Ebrəə 2:1 - LAWA A BOO SONBORE

¹ Bɛ lɛ na á toa, wɔ sonboren mɛnɛn ma, ka daa wɔ n gɔn paraa bɛn ganaa ka kaka, màn mɛn bɛ́ toɛ, wɔ baran wusoo wɔ papaã wa.

LAWA A BOO SONBORE 2011

¹ Bɛ lɛ na á toa, wɔ sonboren mɛnɛn ma, ka daa wɔ n gɔn paraa bɛn ganaa ka kaka, màn mɛn bɛ́ toɛ, wɔ baran wusoo wɔ papaã wa.

Ebrəə 2:1 Iomraidhean Croise

KZS1 22:13

N wɔ á re bǐɛ̃ koe bɛ̀ n kɔ dí-pɛn kɛn lɛ ka landa boon kɛn nɛ Dɛnaa nə́ n kɔ Muizu la Izirayeli wɔ lɛa. Toa n goã kaka n foo tã, nyɛ́ɛ nyan nə n kũ wa, n nyan nə n foo ziziɛ̃ wa.

Loen 119:9

Bɛ̀ min tá tɔn ten, a n siɛ lɔn a sii-zɛnaa goã *yoreen ne? Dɛnaa, n din boo mɛn da, yǎa a n yiri koɛ bɛ li.

Suusun 3:21

Maa nɛ, n gɔn paraa yiridɛnaabaa laanka sii bɔkɔnlɛ ganaa. N nyan nə n na ǹ ganaa duduu wa.

Abakuku 1:6

Á ke, man die *Baabilonii minin kiɛ ka-a, ǹsɛn mɛnɛn bɛ́ kakaarɛ, ǹ nə́ ǹ ba makara doɛ̃ wa. Maǹ woe bǎã tumaa nɛ, ǹ wo gánan kũ, ǹ mɛnɛn bɛ́ ǹ ba ǹ wɔ lɛa wa.

Abakuku 2:16

Sɛnɛ, kaa wɔ ǹ die goɛ̃ ka sìi ni, gugurubaa ná a bie wa. A mii dɔ ka dɔn ganaa kanna. Ka dɔn tontoro á re goɛ̃, ǹ kaa soromabaa nyaa. Dɛnaa Lawa n die a foo-yoo baraa kɛ kiɛ ka la taãn-taãnɛ. Kaa gugurubaa kɛ á re n bɔyɛɛ a sìi baa.

Matiə 16:9

Ka a tɔn boo giala miɛ wa? Masɛ bɛ́ má buuru sooro lɛ yiyiɛ kɔn-a má kɔ minbuiin duu sooro (5 000) la, ka n ká a gialakun lɛ kaa kankaan gia nɛ ka woo ne? Ka yiri ba a-n wa?

Marki 8:18

Yiin bɛ́ ka lon, ǹ ba wɔlɔ yii wa? Toon bɛ́ ka lon, ǹ ba boo miɛ wa?

Luku 8:15

Màn tɔrɔ mɛn bɛ́ á mɛnaa tán sonbore bǎã nɛ, bɛ n kɔnboe ka min mɛnɛn bɛ́ n too koe boo lɛ-a, ǹ si, ǹ kũ foo sonbore laanka a telee wole ne. Bɛa dɛnan lɛn man goɛ̃ bɔlɔgoondɛnaabaa la, yǎa ǹ nɛ koe.»

Luku 9:44

«Ma bɛ́ die màn mɛn pii ka nɛ, ka n too kɔ bɛ ganaa sɔnbɔraanɛ: Minin tá re Min a Nɛgiĩ we min baraan gɔn.»

Zaã a sɛ́wɔ 8:59

Bɛa boo lɛ taman yii, ǹ nə́ kɔlɔn goa mà maǹ Yezu dii ni. Sɛnɛ, á n duru á soo á n bɔ Lawa a kion.

Timəə dí-pɛn 4:23

Ka yiri bɔ ka dinin li taãn-taãnɛ kəni, màn mɛn bɛ́ toɛ, kaa Lawa, Dɛnaa Lawa lɛ kɔ kɔn la mɛn doa kɔn ka nɛ, ka yiri nyan bɔ ka bɛ-n wa. Kaa Lawa, Dɛnaa Lawa ka kurəə mànan mɛnɛn nyin zɛnaa ganaa, ka nyan bɛ kɔn zɛnaa ka baa dì lɛa wa.

Timəə dí-pɛn 4:9

Sɛnɛ, ka n dinin kũ. Ka siin mɛnɛn yɛ ka yii ni, ka n yiri koa bɛn li taãn-taãnɛ, a ka yii toa koo, ka nyan toa ka yiri bɔ ǹ nɛ wa. Ka die ka kaa nɛnyaanan laanka kaa nɔ̀ɔnɔn daraa ǹ ganaa.

Ebrəə 12:5

Táa ka á n yiri koɛ ka doroo kɛ nɛ, Lawa n koe ka la ka a nɛnyaanan bɛ́ lɔn: «Maa nɛ, Dɛnaa bɛ́ n dii a nə́ n doree ke, n baran ga bɛ ganaa sii kiɛɛrɛ lɛa wa. Bɛ̀ a tá n zɛ̀rɛ biɛ, n foo baran ziziɛ̃ wa.

Piɛrɛ2 1:15

Sɛnɛ, ma á re n doɛ sɔnbɔraanɛ, màn mɛn bɛ́ toɛ, maa woo kio, ka boo la sii din tumaa gɔ́ɔ̃ nɛ, ka daraan kɛn tamaa ka yiri ni.

Piɛrɛ2 3:1

Maa giaáran lɛn, maa sɛ́wɔ lɛ a paabaa ǹ wɔ n ka kɛ nɛ, ma á kiɛ̃ diɛ ka la. Bɛa sɛ́wɔ màn paa lɛ din tumaa gɔ́ɔ̃ nɛ, man má ga li, máa man dɔ ka lɛ, ma ka yiri gisĩ daraan kɛn nɛ ká yɛ, màn mɛn bɛ́ toɛ, ka taasiɛ peperen wɔ.