Ebrəə 12:25 - LAWA A BOO SONBORE

²⁵ Ka n yiri kɔ ka dinin li, ka baran n piã mà ka a n too koe Lawa kɛ lon, boo diɛ ka-n wa. A giala, Izirayeli minin lɛn bɛ́ Sinayii kele li, ǹ nə n too kɔ ǹ gɔn waaman wole lɛ lon wa. Ǹ kirisibaa dɔlɔ lɛ ganaa wa. Sanparɛ ka wɔsɛn nɛ, bɛ̀ wɔ́ n piã wɔ n too kɔ lon a Lawa kɛ lon boo diɛ wɔ-n wa, wɔ dɔn ba kirisibiɛ dɔlɔ lɛ ganaa wa,

LAWA A BOO SONBORE 2011

²⁵ Ka n yiri kɔ ka dinin li, ka baran n piã mà ka a n too koe Lawa kɛ lon, boo diɛ ka-n wa. A giala, Izirayeli minin lɛn bɛ́ Sinayii kele li, ǹ nə n too kɔ ǹ gɔn waaman wole lɛ lon wa. Ǹ kirisibaa dɔlɔ lɛ ganaa wa. Sanparɛ ka wɔsɛn nɛ, bɛ̀ wɔ́ n piã wɔ n too kɔ lon a Lawa kɛ lon boo diɛ wɔ-n wa, wɔ dɔn ba kirisibiɛ dɔlɔ lɛ ganaa wa,

Ebrəə 12:25 Iomraidhean Croise

Kiin1 12:16

Izirayeli minin tumaa yɛ mà kii lɛ nə n too kɔ ǹsɛn lon wa. Zaman lɛ tɔ́n kii lɛ lɛ si kɛnɛn: «Wɔa wàa n kiɛ kun ka Davida nɛ? Wɔa sii kɔn ba kɔn wɔlɔ li ka Zesee a nɛgiĩ kɛ-n wa. Izirayeli minin, ka daa wɔ n ta piɛ! Kanna, Davida, n kion a sii yɔrɔ bɔ.» Bɛ kio, Izirayeli minin nə́ kiɛ̃ ǹ nə́ woo piɛ.

KZS2 7:19

Sɛnɛ bɛ̀ ka n piã ka masɛ nɛ, ma gɔn waa ǹ boon mɛnɛn laanka landa boon mɛnɛn kɔ ka la bɛ̀ ka ǹ tamaa wa, bɛ̀ ka woo dí nya guguru kɔ ǹ mànan kɔsɔn manɛ, bɛ̀ ka kaa tán bɛn giulun,

Bɔ bɛ̀rɛbaa nɛ 16:29

Ka ga a ganaa, Dɛnaa susu ǹ pii kɔ ka la, bɛ lɛ nɛ, lɛawaa sɔrɔbaa ǹ wɔ pinaa ke, a n lɛawaa paa màn-bii koe ka la. Didie giã a bǎã nɛ. Min kɔ́n baran soo a n bɔ a piɛ lɛawaa sɔbaabaa ǹ wɔ pinaa kɛ-n wa.»

Bɔ bɛ̀rɛbaa nɛ 20:22

Dɛnaa pɛ Muizu ni: – A pɛ Izirayeli nɛnyaanan lɛn man kɛnɛn: «Ka dinin nə́ yɛ, má n toa lon, má boo da ka nɛ.

Suusun 1:24

Man ka bíi we, ka lɛ n boe haayii diɛ. Ma nə n gɔn diɛ ka la, min kɔn ba diɛ sii li wa.

Suusun 1:32

Piã ka sii-doɛ̃ nɛ n bɔ̀n diɛ baãnaan ganaa. Foo doa din ganaa dɔ n gəngəə̃n wɔ ziziɛ̃.

Suusun 13:18

Min mɛnɛn bɛ́ n piɛ̃ ka doroo ne, doobaabaa laanka sìi n bɛn wɔ lɛa. Sɛnɛ, min mɛnɛn bɛ lɛ koe doroon ganaa, yii gugurubaa n bɛn wɔ lɛa.

Suusun 15:32

Min mɛn bɛ́ n piɛ̃ ka gɔn waa ma-n nɛ, a nə n din puusə koe. Sɛnɛ, min mɛn bɛ́ lɛ koe doroon ganaa, bɛa dɛnaa n sii-dɔ̃li biɛ.

Suusun 8:33

Ka n too kɔ maa gɔn waa ǹ boon li, ń giɛ ka á sii-dɔ̃lin biɛ. Ka nyan nə n piã ǹ nɛ wa.

Izayii 48:6

Ma boo mɛn da, ka too ma. Sii mɛn nə n zɛnaa, ka yii yɛ; Ka a re lɛ koe ǹ ganaa wa? «A kũ sisia ganaa, man sii soreen pii ka nɛ. Sii duriin manɛ, ka a ǹ doɛ̃ bɔrɔ wa.

Izayii 64:9

Minin ba n kiwi sonboren kɛn nɛ wa. *Siɔn nə diə gole baa, Zeruzalɛmu kɛbɔlɔ baa.

Zeremii 11:10

Maǹ nə́ timəə ǹ digolon siɛ̃n la, ǹ mɛnɛn lɛn nə n piã mà ǹ ba n too koe maa boon ganaa wa. Maǹ nə́ kɔ lawa kɔsɔn lɛ ǹ nə́ ǹ guguru kɔ. Izirayeli minin laanka Zudaa minin nə́ maa lɛ kɔ kɔn la kɛ ziziɛ̃ má doa kɔn ka ǹ digolon ne.

Ezekieli 5:6

Zeruzalɛmu minin lɛn nə́ n piã ka maa sii yɔrɔ bɔ ǹ boon ne, ǹ nə́ baraa kɔ ǹ nə́ la tɔrɔ kɔsɔn manɛ. Ǹ nə́ n piã ka maa landa boon ne, ǹ nə́ la gánan kɛn manɛ ǹ lɛnpɛnɛ. A giala, ǹ nə́ maa sii yɔrɔ bɔ ǹ boon lɛn tii, ǹ kɔ maa landa boon lɛn lɛ wa.»

Zakarii 7:11

Sɛnɛ, minin nə́ n piã ǹ nə n too kɔ wa. Ǹ nə́ n dɔ̀ɔ̃ wɔ, ǹ nə́ n toon tã màn mɛn bɛ́ toɛ ǹ nyan màn kɔn ma wa.

Minin nimi 32:15

Sonbore, bɛ̀ ka kanaa ka n bɔ Dɛnaa Lawa kio, a n die wusii a toa Izirayeli minin nə belebɔ diə gole lɛ nɛ. Bɛa yɔrɔ lɛ la, ka n die zaman kɛ lɛ tumaa bɔ̀n biɛ.

Matiə 17:5

A bɛ́ bɛa boo lɛ diɛ, labara tɛ-pɛle goon nə́ n kuməə ǹ ganaa. Boo-diɛ lɛ bɔ bɛa labara lɛ gɔ́ɔ̃ nɛ á pɛ: «Kɛ n maa Nɛgiĩ lɛa, ma á narɛ parsiini, ma din ni má bɔ. Ka n too kɔ a lon!»

Matiə 8:4

Bɛ kio, Yezu tɔ́n pɛ nɛ: «N too kɔ doɛ̃, n nyan toa n kɛ laakalaa min kɔ́n yii-n wa. Wo n din nya wúlu-bɔle ne, bɛ ga n ganaa bɔrɔ, bɛ kio, Lawa wúlu mɛn boo da Muizu ni, n bɛ lɛ bɔ n nyaa min din tumaa nɛ mà n busu nya.»

Nya ǹ dín 7:35

Muizu mɛn bɛ́ Izirayeli nɛnyaanan nə́ n piã nɛ, Lawa na á ná a lon a dia dí-a wole da daãn nɛ, a din lɛ bíi, mà a ǹ kii baa ka ǹ si sii la wole ne, ǹ nɔ̀n da min mɛn la lɛn mà «Die na á koa kii laanka kiri-wɔle lɛa?»

Timəə dí-pɛn 18:19

Maa boon mɛnɛn lɛn bɛ́, Lawa a boo gii-dali lɛ á re ǹ pii ka ma tɔ nɛ, bɛ̀ min mɛn nə n too kɔ bɛn li wa, ma á re a dɔlɔ boe bɛa dɛnaa ganaa.

Timəə dí-pɛn 30:17

Sɛnɛ, bɛ̀ kaa taasiɛ nə́ n bɔyaa, bɛ̀ ka n too kɔ wa, bɛ̀ ká toa minin nə́ ka kaa lawa kɔsɔn guguru kɔ ganaa, yǎa ka dí nya bɛn manɛ,

Timəə dí-pɛn 4:36

A din lɛ na á n toa lon, á boo da ka nɛ, á ka daraa. A ka toa tán, á ná a tɛ gole kɛ nyaa ka nɛ, ká a boon ma bɛa tɛ lɛ bii.

Tesaloniki1 5:15

Ka yiri bɔ, min kɔ́n baran sii baraa saraa ka sii baraa-n wa. Ka n doa ka sii bǐɛ̃ zɛnaa kɔn nɛ biikoo tumaa li, ka zɛnaa min tumaa dɔ nɛ.

Timote2 4:4

Ǹ tá re n too boe sonbore li, ǹ nə n too kɔ soɛ boon ganaa.

Ebrəə 1:1

Lɛlɛ, Lawa na á boo da wɔ digolon ne, gunyin damata ka yɔrɔ gigiã nɛ, ka a din a boo gii-dalin barka nɛ.

Ebrəə 11:7

Golee Lawa li na á toa, Nowee Lawa a gɔn waaman kɛ si parsii lɛa. Yii bɛ́ a tɔn sii mɛn yɛ wa, Lawa na á n gɔn waa-n ka bɛ nɛ. Á goo zɛnaa a ná a kion minin kirisibaa nɛ. Dɔlɔ nə́ n bɔ kanaa ganaa, sɛnɛ, Lawa ga Nowee ganaa min pepere lɛa, a goleemali a lɛa.

Ebrəə 12:19

ka lɛn gole dɔ nɛ, kaka ka bɛn wuu bɛ́ lɔn. Min mɛnɛn nə bɛ ma, bɛn ná a nyankɔ, mà ǹ ba n too koe boo lɛ ganaa, ǹ wo-n nyɛɛn wa.

Ebrəə 3:12

Dɔɔ̃nɔn lɛn, ka yiri bɔ ka dinin li, min kɔ́n baran yɛ ka bii a foo n baraa, yǎa golee Lawa li baã niɛ̃, a boe Lawa yiikoonaa kɛ ganaa wa.

Ebrəə 3:17

Lawa foo na á yoo dien li lɛ̀ pusi gɔ́ɔ̃ nɛ? Min mɛnɛn nə sii baraa zɛnaa, bɛn lɛn manɛ, min mɛnɛn nə mɛnaa ǹ nə́ gã don bii ke lɛn.

Ebrəə 8:5

Bɛn bɛ́ wúlu bɔ ǹ dí mɛn nyɛɛ ke, bɛ n lon gɔ́ɔ̃-n wɔ kɛ a kɔnboe lɛa, a nyín ni. Bɛ na á kɔnpɛ ka sii kɛ nɛ, á n zɛnaa Muizu ni. A bɛ́ re mɔnaa kion lɛ doe, Lawa na á pɛ nɛ: «Toa n sii lɛ tumaa zɛnaa, ká a yɔrɔ bɛ́ á n nyaa n nɛ lɔn kele lɛ la.»

Zozoe 22:15

Ǹ nə́ woo Urubɛn tɔrɔn laanka Gaadi tɔrɔn li ka Manaasee tɔrɔn kɛn talɛɛ nɛ Galaati gána nɛ. Ǹ nə́ pɛ ǹ nɛ:

Zozoe 22:16

«Dɛnaa Lawa a zaman tumaa na á wɔsɛn dia, mà wɔ da pɛ ka nɛ mà wàa mɛn bɔlɔ wurumudɛnan sii n ke, ká zɛnaa Izirayeli a Lawa nɛ. Mà wàa na á baa ka tá n niɛ n boe Dɛnaa Lawa ganaa pelo, ka n kiɛ̃ woe wúlu bɔ ǹ bǎã kɔsɔ doe, ka nə n piɛ̃ ka Dɛnaa Lawa nɛ?

Piɛrɛ1 1:22

Kasɛn mɛnɛn bɛ́ ka lɛ kɔ Lawa a sonbore boo kɛ ganaa, ka yoreen kɔ ka bɛ nɛ, sisia kəni, ka á boe la sonbore, ka ka dɔɔ̃nɔn narɛ. Ka kɔn narɛ taãn-taãn ka ka foo din tumaa nɛ.

Sii-nyaan 19:10

Má kaa tán lon a dia dí-a wole lɛ giulun, máa ma na a guguru koe. Sɛnɛ, á pɛ ma nɛ: «N nyan toa n bɛ zɛnaa wa! Lawa din sɔɔ̃ guguru kɔ. Masɛ dɔ n Lawa a dí-nyali lɛa ka n dɔ bɛ́ lɔn, ka n dɔɔ̃nɔn mɛnɛn bɛ́ Yezu boo taãn nyaa ǹ nɛ, a nə́ ǹ gɔn.» Yezu boo taãn mɛn nyaa, a din ni Yiri Fu nyaa Lawa a boo gii-dalin dɔn manɛ.

Sii-nyaan 22:9

Sɛnɛ, á pɛ ma nɛ: «N nyan toa n bɛ zɛnaa wa! Masɛ dɔ n Lawa a dí-nyali lɛa ka n dɔ bɛ́ lɔn, ka n dɔɔ̃n Lawa a boo gii-dalin bɛ́ lɔn, ka min mɛnɛn tumaa bɛ́ sɛ́wɔ kɛ a boo miɛ, ǹ ná a lɛ sii. Wɔ tumaa n goon, Lawa dinsɔɔ̃ guguru kɔ!»