Ebrəə 13:8 - LAWA A BOO SONBORE

⁸ Yezu *Krita bɛ́ lɔn gunun, a n miɛ̃ pelo, a n die goɛ̃ miɛ̃ yǎa duduu.

LAWA A BOO SONBORE 2011

⁸ Yezu *Krita bɛ́ lɔn gunun, a n miɛ̃ pelo, a n die goɛ̃ miɛ̃ yǎa duduu.

Ebrəə 13:8 Iomraidhean Croise

Siin Giala 21:33

Abrahamu da kɔ́n zumu Bɛɛr-Sebaa, yiri koamanɛ ǹ sii lɛa. Maǹ da lɛ bíi Tamarisi. Lawa mɛn bɛ́ a tan yǎa duduu, á bɛ lɛ nyankɔ walan, bɛ̀ á bíi "Dɛnaa".

Loen 103:17

Min mɛnɛn bɛ́ nyɛ́ɛ biɛ Dɛnaa Lawa nɛ, a kɔn-narɛɛ a nyɛɛ bɛn wɔ paǹ li wa. A n bɛn narɛ miɛ̃ biikoo tumaa li. Min mɛnɛn bɛ́ a lɛ kɔ kɔn la kɛ tamaɛ, ǹ ná a dí-pɛn tamaɛ, á die a bǐɛ̃baa kɛ nyɛɛ bɛn nɛnyaanan nɛnyaanan wɔ paǹ li.

Loen 90:2

N laan bɛ̀ n kelen da, n laan bɛ̀ n kanaa laanka a gɔ́ɔ̃gɔ́ɔ̃ ǹ mànan da, n din nə Lawa lɛa haalɛ lɛlɛ, n nə n Lawa lɛa yǎa duduu.

Loen 90:4

Taãn nɛ, Lawa yii li, lɛ̀ duu goon nə ka gunun lɛawaa mɛn bɛ́ á kiɛ̃, a n ka tèlò a biikoo goon bɛ́ lɔn.

Bɔ bɛ̀rɛbaa nɛ 3:14

Lawa pɛ Muizu-n kɛnɛn: – Ma tɔ n "Ma Tan". A pɛ Izirayeli nɛnyaanan lɛn manɛ, mà "Ma Tan" na á n dia ǹ li.

Izayii 41:4

Die na á bɛ tumaa zɛnaa? Min mɛn bɛ́ kanaa a tɔrɔn koɛ, bɛ nɛ. Ma din Dɛnaa Lawa nɛ. Ma din ni sii tumaa giala kɔ lɛa. A wo kaa ǹ giala-nyɔmɔɔ lɛ, ma din Dɛnaa Lawa-n doo.

Izayii 44:6

Dɛnaa Lawa, Izirayeli a kii, Izirayeli a si sii la wole, Dɛnaa Lawa Pàãyiidɛnaa n kɛ pii: Ma din nə sii tumaa a giala-kɔ lɛa, ma din ni sii tumaa a giala-nyɔmɔɔ lɛa. Bɛ̀ á n bɔ ma din ni, Lawa kɔsɔ banban.

Malakii 3:6

Masɛ Dɛnaa Lawa, ma ba n bɔyɛɛ wa. Kasɛn dɔn, ka a n boe minin-sãli Zakɔba tɔrɔ taãnbaa kɛ-n doɛ̃ wa.

Korɛnti2 1:19

A giala masɛ nɛ, ka Silaasi laanka Timote ne, wɔ Lawa a Nɛ Yezu Krita mɛn boo laakalaa kaa piɛ, a bie á goã pii mà «Hiĩ», a da yaa «Haayii» na a gɔ́ɔ̃-n wa. Ka bɛ-n dinin, a na á goã Lawa a «Hiĩ» lɛa.

Korɛnti2 1:20

Sonbore ne, a din nə Lawa a lɛ-kɔ ǹ sii tumaa a «Hiĩ» diɛ lɛ piɛ̃. Yezu Krita a lɛa nɛ, wɔ á pii wáa «a n miɛ̃», wɔ n Lawa tɔ gole koe ne.

Ebrəə 1:12

N tá re ǹ muni ka dɔnkɛ bɛ́ lɔn, n tá re ǹ lonkoe ka mɔnaa bɛ́ lɔn. Sɛnɛ, nsɛ n die goɛ̃ miɛ̃ n din lɛa, n nyin ba re nyɛɛ wa.»

Zaaki 1:17

Lawa bɛ́ wɔ goe ka màn mɛn tumaa nɛ, màn sonbore ne, a lɛ piɛ̃maa nɛ. A din na á folo-kaalin zɛnaa á ǹ kaa lon. Lawa ba n bɔyɛɛ ka bɛa mànan lɛn bɛ́ lɔn, bɛ̀ a fúlu a wusoo a tii wa; bɔyaa ǹ gɔn ba a ganaa paǹ kɔ́n li wa.

Zude 1:25

Lawa goon toto mɛn wɔ nyin si ka wɔa Dɛnaa Yezu Krita barka nɛ, gugurubaa laanka golebaa nɛ, pàãyiidɛnaabaa laanka màn tumaa mìilandɛnaabaa goã bɛ wɔ lɛa haalɛ lɛlɛ-lɛlɛ, ka kanna nɛ, yǎa duduu. A n miɛ̃.

Sii-nyaan 1:11

Á goã pii: «N yii bɛ́ sii mɛn ganaa, a kiɛ̃ sɛ́wɔ nɛ, n dia Lawa a sɔmɔ sɔbaa kɛ la kiwin kɛn nɛ: Efɛɛzi kiwi ni ka Simirni kiwi ni, Pɛrgamu ni, Tiatiiri ni, Sardə ne, Filadɛlfii ni ka Lawodisee ne.»

Sii-nyaan 1:4

Masɛ ZAÃ nə fòo kɛ diɛ Lawa a sɔmɔ sɔbaa kɛ nɛ Azii gána nɛ. Min mɛn bɛ́ a goã a tan, a ná a tan, a n die die dɔn, yiri sɔbaa kɛ nɛ a kii dankan yɔrɔ-a, ka Yezu Krita nɛ, bɛn die ǹ bǐɛ̃ zɛnaa ka nɛ, ǹ là nyantoro kɔ ka la.

Sii-nyaan 1:8

Wɔa Dɛnaa Lawa mɛn bɛ́ á goã a tan, a na a tan, a n die die, a n Pàãyiidɛnaa lɛa, bɛ́ pɛ: «Ma din nə bibinaa lɛa, ma din nə giala-nyɔmɔɔ dɔ lɛa.»