Ebrəə 13:3 - LAWA A BOO SONBORE

³ Ka n yiri kɔ ka kòso nɛn nɛ, ka n pɛ mà ka dɔn man kòso-n kunun ǹ ni. Ka n yiri kɔ nɔmaa-wɔlen kɛn dɔn nɛ, a giala, ka tá ǹ sii giala miɛ.

LAWA A BOO SONBORE 2011

³ Ka n yiri kɔ ka kòso nɛn nɛ, ka n pɛ mà ka dɔn man kòso-n kunun ǹ ni. Ka n yiri kɔ nɔmaa-wɔlen kɛn dɔn nɛ, a giala, ka tá ǹ sii giala miɛ.

Ebrəə 13:3 Iomraidhean Croise

Siin Giala 40:23

Sɛnɛ, yɔ kɔ kii la wolen goledɛnaa lɛ Zozɛfu boo da doo wa, a yiri bɔ nɛ.

Matiə 25:36

Ma gɔ̀nɔn kooro bɛ́ á goã, ka mɔnaa wɔ ma ganaa. Ma bɛ́ ma goã lon wa, ka ga ma walan. Ma bɛ́ má goã kòso-n, ka daa n yii kɔ ma ganaa.»

Matiə 25:43

Má goã tii lɛa, ka ma bíi kaa piɛ wa. Ma gɔ̀nɔn kooro bɛ́ á goã, ka mɔnaa wɔ ma-a wa. Ma bɛ́ ma goã lon wa, ka bɛ dɔ nɛ, ma bɛ́ má goã kòso-n, ka da ǹ yii kɔ ma-a wa.»

Nya ǹ dín 24:23

Sɔraasin kuru mìilandɛnaa mɛn bɛ́ giɛ Pooli walan, Kii Feliksi pɛ bɛ nɛ, mà a Pooli da kòso-n. Sɛnɛ, mà a toa a din gɔn wìi a lɛa boɛɛn nɛ, mà a toa a giaáran nə dɔmalɛ tɛn zɛnaa nɛ.

Nya ǹ dín 27:3

Wɔa woo a lɛawaa, wɔ́ dɔ Sidɔn. Zulusu na á goã Pooli kuĩ ka minbuiinbaa nɛ, á lɛ kɔ mà Pooli wo bɔ a giaáran li kiwi gɔ́ɔ̃ nɛ, bɛn na a laadoo siin zɛnaa nɛ.

Rɔmu minin 12:15

Ka n nyɛnyɛɛ kun ka nyɛnyɛɛ wolen ne, ka wuu pɛ kun ka wuu-pɛlen ne.

Korɛnti1 12:26

Bɛ̀ gù goon tá nɔmaa nɛ, gù lɛ din tumaa na á nɔmaa lɛ gii kɔn. Bɛ̀ gugurubaa tá gù goon li, gù lɛ din tumaa na a nyɛnyɛɛ gii kɔn.

Efɛɛzi minin 4:1

Masɛ n kòso nɛ lɛa, maa Dɛnaa Yezu a dí-nyalibaa a lɛa. Man ka nyankoe, máa ka giã doɛ̃, a kɔnpɛ ka Lawa á ka bíi ǹ mìi kɛ nɛ.

Kolɔɔsi minin 4:18

Masɛ dinmaa Pooli n fòo boo kɛ kiɛ̃, ka ma din gɔn nɛ. Ka yiri baran bɔ mà man kòso-n wa. Lawa a bǐɛ̃ die a goã kun ka nɛ.

Ebrəə 10:34

Sonbore, ká kaa wɔ gii yɛ kòso nɛn fuu ni. Ǹ nə́ ka gɔn mànan si ka la, ká lɛ kɔ bɛa mànan kɛn lɛn woo ganaa ka nyɛnyɛɛ nɛ, a giala, ká dɔ̃ mà naforo sonbore nyabaã wolen tá ka lon.

Ebrəə 11:37

Ǹ nə́ ǹ dɛ kɔlɔn nɛ, ǹ nə́ ǹ wɔsɔ ka kàka nɛ, ǹ nə́ ǹ yayawaa ka gɔya nɛ ǹ nə́ gã. Maǹ nə́ goã bibiə̃ la, sère ki hinlaa bòe ki dɔnkɛn man nə́ goã ǹ ganaa, doobaabaa goã ǹ mìi ni, ǹ nə́ goã fuu yii, ǹ nə́ nɔmiɛ.

Piɛrɛ1 3:8

Bɛ din tumaa kio, ka toa kaa taasiɛn nə goã goon, ka toa ka sii dɔ̃ kɔn la. Ka kɔn narɛ ka Lawa a minin bɛ́ zɛnɛɛ lɔn dɔɔ̃nbaa gɔ́ɔ̃ nɛ. Ka makara bɔ kɔn ganaa, ka ka dinin boɛɛn kɔ kɔn nɛ.