Ebrəə 12:6 - LAWA A BOO SONBORE

⁶ A giala, Dɛnaa bɛ́ min mɛn narɛ, a n bɛ lɛ dii a doroo, a bɛ́ lɛ koe nɛ mɛn ganaa, a n dɔlɔ boe bɛ lɛ ganaa.»

LAWA A BOO SONBORE 2011

⁶ A giala, Dɛnaa bɛ́ min mɛn narɛ, a n bɛ lɛ dii a doroo, a bɛ́ lɛ koe nɛ mɛn ganaa, a n dɔlɔ boe bɛ lɛ ganaa.»

Ebrəə 12:6 Iomraidhean Croise

Samayeli2 7:14

Ma á re n biɛ a díi lɛa, a dɔ á re n biɛ maa nɛ lɛa. Bɛ̀ á sii baraa zɛnaa, man die minin biɛ a doroo ǹ bàlà lɛa, ma minbuiinin kaa a ganaa ǹ dɔlɔ bɔ a ganaa.

Loen 119:71

Maa nɔmaa kɛ din na á bǐɛ̃ baa ma ganaa. Á ke á toa má n foo siin dɔ̃.

Loen 119:75

Dɛnaa Lawa, ma á doɛ̃ máa n sii yɔrɔ bɔ ǹ boon lɛn tá pepere. N goã ń nɔmaa mɛn da ma mìi ni, ma á doɛ̃ máa sonbore tá n lon.

Loen 94:12

Dɛnaa Lawa, n bɛ́ min mɛn doree, n nə́ daraa koe la ka n din a boo ne, bɛa dɛnaa wɔ na á bǐɛ̃ kɔ.

Suusun 13:24

Min mɛn bɛ́ a ba a nɛ dii wa, a na a ba narɛ wa. Sɛnɛ, ǹ mɛn bɛ́ a wɔ doree, bɛ n nyɛɛ mà a n narɛ.

Suusun 3:11

Maa nɛ, n nyan nə n piã ka Dɛnaa Lawa a gɔn waa ǹ boon ne wa. N nyan nə n la bɔ ǹ ganaa wa.

Suusun 3:12

Sonbore, Dɛnaa Lawa bɛ́ min mɛn narɛ, a n bɛa dɛnaa doree ka díi bɛ́ a foo nɛ doree lɔn.

Izayii 27:9

Zakɔba tɔrɔn siɛ̃ bɛ́ re n toɛ ǹ nɛ lɔn, bɛ á ke, ǹ sii baraan toa manɛ bɛ́ re die ka sii mɛn nɛ, bɛ á ke: *Wúlu bɔ ǹ bǎã a kɔlɔn kɛn, maǹ die bɛn yɔyɔrɛ mɔnɔmɔnɔ. Wúlu bɔ ǹ bìbìn kɛn laanka ǹ da yon gìĩ kɔɔ̃n tã n mànan kɛn, bɛn kɔn ba re goɛ̃ lon doo wa.

Zeremii 10:24

Doroo kɔ ma la Dɛnaa Lawa, sɛnɛ, a kɔnpɛ ka ma nɛ. N foo nyan yoo wa, bɛ bie wa, n tá re ma yɔyɔrɛ.

Busii pɛ 3:39

Min bɛ́ á sii baraa zɛnaa Lawa nə́ ǹ dɛnaa yii toa koo, a n siɛ lɔn doo á gungunun sii kəni?

Timəə dí-pɛn 8:5

Ka dɔ̃ ka bɛ lɛ-n kəni, mà kaa Lawa, Dɛnaa Lawa lɛ n giɛ li a ka doroo, ka díi bɛ́ a nɛ doree lɔn.

Zaaki 1:12

Min mɛn bɛ́ nɔmaa sii a ganaa, bɛa dɛnaa wɔ á re bǐɛ̃ koe. A giala, bɛ̀ a bɔ a-n ka bǐɛ̃ nɛ, á re yiikoonaabaa yii. Min mɛnɛn bɛ́ Dɛnaa narɛ, a na á n lɛ kɔ, mà á die bɛ lɛ koe ǹ la.

Zaaki 5:11

Wɔ nə ǹ laakalɛɛ, a giala, ǹ nə́ sii si ǹ ganaa. Táa ka Zɔbu a sii simaa boo ma. Dɛnaa màn mɛn kɔ la bɛ kio, táa ka á bɛ dɔ doɛ̃. A giala, Dɛnaa a bǐɛ̃baa laanka a makara-doɛ̃ á gole.

Sii-nyaan 3:19

«Min mɛn bɛ́ kɔɔ̃n ma ganaa, man doree ka ma we ne. N gù kaa, n wusoo n sii baraan kio.

Uruti 1:3

Naomii ǹ zuũ Elimelɛki daa á gã. A dinsɔɔ̃ nɔmaa á goã kun ka a nɛgiĩ min paa lɛ nɛ.