Ebrəə 11:32 - LAWA A BOO SONBORE

³² Man die pii mà wàa doo kəni? Biikoo ba re yii ma lon ma boo da ma a yii gɔsɛ Zediɔ̃ wɔ gɔn la wa, ka Baraaki ni, Sansɔn nɛ, Zɛfte ne, Davida nɛ, Samayeli ni ka Lawa a boo gii-dalin kɛn nɛ.

LAWA A BOO SONBORE 2011

³² Man die pii mà wàa doo kəni? Biikoo ba re yii ma lon ma boo da ma a yii gɔsɛ Zediɔ̃ wɔ gɔn la wa, ka Baraaki ni, Sansɔn nɛ, Zɛfte ne, Davida nɛ, Samayeli ni ka Lawa a boo gii-dalin kɛn nɛ.

Ebrəə 11:32 Iomraidhean Croise

Loen 99:6

Muizu laanka Aarɔn nə kun a wúlu-bɔlen ne. Samayeli sɛ n kun a tɔ-bíilin ni. Bɛn man nə́ goã Dɛnaa Lawa lɛ tɔ bíi, á goã ǹ lɛ dɔ sii.

Zeremii 15:1

Dɛnaa Lawa pɛ ma nɛ: – Ta Muizu laanka Samayeli din nə́ n gii wɔ boo kɛ nɛ masɛ li, ma a re n yɔrɔ diɛ zaman lɛ la wa. Ǹ loo n nə ǹ bɔ ma yɔrɔ-a ǹ wo sɔsɔɔ.

Matiə 5:12

Ka n nyɛnyɛɛ, ka foo goã kɔɔ̃nɛ, a giala, saraa gole tá ka duĩ lon, Lawa a piɛ. Lawa a boo gii-dalin mɛnɛn nə da ka nyɛɛnɛ, minin man nə́ bɛn dɔn nɔmaa miɛ̃.

Luku 13:28

Wuu-pɛ laanka sɔ kerebɔ á re yii, biikoo mɛn waáraa bɛ̀ ǹ nə́ wɔ digolo Abrahamu yɛ, ka Izaaki ni ka Zakɔba nɛ, ka Lawa a boo gii-dalin kɛn tumaa nɛ, bɛn nə́ Lawa a kiibaa ǹ bǎã kɛ nɛ, ǹsɛn nə́ zuĩ-n kanaa.

Luku 16:31

Sɛnɛ, Abrahamu mà Lawa landa siin mɛnɛn kɔ Muizu la, ka a boon mɛnɛn dɔn kɔ a din a boo gii-dalin la, mà bɛ̀ ǹ nə n too kɔ bɛn-a wa, mà ta min yii na á kaa á bɔ geren bii á woo boo da ǹ nɛ, mà ǹ ba re wɛɛ ǹ dɛnaa a boo la wa.

Zaã a sɛ́wɔ 21:25

Yezu sii gigiã kɔsɔn dɔn zɛnaa. Bɛ̀ a gogoonmaa tumaa na á n kiɛ̃, ǹ bɛ́ re n kiɛ̃ sɛ́wɔn mɛnɛn nɛ, ma á taasɛ ǹ ba boe la ǹ wɔ kanaa kɛ gɔ́ɔ̃-n wa.

Nya ǹ dín 10:43

Lawa a boo gii-dalin lɛn tumaa na á goã boo kɛ pii a din lɛ wɔ gɔn la, mà min woo min golee li, mà Lawa n die bɛa dɛnaa a sii baraan toɛ nɛ ka a din lɛ tɔ pàã nɛ.»

Nya ǹ dín 13:20

Bɛa sii kɛ lɛ din tumaa na á n zɛnaa, lɛ̀ biɛsii ka posooro (450) miã gɔ́ɔ̃ nɛ. Bɛ kio, Lawa kiri-kurulin koa ǹ mìi la, yǎa á woo dɔ a din a boo gii-dali Samayeli ganaa.

Nya ǹ dín 3:24

Piɛrɛ pɛ: «Lawa a boo gii-dalin lɛn, a kũ Samayeli ganaa, a wo a kiodɛnan yaa, ǹ tumaa boo da pelo a biikoo kɛ lɛ a siin lɛn zɛnaa wɔ gɔn la.

Rɔmu minin 3:5

Sɛnɛ, bɛ̀ wɔa bɔlɔgoonbaãdɛnaabaa tá Lawa a bɔlɔgoondɛnaabaa nyɛɛ, wɔa bɔlɔgoonbaãdɛnaabaa lɛ sɛ a soɛ wa? Á siĩn doo Lawa dɔlɔ bɔ wɔ ganaa bɛa lɛa? Bɛ a kɔkɔrɔ wa? Man bɛa nɔ̀n-diɛ kɛ we á kɔnpii minbuiinin taasiɛ nɛ.

Rɔmu minin 4:1

Wɔ n die pii mà wàa kəni, wɔ digolo Abrahamu wɔ paǹ li? A na á wàa yɛ a minbuiin nɛbaa gɔ́ɔ̃ nɛ?

Rɔmu minin 6:1

Wɔ n die pii mà wàa kəni? Wɔ n die sii baraa zɛnɛɛ wɔ wo-n nyɛɛnɛ, màn mɛn bɛ́ toɛ, Lawa a bǐɛ̃baa mɔnaa?

Rɔmu minin 7:7

Wɔ ǹ die pii mà wàa kəni? Mà dí-pɛn man màn baraa lɛa? Haayii dɛ! Sɛnɛ, wɔ ǹ wɔ́ sii baraa dɔ̃ dí-pɛn barka nɛ. Bɛ̀ dí-pɛn bie ǹ nə́ pɛ mà «n yii baran bɔ min kɔsɔ gɔn màn kɔn li wa», bɛ̀ wɔ a yii bɔ min kɔsɔ gɔn màn li doɛ̃ sii baraa lɛa wa.

Zaaki 5:10

Ma dɔɔ̃nɔn lɛn, Lawa a boo gii-dalin mɛnɛn nə boo da ka Dɛnaa tɔ nɛ, ka dɔn nə nɔmaa si ka ganaa ka bɛn lɛn wɔ bɛ́ lɔn.

Piɛrɛ2 1:21

A giala, Lawa a boo gii kɛ lɛ kɔ́n bie boe minbuiin nɛ dùũ-n wa. Sɛnɛ, Yiri Fu na á minin nyɛɛnaan bɔ, ǹ nə́ Lawa wɔ gii lɛ da.

Piɛrɛ2 3:2

Man giɛ li, ka n yiri gisĩ boon kɛn nɛ, Lawa a boo gii-dali sonboren kɛn nə́ ǹ pɛ lɛlɛ, ka Dɛnaa Minin Nyin-sili a dí-pɛ kɛ nɛ, dia dí-a wolen nə́ ka daraa a ganaa.

Sii yɔrɔ-bɔlen 13:24

Lɔ lɛ nɛ yɛ, a ná a tɔ kɔ Sansɔn. Nɛginin lɛ gole kɔ, Dɛnaa Lawa barka da a ganaa.

Sii yɔrɔ-bɔlen 15:20

Sansɔn Izirayeli minin lɛn sii yɔrɔ bɔ Filisiti minin wasa lɛ nɛ, lɛ̀ fuə gɔ́ɔ̃ nɛ.

Sii yɔrɔ-bɔlen 4:1

Ewuudu a gɛ̀ kio, sii mɛn bɛ́ baraa Dɛnaa Lawa yii li, Izirayeli minin lɛn nə́ wusoo doo, ǹ nə́ bɛ zɛnaa.

Sii yɔrɔ-bɔlen 6:1

Sii mɛn bɛ́ baraa Dɛnaa Lawa yii li, Izirayeli minin lɛn nə́ bɛ zɛnaa. Bɛ lɛ nɛ, Dɛnaa Lawa tɔ́n nə ǹ kɔ Madiã minin la, lɛ̀ sɔbaa gɔ́ɔ̃ nɛ.

Sii yɔrɔ-bɔlen 6:11

Dɛnaa Lawa a lon a dia dí-a wole lɛ daa Ofra kiwi, á giã tán da goon giulun, Zoasi a wuru-n. Zoasi lɛ n Abiezɛɛrɛ a tanlɛ min lɛa. A nɛgiĩ Zediɔ̃ na á goã *belee duwii rezɛ̃ mu bɔ ǹ yala kɛ nɛ, màn mɛn bɛ́ toɛ, Madiã minin kɛn baran yɛ wa.

Sii yɔrɔ-bɔlen 6:14

Dɛnaa Lawa nə́ n yɔrɔ bɔyaa á dia la á pɛ nɛ: Pàã kɛ lɛ n lon, wo ka bɛ lɛ nɛ, n Izirayeli minin lɛn si Madiã minin lɛn la. Woo, masɛ din nə n diɛ.

Samayeli1 1:20

Biikoo kɔn daa á dɔ, Anɛɛ min gugurubaa á nɛgiĩ yɛ a ná a tɔ kɔ Samayeli, bɛ giala, mà asɛ ná a nyankɔ Dɛnaa Lawa Lon.

Samayeli1 12:11

Dɛnaa Lawa na á tɔ́n Zerubaali dia, Bedan nɛ, ka Zɛftee ka masɛ Samayeli ni. Kaa zɔ́ɔn mɛnɛn bɛ́ ǹ nə́ ka da bii, á ka si bɛn la á ka kaa. Ká giã gána lɛ nɛ, ka yii-nyɛɛ nɛ.

Samayeli1 16:1

Dɛnaa Lawa pɛ Samayeli ni: «Ma n die gɛ̀ wuu pii Sayulu a lɛa n belebɔ nɛ? A da yia, masɛ dinmaa lɛ Sayulu tii, a ba Izirayeli a kii lɛa doo wa. N nyɔɔ kaa ǹ bɛn lɛ pã ka nyɔɔ nɛ, n yoo n zii saa. Zesee mɛn nə́ ke Bɛtlehɛmu min lɛa, ma nə n diɛ bɛ li. A giala, ma doamaa bɛ́ ka kii mɛn nɛ, má bɛ yɛ Zesee a nɛgiĩn bii.»

Samayeli1 16:13

Samayeli nyɔɔ lɛ saa màn bɛn lɛ nɛ á lɔ a ganaa ǹ golon lɛn yɔrɔ-a. Dɛnaa Lawa yiri gisĩ Davida la. A kũ bɛa pinaa kɛ lɛ ganaa, a na á goã Davida la miɛ̃. Bɛ kio, Samayeli zii saa á woo Ramaa.

Samayeli1 17:45

Davida pɛ Filisiti min lɛ nɛ: «Ma n die masɛ ganaa ka gɔya sa laanka sɛmiɛ̃n nɛ, sɛnɛ, masɛ n die n ganaa ka Dɛnaa Lawa Pàãyiidɛnaa tɔ nɛ. Ma nə n sɔ kɔ a din lɛ ganaa, Izirayeli minin Lawa lɛ.

Samayeli1 2:11

Ɛlkaana nə́ n bɔyaa á woo piɛ Ramaa. Nɛ lɛ sɛ goã dí nyɛɛ Dɛnaa Lawa nɛ, Lawa a wúlu-bɔle Yiili giulun.

Samayeli1 2:18

Samayeli sɛ na á goã dí nyɛɛ Dɛnaa Lawa yɔrɔ-a. A bɛ́ nɛnyaan lɛa, dí nya ǹ mɔnaa yii nɔnɔɔ sonbore na á goã a ganaa.

Samayeli1 2:4

Pàãdɛnan sa yiɛ. Pàãwɛnaan nə́ pàã yɛ.