Ebrəə 11:26 - LAWA A BOO SONBORE

²⁶ Lawa bɛ́ re a din a min mɛn boe diɛ, Muizu ga a ganaa, mà asɛ tɔ ziziɛ̃ bɛa lɛa, mà bɛ á naforo gole lɛa á la Ezipti gána a naforon kɛn manɛ, a giala, a yii na á goã doa-n saraa kɛ la.

LAWA A BOO SONBORE 2011

²⁶ Lawa bɛ́ re a din a min mɛn boe diɛ, Muizu ga a ganaa, mà asɛ tɔ ziziɛ̃ bɛa lɛa, mà bɛ á naforo gole lɛa á la Ezipti gána a naforon kɛn manɛ, a giala, a yii na á goã doa-n saraa kɛ la.

Ebrəə 11:26 Iomraidhean Croise

Loen 37:16

Màn boɛɛn mɛn bɛ́ min sonbore gɔn, á soɛ min baraa a pàãmabaa ǹ màn gigiã nɛ.

Loen 69:20

N tá doɛ̃, mà maǹ sɔ kiɛ ma la, ǹ nə́ ma puusə koe, ǹ nə́ sìi diɛ ma ganaa. N din yii tá maa zɔ́ɔn lɛn tumaa ganaa, n yɔrɔ-a.

Loen 69:7

Dɛnaa Lawa Pàãyiidɛnaa, min mɛnɛn foo bɛ́ doa nɛ n ganaa, n baran toa ma sìi da ǹ màn baa bɛn ganaa wa. Ma baran puusə kɔ wɔ n gamali wolen ganaa wa. Izirayeli a Lawa! Man bɛ nyankoe n la.

Suusun 11:18

Min mɛnɛn bɛ́ sii baraa zɛnɛɛ, maǹ dí kooro nyɛɛ. Sàabaa ba la wa, bǐɛ̃-zɛnaalin man saraa sonbore yii.

Suusun 23:18

Ka bɛ nɛ, n biɛ̃ ǹ tá re bǐɛ̃ koe. Ń foo sii á re ziziɛ̃ wa.

Izayii 51:7

Kasɛn mɛnɛn bɛ́ peperebaa doɛ̃, ká n maa dí-pɛ tamɛɛ ka foo ne, ka n too kɔ ma lon. Ka nyan nyɛ́ɛ baa minbuiinin sɔ kɔ-n wa. Ka yiri nyan nə n lɔlɔkɔn ǹ yaa wɔ ma-a kɛ taman yii wa.

Matiə 10:41

Bɛ̀ min mɛn nə́ Lawa a boo gii-dali kũ doɛ̃, a Lawa a boo gii diɛ lɛ a lɛa, bɛa dɛnaa á die Lawa a boo gii-dali a saraa yii. Bɛ̀ min mɛn nə́ min pepere kũ doɛ̃ a min peperebaa lɛ a lɛa, bɛa dɛnaa á die min pepere a saraa yii.

Matiə 5:12

Ka n nyɛnyɛɛ, ka foo goã kɔɔ̃nɛ, a giala, saraa gole tá ka duĩ lon, Lawa a piɛ. Lawa a boo gii-dalin mɛnɛn nə da ka nyɛɛnɛ, minin man nə́ bɛn dɔn nɔmaa miɛ̃.

Matiə 6:1

Ka bɛ́ Lawa a zii tɔ wɔ ǹ siin mɛnɛn zɛnɛɛ minin yɔrɔ-a, ka tá n dinin nyɛɛ ǹ nɛ, ka n parabaa ka bɛ nɛ. Bɛ̀ ka á zɛnɛɛ miɛ̃, ka a re saraa yii a bɔ kaa Díi Lawa li lon wa.

Luku 14:14

A laan màn kɔ́n ba bɛn lon ǹ tá re n bǐɛ̃ lɛ dòo sarɛɛ-n wa, barka tá bɛ nɛ, a giala, Lawa din nə die n bǐɛ̃ lɛ dòo sarɛɛ min peperen yii kaa pinaa.»

Luku 14:33

Bɛa yɔrɔ kɛ lɛ la, min woo min tá ka bii, a ná a ba n yii boe a gɔn màn-a wa, bɛ ba boe la a masɛ a kialandɛnaa baa wa.

Nya ǹ dín 5:41

Dia dí-a wolen lɛn nə́ n bɔ kiri-wɔlen lɛn li ǹ nə́ woo. Ǹ foo goã kɔɔ̃n parsiini, a giala, Lawa ga ǹ ganaa, mà ǹ doamaa nɛ, ǹ fuu yɛ Yezu tɔ kɛ a lɛa.

Korɛnti2 12:10

Bɛ lɛ-n ma á n nyɛnyɛɛ maa pàãwɛɛnaabaa ǹ siin kɛn lɛa, ka sɔ kaa ma la nɛ, ka sii kakan ma yɛ nɛ, ka bɔ ma yii-n ni, ka taasiɛn nɛ, Krita a lɛa. A giala, bɛ̀ pàã wɛɛ̃ tá ma ganaa biikoo mɛn li, bɛ lɛ n maa kakabaa biikoo lɛa kəni.

Korɛnti2 6:10

Maǹ ma foo ziziɛ̃, sɛnɛ ma foo dɔ n kɔɔ̃n baraanɛ. Man doobaa lɛa ǹ yii li, sɛnɛ, man min gigiã dɔ biɛ pàãma lɛa. Man gɔn kooro-a lɛa ǹ yii li, sɛnɛ, màn tumaa dɔ n ma gɔn.

Efɛɛzi minin 1:18

A die a ka yiin bũ, a din bɛ́ ka bíi mìi mɛn ganaa, ka boo la ka bɛ yɛ. A bɛ́ bǐɛ̃ sonboren mɛnɛn dɔn koɛ ka nɛ, kun ka a zaman tumaa nɛ, a die a toa ka bɛn là dɔ̃.

Efɛɛzi minin 3:8

Masɛ n Lawa a zaman kɛ a min bɔnboɛɛnɛn tumaa a boɛɛndɛnaa lɛa. Bɛ tumaa kio, Lawa nə́ n tã la, á lɛ kɔ ma la, ka bɛa bǐɛ̃ kɛ nɛ. Mà ma Krita a màndɛnaa gole gole baa ǹ Boo Tii Kɔɔ̃n kɛ pɛ tɔrɔ kɔsɔn manɛ.

Filipi minin 3:7

Sɛnɛ, bɛa ga tɔ li ǹ siin kɛn lɛn, má goã giɛ ǹ ganaa là lɛa, man giɛ ǹ ganaa kanna papaã ǹ sii lɛa Yezu Krita a lɛa.

Ebrəə 10:33

Paǹ kɔ́n li, ǹ nə́ ka da yaa lɛa minin yɔrɔ-a, ka sɔ nɛ ka fuun ni. Paǹ kɔsɔ dɔ li, ká kaa dɔɔ̃nbaa nyaa nɔmaa-wɔlen kɛn lɛn manɛ.

Ebrəə 10:35

Haya, ka baran toa ka n gɔn bɔ kaa foo-doa kɛ ganaa wa, a saraa ǹ màn tá gole.

Ebrəə 11:6

A da yaa, bɛ̀ golee Lawa li bie wa, min kɔ́n ba boe la, a kɔɔ̃n kɔ Lawa ganaa wa. Sonbore, bɛ̀ min mɛn tá n mɔrɛ Lawa ganaa, bɛ doamaa nɛ a dɔ̃, mà Lawa lɛ tan, mà a n toɛ a gamali wolen nə yɛ.

Ebrəə 13:13

Ka daa wɔ dɔn nə soo, wɔ wo a li kiwi lɛ kio, wɔ dɔn na a din sìi kɛ lɛ si wɔ ganaa.

Ebrəə 2:2

Lawa a lon a dia dí-a wolen nə dí-pɛ mɛn kɔ wɔ digolon la, bɛ ná a dí nya. Sii baraa doamaa bɛ́-n ka dɔlɔ mɛn nɛ, bɛ̀ á daa yaa bɛ nə́ n bɔ bɔlɔ-tii tɔrɔ tumaa a lɛa,

Piɛrɛ1 1:11

Krita Yiri mɛn goã Lawa a boo gii-dalin lɛn li, bɛ na á saa lɛlɛ á nyaa ǹ nɛ, mà Krita lɛ á re fuu yii, mà bɛa fuun lɛn kio, mà á re wusii a gugurubaa yɛ. Lawa a boo gii-dalin lɛn man nə́ goã giɛ li ǹ dɔ̃, Krita Yiri bɛ́ á boon mɛnɛn nyaa ǹ nɛ, mà bɛn man die n zɛnɛɛ wàa biikoo laanka wàa siin li.

Piɛrɛ1 4:14

Bɛ̀ ǹ tá sɔ koe ka ganaa Krita tɔ kɛ a lɛa, Lawa á re barka diɛ ka ganaa, a giala, Lawa din Yiri kɛ lɛ guguru ke lɛn, bɛ n ka li.

Sii-nyaan 2:9

Ma á n fuun doɛ̃, ma á n doobaabaa dɔ doɛ̃, sɛnɛ, ka boo taãn nɛ, n tá pàãma lɛa! Min mɛnɛn bɛ́ n dinin biɛ Zuifun lɛa, ǹ nə́ ǹ ba a lɛa dɔn wa, bɛn bɛ́ boo baraa mɛn diɛ n wɔ paǹ li, ma á doɛ̃. Maǹ *Sɛtaan a lɛ-kaakun minin lɛa!

Sii-nyaan 3:18

Bɛ lɛ nɛ, ma á yiri koe n la: Bɛ̀ n tá zoɛ̃ mà n pàãma baa min sonborebaa gɔ́ɔ̃ nɛ, sana mɛn bɛ́ ǹ ná a *yoreen kɔ ka tɛ nɛ, da bɛ pii ma din lon n tɔn pàãma baa. Da mɔnaa fufun pii ma lon n wɔ n ganaa, n nə n tontoro a sìi kɛ duru ni. Dagòã pii n lɔ n yiin ganaa, ǹ tɔn wɔlɔ yɛ.

Uruti 2:12

N sii mɛn zɛnaa, Dɛnaa Lawa die n sarɛɛ nɛ. Dɛnaa Lawa lɛ, Izirayeli minin Lawa lɛa, n da kaa Lawa mɛn lɛ yele, bɛ die a n saraa lɛ piɛ̃ kɔ n la.»