Ebrəə 12:5 - LAWA A BOO SONBORE

⁵ Táa ka á n yiri koɛ ka doroo kɛ nɛ, Lawa n koe ka la ka a nɛnyaanan bɛ́ lɔn: «Maa nɛ, Dɛnaa bɛ́ n dii a nə́ n doree ke, n baran ga bɛ ganaa sii kiɛɛrɛ lɛa wa. Bɛ̀ a tá n zɛ̀rɛ biɛ, n foo baran ziziɛ̃ wa.

LAWA A BOO SONBORE 2011

⁵ Táa ka á n yiri koɛ ka doroo kɛ nɛ, Lawa n koe ka la ka a nɛnyaanan bɛ́ lɔn: «Maa nɛ, Dɛnaa bɛ́ n dii a nə́ n doree ke, n baran ga bɛ ganaa sii kiɛɛrɛ lɛa wa. Bɛ̀ a tá n zɛ̀rɛ biɛ, n foo baran ziziɛ̃ wa.

Ebrəə 12:5 Iomraidhean Croise

Zɔbu 34:31

Min tá boe la a pɛ Lawa nɛ mà asɛ a sii baraa zɛnɛɛ doo wa?

Loen 118:18

Taãn nɛ, Dɛnaa Lawa na á ma doroo ka fuu ni, sɛnɛ, a toa má gã wa.

Loen 119:109

Koe n ma lɛnpɛnɛ biikoo tumaa li, sɛnɛ, masɛ yiri a boe ka n landa boon kɛn nɛ wa.

Loen 119:16

N foo siin lɛn zɛnaa n kɔɔ̃n ma ganaa parsiini. Ma yiri a boe ka n boo kɛ-n wa.

Loen 119:67

Ma bɛ́ ma tɔn nɔmaa wa, man má goã siɛ̃ woe. Sɛnɛ kanna, man koe n da ǹ boon kɛn lɛ.

Loen 119:75

Dɛnaa Lawa, ma á doɛ̃ máa n sii yɔrɔ bɔ ǹ boon lɛn tá pepere. N goã ń nɔmaa mɛn da ma mìi ni, ma á doɛ̃ máa sonbore tá n lon.

Loen 119:83

Man má goã laa-n ka mu bɔnaa bɛ́ lɔn, ǹ nə́ da tɛ li. Sɛnɛ, ma yiri bɔ ka n foo sii boon kɛn nɛ wa.

Loen 94:12

Dɛnaa Lawa, n bɛ́ min mɛn doree, n nə́ daraa koe la ka n din a boo ne, bɛa dɛnaa wɔ na á bǐɛ̃ kɔ.

Suusun 3:1

Maa nɛ, n yiri nyan bɔ ka maa daraan lɛn nɛ wa. Maa dí-pɛn lɛn tamaa n foo ne.

Suusun 4:5

Toa n sii-dɔ̃li baa, n yiridɛnaa baa. Ń yiri nyan bɔ ka maa boon kɛn nɛ wa, n nyan nə n wɔlɔ lui ǹ ganaa wa.

Zeremii 31:18

Má Efrayimu minin lɛ-dɛ ma taãn-taãnɛ, Maǹ pii: «Dɛnaa Lawa, ń wɔ doroo ka kakaarɛbaa nɛ, ka ǹ bɛ́ dii ten darɛɛ lɔn. Sɛnɛ, toa wɔ da n li, wɔ wusoo wɔ da n li taãn-taãnɛ. A giala, Dɛnaa Lawa n din ni wɔa Lawa lɛa.

Busii pɛ 3:39

Min bɛ́ á sii baraa zɛnaa Lawa nə́ ǹ dɛnaa yii toa koo, a n siɛ lɔn doo á gungunun sii kəni?

Luku 24:6

A ba kànaa wa. A yii kaa á n bɔ geren bii. A bɛ́ á màn mɛn pɛ ka nɛ, bɛ̀ a bɛ́ Galilee gána nɛ, ka n yiri gisĩ bɛ lɛ nɛ.

Luku 24:8

Lɔn lɛn yiri tɔ́n daa bɛa boon kɛn lɛn nɛ.

Korɛnti1 11:32

Sɛnɛ, Dɛnaa n kiri we wɔ ganaa, á n wɔ doree, ń giɛ dɔlɔ nyan wɔ kũ kun ka kanaa kɛ a minin ni wa.

Galaasi minin 6:9

Wɔ nyan nɔmaa ka sii bǐɛ̃ zɛnaa-n wa. A giala, bɛ̀ wɔ n gù basã wa, wɔ á re màn sonbore kuri, bɛ̀ a biikoo dɔ.

Timote1 1:20

Imenee laanka Alɛksandrə tá kunun ǹ ni. Má bɛn kɔ *Sɛtaan la, màn mɛn bɛ́ toɛ, ǹ dɔ̃, ǹ baran Lawa tɔ ziziɛ̃ wa.

Ebrəə 12:7

Ka ka doroo ǹ dɛ kɛ lɛ si ka ganaa, a giala, Lawa n ka kuĩ ka a nɛnyaanan bɛ́ lɔn. Sonbore, nɛ mɛn nɛ mà ǹ di na a ba dii a doroo wa?

Ebrəə 13:22

Dɔɔ̃nɔn lɛn, man ka nyankoe, ka doroo ǹ boon kɛn si ka ganaa. Kɛ din nə boo nɛ paa kooro lɛa ma á diɛ ka la.

Zaaki 1:12

Min mɛn bɛ́ nɔmaa sii a ganaa, bɛa dɛnaa wɔ á re bǐɛ̃ koe. A giala, bɛ̀ a bɔ a-n ka bǐɛ̃ nɛ, á re yiikoonaabaa yii. Min mɛnɛn bɛ́ Dɛnaa narɛ, a na á n lɛ kɔ, mà á die bɛ lɛ koe ǹ la.

Sii-nyaan 3:19

«Min mɛn bɛ́ kɔɔ̃n ma ganaa, man doree ka ma we ne. N gù kaa, n wusoo n sii baraan kio.