Ebrəə 11:9 - LAWA A BOO SONBORE

⁹ Golee Lawa li na á toa, Lawa nə n lɛ kɔ la ka gána mɛn nɛ, á giã bɛ nɛ ka tii bɛ́ lɔn. Abrahamu giã mɔnaa kionən ne, kun Izaaki ni ka Zakɔba nɛ, Lawa a lɛ-kɔ ǹ sii goon kɛ lɛ bɛ́ bɛn mɛnɛn dɔn wɔ lɛa.

LAWA A BOO SONBORE 2011

⁹ Golee Lawa li na á toa, Lawa nə n lɛ kɔ la ka gána mɛn nɛ, á giã bɛ nɛ ka tii bɛ́ lɔn. Abrahamu giã mɔnaa kionən ne, kun Izaaki ni ka Zakɔba nɛ, Lawa a lɛ-kɔ ǹ sii goon kɛ lɛ bɛ́ bɛn mɛnɛn dɔn wɔ lɛa.

Ebrəə 11:9 Iomraidhean Croise

Siin Giala 12:8

Á yoo walan á woo kelen bǎã nɛ Betɛli a lɛ̀giala gɔn la. Á Betɛli toa lɛ̀nyɛɛn gɔn la, á Ayii toa lɛ̀giala gɔn la, a ná a zìã dɔ bɛn bii ni. Á wusoo á wúlu bɔ ǹ bǎã kɔsɔ dɔ Dɛnaa wɔ lɛa walan doo, a ná a nyankɔ, a n bíi ka a tɔ nɛ.

Siin Giala 13:18

Abramu yoo ka a zìãn nɛ, á daa giã Manbre a dan gòã li, kunu Ebrɔn ganaa. Á wúlu bɔ ǹ bǎã dɔ walan Dɛnaa wɔ lɛa.

Siin Giala 13:3

Á n toa gusin a lɛ̀gɔn la, á woo miɛ̃ boɛboɛ yǎa Betɛli. A na a zìã lɛ dɔ bǎã mɛn nɛ lɛlɛ, Betɛli laanka Ayii bii ni, á woo yǎa walan.

Siin Giala 17:8

N bɛ́ gùli lɛa Kanaan gána mɛn nɛ, ma á re bɛa gána lɛ tumaa koe n laanka n tɔrɔn la, a ǹ wɔ baa yǎa duduu. Masɛ á re goɛ̃ ǹ Lawa lɛa.»

Siin Giala 18:6

Abrahamu nə́ n bɔyaa fufuu á woo zìã nɛ, á pɛ Saaraa nɛ: «Haya! N nanaa n wùsu nɔnɔɔ bɔ, wùsu mɛn bɛ́ boe la a wù nɛ diɛ sɔɔ bɔ, ń yia, ń màn-bii zɛnaa nɛ.»

Siin Giala 18:9

Ǹ nə́ nɔ̀n da la: «N lɔ Saaraa lɛ n maa?» Abrahamu nə́ ǹ lɛ si kɛnɛn: «A tá zìã-n kànaa.»

Siin Giala 21:34

Abrahamu giã Filisiti minin gána lɛ nɛ, á belebɔ walan.

Siin Giala 23:4

«Man ka li ka gùli bɛ́ lɔn, tii lɛa kun ka nɛ. Ka gere bĩ ǹ bǎã kɔ masɛ la, bɛ maa wɔ baa, màn mɛn bɛ́ toɛ, ma maa lɔ lɛ gere bĩ a nɛ.»

Siin Giala 25:27

Nɛgininin lɛn nə́ gole kɔ. Ezawu na á goã don-baali gole lɛa, n bibiĩ don parsiini. Zakɔba na á goã nɛnyaan tɛrɛɛn lɛa, giã zìã-n goã kɔɔ̃n a ganaa.

Siin Giala 28:4

Lawa barka mɛn wɔ Abrahamu ni, a die a bɛ lɛ miã wɔ n dɔ laanka n tɔrɔn nɛ. Lawa gána mɛn kɔ Abrahamu la, a bɛ́ gùli lɛa gána mɛn lɛ nɛ, Lawa die a toa a n wɔ baa.»

Siin Giala 31:25

Laban Zakɔba loo á dɔ a ganaa. Á woo yaa bɛ̀ a ná a mɔnaa kion doa Galaati kelen la. Laban laanka ǹ dɔɔ̃nɔn lɛn dɔn nə́ ǹ wɔn doa walan.

Siin Giala 35:27

Zakɔba woo ǹ di Izaaki li Manbre kunu Kiriyati-Arabaa kiwi ganaa, ǹ nə́ bíi Ebrɔn sisia. Abrahamu laanka Izaaki giã walan lɛlɛ.

Siin Giala 36:7

A giala, mà ǹ gɔn màn lɛ mɔnaa á la yii ni, ǹ ba boe la ǹ giã kɔn li wa. Ǹ goã giã-n bǎã mɛn nɛ, bɛa tɛ á n boe la, á ǹ tumaa a tɔɔn màn bii ǹ bǎã boe wa.

Siin Giala 47:9

Zakɔba ná a lɛ si: «Ma lɛ̀ paabiɛ ka pɔsɔɔ (130) n ke bibiə̃ la! Lɛ̀ gigiã bie ma zɛnaa wa, má fuu dɔ́ yɛ ǹ gɔ́ɔ̃ nɛ. Ma digolon nə biikoo mɛn zɛnaa gùlibaa gɔ́ɔ̃ nɛ, maa wɔ dɔ bɛn wɔ li wa.»

Loen 105:12

Bɛa biikoo li, bɛ̀ ǹ ba gigiã wa. Maǹ nə́ goã tii kuru boɛɛn kooro lɛa gána lɛ gɔ́ɔ̃ nɛ.

Zeremii 35:7

Ka nyan kion dɔ wa, ka nyan tán kɔsɔ wa. Ka nyan *rezɛ̃ da zumu wa, bɛ kɔn nyan goã ka lon wa. Sɛnɛ, ka ǹ die giɛ̃ zìã kionən ne miɛ̃ duduu. Ka bɛ-n kəni, ka á re nyin sasa yii gána kɛ nɛ, ka bɛ́ tiibaa nɛ ǹ mɛn lɛ nɛ pelo.

Ebrəə 6:17

Bɛa yɔrɔ kɛ lɛ la, Lawa na á goã giɛ li a nyaa foaãnɛ, a lɛ-kɔ ǹ bǐɛ̃ kɛ lɛ a yɛlen ne, mà asɛ ba n lɛ boe doo wa. Bɛ lɛ nɛ, á liɛ da lɛ-kɔ lɛ li.