Ebrəə 12:3 - LAWA A BOO SONBORE

³ Sonbore, ka n taasɛ a din lɛ nɛ, màn mɛn bɛ́ toɛ, ka foo baran ziziɛ̃ ka gù gã wa. Á min baraan piãman si a ganaa.

LAWA A BOO SONBORE 2011

³ Sonbore, ka n taasɛ a din lɛ nɛ, màn mɛn bɛ́ toɛ, ka foo baran ziziɛ̃ ka gù gã wa. Á min baraan piãman si a ganaa.

Ebrəə 12:3 Iomraidhean Croise

Suusun 24:10

Bɛ̀ n yalaa foo ziziɛ̃ gole pinaa, ń pàã na a tɛ wa.

Izayii 50:4

Ma bɛ́ má kɔnbɔ ma boo mɛn da, ma pàãwɛɛnaa foo taã nɛ, Dɛnaa Lawa n ma darɛɛ bɛ ganaa. Baraabaraa baayɛlɛ, a n ma yii kiɛ, man too kɔ ka kialandɛnaa sonbore bɛ́ lɔn.

Matiə 11:19

Min a Nɛgiĩ dɔ na á daa, asɛ n màn bii, a n màn mii, minin man a gialaa pii: «Ka ga, giĩ kɛ-a, nàndɛnaa nɛ, a ba kiɛ̃ ka duvɛ̃ dɔ-n wa, wusuru-silin man a giaáran lɛa ka sii baraa-zɛnaali kɔsɔn dɔn nɛ!» Sii bǐɛ̃ mɛn nə yɛ wɔsɛn nya ǹ dín gɔ́ɔ̃ nɛ, bɛ lɛ n Lawa a yiridɛnaabaa nyɛɛ.

Matiə 12:24

Fariziɛ̃n bɛ́ ǹ nə́ bɛ ma, ǹ nə́ tɔ́n pɛ: «Giĩ kɛ n nɔ̀ɔnɔn lui ǹ boe minin ganaa ka nɔ̀ɔnɔn kiã *Sɛtaan pàã nɛ!»

Matiə 15:2

«Wɔsɛn digolon nə landa mɛn koa, wàa na á baa nsɛ a kialandɛnan ba bɛ tamaɛ wa? Ka a n gɔn pii ká landa bɛ́ pii lɔn, bɛ̀ ka tɔn màn bii wa.»

Matiə 21:23

Yezu bɛ́ á wɔ Lawa a kion, a n minin darɛɛ, Lawa a wúlu-bɔlen goledɛnan laanka Zuifun goledɛnan nə́ n zɔ̃ ǹ nə́ dɔ a li, ǹ nə́ nɔ̀n da la: «Ma n bɛa siin kɛn lɛn zɛnɛɛ ka wàa pàã nɛ? Die na á bɛa pàã lɛ kɔ n la?»

Matiə 21:46

Ǹ nə́ goã giɛ a kũ ǹ gɔn li, sɛnɛ, ǹ nə́ nyɛ́ɛ baa zaman nɛ, a giala minin man giɛ Yezu ganaa Lawa a boo gii-dali lɛa.

Matiə 22:15

*Fariziɛ̃n kɔnɔn nə́ woo kɔn yɛ màn mɛn bɛ́ toɛ, ǹ wo Yezu lɛ zulu, ǹ kũ ka a din lɛ gɔ́ɔ̃ ǹ boo ne.

Luku 14:1

*Susu ǹ pii kɔ́n pinaa, Yezu woo *Fariziɛ̃n goledɛnaa goon a piɛ, màn bii ǹ bǎã nɛ. Min mɛnɛn bɛ́ walan bɛn man nə́ goã giɛ a gɔn li.

Luku 15:2

*Fariziɛ̃n laanka landa sii-daraalin nə́ goã zùzùũ sii. Maǹ nə́ goã pii: Giĩ kɛ n lɛ koe sii baraa-zɛnaalin-a, a n màn dɔ din bii kunun ǹ ni.

Luku 16:14

*Fariziɛ̃n mɛnɛn bɛ́ wɔrɔ n kɔɔ̃nɛ ǹ ganaa, bɛn dɔn nə́ goã n too koe bɛa boo kɛ lɛ tumaa ganaa, bɛ̀ ǹ nə́ yaa we a ganaa.

Luku 2:34

Bɛ kio, Simiɔn ná a nyankɔ Lawa lon, mà á barka wɔ ǹ nɛ, á tɔ́n pɛ nɛ lɛ dan Mariya nɛ: «Lawa na á nɛ kɛ lɛ bɔ á dia, á n die Izirayeli min gigiã a mɛnaa a bɔ̀n baa ǹ gòã biɛ, a gigiã dɔ a yoo a kirisibaa ǹ gòã baa. Nɛ lɛ n die Lawa foo dí-nyaali biɛ, sɛnɛ, minin man die n piɛ̃ nɛ, ǹ boo baraa dɔ a ganaa.

Luku 5:21

Landa sii-daraalin laanka Fariziɛ̃n nə́ yoo ǹ nə́ sɛ̀ binbisin pii mà wàa dɛnaa n ka giĩ kɛ nɛ, a n sɔ koe Lawa-a kɛnɛn? Mà bɛ̀ á n bɔ Lawa dinsɔɔ̃ nɛ, mà die kɔsɔ n boe la a sii baraa toa minin manɛ?

Zaã a sɛ́wɔ 10:20

Ǹ gigiã na á goã pii mà mànan man a ganaa! Mà a boo yɔrɔ banban! Mà ǹsɛn nə n too kɔ a lon ǹ baa lɔn?

Zaã a sɛ́wɔ 18:22

Bɛa boon lɛn nə́ bɔ Yezu lɛ-n lɔn, garadi lɛ mɛn bɛ́ a genli, bɛ nə́ n gɔn tɔ a para-n, bɛ̀ á n pii ni mà a wúlu-bɔlen kiã lɛ si ǹ gɔn nə ke koɛ?

Zaã a sɛ́wɔ 5:16

A kũ bɛ lɛ ganaa, maǹ nə́ goã Yezu gialaa, a giala, a na á bɛa sii kɛ lɛ zɛnaa susu ǹ pii pinaa.

Zaã a sɛ́wɔ 7:12

Zaman lɛ bii, minin man nə́ goã kɔn liere koe parsiini a wɔ gɔn la. Ǹ tɛn na á goã pii mà min sonbore ne, ǹ tɛn dɔ mà Aba, mà a n minin yiri siɛ̃.

Zaã a sɛ́wɔ 8:13

Fariziɛ̃n nə́ tɔ́n pɛ nɛ mà a n siére biɛ a dinmaa wɔ gɔn la! Mà a bɛ́ boo mɛn diɛ, mà ǹsɛn ba sii taãn lɛa wa.

Zaã a sɛ́wɔ 8:52

Zuifun nə́ tɔ́n pɛ nɛ: «Sisia kəni, wɔ́ dɔ̃ wáa mànan manə n ganaa! Abrahamu gã, Lawa a boo gii-dalin dɔn nə́ gã, nsɛ dɔ nə́ n daa ń tá pii mà bɛ̀ min mɛn nə́ nsɛ a boo si, mà bɛa dɛnaa a giɛ̃ duduu wa.

Zaã a sɛ́wɔ 8:59

Bɛa boo lɛ taman yii, ǹ nə́ kɔlɔn goa mà maǹ Yezu dii ni. Sɛnɛ, á n duru á soo á n bɔ Lawa a kion.

Zaã a sɛ́wɔ 9:40

Fariziɛ̃n mɛnɛn bɛ́ kun ni, ǹ nə́ bɛa boo lɛ ma, bɛn nə́ tɔ́n pɛ: «Sii n kəni, wɔsɛn dɔn man yii tere-an lɛa kən le?»

Korɛnti1 15:58

A bɛ́ miɛ̃, ma dɔɔ̃nɔn lɛn, ka n doa sɔnbɔraanɛ, màn kɔ́n ná a boe la, a bìn da ka ganaa wa. Ka toa ka wo nyɛɛnɛ biikoo tumaa li, Dɛnaa a dí-nyɛɛ gɔ́ɔ̃ nɛ, a giala, ka á doɛ̃, mà ka bɛ́ dí mɛn nyɛɛ kun ka Dɛnaa nɛ, mà bɛa kooro lɛa wa.

Korɛnti2 4:1

Lawa din na á bǐɛ̃ kɔ ma ganaa, á bɛa dí kɛ koa ma li. Bɛ lɛ n toɛ ma gù a basɛ̃ wa.

Korɛnti2 4:16

Bɛ lɛ n toɛ, maa foo tãbaa a nyɛɛ pin kɔ́n-a wa. Haalɛ ta ma gɔ̀nɔn siĩ n ziziɛ̃ boɛboɛ woe, ma telenboen nə màn dii biɛ lɛawaa gogoonmaa li.

Galaasi minin 6:9

Wɔ nyan nɔmaa ka sii bǐɛ̃ zɛnaa-n wa. A giala, bɛ̀ wɔ n gù basã wa, wɔ á re màn sonbore kuri, bɛ̀ a biikoo dɔ.

Timəə dí-pɛn 20:3

A pɛ ǹ nɛ: «Izirayeli minin lɛn, ka n too kɔ! Ka á ke ká n yɔrɔ bɔ pelo, ka n die zia biɛ kaa zɔ́ɔn ganaa. Ka foo baran biɛ na wa, ka baran nyɛ́ɛ baa wa, ka nyin baran soo wa, ka gɔ̀nɔn baran bìn da ǹ nyɛɛn wa.

Tesaloniki2 3:13

Dɔɔ̃nɔn lɛn, kasɛn baran nɔmaa ka sii sonbore zɛnaa-n wa.

Ebrəə 12:2

Ka daa wɔ ga Yezu ganaa, a din nə golee Lawa li lɛ a giala-kɔle laanka a lɛ pã wole lɛa wɔ foo ne. Nyɛnyɛɛ mɛn bɛ́ koa-n nɛ, á n yii doa bɛ la, á gɛ̀ wɔ gɔn ganaa kɛ si a ganaa, a ga-a sìi lɛa wa. Bɛ kio, á giã gugurubaa ǹ bǎã nɛ Lawa a kii dankan gusin.

Ebrəə 12:5

Táa ka á n yiri koɛ ka doroo kɛ nɛ, Lawa n koe ka la ka a nɛnyaanan bɛ́ lɔn: «Maa nɛ, Dɛnaa bɛ́ n dii a nə́ n doree ke, n baran ga bɛ ganaa sii kiɛɛrɛ lɛa wa. Bɛ̀ a tá n zɛ̀rɛ biɛ, n foo baran ziziɛ̃ wa.

Ebrəə 3:1

Bɛ lɛ taman yii, ma dɔɔ̃nɔn lɛn, ka ǹ Lawa wɔn lɛa, a din na á ka dɔn bíi. Ka ga Yezu lɛ ganaa, Lawa min mɛn dia, á daa n baa wɔa goleemali lɛ a wúlu-bɔlen kiã lɛa, wɔ bɛ́ pii wáa wɔ́ lɛ kɔ goleemali mɛn ganaa ke lɛn.

Piɛrɛ1 2:23

Maǹ nə́ goã sɔ kiɛ la, a ba a dòo koe wa. A bɛ́ fuu yii ke, a boo baraa da min-a wa, sɛnɛ, a na á goã a din a sii toɛ Lawa kiri pepere wɔle kɛ gɔn.

Sii-nyaan 2:3

N tá n foo kuĩ, n fuu yɛ masɛ tɔ a lɛa, a n gù basã wa".

Samayeli1 12:24

Sii kɔsɔ banban, ka nyɛ́ɛ baa Dɛnaa Lawa yii ni, ka a guguru kɔ ka bɔlɔgoondɛnaabaa nɛ, ka ka foo din tumaa nɛ. A giala Dɛnaa Lawa sii dadaran mɛnɛn zɛnaa ka nɛ, ka ga bɛ-a dɛ!