Ebrəə 12:15 - LAWA A BOO SONBORE

¹⁵ Ka n yiri kɔ ka dinin li, min kɔ́n baran da ka bɔ Lawa a bǐɛ̃baa kɛ li wa, min kɔ́n baran n baa da kɔɔsɛ lɛa, a bɔ tán a yoo, a minin tumaa lɔlɔkɔn, a ǹ ziziɛ̃ wa.

LAWA A BOO SONBORE 2011

¹⁵ Ka n yiri kɔ ka dinin li, min kɔ́n baran da ka bɔ Lawa a bǐɛ̃baa kɛ li wa, min kɔ́n baran n baa da kɔɔsɛ lɛa, a bɔ tán a yoo, a minin tumaa lɔlɔkɔn, a ǹ ziziɛ̃ wa.

Ebrəə 12:15 Iomraidhean Croise

Kiin1 14:16

Zeroboamu sii baraan mɛnɛn zɛnaa, á Izirayeli minin dɔn kaa a zɛnaa ganaa, Dɛnaa Lawa n die n là boe Izirayeli minin ganaa bɛ lɛ taman yii.

Bɔ bɛ̀rɛbaa nɛ 32:21

Á tɔ́n nɔ̀n da Aarɔn la: «Zaman kɛ na á wàa zɛnaa n nɛ, ń lɛ kɔ ń sii baraa gole taãn-taãn da ǹ mìi ni?»

Suusun 4:23

Bɛ tumaa a kiɛ̃ kio, boo n foo la a giala yiikoonaabaa a bɔ ǹ bǎã nɛ.

Izayii 5:4

Má n parsii tumaa bɔ maa rezɛ̃ wuru kɛ taman yii, ma ba boe la ma kiɛ̃ kɛ la doɛ̃ doo wa. Má goã n yii diɛ rezɛ̃ nɛ sonbore la, sɛnɛ, rezɛ̃ da lɛ na á nɛ pipiã kɔ. Bɛ giala n ka wàa-n kəni?

Izayii 5:7

Dɛnaa Lawa Pàãyiidɛnaa a rezɛ̃ wuru n ka Izirayeli ni. Dan mɛnɛn nə goã kɔɔ̃nɛ a ganaa parsiini, bɛ n ka Zudaa a zaman nɛ. Dɛnaa Lawa nə n yii diɛ peperebaa la, sɛnɛ bǎã tumaa nɛ, peperebaabaã nɛ. A nə n yii diɛ sonborebaa la, sɛnɛ bǎã tumaa nɛ, sonborebaabaã nɛ.

Zeremii 2:21

Sɛnɛ, man má goã má n zumu, ka *rezɛ̃ da sonbore bɛ́ lɔn, ka da mɛn bɛ́, da tɔrɔ sonbore lɛa. A na á saa lɔn, n nə́ n bɔyaa, ń don gɔ́ɔ̃ da baa, n nɛ n bɔnɛɛ?

Luku 22:32

Sɛnɛ, masɛ Lawa nyankɔ n lɛa, màn mɛn bɛ́ toɛ, n golee Lawa li baran papaã wa. Bɛ̀ n wusoo ń daa masɛ ganaa ǹ mɛn waáraa, n dɔ n dɔɔ̃nɔn lɛ ǹ pàã yɛ.»

Korɛnti1 10:12

Bɛa yɔrɔ kɛ lɛ la kəni, min mɛn bɛ́ taasɛ mà asɛ n golee-n lon, bɛ nə n doa a nyan toa a bɔ a mɛnaa wa.

Korɛnti1 13:8

Kɔn-narɛɛ a papaɛ̃ duduu wa. Lawa a boo gii-dalibaa á re nyɛɛ, bɔlɔ soree pɛ á re nyɛɛ, màn-doɛ̃ á re nyɛɛ.

Korɛnti1 15:33

Ka nyan ka dinin yiri sã wa: «Koa-kun wole baraan man giã ǹ gɔn sonbore ziziɛ̃.»

Korɛnti1 5:6

Kaa din-koa kɛ lɛ a siĩn wa! Ka tumaa suusu kɛ ma mà yɔ bù boɛɛn nə toɛ buuru yia tumaa yoo.

Korɛnti2 13:5

Ka n dinin zɔɔ̃, ka n taasɛ ka ga a ganaa, bɛ̀ ka á goleemali gɔ́ɔ̃ nɛ. Ka á doɛ̃ mà Yezu Krita tá ka bii sɛn, ta mà lɔn? Yǎa tan, bɛ̀ ka a boe la ka a goleemali a siin zɛnɛɛ wa.

Korɛnti2 6:1

Ma bɛ́ dí nyɛɛ kun ka Lawa din ni, a bǐɛ̃ mɛn baa wɔ la, man ka nyankoe máa ka nyan toa, bɛ goã kooro wa.

Galaasi minin 2:13

Wɔ dɔɔ̃n Zuifun kɛn dɔn nə́ yoo, ǹ nə́ bɛa fɔ̃madinbaalɛ ǹ sii kɛ zɛnɛɛ ka Piɛrɛ wɔ bɛ́ lɔn. Haalɛ Barnabaasi dinmaa dɔ́ toa ǹ nə́ baã, ǹ nə́ da bɛa fɔ̃madinbaalɛ ǹ sii kɛ lɛ nɛ.

Galaasi minin 5:4

Táa ka n giɛ li, mà Lawa lɛ kɔ ka ganaa min peperen lɛa dí-pɛn taman yii! Haya, ka n ká n dinin na ka n bɔ Krita ganaa. Kaa wɔ gii ba Lawa a bǐɛ̃ kɛ-n doo wa.

Efɛɛzi minin 5:3

Ka bɛ́ Lawa a zaman minin lɛa, a kɔnboe ka yɔrɔ kɔ́n nɛ, kɔrɔbaa nɛ, gɔgɔrɛbaa nɛ, ka yii mu mi ni, bɛ kɔ́n boo ma ka bii dinin wa.

Timəə dí-pɛn 29:18

Bɛ̀ min mɛn dɔ́ bɛa liɛ ǹ boon lɛn ma, yǎa a taasɛ a din gɔ́ɔ̃ nɛ, mà asɛ wɔ na á bǐɛ̃ kɔ, á n pii: «Ma bɛ́ má n tã, má kɔ ma din a taasiɛ lɛ, maa sii tumaa á ke á bǐɛ̃ kɔ!» Sonbore, tán mɛn bɛ́ basiɛ̃ nɛ, mu boro a bɛ ganaa doo wa.

Timəə dí-pɛn 32:32

Wɔa zɔ́ɔn lɛn man ka Sodɔmu minin kɛn bɛ́ lɔn, maǹ ka Gomɔɔrɔ minin kɛn bɛ́ lɔn. Ǹ zɛnaa ǹ sii lɛ n ka sèwò bɛ́ lɔn, ǹ nya ǹ dí lɛ n kɔɔsɛ.

Timəə dí-pɛn 4:9

Sɛnɛ, ka n dinin kũ. Ka siin mɛnɛn yɛ ka yii ni, ka n yiri koa bɛn li taãn-taãnɛ, a ka yii toa koo, ka nyan toa ka yiri bɔ ǹ nɛ wa. Ka die ka kaa nɛnyaanan laanka kaa nɔ̀ɔnɔn daraa ǹ ganaa.

Kolɔɔsi minin 3:5

Dùũ siin mɛnɛn bɛ́ ka nɛ, ǹ nə́ kanaa dùũ siin lɛa, ka bɛn kaa ka lenlen. Bɛa dùũ siin lɛn nə́ ke: Kɔrɔbaa nɛ, ka gɔgɔrɛbaa nɛ, ka sii baraa zɛnaa a bɔlɔ-sɛ̀-mui ni, ka dùũ sii babaraa nɛ, ka yii miminibaa nɛ bɛ mɛn bɛ́ goon ka dì wúlu bɔ nɛ.

Tiitii 1:15

Min mɛnɛn bɛ́ *yoreen ne, màn tumaa n yoreen bɛn gɔn. Sɛnɛ, min mɛnɛn bɛ́ gɔgɔrɛ, ǹ nə́ ǹ ba lɛ koe goleemali dɔ ganaa wa, màn kɔ́n ba yoreen bɛn gɔn wa. A giala, mà gɔgɔrɛbaa nə́ ǹ yiri tã, á ǹ taasiɛ dɔ si.

Ebrəə 3:12

Dɔɔ̃nɔn lɛn, ka yiri bɔ ka dinin li, min kɔ́n baran yɛ ka bii a foo n baraa, yǎa golee Lawa li baã niɛ̃, a boe Lawa yiikoonaa kɛ ganaa wa.

Ebrəə 4:1

Lawa a lɛ-kɔ lɛ n wɔ dɔn wɔ lɛa, wɔ á re boe la, wɔ wɔ bɛa bǎã lɛ nɛ wɔ n susu. Ka daa wɔ n dinin kũ, màn mɛn bɛ́ toɛ, kaa min kɔ́n baran fɔ̃ bɛa susui kɛ lɛ li wa.

Ebrəə 4:11

Ka daa wɔ n doa wɔ wɔ bɛa susui kɛ nɛ, màn mɛn bɛ́ toɛ, lɛlɛdɛnan Lawa bɔlɔ tii kɛ miã baran wɔa min kɔ́n daa, a na a bɔ̀n baa wa.

Ebrəə 6:11

Sɛnɛ, wɔ bɛ́ giɛ màn mɛn li, bɛ ǹ ka kɛ nɛ, wáa ka gogoonmaa nə n doa, ka wo nyɛɛnɛ ka bɛa gù we yii kɛ lɛ nɛ, yǎa giala-nyɔmiɛ ganaa, màn mɛn bɛ́ toɛ, kaa foo-doa ǹ sii lɛ nə n zɛnaa.

Zozoe 6:18

Sɛnɛ, kasɛn kɛn nə n dinin kũ. Ka doamaa bɛ́ nɛ ka mànan mɛnɛn ziziɛ̃ lenlen, ka nyan toa ka yii bɔ bɛ kɔn li ka saa wa. Bɛ̀ ká bɛ mɛn saa, ka n ka koe bɔ Izirayeli zaman ganaa, ka sii dɛ ka kaa ǹ ganaa.

Piɛrɛ2 1:10

Bɛ lɛ nɛ, dɔɔ̃nɔn lɛn, Yezu Krita bɛ́ á ka bíi á ka yii gɔgɔɔ̃ ke, ka n doa ka n gù wen yii, ka kaa bíi-wɔ kɛ lɛ laanka kaa yii-gɔgɔɔ̃ kɛ lɛ tamaa. Bɛ̀ ka á bɛ zɛnɛɛ, ka a re mɛnɛɛ duduu wa.

Piɛrɛ2 2:18

Sonbore, maǹ din gole kɔ laanka baãnaabaa ǹ boon diɛ. Min mɛnɛn soo a bɔ min yiri siɛ̃ wolen bii bɛ́ a tɔn belebɔ wa, maǹ gɔn diɛ bɛn ganaa, ǹ tá ǹ kuĩ ka ǹ dinin naarɛbaa ǹ dùũ sii babaraan nɛ.

Piɛrɛ2 3:11

Ka bɛ́ doɛ̃, mà màn tumaa á re papaɛ̃ bɛa yɔrɔ kɛ lɛ la, ka doamaa nɛ ka n doa, ka tɔ sonbore wɔ, ka nyɛ́ɛ baa Lawa yii ni.

Piɛrɛ2 3:14

Bɛ lɛ nɛ, maa giaáran lɛn, ka bɛ́ n yii diɛ ke, ka n doa, màn mɛn bɛ́ toɛ, Dɛnaa lɛ da ka yaa ka bii n kɔɔ̃n kɔ ka a din ni, ka n *yoreen ne, zɛ̀rɛ ná a ba ka ganaa wa.

Zaã2 1:8

Ka n yiri kɔ ka dinin li, màn mɛn bɛ́ toɛ kaa tɛ̀fuu giɔ̀mɔ baran papaã wa, sɛnɛ, ka kaa saraa lɛ piɛ̃maa yɛ.