Ebrəə 13:4 - LAWA A BOO SONBORE

⁴ Min tumaa zín wɔ kɔn-wɔ nɛ. Giĩ laanka lɔ goã bɔlɔgoondɛnan lɛa. A giala, mà Lawa á re kiri kuri naarɛbaalin laanka min kɔrɔn la.

LAWA A BOO SONBORE 2011

⁴ Min tumaa zín wɔ kɔn-wɔ nɛ. Giĩ laanka lɔ goã bɔlɔgoondɛnan lɛa. A giala, mà Lawa á re kiri kuri naarɛbaalin laanka min kɔrɔn la.

Ebrəə 13:4 Iomraidhean Croise

Siin Giala 2:21

Dɛnaa Lawa tɔ́n nyuù gole da giĩ lɛ ganaa, á nyuù wɔ. A bɛ́ nyuù ni, Dɛnaa Lawa ná a garsawe goon bɔ, á bɛa bǎã tã ka siĩ ni.

Siin Giala 2:24

Bɛ lɛ na á toa, giĩ á re n niɛ a n bɔ ǹ di laanka ǹ dan ganaa, a n doa kɔn ka a lɔ nɛ, ǹ nə n baa goon.

Kiin2 22:14

Lawa a wúlu-bɔle Ilkia nɛ, ka Ayikaamu ni, ka Akibɔɔrɔ nɛ, ka Safan laanka Asayia nɛ, ǹ nə́ tɔ́n kiɛ̃ ǹ nə́ woo Huldaa yaa, lɔ ke Lawa a boo gii-dali lɛa. Huldaa lɛ n Saalumu a lɔ lɛa. Saalumu n Tikva a nɛ lɛa, Araasi a nɔ̀ɔn lɛa, a n dí-nya ǹ mɔnaan mìi la. Huldaa na á goã Zeruzalɛmu dala dii kɛ nɛ. Ń bɛ́ ǹ nə́ boo da nɛ á nya,

Zɔbu 31:12

Bɛa sii kɛ lɛ din nə tɛ lɛa, bɔ̀n diɛ min ganaa duduu. Bɛ̀ a n die ma gɔn màn tumaa ziziɛ̃ lenlen.

Izayii 8:3

Bɛ kio, tèlò-n má giã kun ka maa lɔ Lawa a boo gii-dali ni. Á nɔ̀ si, á nɛginin yɛ. Dɛnaa Lawa tɔ́n pɛ mà ma a tɔ kɔ "Wo naforo ganaa fufuu, n mìi fɔ̃ a ganaa, n kokoo".

Lawa a wúlu-bɔlen 15:18

Bɛ̀ lɔ giã kun ka giĩ ni, ǹ doamaa nɛ, ǹ nə n zoo. Sɛnɛ, maǹ goɛ̃ gɔ̀dɛnan lɛa, yǎa wasa woe miɛ̃.

Lawa a wúlu-bɔlen 18:20

Min kɔn baran toa a giã kun ka ǹ miã a lɔ nɛ, a *gɔ̀ da a din ganaa wa.

Malakii 3:5

Hiĩ! Dɛnaa Lawa Pàãyiidɛnaa pɛ: – Ma á re die ka bii ni ma kiri wɔ ka ganaa. Ma á re siɛ lɛlɛ ma zɛ̀rɛ koa kɔ́lɔnbaalin-a, naarɛbaalin ni, min mɛnɛn bɛ́ ǹ ba koe ǹ lɛ kɔ ǹ bɔlɔ lɛ wa, min mɛnɛn bɛ́ mɛnɛɛ dí-nyali la a sara paǹ li, min mɛnɛn bɛ́ mɛnɛɛ lɔ giɔɔrɔ laanka nɛ toen la, hinlaa ǹ nə́ mɛnɛɛ tiin la ka min mɛn tumaa bɛ́ ǹ ba nyɛ́ɛ biɛ masɛ yii-n wa.

Korɛnti1 6:18

Ka baa si din kũ doɛ̃baã nyɛɛnɛ! A giala, mà min bɛ́ sii baraa gialakun mɛn kɔsɔ zɛnɛɛ, mà bɛ n kanaa, a we a gɔ̀nɔn nɛ wa. Sɛnɛ, min mɛn bɛ́ n din koe din kũ doɛ̃baã sii la, bɛ n sii baraa zɛnɛɛ a din gɔ̀nɔn kɛ nɛ.

Korɛnti1 6:9

Ka a doɛ̃ mà min kɔkɔrɔn ba re bǎã yii *Lawa a kiibaa-n wa? Ka nyan ka dinin yiri sã wa! Din kũ doɛ̃baã wolen ne ka dì wúlu-bɔlen ne, naarɛbaalin ni, ka giĩ baa lɔ lɛa wolen ne,

Korɛnti1 7:38

Bɛa yɔrɔ lɛ la, min mɛn bɛ́ lɔ siɛ, ǹ dɛnaa n sii sonbore zɛnɛɛ, min mɛn dɔ bɛ́ a lɔ siɛ wa, bɛa dɛnaa na á sii sonbore zɛnaa parsii ni.

Korɛnti1 9:5

Dia dí-a wole gialakunun kɛn bɛ́ zɛnɛɛ lɔn, ka Dɛnaa din dɔɔ̃nɔn kɛn laanka Piɛrɛ nɛ, masɛ dɔ a kɔnboe ma lɔ Lawa-nyankɔle wɔ, a n kun ma-n miɛ̃ wa?

Korɛnti2 5:10

A giala, wɔ tumaa doamaa nɛ, wɔ golee *Krita a kiri kuru ǹ bǎã kɛ yɔrɔ-a. A n die kiri we wɔ ganaa, a didie saraa a kɔnpɛ ka a nyaǹ dí ni kanaa, ta a bǐɛ̃ nɛ, ta a baraa nɛ.

Galaasi minin 5:19

Gɔ̀nɔn foo siin bɛ́ n zɛnɛɛ lɔn ǹ tá n doɛ̃: kɔrɔbaa nɛ, *gɔ̀ sii zɛnaa nɛ, din kũ doɛ̃baã nɛ,

Galaasi minin 5:21

Maǹ yii bɔ miãn gɔn màn li wolen lɛa, ǹ nə́ n dinin koe yɔ mi á la yii-n la, ǹ nə́ basaã-kɔlen lɛa, ka bɛ miã sii kɔsɔn dɔn nɛ. Man wusii ka yiri diɛ a-n kanna doo, ka ma bɛ́ má pɛ ka-n lɔn lɛlɛ, máa bɛ miã min kɛ kɔ́n ba *Lawa a kiibaa ǹ bǎã yii kíɛ̃ lɛa wa.

Efɛɛzi minin 5:5

Ka dɔ̃ taãnɛ, mà kɔrɔbaali ni, min gɔgɔrɛ nɛ, hinlaa yii mu-mili ni, mà bɛa minin kɛn kɔ́n gii ba Krita laanka *Lawa a kiibaa kɛ-n wa. Yii a mu mi màn li n goon ka dì guguru-kɔ nɛ.

Timəə dí-pɛn 22:22

Lɔ mɛn bɛ́ zuũ li, bɛ̀ ǹ nə́ giĩ mɛn kũ a gialaa giɛ bɛ li, giĩ lɛ laanka lɔ lɛ nɛ, ǹ doamaa nɛ ǹ nə ǹ dinin paanan dɛ. Ka zɛnaa miɛ̃ ka sii baraa bɔ ka bɔ Izirayeli gána nɛ.

Tesaloniki1 4:6

Min kɔ́n baran wɔ ǹ miã lon bɛa sii lɛ gɔ́ɔ̃ nɛ, a pɛ mà a n woe ǹ miã wɔ wɔlɔ li wa. Wɔ́ pɛ ka-n lɛlɛ, wɔ́ n gɔn waa ka-n taãn-taãnɛ, wáa min mɛnɛn bɛ́ bɛa siin lɛn zɛnɛɛ, Dɛnaa á re dɔlɔ boe ǹ ganaa.

Timote1 3:12

Lawa a sɔmɔ dí-nyalin doamaa nɛ ǹ goã lɔ goondɛnan lɛa, ǹ nə́ boe ǹ nɛnyaanan tamaa la sɔnbɔraanɛ, ka ǹ dinin kion ne.

Timote1 3:2

Ga Lawa a sɔmɔ walan wole doamaa nɛ a goã zɛ̀rɛ baãnaa lɛa, lɔ goon-dɛnaa lɛa, din-kũli lɛa, sii saa ka yiri-n wole lɛa, a tɔ wɔ ǹ gɔn nə́ siĩni. A doamaa nɛ a goã tii-kũli lɛa, á n boe minin daraa la.

Timote1 3:4

A doamaa nɛ a boo a din a kion la, a tamaa sɔnbɔraanɛ, a toa a nɛnyaanan na a bɔlɔ ma, ǹ na a guguru kɔ.

Timote1 4:3

Bɛa minin lɛn man pii, mà Lawa-nyankɔlen doamaa bie ǹ kɔn wɔ wa, mà ǹ doamaa bie ǹ màn tɛn dɔ bii wa. A da yaa, Lawa na á màn-bii tumaa da wɔa wɔ lɛa, mà wɔ bii. Min mɛnɛn bɛ́ goleemali wolen lɛa, ǹ nə́ sonbore doɛ̃, bɛa dɛnan tá boe la ǹ bɛa mànan lɛn bii, bɛ̀ ǹ nə́ Lawa nyankɔ, ǹ nə́ barka da nɛ.

Timote1 5:14

Bɛ lɛ-n ma á giɛ li, máa lɔ giɔɔrɔ tenən nə wusoo ǹ wɔ giĩ li, ǹ nɛnyaanan yɛ, ǹ ga ǹ dinin kion walan, màn mɛn bɛ́ toɛ, wɔa zɔ́ɔn baran wɔ tɔ ziziɛ̃ wa.

Tiitii 1:6

Ga Lawa a sɔmɔ walan wole doamaa nɛ, a goã lɛ pɔrɔ ǹ bǎã ná a ba a ganaa wa. A goã lɔ goon toto zuũ lɛa, a nɛnyaanan doamaa nɛ, ǹ goã golee sii li wolen lɛa, ǹ tɔ baran goã ziziɛ̃-n wa, ǹ lɛ-silin baa.

Ebrəə 12:16

Ka n yiri kɔ, min kɔ́n baran naarɛbaali baa wa, hinlaa sàn kɔ Lawa-n wole, ka Ezawu bɛ́ lɔn wa. Asɛ mɛn bɛ́ a ná a kiãbaa sã bǎã goon màn-bii ganaa.

Sii-nyaan 22:15

Sɛnɛ, min baraan nɛ, minin yiri sã ǹ dagòã-bɔlen ne, min gɛsɛn nɛ, gɛ̀-dɛlen ne, dì wúlu-bɔlen ne, ka min mɛnɛn tumaa bɛ́ soɛ-bɔ narɛ, ǹ ná a sii zɛnɛɛ, bɛn kɔ́n ba re we kiwi lɛ gɔ́ɔ̃-n wa.