Ebrəə 13:20 - LAWA A BOO SONBORE

²⁰ Lawa din na á wɔa Dɛnaa Yezu, Sèren-Lɛduə̃li gole kɛ yii kaa, á bɔ geren bii. A din na á lɛ-kɔ duduu wɔ ka minbuiin nɛ nɛ, á bɛ́ á sonborebaa nyaa ka Yezu a gɛ̀ barka nɛ. Man bɛa Là Nyantoro Kɔle Lawa kɛ lɛ nyankoe,

LAWA A BOO SONBORE 2011

²⁰ Lawa din na á wɔa Dɛnaa Yezu, Sèren-Lɛduə̃li gole kɛ yii kaa, á bɔ geren bii. A din na á lɛ-kɔ duduu wɔ ka minbuiin nɛ nɛ, á bɛ́ á sonborebaa nyaa ka Yezu a gɛ̀ barka nɛ. Man bɛa Là Nyantoro Kɔle Lawa kɛ lɛ nyankoe,

Ebrəə 13:20 Iomraidhean Croise

Samayeli2 23:5

Lawa n bɛ lɛ miã zɛnɛɛ maa kion wɔ paǹ li. A giala, á lɛ kɔ kɔn la wɔ ka masɛ nɛ yǎa duduu. A lɛ kɔ sii mɛn ganaa, bɛa sàabiɛ wa. A n lɛ kɔ ka sii mɛn nɛ, a ba bɛ bɔyɛɛ wa. Á die sii tumaa yɔrɔ boe maa kirisibaa a lɛa, màn mɛn bɛ́ toɛ, sii mɛn bɛ́ kɔɔ̃n ma ganaa bɛ nə n zɛnaa.

KZS1 16:17

A na á barka wɔ a-n doo, á baa dí-pɛ lɛa, á kɔ Zakɔba la, lɛ kɔ kɔn la duduu ni, Izirayeli minin wɔ lɛa.

KZS2 30:12

Zudaa gána dɔ nɛ, Lawa sii zɛnaa a minin manɛ. Bɛ lɛ nɛ, ǹ nə́ lɛ kɔ, ǹ nə́ kii laanka a zaman nyɛɛnaandɛnan da ǹ boo kɛ sii bǎã goon ne, Dɛnaa Lawa nə ǹ mɛnɛn lɛn kɔ ǹ la.

Loen 23:1

Davida a loe n ke. Dɛnaa Lawa n ma lɛduə̃li lɛa, màn kɔn ba re nyaabiɛ ma ganaa wa.

Loen 80:1

LOE-saalin goledɛnaa loe mɛn lɔ tùtu wuu li. Yiri koa sii ni ǹ loe ne. Asaafu a loe goon ne.

Bɔ bɛ̀rɛbaa nɛ 24:8

Muizu mà lɛ saa, á pɛpɛsɛ̃ zaman lɛ ganaa, á pɛ: «Dɛnaa lɛ kɔ mɛn wɔ ka ka nɛ, a ná a boon kɔ ka la, kɛ n bɛa sonborebaa nyɛɛ.»

Izayii 40:11

Ká tɔɔn-lɛduə̃li bɛ́ lɔn, a na a tɔɔn lɛduĩ. Bɛ̀ á n gɔn saa ǹ li, maǹ nə n lɛ soekɔn. A n sère nɛn guĩ a kolɔn. Sere daanan mɛnɛn bɛ́ nɛn nə́ ǹ kio, a n woe bɛn nɛ sɛlɛlɛ.»

Izayii 55:3

Ka n too da, ka da ma li. Ka n too kɔ, ka yii á re goɛ̃ koo.» Dɛnaa Lawa pɛ: «Ma á re lɛ kɔ kɔn la we ka ka nɛ yǎa duduu, man lɛ kɔ ka ǹ mɛn lɛ nɛ Davida la, maa bɔlɔgoondɛnaabaa gɔ́ɔ̃ nɛ.

Izayii 61:8

Taãn nɛ, kɔ sonborebaa lɛ n kɔɔ̃n masɛ Dɛnaa Lawa ganaa. Sɛnɛ, wurumubaa mɛn bɛ́ naa-n kɔn ka gɛ̀ dɛ nɛ, ma a golee bɛ li wa. Ma á re ka sarɛɛ ka peperebaa nɛ, ma á re lɛ kɔ kɔn la we ka ka nɛ, yǎa duduu.»

Izayii 63:11

A zaman lɛ yiri gisĩ ka lɛlɛ ǹ nɛ, biikoo mɛn bɛ́ Muizu goã kunun ǹ ni: «Min mɛn yìsi mu kuru ka a zaman nɛ kɔnlɛ ka ǹ tɔɔn laanka ǹ lɛduə̃lin ni, ǹ dɛnaa n maa? Min mɛn na a Yiri sonbore gisĩ ǹ la, bɛa dɛnaa n maa?

Zeremii 32:40

Man die lɛ kɔ kɔn la we ǹ ne duduu wɔ lɛa. Biikoo tumaa li, ma á re ǹ nyɛɛnaan boe, ma bǐɛ̃ zɛnaa ǹ nɛ. Ka bɛ-n kəni, ǹ tá re nyɛ́ɛ biɛ ma yii-n taãn-taãnɛ, ǹ nə́ ǹ ba n wɔlɔ lui ma ganaa wa.

Ezekieli 34:23

Man die tɔɔn-lɛduə̃li goon toto boe ma da maa tɔɔn lɛn mìi la, bɛ ga ǹ walan: Bɛ n ka maa dí-nyali Davida nɛ. Bɛ lɛ á re giɛ ǹ walan, bɛ lɛ á re ǹ lɛduə̃li biɛ.

Ezekieli 37:24

Maa dí-nyali Davida n die giɛ̃ ka tumaa mìi la kii lɛa, ka tumaa lɛduə̃li goon toto lɛa. Ka á re tɔ we a kɔnpɛ ka maa sii yɔrɔ bɔ ǹ boon kɛn nɛ, ka á re maa landa boon kɛn tamaɛ, ka kɔ ǹ lɛ.

Ezekieli 37:26

Ma á re lɛ kɔ kɔn la we ka ka nɛ là nyantoro a paǹ li. Bɛ n die goɛ̃ lɛ kɔ kɔn la lɛa ka laanka masɛ bii yǎa duduu. Ma á re giã ǹ bǎã koe ka la, ma kaa zaman mɔnaa. Ma á re maa giã ǹ bǎã doe ka bii, yǎa duduu.

Zakarii 9:11

Dɛnaa Lawa pɛ: «Maa lɛ kɔ kɔn la kɛ taman yii má wɔ kɔn ka ka nɛ, mà na a siére lɛa, min mɛnɛn bɛ́ kòso ne, nyankɔrɔ gole ne, mu ná a ba a-n wa, man die bɛn wɛɛ, ma ǹ kaa.

Matiə 26:28

kɛ n masɛ mà lɛa, á kaa minbuiin tumaa a lɛa, màn mɛn bɛ́ toɛ, Lawa nə ǹ sii baraan toa ǹ nɛ. A n nyɛɛ mà Lawa lɛ kɔ kɔn la wɔ ka minbuiinin ni.

Marki 14:24

Yezu tɔ́n pɛ ǹ nɛ: «Masɛ mà n ka kɛ nɛ, á kaa minbuiin tumaa a kirisibaa a lɛa, á n nyɛɛ mà Lawa lɛ kɔ kɔn la wɔ ka minbuiinin ni.

Luku 22:20

Màn-bii lɛ á nya kio, á duvɛ̃ dɔ saa paan nɛ á kɔ ǹ la, á pɛ: «Paan ke, masɛ din mà na a nɛ, á kaa kaa lɛa, a n lɛ kɔ kɔn la dii lɛa.»

Zaã a sɛ́wɔ 10:11

«Masɛ n sèren-lɛduə̃li sonbore lɛa. Sèren-lɛduə̃li sonbore nə n din koe a sèren lɛa.

Zaã a sɛ́wɔ 10:14

Masɛ n sèren-lɛduə̃li sonbore lɛa. Maa Díi bɛ́ ma doɛ̃ lɔn ke, masɛ dɔ bɛ́ maa Díi doɛ̃ lɔn ke, min mɛnɛn bɛ́ masɛ wɔn lɛa, masɛ dɔ n bɛn lɛn doɛ̃ miɛ̃, ǹ dɔn man masɛ doɛ̃ miɛ̃, ka sèren-lɛduə̃li bɛ́ a sèren doɛ̃ lɔn, ka sèren dɔn bɛ́ ǹ lɛduə̃li doɛ̃ lɔn. Ma nə n din koe bɛn lɛn lɛa.

Nya ǹ dín 13:30

Sɛnɛ, Lawa ná a yii kaa á bɔ geren bii.

Nya ǹ dín 17:31

Sonbore, Lawa lɛawaa kɔ́n koa, a n die kiri kuri kanaa minin la ka peperebaa nɛ. Á min bɔ kiri-wɔle lɛa bɛa lɛa. A na á bɛ nyaa min tumaa nɛ ka bɛa dɛnaa lɛ a yii kaa a bɔ geren bii ni.

Nya ǹ dín 2:24

Lawa gɔsɛ gɛ̀ gɔn á si, á wusoo á yiikoonaabaa kɔ la. A giala, pàã goã gɛ̀ lon a Yezu lɛ kurəə wusoo a da yiikoonaabaa ganaa wa.

Nya ǹ dín 2:32

Bɛa Yezu kɛ lɛ, Lawa ná a yii kaa á bɔ geren bii, wɔsɛn tumaa n bɛa siéren lɛa.

Nya ǹ dín 3:15

Ka bɛ́ ka nyin-kɔle dinmaa kɔ minin la ǹ nə́ dɛ, Lawa na á yii kaa á bɔ geren bii. Wɔsɛn dinin man bɛa siéren lɛa.

Nya ǹ dín 4:10

Ka dinin tumaa laanka Izirayeli gána minin tumaa dɔ̃ kəni, mà Nazarɛtin Yezu tɔ kɛ pàã nɛ, giĩ kɛ á golee ne ka yɔrɔ-a min kaka lɛa. Yezu *Krita mɛn bɛ́ ka dinin nə́ dere gɔn-a, Lawa na á yii kaa á bɔ geren bii, bɛ lɛ barka nɛ.

Nya ǹ dín 5:30

Ka Yezu mɛn dere gɔn-a, ka dɛ lɛn, wɔ digolon Lawa lɛ na á bɛ lɛ yii kaa á bɔ geren bii.

Rɔmu minin 1:4

a na á goã Lawa a Nɛgiĩ dɔ lɛa. Lawa a Yiri Fu na á bɛ nyaa, ka pàã gole ne, ka bɛa Yezu lɛ a yii-kaa a bɔ geren bii barka nɛ.

Rɔmu minin 10:7

«N baran pɛ dɔn, mà die n die gisĩ geren piɛ kəni?» Màn mɛn bɛ́ toɛ, Krita lɛ yii kaa a n bɔ geren bii.

Rɔmu minin 15:33

Lawa mɛn bɛ́ là nyantoro koe, bɛ die a goã kun ka tumaa nɛ. A n baa wɔ-n miɛ̃.

Rɔmu minin 16:20

Kànaa ka boɛɛn nɛ, là nyantoro-kɔle Lawa á re *Sɛtaan tuturi ka gòã giulun. Wɔa Dɛnaa Yezu a bǐɛ̃ die a goã kun ka nɛ!

Rɔmu minin 8:11

Lawa mɛn Yezu yii kaa á bɔ geren bii, bɛ̀ bɛ Yiri tá ka li, bɛ̀ ká gã, Lawa lɛ din nə die wusii a ka dɔn yii kaa, ká a Yiri lɛ pàã nɛ, a Yiri mɛn bɛ́ ka li ke lɛn.

Korɛnti1 14:33

A giala, Lawa bie sii lɔlɔkɔn wole lɛa wa, sɛnɛ, a n Lawa là nyantoro dɛnaa lɛa.

Korɛnti1 15:15

Doo, bɛ̀ geren yii kaabaã lɛ n taãn lɛa, a n goon ka soɛ siére-pɛlen man wɔ nɛ Lawa wɔ paǹ li. A giala, mà wɔ́ pɛ wáa Lawa Krita bɔ geren li, á da yiikoonaabaa nɛ, a da yaa a na a yii kaa dɔn wa.

Korɛnti1 6:14

Lawa na á Dɛnaa bɔ geren li, á da yiikoonaabaa nɛ. Á re wɔ dɔn boe geren li, a wɔ kaa yiikoonaabaa nɛ ká a din pàã nɛ.

Korɛnti2 13:11

Ma dɔɔ̃nɔn lɛn, ka n nyanyaa. Ka toa ka lɛ-piɛ̃maa goã goleemali gɔ́ɔ̃ nɛ, ka kɔn foo taã, ka toa ka kɔn bɔlɔ ma, ka goã ka là nyantoro ne. Lawa mɛn bɛ́ minin narɛ, a n là nyantoro koe, bɛ á re goɛ̃ kun ka nɛ.

Korɛnti2 4:14

A giala, ma á doɛ̃ taãnɛ, máa Lawa mɛn bɛ́ á Yezu yii kaa á bɔ geren li, máa bɛ á re masɛ dɔ yii kiɛ kun ka Yezu ni, ma wusoo ma yɛ kun ka ka nɛ, a din yɔrɔ-a.

Galaasi minin 1:1

Masɛ Pooli n dia dí-a wole lɛa. Bɛ bie á bɔ minbuiin nɛ kɔ́n li wa. Min kɔ́n dɔ na a zɛlɛ baa wa. Yezu *Krita laanka Díi Lawa na á ma bíi, Díi Lawa mɛn Yezu lɛ din yii kaa, á bɔ geren li.

Efɛɛzi minin 1:20

á Krita yii kaa nɛ, á bɔ geren li á da yiikoonaan li, á koa lon, a din gusin.

Filipi minin 4:9

Ka màn mɛn yɛ masɛ li, ká n daraa a ganaa, ka ma lɛ ma boo mɛn diɛ, ká ma yɛ a sii zɛnɛɛ, ka toa ka bɛ tumaa a sii zɛnaa. Bɛ̀ á n baa miɛ̃, Lawa mɛn bɛ́ là nyantoro koe wɔ la, bɛ á re goɛ̃ kun ka nɛ.

Kolɔɔsi minin 2:12

Sonbore ne, ǹ bɛ́ ǹ nə́ *batɛmu da ka ganaa, a n goon ka maǹ nə́ ka bĩ kun ka Krita nɛ, ka yii wusoo á kaa kun ka a din ni, a giala, Lawa pàã mɛn na a yii kaa á bɔ geren bii, ka golee bɛ lɛ li.

Tesaloniki1 1:10

Ka ǹ bɛ lɛ gɔ́ɔ̃ nɛ, n yii diɛ a Nɛgiĩ a bɔ lon a daa la, a ǹ mɛn lɛ yii kaa á bɔ geren bii, Yezu lɛ, die wɔ sii Lawa a biɛ̃ ǹ foo-busii la.

Tesaloniki1 5:23

Lawa dinmaa mɛn bɛ́ là nyantoro koe, a din die a toa ka a wɔn baa ka ka paǹ yii ni. Ka yiri ni, ka telenboen laanka ka gɔ̀nɔn tumaa nə n tamaa sɔnbɔraanɛ, zɛ̀rɛ baran goã ka ganaa wɔa Dɛnaa Yezu Krita a daa pinaa wa.

Tesaloniki2 3:16

Dɛnaa mɛn din bɛ́ là nyantoro kɔle lɛa, a dinmaa die a là nyantoro kɔ ka la, biikoo tumaa li ka yɔrɔ din tumaa nɛ. Dɛnaa die a goã ka dinin tumaa li.

Ebrəə 10:22

Bɛ lɛ tɔ ganaa, ka daa wɔ n mɔrɔ Lawa ganaa ka foo sonbore ne, ka golee Lawa li taãn-taãn nɛ, wɔ foo n yoreen ne, gɔ́ɔ̃gɔ́ɔ̃ ǹ zɛ̀rɛ kɔ́n ná a ba wɔ ganaa wa, wɔ́ gɔ̀nɔn dɔ n pii-n ka mu sonbore ne.

Ebrəə 10:29

Sɛnɛ, min mɛn bɛ́ Lawa a Nɛgiĩ kɛ puusə koe, á n giɛ Lawa a lɛ kɔ kɔn la ǹ mà kɛ lɛ ganaa sàn kɔ ǹ màn lɛa, mà mɛn bɛ́ a ná a yoreen kɔ, á n boo baraa diɛ Lawa a bǐɛ̃baa ǹ Yiri Fu kɛ ganaa, ka a taasɛ mà bɛ doamaa-n ka dɔlɔ baraa-n wa?

Ebrəə 9:20

Á tɔ́n pɛ: «Lawa pɛ ka nɛ, mà ka goã bɔlɔgoondɛnan lɛa lɛ kɔ kɔn la mɛn gɔ́ɔ̃ nɛ, bɛ lɛ a mà n ka kɛ nɛ.»

Piɛrɛ1 1:21

Asɛ lɛ barka nɛ ka á golee-n Lawa li, Lawa mɛn bɛ́ a ná a yii kaa á bɔ geren bii, á gugurubaa kɔ la. Bɛa yɔrɔ kɛ la, kaa goleemali laanka kaa foo-doa giala n doa-n Lawa ganaa.

Piɛrɛ1 2:25

A giala, ka n ká goã papaã-n lɛlɛ ka sèren bɛ́ lɔn, sɛnɛ kanna, kaa Gamawalan wole lɛ laanka ka Lɛduə̃li lɛ ka yɔrɔ bɔyaa, a daa ka-n a din li.

Piɛrɛ1 5:4

Bɛ̀ Ga Zaman Walan Wole gole lɛ din daa ǹ mɛn pinaa, á re gɔ̀lɔ̀baa ǹ kii bafolo koe ka la, kii bafolo mɛn a siĩnbaa bɛ́ a nyɛɛ duduu wa.