Ebrəə 12:14 - LAWA A BOO SONBORE

¹⁴ Ka n doa ka ga là nyantoro li ka bii ni, ka min din tumaa nɛ, ka *yoreenbaa nɛ. Bɛ̀ bɛ gòɛ̃ ba a-n wa, min kɔ́n ba Dɛnaa yii wa.

LAWA A BOO SONBORE 2011

¹⁴ Ka n doa ka ga là nyantoro li ka bii ni, ka min din tumaa nɛ, ka *yoreenbaa nɛ. Bɛ̀ bɛ gòɛ̃ ba a-n wa, min kɔ́n ba Dɛnaa yii wa.

Ebrəə 12:14 Iomraidhean Croise

Siin Giala 32:30

Zakɔba tɔ́n nɔ̀n da la: «Bǐɛ̃ kɔ, n nə n tɔ pɛ ma nɛ.» Mà Zakɔba ganaa: «Wàa na á baa, ń tá nɔ̀n diɛ ka ma tɔ nɛ?» A din bǎã lɛ nɛ, á lɛn bǐɛ̃ bíi Zakɔba li.

Zɔbu 19:26

Ma gɔ̀nɔn kɛa ziziɛ̃ kio, ma dinmaa n die Lawa yii.

Zɔbu 33:26

Bɛ̀ á Lawa nyankɔ, Lawa á re n yɔrɔ bǐɛ̃ diɛ la. Lawa á re wusii a na a peperebaa dɔ̃. Á re golee Lawa yɔrɔ-a ka nyɛnyɛɛ gole ne.

Loen 120:6

Là nyantoro bɛ́ a kɔɔ̃n min mɛnɛn ganaa wa, má giã bɛn li, má belebɔ á la yii ni.

Loen 133:1

Wo Zeruzalɛmu loe. Davida a loe. Ee! Dɔɔ̃nɔn koa-kun tá siĩni, á kɔɔ̃nɛ, á suusuu.

Loen 34:14

yǎa ǹ dɛnaa nə n lɛ kuĩ boo baraa diɛ ganaa, a n nyɛnɛɛ soɛ nɛ.

Loen 38:20

Maa zɔ́ɔn kɛn manə ǹ dinin lɛa bii-a, ǹ nə́ kaka. Min mɛnɛn bɛ́ ma biɛ zɔ́ɔ kooro, bɛn nə́ la yii ni.

Loen 94:15

Kiri we tá re pepere koe doo, gána lɛ gɔ́ɔ̃ nɛ, gɔ́ɔ̃ fudɛnan tumaa á re bɛ tamaɛ.

Suusun 15:1

Lɛ si ka bɔlɔ kɔɔ̃n nɛ n foo wɛɛ. Sɛnɛ, boo baraa n foo diɛ yoo ganaa.

Suusun 16:7

Bɛ̀ min a giã ǹ gɔn kaa Dɛnaa Lawa foo la, a n kiɛ kun ka a zɔ́ɔn dinin ni.

Suusun 17:14

Bɛ̀ n zia giala kɔ, ma nə n mu tii lɛ bũ. Zia lɛ laan bɛ̀ a n yui, n basã.

Izayii 51:1

Dɛnaa Lawa n kɛ pii: Ka n too kɔ ma lon, kasɛn mɛnɛn bɛ́ giɛ peperebaa li, ka n li mà ka Dɛnaa Lawa dɔ̃. Ka ga gɛ̀fu kɛ ganaa ǹ nə́ ka sɛlɛ a nɛ, ká yala kɛ nɛ ǹ nə́ ka bɔ a nɛ.

Marki 9:50

Yìsi n màn sonbore lɛa sɛn, sɛnɛ bɛ̀ yìsi a yìsibaa nya, maǹ die n biɛ lɔn ǹ tɔn baa yìsi lɛa doo? Ka miãn bii, ka toa kaa zɛnaa ǹ sii sonboren nə goã ka yìsi bɛ́ màn-bii li lɔn, ka koa kun ka yii-nyɛɛ nɛ.

Luku 1:75

mà asɛ á die zii nyɛɛ wɔ nɛ, wɔ tɔ wɔ peperebaa nɛ ka sonborebaa nɛ, wɔ dí nya a din ni wɔa yiikoonaabaa din tumaa gɔ́ɔ̃ nɛ.

Rɔmu minin 12:18

Bɛ̀ á boe la a n zɛnaa, bɛ̀ a bɔ ka dinin li wa, ka n doa là nyantoro goã ka bii ka min tumaa nɛ.

Rɔmu minin 14:19

Sii mɛn bɛ́ toɛ, wɔ goã là nyantoro la kun, wɔ n dɔ kɔn lɛ, wɔ pàã yɛ kun golee Lawa li gɔ́ɔ̃ nɛ, ka daa wɔ n doa wɔ ga bɛ li.

Rɔmu minin 6:22

Sɛnɛ sisia, Lawa ka si sii baraa la, á ka baa a din a bɛ̀rɛn lɛa. Ka bɛ́ dí mɛn nyɛɛ, bɛa là n ka yoreenbaa nɛ, a giala-nyɔmiɛ n ka nyin nyabaã nɛ.

Korɛnti1 1:10

Ma dɔɔ̃nɔn lɛn, man ka nyankoe, ka wɔa Dɛnaa Yezu Krita tɔ nɛ, máa ka kɔn ma, ka nyan toa tatala kɔn yɛ ka bii wa. Ka toa ka goã doa-n kɔn ka taasiɛ goon ne, ka yiri goon ne.

Korɛnti1 13:12

Sisia, wɔ yii n màn yii nuùnaà nɛ kooro ka damalon wɔ bɛ́ lɔn, sɛnɛ ǹ kɔ́n pinaa, wɔ á re goɛ̃ kɔn yɔrɔ-a dəndəənəə ne. Sisia maa màn-doɛ̃ lɛ lɛ a piɛ̃-n wa, sɛnɛ, ǹ kɔ́n pinaa maa màn-doɛ̃ lɛ lɛ á re piɛ̃ ka Lawa bɛ́ ma doɛ̃ lɔn.

Korɛnti2 6:17

Bɛ lɛ a lɛa nɛ, Dɛnaa pɛ: «Ka n bɔ ǹ li ka goã ka gɔrɔn, màn mɛn bɛ́ a yoreen ma, ka nyan wo bɛ wɔlɔ li wa, masɛ din tá re ka kuĩ doɛ̃.

Korɛnti2 7:1

Maa giaáran lɛn, bɛa lɛ-kɔ ǹ siin kɛn lɛn là á gole wɔ ganaa. Bɛ lɛ n toɛ, sii mɛn tumaa bɛ́ gɔ̀nɔn laanka telenboen gɔgɔrɛ koe, ka daa wɔ n bɔ bɛn wɔlɔ li, wɔ n dinin *yoreen kɔ lenlen. Ka daa wɔ nyɛ́ɛ baa Lawa yii ni.

Galaasi minin 3:21

Dí-pɛn lɛn man zia biɛ kɔn ka Lawa a lɛ-kɔ kɛ-n kəni? Haayii, ǹ ba zia biɛ kɔn wa! Sonbore, dí-pɛn nə́ n kɔ. Bɛ̀ pàã nə ǹ lon ǹ nə́ nyin nyabaã koe minbuiinin la, bɛ̀ min tá boe la, a pepere kɔ Lawa yɔrɔ-a ǹ pàã ganaa.

Efɛɛzi minin 5:5

Ka dɔ̃ taãnɛ, mà kɔrɔbaali ni, min gɔgɔrɛ nɛ, hinlaa yii mu-mili ni, mà bɛa minin kɛn kɔ́n gii ba Krita laanka *Lawa a kiibaa kɛ-n wa. Yii a mu mi màn li n goon ka dì guguru-kɔ nɛ.

Filipi minin 3:12

Ma bie pii máa má dɔ maa dí mìi ganaa, máa maa sii lɛ pã gɔrɔ wa koe. Sɛnɛ, man tɔn woe nyɛɛnɛ, ma nə n wen wɛɛ, máa yǎa ma lui ma kuĩ, a giala mà Yezu Krita ma dɔ kũ.

Tesaloniki1 3:13

A die a ka foo taã, màn mɛn bɛ́ toɛ, wɔa Dɛnaa Yezu a daa pinaa kun ka a wɔn nɛ, ka boo la ka golee Díi Lawa yɔrɔ-a *yoreen ne, kaa sii lɛ n piɛ̃ nɛ.

Tesaloniki1 4:7

Lawa bie á wɔ bíi gɔgɔrɛbaa taman yii wa, a na á wɔ bíi yoreenbaa taman yii.

Tesaloniki1 5:15

Ka yiri bɔ, min kɔ́n baran sii baraa saraa ka sii baraa-n wa. Ka n doa ka sii bǐɛ̃ zɛnaa kɔn nɛ biikoo tumaa li, ka zɛnaa min tumaa dɔ nɛ.

Timote1 6:11

Nsɛ mɛn bɛ́ Lawa a min lɛa, n nyanaa bɛa siin lɛn manɛ. Sɛnɛ, ga peperebaa li, ka nyɛ́ɛ baa Lawa n nɛ, ka golee Lawa li ni, ka kɔn-narɛɛ nɛ, ka sii simaa nɛ, ka sabarabaa nɛ.

Timote2 2:22

N bɔ tɔntɔraabaa ǹ foo sii babaraan wɔlɔ li. Min mɛnɛn bɛ́ Dɛnaa tɔ bíi ka gɔ́ɔ̃ fubaa nɛ, n doa n ga peperebaa laanka goleemali li kun ka bɛn nɛ, ka kɔn-narɛɛ laanka là nyantoro ne.

Ebrəə 12:10

Sonbore, wɔa gɔ̀nɔn siĩ a díin lɛn man nə́ wɔ dɛ, ǹ nə́ wɔ doroo, á kɔnpɛ ǹ dinin dùũ ni biikoo boɛɛn gɔ́ɔ̃ nɛ. Lawa lɛ sɛ n zɛnɛɛ wɔ dinin là a lɛa, á n die wɔ biɛ siĩni ka a din bɛ́ lɔn.

Ebrəə 9:28

Bɛa yɔrɔ kɛ lɛ dɔ la, Krita na á n din kɔ gunyin goon toto, màn mɛn bɛ́ toɛ, a min tumaa a sii baraan nya. A bɛ́ re wusii a daa doo ke, a bie re sii kɔ́n zɛnɛɛ sii baraa wɔ gɔn la doo wa. Min mɛnɛn bɛ́ n yii diɛ la kirisibaa a lɛa, a n die bɛn lɛa.

Piɛrɛ1 3:11

A n bɔ sii baraa zɛnaa wɔlɔ li, a sii bǐɛ̃ zɛnaa. A ga là nyantoro li, a baa si a kio.

Piɛrɛ1 3:13

Die n die boe la a baraa zɛnaa ka nɛ, bɛ̀ á daa yaa ka gù n kaa-n bǐɛ̃ zɛnaa li?

Piɛrɛ2 3:11

Ka bɛ́ doɛ̃, mà màn tumaa á re papaɛ̃ bɛa yɔrɔ kɛ lɛ la, ka doamaa nɛ ka n doa, ka tɔ sonbore wɔ, ka nyɛ́ɛ baa Lawa yii ni.

Piɛrɛ2 3:18

Sɛnɛ, wɔa Dɛnaa laanka wɔ Nyin-sili Yezu *Krita bɛ́ bǐɛ̃ mɛn zɛnɛɛ ka nɛ, ka toa ka wo nyɛɛn bɛ gɔ́ɔ̃ nɛ, ka wo nyɛɛnɛ a dinmaa doɛ̃ dɔ gɔ́ɔ̃ nɛ. Gugurubaa na a din wɔ lɛa kanna yǎa duduu. A n miɛ̃.

Zaã3 1:11

Maa giaára sonbore, sii mɛn bɛ́ baraa, n baran bɛ lɛn zɔɔ̃ wa, sɛnɛ sii mɛn bɛ́ siĩni, bɛ lɛn zɔɔ̃. Min mɛn bɛ́ sii bǐɛ̃ zɛnɛɛ, bɛa dɛnaa n Lawa wɔ lɛa; min mɛn bɛ́ sii baraa zɛnɛɛ, bɛa dɛnaa Lawa yɛ wa.

Sii yɔrɔ-bɔlen 11:14

Zɛftee wusoo á minin dia Amɔn tɔrɔn kii lɛ la,