Ebrəə 11:27 - LAWA A BOO SONBORE

²⁷ Golee Lawa li na á toa, á soo Ezipti gána nɛ, a ná a nyɛ́ɛ baa kii a foo-yoo kɛ-n wa. Á n foo kaka kɔ, ka n pɛ mà yii bɛ́ a Lawa mɛn yii wa, mà asɛ yii n bɛ ganaa.

LAWA A BOO SONBORE 2011

²⁷ Golee Lawa li na á toa, á soo Ezipti gána nɛ, a ná a nyɛ́ɛ baa kii a foo-yoo kɛ-n wa. Á n foo kaka kɔ, ka n pɛ mà yii bɛ́ a Lawa mɛn yii wa, mà asɛ yii n bɛ ganaa.

Ebrəə 11:27 Iomraidhean Croise

Loen 16:8

Man Dɛnaa Lawa koɛ ma yɔrɔ-a biikoo tumaa li. A din bɛ́ giã-n ma li, màn kɔn ba re bìn diɛ ma ganaa wa.

Bɔ bɛ̀rɛbaa nɛ 11:8

Bɛa biikoo li kəni, a kiodɛnan kɛn lɛn tá re die ma ganaa, ǹ kaa tán ma yɔrɔ-a, ǹ pɛ: «Soo, n laanka zaman kɛ lɛ tumaa nɛ n kio. Ma á re soe fufuu.» Muizu foo bɛ́ yoo-n parsiini, á soo á n bɔ Faarahɔn li.

Bɔ bɛ̀rɛbaa nɛ 12:11

Bɛ̀ ka tá a siĩ lɛ soɛ̃, ka sɔ̃ fufuu, ka binbin goã yii-n ka maabɛlɛ nɛ, kɔsɔn nə́ ka gòã ganaa, bàlà n ka gɔn, ka n pɛ mà ka n woe zii-n sisia. Dɛnaa bɛ́ re kiɛ̃ a ka toa walan, bɛa zɔ́n nɛ.»

Bɔ bɛ̀rɛbaa nɛ 12:50

Izirayeli nɛnyaanan tumaa zɛnaa miɛ̃. Ǹ nə́ zɛnaa á kɔnpɛ ka Dɛnaa a boo kɛ nɛ, á pɛ Muizu laanka Aarɔn nɛ.

Bɔ bɛ̀rɛbaa nɛ 4:19

Zetro pɛ nɛ: «Wo ka là nyantoro ne!» Dɛnaa pɛ Muizu ni Madiã gána lɛ nɛ: «Wusoo n wo Ezipti gána nɛ, a giala, min mɛnɛn tumaa bɛ́ giɛ n li ǹ nə n nyin bɔ, bɛn nə́ gã.»

Matiə 10:22

Min din tumaa á die ka biɛ zɔ́ɔ masɛ tɔ taman yii. Sɛnɛ, bɛ̀ min mɛn si a ganaa yǎa a woo kaa a lɛ nyɔmiɛ̃ lɛ, Lawa á die bɛa dɛnaa kirisibiɛ.

Matiə 24:13

Sɛnɛ, bɛ̀ min mɛn si a ganaa yǎa a woo kaa a giala-nyɔmiɛ̃ lɛ, bɛa dɛnaa á die kirisibiɛ.

Marki 13:13

Ka tìĩ á re boe min tumaa nyin ni masɛ tɔ a lɛa. Sɛnɛ bɛ̀ min mɛn si a ganaa yǎa á woo kaa a giala-nyɔmiɛ lɛ, bɛa dɛnaa á die kirisibiɛ.

Marki 4:17

Sɛnɛ, ǹ ba toɛ a gòon bɔ ǹ nɛ wa, a ba goɛ̃ ǹ nɛ a belebɔ wa. Bɛ lɛ nɛ, bɛ̀ foo-ziziɛ̃ daa, hinlaa bɛ̀ minin man fuu nyɛɛ ǹ nɛ Lawa a boo lɛ taman yii, ǹ mìi n ziziɛ̃ gɔrɔ.

Nya ǹ dín 2:25

Sonbore, kii Davida goã á pɛ a wɔ gɔn la: «Ma yii na á goã Dɛnaa ganaa biikoo tumaa li ma yɔrɔ-a. A na á goã ma para li, màn mɛn bɛ́ toɛ, màn kɔ́n baran ma yiri lɔlɔkɔn wa.

Korɛnti1 13:7

Kɔn-narɛɛ n toɛ min nə ǹ miã a sã tumaa toa nɛ. A n toɛ min golee ǹ miã li ka sii tumaa nɛ. A din nə toɛ dɔn min foo-doa yɛ sii tumaa gɔ́ɔ̃ nɛ, a sii tumaa si a ganaa.

Korɛnti2 4:18

A giala, yii bɛ́ màn mɛn yii, ma bie n yiri koɛ bɛ ganaa wa. Yii bɛ́ a ba ǹ mɛn yii wa, ma yiri n bɛ ganaa. Yii bɛ́ màn mɛn yii, bɛa beleboe taãn ma. Sɛnɛ, yii bɛ́ a ba màn mɛn yii wa, bɛ n beleboe yǎa duduu.

Kolɔɔsi minin 1:15

Yii bɛ́ a ba Lawa yii wa, Krita lɛ sɛ na a kɔnboe lɛa yii n yii. A din nə màn zɛnaa tumaa a bibinaa lɛa.

Timote1 1:17

Lawa mɛn bɛ́ kii lɛa biikoo tumaa li, asɛ mɛn bɛ́ a giɛ̃ wa, min yii ná a yii wa, Lawa goon toto lɛa, gugurubaa laanka siĩnbaa na a wɔ lɛa biikoo tumaa li yǎa duduu. A n miɛ̃.

Timote1 6:16

A dinsɔɔ̃ na a giɛ̃ wa. A din lɛ n giã-n wɔlɔ fúlu li, min ná a boe la á n mɔrɛ wɔlɔ fúlu mɛn ganaa wa. A din lɛ nɛ, min kɔ́n yii tɔn yɛ wa, min dɔ yii a boe la á yii wa. Gugurubaa laanka pàã mɛn bɛ́ a tan yǎa duduu, bɛn man nə́ goã a din ni. A n miɛ̃.

Ebrəə 10:32

Ka n yiri gisĩ kaa giala-kɔ nɛ. Bɛa biikoon li, kaa Lawa a wɔlɔ fúlu yɛ lɛ kio, ka fuu gigiã yɛ, ka sii si ka ganaa.

Ebrəə 11:1

Wɔ foo bɛ́ doa-n mànan mɛnɛn ganaa ke, wɔa waa bɛn la lɛ n golee Lawa li lɛa. Yii bɛ́ a ba mànan mɛnɛn ganaa wa, golee Lawa li n bɛn nyɛɛ wɔ nɛ.

Ebrəə 11:13

Min sɔɔ kɛ tumaa na á gã golee Lawa li gɔ́ɔ̃ nɛ. Ǹ bɛa lɛ-kɔ ǹ siin lɛn zɛnaa yɛ ǹ yii-n wa. Sɛnɛ, maǹ nə́ ǹ yɛ ǹ nə́ fòo da ǹ nɛ sɔsɔɔ, ǹ nə́ pɛ mà ǹsɛn man gùlin laanka zii tɔ-wɔlen lɛa kanaa kɛ nɛ.

Ebrəə 6:15

Abrahamu bɛ́ á n foo kũ, á sii si a ganaa, á yɛ Lawa ná a lɛ-kɔ ǹ sii lɛ zɛnaa, a ná a lɛ pã.

Zaaki 5:11

Wɔ nə ǹ laakalɛɛ, a giala, ǹ nə́ sii si ǹ ganaa. Táa ka Zɔbu a sii simaa boo ma. Dɛnaa màn mɛn kɔ la bɛ kio, táa ka á bɛ dɔ doɛ̃. A giala, Dɛnaa a bǐɛ̃baa laanka a makara-doɛ̃ á gole.

Piɛrɛ1 1:8

A laan ka bini Krita yɛ ka yii-n wa, ka n narɛ; a laan ka yii ba a ganaa kanna dɔn dinin wa, ka n golee-n li. Bɛ lɛ tɔ ganaa, nyɛnyɛɛ tá ka lon, á n guguru, lɛ dɔ ná a pii doɛ̃ wa,