Ebrəə 12:1 - LAWA A BOO SONBORE

¹ Bɛa siére zaman gole kɛ lɛ tá wɔ lɛnpɛnɛ, ǹ nə́ ǹ golee Lawa li sii nyɛɛ wɔ nɛ. Bɛ lɛ-n kəni, màn mɛn tumaa bɛ́ wɔa tɔ-wɔ sàabiɛ, ka daa wɔ n piã bɛ nɛ, ka sii baraa kɛ dɔ nɛ n pɛnɛ wɔ ganaa fufuu. Ka daa, baa si a kɔn daa mɛn nə n nyaa wɔ nɛ, wɔ bɛ si ka sii simaa nɛ.

LAWA A BOO SONBORE 2011

¹ Bɛa siére zaman gole kɛ lɛ tá wɔ lɛnpɛnɛ, ǹ nə́ ǹ golee Lawa li sii nyɛɛ wɔ nɛ. Bɛ lɛ-n kəni, màn mɛn tumaa bɛ́ wɔa tɔ-wɔ sàabiɛ, ka daa wɔ n piã bɛ nɛ, ka sii baraa kɛ dɔ nɛ n pɛnɛ wɔ ganaa fufuu. Ka daa, baa si a kɔn daa mɛn nə n nyaa wɔ nɛ, wɔ bɛ si ka sii simaa nɛ.

Ebrəə 12:1 Iomraidhean Croise

Zɔbu 8:10

Sɛnɛ, ǹsɛn tá re boo diɛ n nɛ, n doroo kɔ n la, ǹ tá re suusun kɛn boe ǹ taasiɛ nɛ ǹ pɛ n nɛ:

Loen 18:23

Má n yiri koa a dí-pɛn lɛn li, man piã ka a dùũ siin kɛn nɛ wa.

Izayii 60:8

Die n ka minin kɛn tumaa nɛ, yui ka labaran bɛ́ lɔn, piɛ̃ ka zɛrɛkatoan bɛ́ lɔn, woe n doe a kii ni?

Ezekieli 38:16

N tá re die maa zaman Izirayeli minin lɛn gialaa, n kɔ n lɛ ka labara bɛ́ lɔn. Bɛ n die n zɛnɛɛ biikoo giala nyɔmiɛ̃ waáraa. Ma á re nsɛ Gɔgu diɛ, n wo maa gána minin lɛn gialaa, màn mɛn bɛ́ toɛ, tɔrɔ kɔsɔn nə maa Lawabaa dɔ̃.

Ezekieli 38:9

«N din ni, n sɔraasin tumaa laanka tɔrɔ gigiã kɔsɔn mɛnɛn bɛ́ kunun n ni, ka die ka yoo ka piɛ̃ gole bɛ́ lɔn ka wo gána lɛ gialaa, ka wo kɔ lɛ ka labara wɔ bɛ́ lɔn.»

Matiə 10:22

Min din tumaa á die ka biɛ zɔ́ɔ masɛ tɔ taman yii. Sɛnɛ, bɛ̀ min mɛn si a ganaa yǎa a woo kaa a lɛ nyɔmiɛ̃ lɛ, Lawa á die bɛa dɛnaa kirisibiɛ.

Matiə 24:13

Sɛnɛ, bɛ̀ min mɛn si a ganaa yǎa a woo kaa a giala-nyɔmiɛ̃ lɛ, bɛa dɛnaa á die kirisibiɛ.

Marki 10:50

Bɛa bǎã-n gɔrɔ a ná a dɔnkɛ bɔ á zũ, á yoo bǎã goon ne, á woo Yezu li.

Luku 12:15

Á pɛ ǹ tumaa nɛ: «Ka n dinin kũ dɛ! Ka n parabaa ka ga màn li baraa nɛ. Min a yiikoonaabaa giala bie doa-n a gɔn màn-a wa, ta bɛa gɔn màn lɛ din na á mɔnaa lɔn.»

Luku 16:28

Mà asɛ dɔɔ̃n sooro tan. Mà a wo n gɔn waa ǹ nɛ, màn mɛn bɛ́ toɛ, ǹ dɔn baran da fuu yɛ ǹ bǎã kɛ-n wa.

Luku 21:34

Yezu mà ǹ ganaa: «Ka n dinin kũ! Kaa taasiɛn baran n doa zɔ́nɔn ganaa, ka yɔ mii baraa nɛ, ka kanaa a gɔ́ɔ̃ bii siin ni wa, màn mɛn bɛ́ toɛ, dɔlɔ bɔ pinaa kɛ lɛ baran da ka tɔwaa wa,

Zaã a sɛ́wɔ 3:32

a yii bɛ́ á sii mɛn yɛ, a too bɛ́ á boo mɛn mà, a n bɛ lɛ a siére biɛ, sɛnɛ, min kɔ́n ba lɛ koe a boo-a wa.

Zaã a sɛ́wɔ 4:39

Samarii min gigiã golee Yezu li bɛa lɔ lɛ a boon lɛn taman yii, a giala a na á pɛ mà asɛ sii mɛn tumaa zɛnaa, mà a ná a yii pɛ asɛ nɛ.

Zaã a sɛ́wɔ 4:44

A dinmaa na á pɛ sonbore mà Lawa a boo gii-dali yii a guguru koe a din a yɛ ǹ kiwi wa.

Rɔmu minin 12:12

Ka n nyɛnyɛɛ kaa foo-doa kɛ a lɛa. Ka n doa ka fuu si ka ganaa. Ka Lawa nyankɔ ka baran nɔmaa wa.

Rɔmu minin 2:7

A n die nyin nyabaã koe ǹ tɛnɛn la, min mɛnɛn bɛ́, ǹ nə́ n dinin kɔ sii bǐɛ̃ zɛnaa la biikoo tumaa waáraa, mà Lawa gugurubaa laanka tɔ sonbore kɔ ǹsɛn la, ǹ yii goã koo miɛ̃ yǎa duduu.

Korɛnti2 7:1

Maa giaáran lɛn, bɛa lɛ-kɔ ǹ siin kɛn lɛn là á gole wɔ ganaa. Bɛ lɛ n toɛ, sii mɛn tumaa bɛ́ gɔ̀nɔn laanka telenboen gɔgɔrɛ koe, ka daa wɔ n bɔ bɛn wɔlɔ li, wɔ n dinin *yoreen kɔ lenlen. Ka daa wɔ nyɛ́ɛ baa Lawa yii ni.

Galaasi minin 2:2

Lawa na á ma yii toɛ̃, á nyaa ma nɛ mà ma woo. Bɛ lɛ nɛ má woo. Ma bɛ́ má goã Boo Tii Kɔɔ̃n mɛn lakalɛɛ tɔrɔ kɔsɔn manɛ, má bɛ yɔrɔ pɛ ǹ nɛ. Nyɛɛnaandɛnan dininsɔɔ̃nɔn kɔn-yɛ goon bǎã dɔ nɛ, má a yɔrɔ pɛ. Ń giɛ ma dí mɛn nya lɛlɛ, ka sisia wɔ nɛ, bɛn baran goã kooro wa.

Galaasi minin 5:7

Ka a giala kɔ doɛ̃ sɔnbɔraanɛ! Sɛnɛ, die na á ka kurəə mà ka nyan sonbore boo lɛ si doo wa?

Efɛɛzi minin 4:25

Bɛ lɛ a lɛa, ka soɛ-bɔ toa walan. Didie sonbore pɛ ǹ miã nɛ, a giala mà wɔ tumaa n gɔ̀nɔn goon a gùn lɛa.

Filipi minin 1:30

Sisia kəni, ka n gii wɔ ziabaa kɛ-n kun ka ma nɛ. Bɛa ziabaa kɛ n goon, ka ka bɛ́ ká ma yɛ biɛ lɔn lɛlɛ, man tɔn biɛ miɛ̃, ka ka bɛ́ doɛ̃ lɔn.

Filipi minin 2:16

ka yiikoonaabaa kɔ ǹ boo kɛ nyaa ǹ nɛ. Bɛ̀ ka á zɛnɛɛ miɛ̃, ma foo á re kɔɔ̃n koe ka ka nɛ, Krita a lɛawaa kɛ a pinaa; bɛ á re nyɛɛ, mà maa wen waa tumaa nɛ, ka maa dí nyɛɛ tumaa nɛ, mà ǹ goã kooro wa.

Timote2 2:4

Bɛ̀ min tá woe sɔraasibaa ǹ bǎã nɛ, bɛ̀ a tá li a sii kɔɔ̃n kɔ a goledɛnaa ganaa, a ba n taasɛ kanaa kɛ a siin ni wa.

Timote2 4:7

Má n doa má yɔ bɔ sɔnbɔraanɛ. Má dɔ maa baa lɛ dan ganaa. Má bɔlɔgoondɛnaa baa.

Ebrəə 6:15

Abrahamu bɛ́ á n foo kũ, á sii si a ganaa, á yɛ Lawa ná a lɛ-kɔ ǹ sii lɛ zɛnaa, a ná a lɛ pã.

Zaaki 1:3

A giala, ka á doɛ̃, bɛ̀ kaa golee Lawa li nə́ n si nɔmaa la, bɛ lɛ n die ka sii simaa nɛ.

Piɛrɛ1 2:1

Haya, ka baraabaa tɔrɔ tumaa kaa, ka soɛ tɔrɔ tumaa nɛ, ká bɔlɔ paa pɛ tɔrɔ tumaa nɛ. Ka foo wuu pɛ kaa, ká kɔn tɔ ziziɛ̃ nɛ.

Piɛrɛ1 4:2

Biikoo gialakun mɛn bɛ́ ka gɔn, ka n die zɛnɛɛ kanaa, ka baran bɛ zɛnaa doo a kɔnpɛ ka minbuiinin dùũ sii babaraan kɛn nɛ wa, sɛnɛ, ka zɛnaa a kɔnpɛ ka Lawa dùũ ni.

Piɛrɛ1 5:1

Min mɛnɛn bɛ́ ka bii, ǹ nə́ Lawa a sɔmɔ lɛ a minin nyɛɛnaandɛnan lɛa, man kɔn ka bɛn nɛ sisia. Ma dɔ dinmaa lɛ n nyɛɛnaandɛnaa lɛa. *Krita fuun mɛnɛn yɛ, ma bɛn yɛ ma yii ni, ma nə ǹ siére lɛa. Krita lɛ bɛ́ re die ǹ mɛn pinaa, ma á re maa wɔ gii yii a gugurubaa kɛ nɛ. Ma á màn mɛn nyankoe bɛa nyɛɛnaandɛnan lɛn lon, bɛ n ka kɛ nɛ:

Piɛrɛ1 5:12

Boo nɛ paa ke má n die diɛ ka la, Silaasi na á n dɔ ma lɛ, á ǹ kiɛ̃, Silaasi mɛn bɛ́, man kuĩ ma dɔɔ̃n Lawa-nyankɔle bɔlɔgoondɛnaa lɛa. Man sɛ́wɔ kɛ diɛ ma á ka foo taɛ̃. Man maa siérebaa ǹ boo kɛ pii ka nɛ, máa Lawa a bǐɛ̃baa kɛ n sonbore lɛa, máa ka goã bɛ lɛ gɔ́ɔ̃ nɛ.

Piɛrɛ2 1:6

Ka n doa dɔn ka boo ma din la naa doɛ̃ ganaa, ka sii simaa naa boo ma din la ganaa, ka tɔn nyɛ́ɛ baa Lawa-n naa sii simaa kɛ ganaa.

Sii-nyaan 1:9

Masɛ Zaã, man ka dɔɔ̃n lɛa, man kun ka nɛ kaa fuun gɔ́ɔ̃ nɛ, ma nə́ n yii diɛ *Lawa a kiibaa kɛ a daa la, ma nə foo kuĩ, a giala man doa kɔn Yezu ni kun ka nɛ. Man gùli lɛa Patmɔsi gána nɛ, mu nə ǹ mɛn lɛ da bii, a giala mà man Lawa a boo diɛ, ka taãn pɛ kɛ nɛ Yezu nyaa ma nɛ.

Sii-nyaan 13:10

Min mɛnɛn doamaa bɛ́ nɛ ǹ bɛ̀rɛn baa, bɛn tá re woe bɛ̀rɛbaa ǹ bǎã nɛ. Gɔya gɛ̀ doamaa bɛ́ nɛ a min mɛnɛn dɛ, bɛn tá re gɔya gɛ̀ we. Bɛ lɛ a lɛa nɛ, kasɛn mɛnɛn bɛ́ tɔn Lawa a minin lɛa, ka doamaa-n ka n foo kũ, ka sii si ka ganaa.

Sii-nyaan 22:16

Ma din Yezu má lon a dia dí-a wole dia máa a da bɛ lɛ tumaa pɛ Lawa a sɔmɔn minin manɛ. Masɛ n Davida tɔrɔ lɛa, ma ń baayɛlɛ a leere tɛ-pɛle lɛa.

Sii-nyaan 3:10

A giala n nə́ n foo kũ, ń maa boo kɛ kũ doɛ̃. Bɛ lɛ nɛ, koe bɛ́ re boe kanaa tumaa ganaa biikoo mɛn li, a n fuu nyɛɛ ǹ nɛ, bɛa biikoo li, ma dɔ á re n lɛduĩ.