a boo kɛ lɛ n siére lɛa masɛ wɔ gɔn la,

Nya ǹ dín 28:23

Ǹ lɛawaa mɛn bɔ, bɛ bɛ́ á dɔ, ǹ nə́ wusoo ǹ nə́ daa Pooli yaa a giã ǹ bǎã nɛ. Pooli boo da ǹ nɛ, á *Lawa a kiibaa ǹ dí kɛ a nyɛɛ boo pɛ ǹ nɛ. A na á goã n doɛ á Yezu boo diɛ ǹ nɛ, a n boe Muizu a landa sɛ́wɔ nɛ ka Lawa a boo gii-dalin sɛ́wɔn nɛ. A n giɛ li mà ǹ dɔ̃, mà màn mɛn nə n da a wɔ gɔn la, mà sonbore ne. Maǹ nə́ sùn lɛ baa baayɛlɛ yǎa wasa mɛ.

Nya ǹ dín 7:37

A din Muizu lɛ na á pɛ Izirayeli minin lɛn manɛ: «Lawa á re a din a boo gii-dali goon boe ka bii ka masɛ bɛ́ lɔn.»

Rɔmu minin 3:21

Sisia kəni, Lawa bɛ́ wɔ biɛ min pepere lɛa lɔn a din yɔrɔ-a dí-pɛn gòɛ̃ ná a ba a-n wa, á bɛ nyaa wɔ nɛ. Dí-pɛn laanka Lawa a boo gii-dalin nə́ bɛ pɛ lɛlɛ.

Korɛnti1 4:2

Ǹ bɛ́ ǹ nə́ màn tamaa min mɛnɛn li, maǹ giɛ li mà ǹ goã min pepere taãnan lɛa.

Timəə dí-pɛn 3:24

«Ma nə n sii kɛ zɛnaa, n tá n golebaa laanka n boo sii la nyɛɛ ma nɛ. A giala, lawa mɛn kɔsɔ bɛ́ boe la a n nya ǹ dín kɛn miã nya, a n tɔ bɔ ǹ siin kɛn zɛnaa, a banban lon wa, a banban tán wa.

Timəə dí-pɛn 34:5

Dɛnaa Lawa a dí-nyali Muizu na á gã walan Moabu gána nɛ, ka Dɛnaa Lawa bɛ́ á goã á pɛ lɔn.

Timote1 1:12

Ma á barka diɛ wɔa Dɛnaa Yezu Krita-n parsiini, asɛ mɛn bɛ́ á dí lɛ a nya ǹ pàã kɔ ma la. Ma á barka diɛ nɛ, a giala á ga ma ganaa foo doamaa wole lɛa, á tɔ́n ma saa a dí ni.

Ebrəə 1:1

Lɛlɛ, Lawa na á boo da wɔ digolon ne, gunyin damata ka yɔrɔ gigiã nɛ, ka a din a boo gii-dalin barka nɛ.

Ebrəə 3:2

Lawa mɛn din bɔ á koa bɛa dí kɛ lɛ a lɛa, á bɔlɔgoondɛnaa baa bɛ li, ka Muizu bɛ́ lɔn «á bɔlɔgoondɛnaa baa a dí din tumaa nɛ, Lawa a tɔrɔ minin bii», ka Lawa a boo pɛ lɔn.

Ebrəə 3:4

Sonbore ne, kion gogoonmaa a dɔle na a tan, sɛnɛ, Lawa n màn din tumaa zɛnaali lɛa.

Ebrəə 8:5

Bɛn bɛ́ wúlu bɔ ǹ dí mɛn nyɛɛ ke, bɛ n lon gɔ́ɔ̃-n wɔ kɛ a kɔnboe lɛa, a nyín ni. Bɛ na á kɔnpɛ ka sii kɛ nɛ, á n zɛnaa Muizu ni. A bɛ́ re mɔnaa kion lɛ doe, Lawa na á pɛ nɛ: «Toa n sii lɛ tumaa zɛnaa, ká a yɔrɔ bɛ́ á n nyaa n nɛ lɔn kele lɛ la.»

Ebrəə 9:24

Sonbore, Krita bie á wɔ minbuiinin bǎã sonbore zɛnaa kɛ-n wa, bɛa minbuiinin wɔ a zɛnaa kɛ lɛ na á goã a taãn kɛ nyín kooro lɛa. Sɛnɛ, a na á wɔ lon dinmaa gɔ́ɔ̃ nɛ, màn mɛn bɛ́ toɛ, a n din nyaa kanna Lawa yɔrɔ-a wɔsɛn lɛa.

Zozoe 1:15

yǎa Dɛnaa Lawa susui koe ǹ dɔɔ̃nɔn lɛn la, ka a bɛ́ á kɔ ka dɔn la lɔn. Dɛnaa Lawa lɛ, kaa Lawa lɛa, bɛ bɛ́ gána mɛn lɛ koe ka dɔɔ̃nɔn lɛn la, ka n dɔ ǹ lɛ, yǎa ǹ dɔn nə bɛ sii ǹ biɛ ǹ wɔ lɛa. Bɛ kio, bǎã mɛn bɛ́ kaa wɔ lɛa, Dɛnaa Lawa a dí-nyali Muizu bǎã mɛn lɛ kɔ ka la Zurdɛ̃ tà kio, lɛ̀giala gɔn la, ka tá re ǹ bɔyɛɛ ka da walan.»

Zozoe 1:2

«Maa dí-nyali Muizu gã. Kanna kəni, n din yoo, n Zurdɛ̃ tà kɛ kuru, n din laanka zaman kɛ lɛ tumaa nɛ. Ma bɛ́ gána mɛn koe ka dinin Izirayeli minin lɛn la, ka wo walan.

Zozoe 1:7

Yǎa n din nə n gù we yii, n nə n foo taɛ̃ taãn-taãnɛ. Maa dí-nyali Muizu dí-pɛn mɛnɛn tumaa kɔ n la, a toa n zɛnaa ǹ sii tumaa kɔnpɛ ka bɛn lɛn nɛ. N nyan kanaa n zii da n wo gusin wa, n baran wo n gɔsɛ wa, màn mɛn bɛ́ toɛ, n bɛ́ re n gɔn diɛ dí woo dí ganaa, bɛ boo la a bǐɛ̃ kɔ.

Zozoe 8:31

Dɛnaa Lawa a dí-nyali Muizu boo mɛn pɛ Izirayeli minin lɛn manɛ, màn mɛn nə n kiɛ̃ Muizu a dí-pɛn sɛ́wɔ kɛ nɛ, wulu bɔ ǹ bǎã lɛ na á n dɔ á kɔnpɛ ka bɛ nɛ: A na á n dɔ ka kɔlɔ lɛ-piɛ̃n nɛ, a fɔlɔ màn saa á ǹ kɔn sɛlɛ-n wa. Bɛ kio, ǹ nə́ *wúlu màn tiɛ̃ laanka barka da Lawa nɛ ǹ wúlu bɔ la, Dɛnaa Lawa wɔ lɛa.

Zozoe 8:33

Bɛa biikoo li, Izirayeli minin lɛn tumaa, ǹ min golen ne, ǹ landa sii-daraalin laanka ǹ sii yɔrɔ bɔlen ne ka tɔrɔ kɔsɔn mɛnɛn bɛ́ ǹ bii, ǹ tumaa woo golee Lawa a *lɛ kɔ kɔn la ǹ goo lɛ wàãn paanan li, Levii tɔrɔ wúlu-bɔlen kɛn yɔrɔ-a, ǹsɛn mɛnɛn bɛ́ lɛ kɔ kɔn la ǹ goo lɛ guĩ. Zaman lɛ a talɛɛ na á giã Garizimu kele kɛ yɔrɔ-a, a talɛɛ dɔ́ giã Ebaali kele kɛ yɔrɔ-a. Dɛnaa Lawa a dí-nyali Muizu na á goã á pɛ ǹ nɛ mà ǹ zɛnaa miɛ̃, ǹ barka da Izirayeli zaman lɛ ganaa bɔrɔ.

Sii-nyaan 15:3

Maǹ nə́ goã Lawa a dí-nyali Muizu a biikoo loe loe, ka Sère Nɛ kɛ a loe ne, ǹ nə́ pii: «Dɛnaa Lawa Pàãyiidɛnaa, n nya ǹ dín tá dadara, ǹ gamaa ba min boe wa. Tɔrɔ din tumaa a kii, n sii yɔrɔ bɔ n pepere, a n taãn dɔ lɛa.