Ebrəə 13:9 - LAWA A BOO SONBORE

⁹ Ka baran toa ǹ ka yiri sã ka daraa tɔrɔ diin ni wa. A giala, a n siĩni min foo tã kɔ Lawa a bǐɛ̃baa barka nɛ. A baran tã kɔ màn-biin bɔkɔnlɛ gɔn wa. A giala, min mɛnɛn nə n saa bɛn li, ǹ là kɔ́n yɛ a-n wa.

LAWA A BOO SONBORE 2011

⁹ Ka baran toa ǹ ka yiri sã ka daraa tɔrɔ diin ni wa. A giala, a n siĩni min foo tã kɔ Lawa a bǐɛ̃baa barka nɛ. A baran tã kɔ màn-biin bɔkɔnlɛ gɔn wa. A giala, min mɛnɛn nə n saa bɛn li, ǹ là kɔ́n yɛ a-n wa.

Ebrəə 13:9 Iomraidhean Croise

Loen 112:8

A foo n doa-n ka kaka, nyɛ́ɛ ná a ba a ganaa wa. Á doɛ̃ mà asɛ a zɔ́ɔn tá re foɛ̃ asɛ li.

Matiə 24:24

A giala, min tɛn tá re die a soɛ kuru mà asɛ n Minin Nyin-sili lɛ lɛa, min tɛn dɔ á re die a soɛ kuru, mà asɛ n Lawa a boo gii-dali lɛa: Ǹ tá re sii a kɔnboe dadaran laanka kaãbaa ǹ sii kakan zɛnɛɛ ǹ minin yiri sã nɛ, bɛ̀ maǹ boe la dinin, maǹ Lawa a yii gɔgɔɔ̃ wolen kɛn lɛn yiri siɛ̃.

Matiə 24:4

Yezu tɔ́n pɛ ǹ nɛ: – Ka n dinin kũ, ka baran toa min kɔ́n nə ka yiri sã wa.

Luku 5:38

Sonbore, duvɛ̃ dii n siĩni a n kaa màn dii ni.

Nya ǹ dín 20:30

Haalɛ ka dinin bii, minin tá re yui, ǹ soɛn bɔbɔ ǹ Lawa-nyankɔlen sã, ǹ nə ǹ kaa ǹ dinin kio.

Nya ǹ dín 20:32

Sisia kəni, masɛ n ka toɛ Lawa laanka a din a bǐɛ̃baa ǹ boo kɔɔ̃n kɛ gɔn. Pàã tá Lawa lon a ka gù we yii, pàã tá a lon dɔn, a din bɛ́ màn sonboren mɛnɛn koɛ a wɔn manɛ, a bɛn kɔ ka la.

Rɔmu minin 14:17

A giala, *Lawa a kiibaa ǹ sii bie màn-bii laanka màn-mii sii lɛa wa. Sɛnɛ, a n peperebaa sii lɛa, là nyantoro ne, ka nyɛnyɛɛ nɛ, Yiri Fu bɛ́ ǹ mɛnɛn lɛn koe.

Rɔmu minin 14:2

Min tan, a n taasɛ, mà asɛ á boe la a màn tumaa bii, min kɔsɔ mɛn pàã bɛ́ kiɛɛrɛ golee Lawa li gɔ́ɔ̃ nɛ, bɛa siĩ tɔrɔ kɔ́n soɛ̃ wa.

Rɔmu minin 14:6

Min mɛn bɛ́ barka we lɛawaa tɛn nɛ, bɛa dɛnaa n bɛ zɛnɛɛ á Lawa tɔ boe ne. Min mɛn bɛ́ màn tumaa bii, bɛ dɔ a dɛnaa n Lawa tɔ boe, a giala, á barka diɛ Lawa nɛ, a màn-bii lɛ a lɛa. Min mɛn dɔ bɛ́ a màn tumaa bii wa, bɛ dɔ n bɛ zɛnɛɛ Dɛnaa a lɛa. A dɔ́ bɛ́ màn mɛn bii, a dɔ n barka diɛ Lawa-n bɛa lɛa.

Korɛnti1 6:13

Ka á pii doo: «Màn-bii n nɔ̀ wɔ lɛa, nɔ̀ dɔ n màn-bii wɔ lɛa.» Hiĩ, Lawa á re ǹ dinin paanan ziziɛ̃. Sɛnɛ, minbuiin gɔ̀nɔn bie á n zɛnaa din kũ doɛ̃baã siin lɛa wa. Gɔ̀nɔn nə Dɛnaa wɔ lɛa, Dɛnaa dɔ n gɔ̀nɔn wɔ lɛa.

Korɛnti1 8:8

Màn-bii bie doe wɔ-n Lawa li wa. Ta wɔ bii wa, wɔ a foɛ̃ màn kɔ́n li wa, ta wɔ bii, wɔ a màn kɔ́n dɔ yii wa.

Korɛnti2 1:21

Lawa na á toa ma gòãn nə́ doa, kun ka ka dɔn nɛ, Krita wɔbaa gɔ́ɔ̃ nɛ. A din Lawa lɛ na á wɔ bɔ á wɔ baa a din wɔn lɛa.

Galaasi minin 6:1

Ma dɔɔ̃nɔn lɛn, bɛ̀ ka min kũ sã ǹ sii zɛnɛɛ, kasɛn mɛnɛn bɛ́ Lawa a Yiri Fu n ka li, ka toa ka da zii pepere la. Sɛnɛ, ka zɛnaa ka foo-basiɛ̃ nɛ a wɔ paǹ li. Ka ga ka dinin walan, ka nyan toa ǹ ka bebere ǹ ka da sii-n wa.

Efɛɛzi minin 4:14

Bɛ̀ á n baa miɛ̃, wɔ a re goɛ̃ ka nɛnyaanan bɛ́ lɔn doo wa. Min kɔ́n ba re boe la doo, a wɔ penpelen da ka piɛ̃ bɛ́ lɔn, a wɔ saa a wɔ bɔ wɔ yiri la, ka minin daraa ǹ gɔn kɔ́n nɛ wa. Min mɛnɛn bɛ́ li, ǹ wɔ bebere ǹ wɔ sã ka ǹ dinin sii-doɛ̃ nɛ, bɛn ba boe wɔ la wa.

Efɛɛzi minin 5:6

Ka nyan toa, min kɔ́n ka bebere ka yiri baãnaabaa ǹ boon ne wa. A giala, bɛa sã ǹ siin kɛn lɛn man die toɛ, Lawa foo yoo a lɛ-tiilin li.

Kolɔɔsi minin 2:4

Man bɛ pii ka nɛ, màn mɛn bɛ́ toɛ, min kɔ́n baran boo la, a ka yiri sã ka lɛ gɔ́ɔ̃ paparɛ boon ne wa.

Tesaloniki2 2:17

A din laanka wɔa Dɛnaa Yezu Krita die ǹ foo tãbaa kɔ ka la, ǹ pàã dɔ kɔ ka la ka sii sonbore zɛnaa, ka boo sonbore da biikoo tumaa li.

Tesaloniki2 2:2

wáa ka baran saa lɛlɛ ka n dinin yiri lɔlɔkɔn fufuu, ká nyɛ́ɛ baa ka Dɛnaa a daa pinaa na á dɔ wa. Min tá boe la a pɛ ka nɛ, ka a n Lawa a boo gii diɛ, min dɔ á diɛ ka nɛ, ka a n Lawa a boo laakalɛɛ, hinlaa ǹ da sɛ́wɔ kɔ ka la mà wɔsɛn man wɔ́ dia.

Timote1 6:20

Haya Timote, màn mɛn nə n koa n li, a tamaa doɛ̃. N din kũ golee Lawa li baã boo kooron kɛn ganaa, ka liere soɛ boon kɛn nɛ, minin tá ǹ bíi "Sii-doɛ̃".

Zaã1 4:1

Maa giaáran lɛn, minin mɛnɛn bɛ́ n dinin biɛ Lawa Yiri kɛ a dɛnan lɛa, ka nyan golee bɛn tumaa li wa. Ka n da ǹ gɔ́ɔ̃ li bɔrɔ ka ga ǹ ganaa, bɛ̀ ǹ yiri lɛ n boe Lawa li. A giala, Lawa a boo gii-dali soɛ-bɔlen nə́ mɔnaa kanaa lɛ gɔ́ɔ̃ nɛ.

Zude 1:12

Biikoo mɛn waáraa, bɛ̀ ka á dɔɔ̃nbaa ǹ màn bii kun, soɛ-bɔlen kɛn lɛn man wɔ̀lɔ̀ baraa lɛa kaa sii-zɛnaa ganaa, a giala, ǹsɛn man sii lɛ zɛnɛɛ ka sìi doɛ̃baã nɛ, ǹ nə́ ǹ ba n yiri koɛ ǹ miãn nɛ wa, yǎa ǹ dinin. Maǹ kɔnboe ka labaran mɛnɛn bɛ́ piɛ̃ nə́ ǹ siɛ kiɛ̃ ǹ nɛ, ǹ nə́ ǹ ba la mu koe wa. Maǹ goon dɔn ka dan mɛnɛn bɛ́, ta ǹ nɛ-kɔ waáraa nɛ, ǹ ba nɛ koe wa; dan manɛ, ǹ gòonən nə́ bɔyaa lenlen, ǹ nə́ gã ǹ nə́ laa.

Zude 1:3

Maa giaára sonboren lɛn, kirisibaa mɛn bɛ́ wɔ tumaa wɔ lɛa kun, man má goã giɛ li parsiini, ma sɛ́wɔ kiɛ̃ ma dia ka la bɛ wɔ gɔn la. Sɛnɛ, má yɛ máa a na á pàã baa ma ganaa sisia, ma sɛ́wɔ lɛ kiɛ̃, màn mɛn bɛ́ toɛ, ma ka foo taã ka n doa, ka yɔ bɔ golee Lawa li gɔ́ɔ̃ nɛ, golee Lawa li mɛn bɛ́ Lawa din kɔ wɔ la gunyin goon dinsɔɔ̃, kɔsɔ ná a ba kio wa, wɔsɛn mɛnɛn tumaa bɛ́ a din wɔn lɛa.